李博士的優點－－

李博士「有錢」? 大學教授屬於中產者, 算不上有錢人!

Leetienmingphobia F1 - Help. Please~

會開嘉年華!

平時加上一些作品著作權,銷量等等,就十分可觀了

接近完美囉!

唔係"接近完美"，而係"完美"! 啱啱睇完李先生的兩本書，越黎越喜歡佢!

Leetienmingphobia 吳蘭露 你有伴啦!

不過幾喜歡佢都冇用丫，李先生都唔識我！小弟想係李先生面前表演下雜技。未去過中大真係唔知點搵。有冇網友可以帶路？本人將感激不盡！ P.S.女性網友亦無防，本人絕對係本人君子。

有時候用欣賞角度看也不錯的!!

本人加人leetienmingphobia行列 打冷震!

幸好他不算靚仔, 否則不得了, 哈哈~~ (希望這不算是中傷別人吧! :P)

leetienmingphobia有無中文名?

leetienmingphobia是甚麼?

To:明銖 見你個名有個明字，就話比你听啦。 leetienmingphobia 就即是 leetienming 恐懼症 就即是見到 leetienming 都恐懼咁解。 就即是見到 leetienming 都惊咁解。 就即是見到 leetienming 都會腳軟咁解。 不過我就覺得好奇怪，如果我見到d令到我恐懼geh 野，就一定有咁遠走咁遠，但係nei度d人就好勇敢，一邊話有leetienmingphobia，一邊又係呢個寫到明係“李天命”geh網頁道騰黎騰去。 你話係咪好奇怪呢？

見你個名有個明字，就唔怕話你知 Leetienmingphobia 正解詳見<小息時間(4)> 第 4版 <通識教育> 一文。

//Leetienmingphobia is fear of being surrounded by a group of Dr.Lee-addict.//

Nglanlophobia 一見有關吳蘭露，即刻想嘔吐。Help！

吳蘭露 我係度講笑兼玩下野ja,點解你好似好嬲咁geh?

no, take it easy it would be much better and exact with this wordings: Leetienmingmaniaphobia is fear of being surrounded by a group of Leetienmingmania. anyway mistake was made and simply let it be.

吳蘭露 Totally agree.

李迷 //Leetienmingmaniaphobia is fear of being surrounded by a group of Leetienmingmania. // 吳蘭露，我係李天命迷，咁又點呀？我鍾意呀。你夠鍾意話人phobia,mania啦,你有理由講咩？只係用D帶有貶義的mania(狂)、phobia(恐懼、恐佈)去話人，你就大哂啦，你話恐佈就係恐佈。 其實，每個人都有自己0既價值觀，正所謂咸魚青菜，各有所愛，你覺得恐佈，我就覺得可愛，你用低貶0既口氣批評人地0既價值觀，半點理由都冇提出，你以為自己0既價值就至高無上，唔駛尊重人地0既價值觀啦，咁係唔妥當架，希望你諗真0下啦。

菲菲王 我(們)只係話，自己好驚，又無阻止你去愛，去欣賞，去讚美，去嘴李天命，只係個人感受都有錯？

查完字典原來係咁解:^^ Leetienmingmaniaphobia is fear of being surrounded by a group of Leetienmingmaniac. I guess Mr Lee would also have Leetienmingmaniaphobia.^^

廢話 //我(們)只係話，自己好驚，又無阻止你去愛，去欣賞，去讚美，去嘴李天命，只係個人感受都有錯？// 2047，你重複吳蘭露的毛病，用"自己好驚"、"打冷震"之類的說話來低貶對方的喜好，菲菲Wang已指出問題所在。 至於你說你並無阻止別人去愛、去欣賞，這種講法純屬廢話，別人根本不是指責你出手阻止(你亦無法阻止)，而是指你們只顧自己的個人感受而不理別人的感受。 我相信這裡有不少李天命迷，他們讀李先生的作品而被他的幽默、睿智、或者他的浪漫、瀟洒吸引，因而迷上他，我認為絕對合理，不迷上他才令人驚奇。

