心沉

雲起： 我之前都有強調「有人死就一定係錯」，我冇話過中央政府岩喎。 至於班學生有冇錯，我今晚再講。而家返緊工，唔方便。

同意Benson Benson： // However, as I said before, even so, it does not grant you the right to kill them.// 我絕對同意，殺人一定係錯既。 其實我只係想大家諗諗班學生所做既係咪真係一0的問題都冇，係咪一0的責任都唔使負。而唔係一講起呢班學生就覺得佢地好偉大、好英雄、好慘。過份美化左佢地既形像，忽略左佢地行動背後既愚蠢同妄顧後果。

回覆雙兒 雙兒： 哎吔！好鬼同意你既講法呀！你完全講出我心底既諗法呀！ 好似我咁，我擺到明話唔同情班學生，就即刻俾人話無良、白癡。點解要限死人地諗乜？你有自由同情，點解我冇自由唔同情？我唔同情班學生，又唔代表我唔同情其他人，點解唔同情班學生就係無良？ 都唔接納異己既意見既！自己覺得係咁，就要人地都覺得係咁。係咪因為多人咁認為，所以就係正確？咁大部份人心目中既民主，咪即係人多蝦人少？大部份人都贊同既野，小眾唔准反對，否則就俾人排斥、逼害。結果到頭來只係抹殺左小眾既聲音，呢0的就叫民主咩？

//我從來無話認同中國政權既統治手法 o番。 // 我都冇話你贊同中國政府，只係覺得你都肯由另一個角度去睇事情，好過一0的人咩都唔諗就去支持班學生。 其實你講關於美國佬既野，好多都同我既諗法一致。

我想李柱銘做特首 講真，其實我當年反而希望班學生真係推翻共產黨，等我放長雙眼睇下佢地搞到0的咩出樣；或者睇下到時中國係咪真係會四分五裂(好似蘇聯咁)，然後美國佬惡晒；最好吞併埋中國某0的地方，大不了咪做殖民地囉！又唔係未試過(香港)。而家死無對證，大家只會不斷美好班學生既行為幾咁偉大，中共幾咁殘忍。 正如我真係希望李柱銘做特首，睇下佢係咪真係會做得好過董建華。如果佢真係做得好既，咁咪大家有福囉！如果佢都係咁衰既，咪即係證明呢班政客都係得把口囉！好過而家佢得閒無事去外國講下香港點衰點衰黎嚇走0的投資者丫！ 以上句句真心，絕對唔係諷刺或講反話。心沉一向有0個句講0個句。

Faustus： sorry，0個段話(指中國政府可以同學生好好商討)應該係Faustus講而唔係Allen。 Allen所講雖然我唔係全部贊同，但至少佢都覺得應該質疑下班學生，唔似得一般人咁完全覺得班學生一0的錯都冇。

逼虎跳牆 雙兒、Allen 好感謝雙兒明白我既意思。其實我唔係話中國政府做得0岩，其實有人死就一定唔0岩。不過我一見到好多人提起六四就好濫情咁一面倒支持班學生，就覺得好厭惡。其實班學生係咪真係「一0的錯都冇」呢？係咪真係「一0的責任都唔使負」呢？我覺得大家應該思考下，唔好俾0的太扇情既報導、言論影響對事件既睇法。尤其係政治呢0的野根本唔係想像中咁簡單。 對於呢班學生，我由始至終對佢地既感覺都係愚蠢多於同情。我反而同情佢地屋企人，因為佢地真係無辜地失去左個親人。就算大家覺得我講野唔岩聽，我都係咁諗，我唔想因為怕俾身邊既「大眾」排斥，而違背自己既想法。 當然，誠如Allen所講，中國政府其實應該可...閱讀更多

重視你咋 小花生： 唔係唔敢回應，係因為返緊工，只夠時間回應一段。 大佬我回應你0個陣老細0係後面行黎行去架！你話我幾咁重視你呢！

sorry sorry,一木兄，一時手快copy錯左你個名，唔好意思！

唔同情班學生就等如冇良心？就等如擦大陸鞋？大家諗野幾時變得咁兩極化？我當年都冇遊行喎！係咪又要俾人掟石仔呢？ 又話言論自由？唔俾人有第種諗法，一見到人地諗法同自己心目中既所謂「正確」有出入就排斥、厭惡，咁叫理性咩？ 我都唔同情班學生喎！一見到柴玲、吾爾開希班友0係美國養到肥屍大隻就想作嘔！

