男女平等與紳士風度

隨機應變.. 睇下個女性係你邊個,重唔重要

大教壞細 我有時反而覺得女性對男性好唔公平，郁0的就話男性歧視佢地(雖然我唔否認真係有咁既情況存在)。到一視同仁啦！當佢地係男性看待喇，佢地又會話你「蝦女仔」、「冇憐香惜玉之心」......搞到男士們無所適從。特別係有左個咩「平機會」就仲衰，郁0的都話「震驚」，連分班派位咁平常既事都可以扯到去「男女平等」、「歧視女性」既範籌，認真大教壞細！[

純綷補充資料： 平機會說的不是只「歧視女生」。他們說一些地區「女生被歧視」，一些地區「男生被歧視」。

打錯了，是「不只是」才對，不是「不是只」。

一律平等 呢種情況我都遇得多喇，我通常都係一視同仁，男女平等，對於果D有著數就lady first，有野做就要gentalman風度既人，我就一定歧視佢，唔讓佢，就算佢去平機會鬧我都係咁話。呢種女仔本身就值得歧視，一日有呢D女仔係度，一日就會有我呢D人歧視女性

明白 仔仔的言論雖然好像偏激了點，但一木非常理解！蓋因一木也是經常性受害者！只是一木素來對女性忍讓，所以都是......「暗啞底」承受算了。

哈哈 家庭呢d野睇下果兩公婆點分配既o者 有d個老公銻個老婆仲做唒d家務tim 你上司梗係怕一個人會做唒d家務先咁講喇,唔...扮男女平等呀佢 不過分工呢單野呢 你上司搵你笨呀唉哎 女仔成日出呢招o架 (我好多fd都係咁o架) 呢個時候最好唔出聲同唔鬼同佢掉換喇 不過如果佢死都要你同佢掉就無計喇 鬼叫佢係你上司咩,姑且頂左佢啦 咪同自己講自己鬼咁有風度囉

我覺得女士們有時都應該對男士公平一點囉！本來男士讓女士沒有什麼問題，但問題是不少女性都覺得「老馮」嘛！那是最令人討厭的。

哈哈哈 唉哎,咁有時真係好大件野好有行益衝突既 咩男仔女仔都唔會顧咩男女平等o架啦 仲有呀唔係個個女仔都係咁"老馮"既 知邊個俾人搵笨咪避囉 鬼叫你係男仔咩 講開又講 一木你要公平d,咁如果有個女仔送花俾你又送你番屋企又明知你老點佢都肯聽你點你會唔會高興d?

咁要睇下佢靚唔靚囉。

唔係咁講啦 唔好玩啦 送花俾你喎 仲凍就"mok:件粉紅危外套過你"嬲"下喎 跟住仲用個靚樣對你咕咕奸笑喎 無野呀你?

都係要睇下對佢有冇好感囉。 如果冇，佢咁做只會令我好驚。

咁呀 我既意思係 而家好多人口口聲聲都話要男女平等 但有好多野根本係平等唔到 男女體型同o係某d方面既能力已經好唔同 有d野如果係男仔做開但變左女仔做既會好怪or好唔適合 倒番轉唻講都好怪 好似打仗時所有女仔去哂打但男仔留守係屋企照顧bb咁 會有d令人難以接受 so要所有人都接受到完全男女平等有d難

合理即可 不過，在「所有情況下都保持風度」和「秉有情況下都男女平等」選其一的話，我會選前者。

男女平等是一個理想 回應雙兒： 其實我覺得男女平等是一個理想，我不敢說無法實現，但理想總是比較難實現的，否則也不會有理想與現實的比較了。但難實現不等如我們不去追求，如果認為是正確的就應該去追求(追女仔也是同樣道理)。所以雖然很多女士口口聲聲都是男女平等而實際上做不到，我也不會因此而否定她們追求的這個理想(先不管她們的動機為何)。因為有時道理是否正確和說這個道理的人做得是否正確是兩回事。即使說道理的人口不對心、表裡不一，講一套做一套，如果道理是正確的話，不會突然變成不正確的。(正如一個經常打老婆仔女的男人教訓別人不可以隨便打人，雖然缺乏「說服力」,但卻無損「不應該隨便打人」這個道理的正確)。所以持平一點地說，雖然有很多女士的心態都一時一樣，但總的來說我也不會否定男女平等這個理想的。我只會針對個別女士「私人的」男女平等而己。