你迷．我謎 又捉蟲喇我今次。 原文照錄： Arachibutyrophobia is fear of peanut butter sticking to the roof of your mouth. (Leetienmingphobia is fear of being surrounded by a group of Dr.Lee-addict.) > 我係李天命迷，咁又點呀？我鍾意呀。< 無乜點。最緊要你鐘意。 > 你夠鍾意話人phobia,mania啦,你有理由講咩？< 無，因為我只係講笑。不過都稍為有跟過譜。 > 你就大哂啦，你話恐佈就係恐佈。< 你意思係為咗唔好大哂，我覺得恐怖，都唔可以話恐怖？不過可以參閱對下一句“所謂…所愛”。 > 所謂咸魚青菜，各有所愛 < 係。 > 你以為自己0既價值就至高無上 < 從何得知？願聞其詳。不過可以參閱對上一句“所謂…所愛”。 關於 Leetienmingmaniac (或之前嘅 "Dr.Lee-addict") 呢個字只係我一時手痕作出嚟，解對李博士狂熱。好多人都會尊敬、佩服李博士，我諗唔算係 maniac。 令我覺得呢個留言區裏面有 Leetienmingmaniac，係因為李博士都已經出到聲唔好開口埋口揾佢嚟做主角，但佢被迫擔正嘅情形仍然發生。所以俾我感覺係狂熱。你話呢樣嘢唔係狂熱，OK，繼續。 只要你唔係 maniac，我都唔係話緊你。 關於 Leetienmingmaniaphobia 對一樣嘢恐懼，有時唔一定有堂而皇之嘅理由，反而會幾荒謬。睇返 Arachibutyrophobia。有時令病患者產生恐懼嘅事/物（花生醬黐喉），本身其實冇乜點。我話我係 Leetienmingmaniaphobia，可以係我反應過敏——雖然我真係有啲唔聚財。 而且我只係講笑。錯在原來係懶幽默，唔好笑。捉天下之大蟲。 其實我想講嘅只係：唔希望太多人太過將注意力放喺李博士「身上」。注意力放喺李博士所言所會之處，係咪比較嗒落有味啲？

吳蘭露 我好鍾意Arachibutyrophobia 呢個字，仲有乜嘢類型的phobia可以讓大家欣賞？

掩飾 //我只係講笑。錯在原來係懶幽默，唔好笑。捉天下之大蟲。// 被人批評就話自己只係講笑，只係拙劣0既下台方法。 // 其實我想講嘅只係：唔希望太多人太過將注意力放喺李掑h「身上」。注意力放喺李博士所言所會之處，係咪比較嗒落有味啲？// 你點解唔將你"其實"想講0既一早講出0黎呢？ 直至被人批評才說出另一番話呢？

我掩．你識 >…批評…講笑…拙劣…下台…< 我只係講出實情。假如你唔相信而實牙實齒證據確鑿肯定我只係死兜想落台，OK。 即使我真係出哂醜要揾位落台……菲菲wang 你大人有大量，你介唔介意唔好踩多我呢隻落水狗一腳？ >…點解唔…一早講…被人批評才說…< 因為我高估咗…我嘅…幽默感。我錯。

再錯 //因為我高估咗…我嘅…幽默感。我錯。// 指別人的價值觀為恐佈，這本身也是一種價值觀，所以千萬不要那麼理直氣壯，這才是問題所在。根本與幽默感無關，你又錯了。

