形上學問題考你智慧人人玩得

少了一個 Step 根據我的編程技巧, 這裡少了一個 Step, 就是, 要 Delete 番原本那件物(或人)。

修正（謝謝小卜子提醒） 形上學問題考你智慧人人玩得 teleportor:一種設備將人瞬間teleport去遠處的設備 有無睇過/聽過《星空奇遇記》？ 當未來人類科技進步，也許將來真的能做到teleportor出來！ teleport指將一物(或人)先在起點處完全地掃描，記錄下所有的分子結構/分佈/狀態等總之乜都記下，然後立刻把該物(或人)分子分解，蒸發掉，並同一時間將有關資料電傳遠方(例如1000公里外)的目的地。目的地果部機器就依資料，再利用當地的物料，把該物(或人)完全地分子合成番！結果就可以把人或物快速地傳輸了！(因光行1000公里是1秒都唔駛的) 問題：即使將來這類科技研究完全成功，結果其實還是不能夠將人真正傳送至遠方的。為什麼？

請問 靈魂果部份去左邊？係咪自行飛去？

採菊，只答了少少 可能，世界是有靈魂、鬼神的。若世界是這情況，則採菊有效。〔二元論的世界〕 可能，這世上是沒有靈魂、鬼神這回事的；而人類的思想其實只是來源於腦部，即人腦就如一部超複雜的電腦，人腦就是我們的意識所在！〔一元論唯物的世界〕 採菊你的回答只對應了二元論的情況。 為免混淆，而事實上這條問題的重點不在「有沒有靈魂」一類無法証實的地方。 大家就假定這是個一元論唯物的世界吧！

BB "即使將來這類科技研究完全成功，結果其實還是不能夠將人真正傳送至遠方的。為什麼？" 你"不能夠"o既意思, 係唔係指傳送前同傳送後不可能是"相同"o既人? 如果係o既話,點先係"相同"o既人? 1.係擁有相同o既"分子結構/分佈/狀態" 2.要有同一個"我"o既意識? 在"一元論唯物的世界"裡, (1)應該係(2)o既必要同充分條件. 但係咁就會導致一個問題: 如果我"複製"而唔係"傳送"一個人,咁咪會有兩個"我"o既意識? 咁邊個先係"我"呢? 呢個結果似乎唔係好合理. 或者咁講,傳送緊o個時,總要將"我"分解然後組合,咁"我"咪會有"一分為幾",或者得番70%等等o既情形出現.一分為幾之後,邊份先係"我"呢? 或者70%o個份係我而30%o個份唔係呢? 呢d結果應該唔合理,因為我係"唯一"o既 唔知咁可唔可以算係答左呢? 或者好"形而上"咁講,將塊金鎔左之後再鑄番塊"一模一樣"o既(指分子結構/分佈/狀態都一樣o既金. 呢塊金已經唔係原本"o個塊金"啦....

no software installed Although the human hardware has restructured. However, the software part (memory, intelligence, knowledge in brain) need to be reinstalled.

ok...... Ronald啱啦.....你讀過形上學嫁？ 本來想純粹考考大家智慧，好想睇下邊個有智慧睇得出有問題添！ >_< 另外，一分為幾%呢個部分係形上學personal identity內一個有趣既問題，但同呢條teleport既問題無乜關係。

BB兄 我唔算讀過形上學, 不過你提出o既係以前其中一個困擾左我一段時間o既問題.而我諗呢個問題o既原因都係睇左"星空奇遇記".另外兩個問題就係: 1.其他人有冇"心靈" 2.我睇到o既顏色係唔係同其他人一樣 細個o個陣成日諗o既問題:"讀書有乜用"(我重o係我表弟面前論證過讀書冇用,諗番真係慚愧)好, 題外話完畢. 我覺得"心靈"o既問題其實都幾有趣,雖然已經俾d學究搞到好煩瑣,但人總有點好奇心,諗一下呢d問題都冇壞. 你提過一元論同二元論,我傾向相信心物二元論.假設如果腦部產生意識就好似電筒發光咁, 我地可唔可以話意識只不過係物理現象呢? 可以, 但係咁唔代表心靈唔存在. 如果你想知道支電筒有冇發光, 你要點做呢? 我會擺張白紙o係支電筒前面. 張白紙就係人o既心靈啦. 這張非物質o既白紙,就係"知道"一切意識存在的心靈.呢個講法一定有好多破綻, 不過或多或少描述左我所理解o既"心靈". 我好難相信一堆分子透過特定排列同埋運動,可以"感知"紅色,其且"知道"正在看著紅色. 呢個問題可能冇乜重要性,不過都係諗住純粹玩下. 呢排又打仗, 又肺炎, 哥哥又自殺死左(話晒都伴隨左我十幾廿年,佢咁就走左或多或少都覺得冇左d野咁), 搞到個人都有d唔安樂.個世界點解變成咁架?