大家估下呢個題目會唔會係0個個x摩開既丫拿？ 夠膽咪用返原名囉！

好好玩 //從今以後我不會再來了．// 大家信唔信佢以後都唔黎丫拿？ 大家覺得佢忍唔忍到口唔出聲丫拿？ 其實佢都幾好玩架！你講一兩句，佢分分鐘回應成幾萬字架！ 大家得得閒試下丫不如！

耶穌： 地獄都唔收啦！ 你估地獄咁易落架？地獄淨係收人架咋！

GOD： 上到天堂先算啦佢！

三分二提 哈哈哈！好一個半提。 不過你似係三分二提多0的喎！

城市 唔係有城市先咩？ 「城市0係邊度？」

賞左面喇我！

冇所謂 送咩書都冇所謂，最緊要唔好送梁望鋒就得喇！ (村上0的書大家多數都係提《挪威的森林》，其實我最鍾意都係《世界末日與冷酷異境》)

出氣 其實有人入黎搞下事都幾好丫！有時心情唔好都想搵人出下氣嘛......

最緊要語理通順，唔係講左都睇唔明。

唔係講你 一定唔係講你啦隱者！ 附近架咋！俾一木插到暈0個個呢！

九唔搭八 有人講野立論九唔搭八都係其次，最慘係0的中文......真係睇死人，詞不達意，語法不通，亂七八糟，真係要靠「估」先明佢講乜。 如果係中學生都算，如果係大學生既話......唔該返去惡補下0的中文先黎獻醜啦！ 再唔係就好似我咁，索性講廣東話罷啦！ 真係辛苦你喇，一木！

好有味道 嘩！好有「味道」既詩...... 好掂。

re:JoeJones to:JoeJones 棋魂係講捉圍棋既，將棋0個本叫《月下之棋士》 可惜我兩樣都唔識捉，抱歉。

好睇 其實，兩個文化人嗌交都幾好睇丫！ 招式燦爛，令人目不暇給。偶然仲會出一、兩招連續技，打對手十幾HIT。精采！ 大家有冇睇《棋魂》呀？阿進藤光同塔矢亮切磋嗰陣都係嗌交咁架！可能呢啲先叫溝通啩？

平反？ 吓？又關我事？ 點都好，多謝尤尤先 (不過你想幫我平反咩呀？)

希望阿森哥睇完之後可以有所得著啦！

歧視 想借0的意鬧人就鬧人啦！反咩面教咩材0者！得咩益0者！ 個網係人地既，人地鍾意定咩規距都得，你入得黎就要遵守，唔鍾意既咪咪入黎囉！咩叫入鄉隨俗呀？你去日本人屋企要除鞋，可唔可以話人地歧視你「著鞋入屋」呀？ 歧咩歧視，郁0的就話人歧視，我夠可以話你歧視網頁編輯既做法啦！ 係呀！真係有歧視架！我就最歧視0個0的開口埋口講歧視既人架喇！

好賣0的 作者無非都係想書店將佢本書擺0係「某某的思考藝術」隔籬/附近，等本書好賣0的0者！(事實上好多書店都真係咁做，吹漲！)

一句話：不值一提(睇)

歪曲(二) 請睇睇以下句子： 「過馬路小心0的呀！」 如果呢句說話係出自阿媽口中，絕對係善意既。請問呢句說話入面有冇包含0的咩「惡意」既詞語呢？應該就冇。但如果呢句說話係出自某追債既黑社會人士口中，情況又變成點呢？分分鐘變成恐嚇──雖然成句句子冇變，但由於講野既場合、講野0個陣既語氣等，都會令一句好普通既說話變成充滿「惡意」既恐嚇(咪以為我亂講，上到法庭分分鐘有得拗)。 又睇下以下既所謂句子： 「嘩！0個套戲好X好睇！」 呢句說話入面既「X」，應該就係你所講既含有「惡意」既字/詞，但呢句說話又有冇惡意呢？如果呢句說話係朋友之間既對話之一，我完全唔覺得呢句說話有咩問題(當然，身邊既人聽到可能好聽...閱讀更多