唔低得要出聲 菲菲Wang与冰狸子 如果你們有看吳蘭露其他的留言，就知道吳蘭露并非如你們所想像那樣，你們對她的指責太不公平了。

>…別人…恐佈…本身…價值觀< 我冇否認我對 Leetienmingmaniac 有 phobia。所以我諗唔到點解我唔可以用理直氣壯嘅語氣。 假如你認為我理不直氣不壯，請話我知我理如何不直，氣如何不壯。 > 這才是問題所在 < 問題係點解我唔一早講，要人鬧先講。時間問題，手法問達，表達問題，花紙問題。同我要講嘅價值觀，唔見得有直接關係。呢個先係菲菲wang 問我嘅問題。 假如你認為我講嘅內容 (Leetienmingmaniaphobia 呢個價值觀) 有問題（問題所在），請話我知呢個價值觀有乜問題。 >根本與幽默感無關< 我以為我自己好幽默，所以兜咁大個圈，所以菲菲wang 問我點解唔一早……要等……。要答菲菲wang 嘅（質疑我手法）問題，唔明點解同價值觀（內容）有關係。 >你又錯了。< 錯得最離譜係今次。

你唔抵得？ 佢話人恐佈就得？你話點先公平？講多少理由黎聽下，唔好只得個結論，攪到好似有人好委屈。

今次真係兜 浪費咁多地方，又唔見得我講嘅嘢對大家有得着。唔好意思。 我滿口Leetienmingmaniac 同 Leetienmingmaniaphobia，其實都唔係咁好。不過大家都知道呢兩個字同李博士係冇直接關係，只係週邊產品。絕無貶低李博士之意。 真係要貶，都只係貶 maniac，同 phobic。

//：攪到好似有人好委屈：// 放心，以吳蘭露geh性格，冇人咁叻可以攪到佢"好似好委屈".

就事論事 //我冇否認我對 Leetienmingmaniac 有 phobia。所以我諗唔到點解我唔可以用理直氣壯嘅語氣。// 你當然並無否認，你的毛病正是將自己的價值觀視為合理，其實你的價值觀並不比別人的價值觀合理，兩者只是平起平坐，不過你就以為自己才合理，於是就用理直氣壯的語氣低貶別人的價值觀。 但問題是你的"理"在哪裏呢？

講下理由好喎！ 明月 唔好兜去講吳蘭露會唔會覺得委屈，你唔抵得就幫佢講一、兩點道理，唔好一到要講理由就支開去第二度。

給批評吳蘭露者 可考慮看看她以前的留言，看個幾十篇，大概就能對她有點了解了。(可以不理我說甚麼的) (路過完畢)

菲菲Wang 冷靜d好唔好？ 呢個唔係兜唔兜,幫唔幫既問題。 第一，“恐佈”呢兩個字係你講geh,吳蘭露用geh係phobia(恐懼),對某些東西覺得恐懼同覺得某些人“恐佈”有好大分別。 第二，如果吳蘭露is fear of being surrounded by a group of Leetienmingmania，咁又有咩唔0岩? 同你講geh“我係李天命迷，咁又點呀？我鍾意呀。”有咩同？你都識講la：“每個人都有自己0既價值觀，正所謂咸魚青菜，各有所愛，你覺得恐佈，我就覺得可愛” 係咪?

吳蘭露救命，我喇屎上身！

邊個唔冷靜？ 第一，如果有人講："你話李天命有咁多優點，我好驚呀，我好恐懼呀，你地成班人鍾意D野令我打冷震。"其中並無"恐佈"一字，不過效果與"恐佈"一字並無大異。 第二，本來各有所好，並無問題，但就好似冰狸子講："毛病是將自己的價值觀視為合理，其實你的價值觀並不比別人的價值觀合理，兩者只是平起平坐，不過你就以為自己才合理，於是就用理直氣壯的語氣低貶別人的價值觀。 但問題是你的"理"在哪裏呢？ "

