嗨嗨

我邊度惡喎！ 我邊度惡喎！我都不知幾語重心長，心地善良呀！有人慘過自己當然唔代表自己唔慘啦！我只係想強調，係米真係咁慘呢？定係只是一時情緒低落呢？人人都會有情緒低落o既時候。但唔可以因此而一直情緒困擾唔開心。有得食、有得瞓、有屋住、有書讀、有親人、有朋友、有網友、識打電腦、身體健康、有工做......我唔肯定阿nick係米真係有齊或有多少上述我所講的東西，但係，佢究竟缺少些什麼，其實咁耐以來又得到些什麼呢？當然，人生的意義唔係只係算住自己有幾多，冇什麼，但我們都要明白知足常樂的道理。

早d瞓覺吧啦！ 哈！好似講兩句你就開心返晒咁！其實我諗你都係一時情緒低落啫！唔好自傷自憐喇！晚頭黑早d瞓覺，第二朝早d起身做o野/讀書吧啦！人生匆匆幾十年，好彩o既話你就有七、八十歲命，唔好彩o既話分分鐘聽日一出街會俾車車死都未定！到時你仲邊可以咁"傷感"叫話"人生有咩意義啊！"咁呀！我唔係咒你呀！我想話過你知，你可以"活"呀，你已經執到啦！你又識得電腦上網，中文打字，宜家仲可能高床遠枕暖笠笠，你唔諗下出面天寒地凍露宿街頭o既人！十鬆d度咋！你估好玩呀！人生冇意義？暖笠笠瞓一覺未幾好！都係個句，早d瞓覺吧啦！