算係回應 //“呢個世界就係咁*虛偽*，講道理都要講「禮貌」，難道好唔禮貌既道理就唔係道理？(emphasis mine)” --心沉2002-11-06 23:58:51 // (1)我講緊既係一個人對待「道理」既態度虛偽，唔係講「有禮貌講道理」呢件事虛偽。當然，如果你老哥硬係要話我唔係咁既意思，硬係要話我係講緊「有禮貌講道理」唔係一件好事既話，我都冇符架！大家都係咁睇，其他人(包括開題目者阿森哥)都睇得明，偏偏有人睇唔明，講唔定我既句字入面真係隱藏左0的連我自己都唔知，但其他人又發現到既意思呢！(咁真係要多謝你幫我了解自己) (2)「粗鄙」本身係一種「惡意」？咁平日行過地盤0的地盤佬咪個個...閱讀更多

sorry sorry，copy錯左一木個名，同一木兄講聲唔好意思先。

客氣客氣 To:Benson 多謝你喜歡，都係呃餐晏仔0者！真係講理論，我始終係門外漢，唔及得Benson哥咁專業！

唔使見諒咁嚴重 森哥又唔使講「見諒」咁嚴重。我知我把口都唔好得去邊(平日寸人寸慣左)。 其實「問題七」我對你既質疑(請自行睇返前幾頁)可能唔係針對你，因為你講既野我平日真係聽得太多喇！所以一見你講，心中一團火不其然爆喇！所以你其實都幾無辜──做左0個0的基督徒既炮灰，比我炸左幾日。 坦白講，真係好怕0個0的一開口就問你「第日死左驚唔驚落地獄」既所謂基督徒，真係同呃阿婆話有千年蟲「杜蟲藥」既騙徒差唔多口吻架咋！

回應森哥(二0 問題六： 其實我冇講過話「辯論只談邏輯」，只係因為你質疑反方(李天命)只0係邏輯上進行辯論，所以先話「如果唔係邏輯，唔通係文學？音樂？」 不過正如雲起所講，就算以宗教角度去討論，都要有「邏輯」(或者俗語所謂嘅「有紋有路」)，否則就同精神病患者亂嗡野冇分別。我有時會覺得邏輯其實比較似一種「工具」多過「學問」。以捉棋為喻，如果「心理學」、「神學」、「宗教」之類既學說係唔同既「棋路」(每個人都有自己既慣行既棋路)，咁「邏輯」就係呢幅棋既「基本規則」，就算棋路幾咁勺轉、幾咁超乎想像，令敵人難以捉摸，始終都係0係既定既規則下衍生出黎既，例如我地唔可能叫隻「卒」或「兵」打斜行，亦唔可能叫隻...閱讀更多

回應森哥(一) 其實我一路都冇唔尊重你，但為左令你覺得我尊重你，我「盡量」斯文0的回應。 問題一：理論上任何人都可以對人惡言相向架喎，因為法例冇規定唔准鬧人或對人粗聲粗氣個喎！只不過惡言相向完既後果要佢自己承受囉！可能俾人杯葛，俾人離棄之類。不過打人就一定唔得，因為係犯法既。而且我從來冇話可以「用任何手段」去表達自己意見，可能係你誤解我0者。我只係話「惡言相向」講既野未必就唔係道理，正如大家既父母有時都會惡這相向咁叫大家俾心機讀書，雖然聽落好令人唔舒服，但唔代表佢講既野係錯既，只係「表達手法」有問題0者！(可能都係我既問題卦？) 問題三：其實同上。有禮貌咁講道理冇錯係「容易令人信服」，但「有禮...閱讀更多

李博士，有人話你詭辯呀！ //辯題是「相信神的存在是更合理嗎？」相方都根本沒必要證實神是存在不存在。反方反對什麼？反對「相信神的存在是更合理」，卻沒有說明「不相信神的存在是更合理」的理由！只是反方擴張兩條副辯題，錯誤引導正方去辯論。於神存在不存在的問題上，反方都提不出神不存在的實證來，單從邏輯實證而不涉其他方面，唯有靠詭辯。// 李博士，有人話你同韓那既辯論係靠「詭辯」喎！(詳見題目：「重溫舊事，依然低嘆)」，你老人家好心出黎講句公道說話啦！