三點觀察加兩點感想 ##三點觀察 (1) 所謂「不招人妒是庸才」, 可以肯定有不了「妒李」、「憎李」之人存在, 但更可以肯定的是, 「李迷」絕對多於「李憎」, 絕對佔了壓倒性的優勢-----否則李不會如此長期持續大受歡迎和得到愛戴。 [如果書店中擺放著<<吳蘭露的思考藝術>><<小花生的思考藝術>><<2047的思考藝術>>等, 會不會長期大受歡迎呢?----- 但先決的問題是, 有沒有書店肯要貨呢? 更先決的問題是, 有沒有出版社肯出版呢? ] (2) 如此受歡迎的人, 有大量fans, 是很正常的事。雖然Dr.Lee已一再呼籲網友不要以他為討論區的焦點, 但「李迷」們要談談李的優點, 也是很正常的事。F4談Dr.Lee的優點, 一項項列出, 這是理性的進路, 你不同意可以提出反駁批評-----Dr.Lee和網編一直採取最寬容最客氣的態度, 稍有良知的人都有目共睹（連其他「x 迷」沒有地盤要到這個標明以李的名字為號召的網頁來宣傳x, 也一樣沒受于預, 這也是大家有目共睹的）-----但吳君、小花生和2047等人並沒有提得出任何反駁的理據, 只是利用「…恐懼症」、「（令人）打冷震」等主觀的情緒性貶義詞去侮辱開題者F4及回應者小丁、月朋豬、雀屏中選、菲菲Wang等網友, 令人嘆為觀止。這種低劣的下三濫手法, 如果要用的話, 誰不會用呢？別人一樣可以罵你令人「作嘔」、「打冷震」, 甚至罵得有理由得多（理由就是：「唔抵得」的心理加下三濫手法會令人「合理作嘔」）, 只是那些「李迷」們有風度不加理睬罷了。 (3) 如果說, 你根本不喜歡談論Dr.Lee, 那你就不加入談論好了, 並沒有人強迫你。現在你只會用「打冷震」之類的字眼去侮辱其他回應者, 那就是下三濫的搗亂、搞局。其實別人若要用Dr.Lee傳授的「子矛子盾法」去搞你們的局, 是易如反掌的-----每當你們開題和回應的時候, 就加進去聲稱自己是「X-phobia」, 同時大罵你們「言不及義」、「八卦無聊」、「令人作嘔」, 甚至一見到你們留言就隨即貼上「嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔嘔…………………」, 要這樣做還有什麼難處嗎? 只不過是別人有風度不如此以牙還牙而已。 （你們不是也開了一題<<網友們的優點>>嗎? 「最銷魂」、「最亮麗」、「最飄逸」、「最迷人」等褒詞不是都搬了出來嗎? 別人並沒有用「打冷震」等貶詞來侮辱你們呀。） ##兩點感想： (一) 不久前Nobody君的//Let’s Work Together To…//和寸心君的<<這裡是公眾空間>>提出了呼籲, 結果引起了辯論。雖然本人並不完全贊同他們的觀點（因為本人認為討論區活潑生鬼一些才更有趣-----在這方面本人可說是「明月吳蘭露十三點康慈小花生…fan」）, 但無可否認他們兩位的觀點基本上是站得住腳的, 反方則犯了<<李天命的思考藝術>>所稱的「概念扭曲」的語害, 歪曲了「言論自由」這個概念----Sigma君的「<<李天命的思考藝術>>(終定本.P.132)牛刀小用」一文, 將整個問題的關鍵一語道破。在這條討論線中, 站在反方立場的吳蘭露說： //環境以百花齊放為好。 百花能去蕪存菁更好。 大家都嚴以律己、寬以待人最好。// 本人完全贊同這個說法。這個說法雖然碰不到「那」個辯論的正方, 但卻正好用來檢視目前「這」個辯論中的吳蘭露等人是否自打咀巴、是否橫蠻（以主觀好惡代替客觀理據）霸道（有己無人）。 (二) 如果Dr.Lee說「1+1=8」我們也跟著說「1+1=8」, 那當然是要不得的盲目崇拜。但這個網區並沒有這種現象發生呀。 S.C. 說：//其實李博士是知名思想家﹐他和我們談﹐我們覺得高興﹐是正常的。任何版友如果能寫得出＜＜李天命的思考藝術＞＞這水平的書﹐他和我談﹐我一定同樣高興。//（<<溫柔就是殘酷>>） 事實上許多網友的留言都透露了對Dr.Lee的欣賞, S.C. 、Benson、80年代李學徒等等的言論就往往表明運用了Dr.Lee所提出的一些思想概念。 這是完全不會「自我降格」的, 實情大可以是「英雄所見略同」（如張海澎說的「Hero knows hero」）, 而Dr.Lee的回應亦常常流露出對他們的敬重。 目前在隔鄰的討論線<<大家認為李天命最精警的格言是哪一句呢？>>之中, 明月說： //其實,只要打開李博士的著作，精警的格言比比皆是，很難說那一句是“最精警的”。// 開題者gp超人則說： //我就最喜歡這句： 智者攝取別人的智慧；善於攝取別人的智慧，就已經是大智慧。// 本人對此深有同感。Dr.Lee在解釋「渾厚」時講過： 「酸恨妒刻絕不能達到高檔高格調的幽默境界, 酸刻只是性情弱薄之象。酸者弱, 沒出息。刻者薄, 難長進。性情渾厚才有福德, 會欣賞別人, 自然較能攝取別人的智慧, 這正是有大成就者的一種氣質、本領。」