多謝回應先 一木 我都覺男女平等係好文明 我都無話去去追求唔o岩 我只係講d追求既困難同而家情況係點 唔好一唻就好似為人地否定你咁跟住曉以大義 你唸下, 女仔有得讀書係好事係咪? 好喇,咁女仔讀左書識野都係好事係咪? 咁識野就可以思想同經濟獨立都係好事係咪? 但點解而家d女性又要搵$又要生仔又要照顧屋企做家務? 而男性只係需要搵$? 嫁唔出果d仲衰俾人話老姑婆,但男性唔結婚無野個喎。 問題就而家係平d又唔平d, 咁同唔平等有咩分別? 有好多大道理係明格,係知要追求格 只係有好人為咁犧牲左無人知吒 就算唔講呢d犧牲值唔值 講下而家咩景況都得o卦 唔使一唻就用大道理壓落唻下話?

好累 我成日0係度諗，上黎呢個網既人係咪真係諗得太多？下下覺得人地針對緊佢。定係我詞不達意令人誤解？其實我只係想講下自己既想法，就好似同朋友傾偈討論咁，而今次傾偈既對象就係雙兒，所以我談話既內容根本唔係針對雙兒先頭講既野，只係因為睇到雙兒講既野，忽然諗起0的野，於是就講出黎討論下。如果雙兒認為我拎條大道理出黎大佢，咁就真係冇野好講(況且我從冇講過話自己0的係咪大道理)。 有時真係覺得好累，上黎只係想吹吹水，同人分享下自己既一0的感受，但就個個紮晒馬咁。如果我講既野令人不快，我向大家道歉──因為我詞不達意，令人誤解而道歉，咁得未？ 以後免得過都唔會再答嗲，都係談下風月，寫下詩算數。

哈哈哈哈 其實打咁多字真係有d"支力" 一木,唔好唔開心,嘻嘻。唔好意思啦,我都只係想吹下水,你無詞不達意or得罪我唔使話唔答嗲咁嚴重喎。 其實你果d"有時道理是否正確和說這個道理的人做得是否正確是兩回事"之類既說話好似好嚴重好辯論feel呀,我咪會誤會左囉,同埋網上係咁o架啦。 我無心搞到你上網吹下水都咁鬼掃興既,sorry啦好無?其實係我多口要收聲先o岩。

胡思亂想的一木 可能我老餅，講野慣左說教卦。 同埋我平時成日胡思亂想，諗埋好多道理(歪理？)，所以有時不知不覺會表露左出黎。 又或者我同你有代溝呢！諗落我分分鐘大你成十年，十年喎！十年前龍虎門仲係賣緊十一蚊咋！

一木,有無呀 你幾大呀? 3年一個gap 10年好似好勁咁喎 我好細個都睇過龍虎門 果時好似係賣10蚊

你估下 唏！我講十年前呀！ 我細個0個陣，龍虎門賣2.5架咋！ 你又估唔估到我幾歲丫？

嘩,我數口唔係幾好個喎 唔...27!

接近 接近喇。 不過仲爭0的

開估未呀 咁即係要多少少啦 29

bingo

抱歉 死，搞到呢個場好似icq咁。 眾編輯and李老師，對不起

哈哈哈哈 超級離題呀我地,唔好意思! 唔玩喇,嘿! 大家對虛無有咩睇法? 我覺得李先生講得好o岩 有時人就係患得患失令自己個人好頹又怕失去d野,令自己有太多無力感, 無力做野鬼咁灰。但,中國既佛家係咪有d傾向種產無思想?

平等， 吾等必須緊記：男女平等，必先要實行兩大主旨： (1) 女士說的大事，男士務必暗中奮力以助。 (2) 男士當為女士身體力行她認為的小事。 尚能貫徹，天下大同之日近矣。