多謝支持 多謝支持！多謝支持！

好奇怪 有0的人真係好奇怪，唔夠人講就話人惡言批評，就好似細路仔同人打交，打輸左就喊住話人蝦佢咁奸茅。 呢個世界仲奇怪，明明係一樣既野，包裝過既就零舍多人接受。講真呢個網好多人都唔係善男信女，入得黎都預左有俾人攻擊既可能。只不過有人可能用字比較文雅、間接(但絕對無損0個種攻擊性)，而被反駁既人為左顯示自己既修養，於是忍住度氣慢慢再拗；而心沉就係0個0的直來直去，有0個句講0個句既人，可能講得係粗皮0的，無絕非無的放矢；偏偏0的人就完全唔理會我講既野岩唔岩，只係覺得我「惡意批評」。大家睇下立法會班議員討論既時候有邊時唔係惡言相向丫？有時仲近乎人身攻擊添！根本同人討論既時候就一定會遇到呢0的情況，...閱讀更多

拳擊手和市民 當日李天命參加既係一場辯論，佢係反方，根本就冇負任/冇需要去證實上帝存唔存在，佢只需要攻擊/反駁正方既論點就已經達到佢既目的，否則根本就唔係辯論。 置於你所講既其他方法探討，請問係邊方面？如果唔係邏輯，唔通係文學？音樂？講黎講去咪又係想0係宗教方面講！即係等如叫人用聖經去證明上帝係唔係存在一樣，我諗唔使辯論喇卦！ 仲有你話正方有冇必要參與呢場冇觸及實質既討論，喂大佬而家好似係阿韓那漏人辯論架喎！冇人搵支槍指住佢架！以為自己贏梗，點知唔夠人講，就輸打贏要。點為之冇觸及實質？講黎講去都係指冇0係宗教角度去討論之嘛！佢梗係想人地0係宗教方面同佢辯論啦！佢專長黎嘛！但大家覺得好唔好笑先？...閱讀更多

上帝為什麼不能在耳朵、大腸之內？ 先睇睇呢兩條問題： 一、無所不在的上帝是否在我們的耳朵、大腸之內？ 二、無所不能的上帝能否造一塊祂舉不起的石頭？ 點解第一條會答唔到？只要答「係」，就證明到上帝係無處不在啦！咁點解又唔敢答呢？其實講到尾係因為有0的人覺得「耳朵內」同「大腸內」係污穢既地方！覺得上帝唔應該0係呢0的地方內出現。我就覺得污穢既唔係耳朵同大腸，係呢0的人既心！點解上帝唔可以0係呢0的地方出現？以上帝平等、博愛既心，對所有野都應該一視同仁，就算上帝0係一個充滿糞便既廁所現身，都一樣無損佢既神聖。 況且，邊個話耳朵同大腸就係污穢？因為耳朵內有耳屎？因為大腸內有屎？咁憑咩話屎係污穢？0係自...閱讀更多

你都幾好野 你都幾好野，反駁唔到既就索性唔理，淨係揀0的自己想答既野黎講。所以真理永遠與你長存。 至於客觀既問題，你明明話冇100%客觀既凳，如果有就貴貴都買，而家就忽然改口話講既唔係事物而係人(不過人都好似係天地萬事萬物之一喎！唔係點叫萬物之靈呀？)

好多人 我唔敢詆毀神，亦唔敢話佢殘忍定仁慈，我驚有人唔高興(雖然佢地表面一定話冇) 我就好同意征服者所講，唔信唔一定代表唔敢信，好多人自己覺得生活好充實，就硬係覺得人地生活得好空虛，硬係想人地都好似佢地咁充實(可能真係出自好心啦)。雖然話施比受更有福，但係都要睇下對方接唔接受先得架，唔係你比人地就要收架(呢0的算唔算自由意志？)想說服人地信教(應該係信基督呀可？)，請首先學下「尊重人地既諗法」。唔好一開聲就成個得道高僧咁拈花微笑(如果再加埋輕輕搖頭就仲羅命)，然後話人地「唔敢」乜乜，又叫人要「勇敢」物物，好似一副打救世人咁款。 仲有： 點解下決定就代表勇敢？咁講即係暗示唔下決定就代表懦弱？唔好...閱讀更多