又捉蟲 我相信來得這個網的人，都是很留意李博士，很尊敬，很欣賞他的人，只是表達態度不同． 所謂phobia，應叫做「恐懼症」，係講緊自己的心理病，唔係講其他人「恐怖」，有些網友誤解了這意思． 我「打冷震」不是因為F4的留言和這個題，而是那句說李博士不只接近完美，而是「完美」那句．（有時懶，不會每句解釋清楚，又以為學下吳蘭露的幽默．．．） 我心目中的leetienmingmania，只是那位（或那些）會說出李天命「完美」的人．我贊同李博士著作的論點沒有漏洞，但整個人是否「完美」是另一回事．（我對「完美」一詞要求很高）

明月隻鬼 大結局 好lah 吳蘭露已經推左出午門斬首 明月去埋陪葬 思方迷你作死，咁早起身重打埋咁大堆字。

等埋 我講完遺言，係時候投江自盡

(仲未斷氣) 那些稱頌李天命「完美」的人，類同於那些叫上帝「全能全知全善」的信徒，自毀長城，嚇怕慕道者，為酸恨怨毒之輩作話抦－－ (終於斷氣)

死唔斷气 好，2047，我等埋你！ 如果你係男geh, 我地一齊化蝶！

但係 f4讚李生時都冇比d咩理性解釋喎 一開波就擺明玩主觀 咁 好似上茶樓, 你叫燒買, 我叫蝦餃, 係正常 (喻無喱頭吹水) 依家做咩要我地食薯條漢堡包 (喻理性思辨)

小花生, 咁仲死撐? 關於F4開列既十點：係咪有型, 係咪聰明, 係咪有錢, 係咪有名, 係咪有博士學位… 大家可以相當客觀或十分客觀咁去討論係唔係事實. 咁仲叫做 // 一開波就擺明玩主觀 //? 做人咁黑白顛倒係唔好既, 唔好侮辱大家既智慧啦, 唔該. 而你地就唔同咯, 話自己係 // 乜乜phobia //, 話自己 // 打冷震 //, 人地點去客觀討論係咪事實呀? 你話o勒. 仲緊要既就係, 人地講既十點, 無論成唔成立, 都係同「李博士有乜優點 ?」呢個論題相干既. 而你地就話自己係「乜乜phobia」, 話自己「打冷震」, 有乜相干呀 ? to 2047同明月： 你地咁洒脫, 咁漂亮, 咁放得下, 我估釋迦在生都會話你地係唔乜駛學佛既, 事關學佛既野, 最緊要就係學「唔執著」. 「我執」太重既學佛人, 講乜都假既.

“唔乜駛” 應是 “唔駛”

李天命的缺點 世上無完人 過度吹捧和崇拜，便失卻真誠地認識一個人的能力，乃批判思考不足之表現

我離題 丙我離題既人就唔離題 我既佛修成點我直接report to我既上師 佢要點丙我都冇所謂 第二d閒人, 連佛學abc都唔識既人丙我佛學上既野, 好煩, 同會諗, 你以為你係邊個 我既我執重唔重, 關呢度既討論咩事 有理就講清楚, 冇理就早抖呀唔該

錯

李天命的缺點是沒有的, 他是尼采所說的超人

修正 //我離題 丙我離題既人就唔離題// 冇野改 //我既佛修成點我直接report to我既上師 佢要點丙我都冇所謂 第二d閒人, 連佛學abc都唔識既人丙我佛學上既野, 好煩, 同會諗, 你以為你係邊個// 解釋: 受左太多類似既abuse之後既唔理性反應, 道歉兼收番 //我既我執重唔重, 關呢度既討論咩事// 改正: 我執重唔重, 關呢度既討論咩事 //有理就講清楚, 冇理就早抖呀唔該// 冇野改

小花生, 自我剝殼 真相大白

英雄所見略同﹖ 英雄所見略同﹐就真真不敢當了。很多哲學概念､人生態度﹐我都是從李博士的作品初次接觸到的。 說起來﹐有些人讀<思考藝術>只學詞鋒﹐詞鋒雖也值得學﹐但<思考藝術>的價值不止於此。法言那篇訪問稿﹐我自己常常重讀﹐對我做人處世﹐從中得益不淺。 思方迷引拙文﹐有點汗顏﹐稍補充一下﹕如果問我是否尊敬李博士﹐我是尊敬的﹐但｀反存在主義＇一點說﹐我尊敬他不是因為他｀是李天命＇﹐而是認為他說的話､做的事﹐值得尊敬。 正如我在另一thread說﹐重要的是論證而非結論(詳見該thread)﹐評價人物亦然。你尊敬或不尊敬一個人也可以。但重要的是尊敬或不尊敬的原因﹐是否合情合理。 謝謝。

善信 唔明你既意思 mug野真相大白? 因為我話我比人騷擾覺得好煩? 係呀, 不過講明先, 我咁講唔係針對任何網友, 煩死我既係一d朋友.

//我「打冷震」不是因為F4的留言和這個題，而是那句說李博士不只接近完美，而是「完美」那句．// 基本上只要係唔乞我憎嘅嘢(或尙未乞我憎既野)，食既、飲既、玩既、睇既，都係完美！包括我自己。 //我心目中的leetienmingmania，只是那位（或那些）會說出李天命「完美」的人．// leetienmingmania的人辦，我當之無愧！呢度係公共場所，把口又係我度，即使我每日在此大嗌三聲「李天命勁，李天命醒，李天命冇得頂」，李生都奈我唔何。我呢d叫做真情流露，你凍死係你既事！

//重要的是論證而非結論(詳見該thread)﹐評價人物亦然。你尊敬或不尊敬一個人也可以。但重要的是尊敬或不尊敬的原因﹐是否合情合理。// 讀死書，死讀書！ 要說出尊敬或不尊敬的原因又有何難？即使你列出100個李天命的優點作為你尊敬佢嘅理由，但假若你又不是真心尊敬佢，你那堆所謂的合情合理的理由又有意義呢?

合唔合理呢？有時唔多識諗播，我！ 唔係合情理既原因，我諗我唔會無啦啦尊敬一個人。 就算其他人話係唔合情理既原因，我諗我都有機會「無啦啦」愛上一個人。 唔 ~ ，我諗最合情合理既就係要自愛自重勒！

^^ 回到起點: What is Leetienmingmaniac?

2047話：//我心目中的leetienmingmania，只是那位（或那些）會說出李天命「完美」的人//

思想怯儒 siusiuming//過度吹捧和崇拜，便失卻真誠地認識一個人的能力，乃批判思考不足之表現 // 凡事過度就有問題啦，邊個叫你吹捧呢？你係覺得一個人夠叻至會崇拜、擁護、讚賞，但無人叫你盲目崇拜、盲目擁護、盲目讚賞。值得讚賞而怕判斷錯誤，咁只係思想怯儒，乃自信不足之表現。

過度有問題 請問過度相信「凡事過度就有問題」有沒有問題? 有的話,如何辦?

我聽過"過度活躍"、"過度揮霍"，不過就未聽過"過度相信"。點先算係"過度相信"呢？你講黎聽下？

點先算 點先算 "凡事過度就有問題" 你講黎聽下？

大家認為我說哪一點有何不對? 李博士的優點－－ 1.有型 2.聰明 3.充滿男人味 4.帶點邪氣 5.嚴謹 6.有名譽 7.有博士學位 8.有錢 9.有智慧 10.夠浪漫

>(1) …才…妒李…憎李…<（題外話，咁啱係道理同真理嘅諧音，邪。） 李博士受歡迎，冇異議。 >(2) …但吳君…利用「…恐懼症」…去侮辱…下三濫…< 我原意只係想取笑一下呢種 fans 氣氛，所以我選擇咗 xxxmaniacphobia 呢個字眼，因為我之前曾經喺度落過 Arachibutyrophobia 呢個字。我以為只要知道 Arachibutyrophobia 呢個字好笑——或啼笑皆非——之處，前後呼應之下會出到個效果，點知原來對某啲人嚟講係侮辱（你用到侮辱呢個字），呢樣係我預料唔到。正係我話懶幽默，點知捉蟲咁解。 >(3)…子矛子盾法…嘔嘔嘔…< 目前為止通常係我令人作嘔比較多。應該有數得計。 >…網友們的優點嗎…< 得啖笑。但我唔對「網優」做出任何反應係因為咁耐以嚟一次半次，唔入肉。但係「將注意力放喺李博士身上」呢樣嘢就唔係一次半次——而且係經過呼籲之後，仍然出現。 >…Let’s Work Together To…反方的吳蘭露…< 假如你得閒，請再留意吓我喺嗰度講乜。我並冇企喺任何一方。不過只係小事一樁。 >…以主觀好惡代替客觀理據…< 就 F4 所講嘅嘢，我冇用客觀理據（雖然我唔知有型浪漫完美夾「有錢」可以用啲咩客觀嘅據去理）去否定佢嘅讚賞內容，因為我對「李博士個人」嘅認識唔會多過對「梁司長個人」嘅認識，根本係冇資格去質疑或否定。 我只係「對呢種 fans 氣氛反感」<-- 你口中，我嘅「主觀好惡」。而我並唔係用主觀好惡去否定 F4 嘅說話。 >…跟著說「1+1=8」…要不得的盲目崇拜…沒有…呀< 慶幸冇。而我同其他人發生拗撬嘅地方係： * 欣賞李博士所言所會 --> 莫講話其他人，我都會；但係 * 再一次以「李博士個人」擔正 --> 在我而言，有啲狂熱味道——而在他人而言，正常。 除咗上面少少補充之外，你講嘅其他嘢我大部份都同意。有拗撬係當我認為係狂熱嘅時候，對方認為唔係，而同時我用咗啲我以為幽默但原來 offensive 嘅字眼。 補漏：唔鐘意可以唔講。呢句係咪 imply 咗：其實都可以講？ 我諗我已經技窮，冇辦法冇氣力冇能耐去辯証究竟係咪真係 mania。不過可以肯定嘅係，我仍然對呢種「未被證實係咪 mania 嘅 fans 氣氛」，有 phobia。

一堆廢話

//：一堆廢話：// 《===唔夠呢一句廢話廢!

@@@@@ 秀才撞到阿兵哥 想走，又仲有氣 唔走，佢又有刀

東壁 有氣，都係留翻黎走好，否則你冇氣時佢有刀，點死？

仲有似楊過

似岳不群多d

楊過 我覺得李博士似楊過，因為佢聰明絕頂，武功(思想)高強，重視情義，又瀟洒又有型。

"譚校長: 似岳不群多d " 願聞其詳