千嬅首歌？ 好特別既詩，點解咁似楊千嬅首「向左走、向右走」既？(我有冇記錯歌名？)

崇洋媚外 我覺得「強迫」呢個字眼太負面，會令人覺得學習中華文化係一件唔好既事。教育署夠規定細路到入學年齡一定要返學啦！仲要返夠九年添！又唔見話佢地「強迫」？咁係因為你一出世就知道有件咁既事，已經接受左。 根本好多人(注意，我冇講邊個，唔好亂認呀拿！)就崇洋媚外，試下「強迫」你讀日本文化丫！我諗大部分學生都舉腳贊成呀！最好學埋日文仲正！大家總係覺得大陸野唔好，要買日本，又唔諗下食既用既幾多生活必須品都係大陸貨，試下唔用大陸貨下下去sogo買日用品/食品丫拿，多多錢都唔夠用呀！

好多教徒 好多教徒總係覺得唔信神(應該係唔信教)既人係迷途羔羊。覺得自己點緊一條好路人行。 好多教徒總係覺得非教徒意志不堅，明明人地係保持客觀、理性，唔妄下判斷，偏偏要話人地其實唔敢認自己「信」，驚認左返唔到轉頭。 好多教徒總係覺得非教徒有路唔敢行，其實人地可能根本唔想行，想坐低睇清楚呢個世界係點。 我係話好多教徒，唔係話你，唔好對號入座。

唔明 有0的深奧，唔係好明......

心沉 我終於明白，有時讀得書多都未必係一件好事。(雖然當事人可能唔覺得)

李博士請露兩手 李博士幾時再露兩手俾大家開下眼界？

是「莫名其妙」 是「莫名其妙」，不是「莫明其妙」。為什麼沒有人發覺？

大教壞細 我有時反而覺得女性對男性好唔公平，郁0的就話男性歧視佢地(雖然我唔否認真係有咁既情況存在)。到一視同仁啦！當佢地係男性看待喇，佢地又會話你「蝦女仔」、「冇憐香惜玉之心」......搞到男士們無所適從。特別係有左個咩「平機會」就仲衰，郁0的都話「震驚」，連分班派位咁平常既事都可以扯到去「男女平等」、「歧視女性」既範籌，認真大教壞細！[

李天命的另一個名 大家留意，如果發現一個叫「電腦不許我用本名」的人，那個應該就是李天命。詳情請入題目「浪漫」。

收回 我不承認自己不冷靜，否則我根本不能思考。 如果你沒有那個意思，我收回最後一段話。

重複又重複又重複...... 究竟明不明白我的意思？我說「找不到破綻」就是預設了「有破綻」囉！你不過在重複我說的話罷了。 「找不到」不等如「沒有」，這是我由始至終的意思，拜託不要再重複別人的意思好不好！ 還有，我沒有說過「令人明白又找不到破綻」的「是」「胡說」，「令人明白又找不到破綻」在這裡是用來「形容」「胡說」的， 例：漂亮的女孩 漂亮是用來形容女孩的 「漂亮既野，點解叫做女孩？」這句話是什麼意思？不明白。 請比較原句： 「令人明白又找不到破綻既野，點解叫做胡說？」這句話又是什麼意思？不明白。 誰才是思方盲？ 請不要歪曲別人的意思之後再以為自己挑到別人的毛病。還有不要開口埋口說別人是「思方盲...閱讀更多

從來沒講過沒有 「令人明白的胡說是高明的，因為人看得明之餘，又找不到破綻」 由頭到尾都沒有說「沒有破綻」，只是「找不到破綻」，找不到，即係有囉！只是你自己看不清楚/誤解了我的意思罷了。

令人明白的胡說 我是說有胡說有兩種，「令人明白的」和「令人不明白的」。有些人說了些似是而非的東西，聽起來好像有點道理，但卻總覺得有點問題，不過又說不出來的「令人明白的胡說」。 還不明白？多點看新聞，多看那些政治家說的話便明白了。

不明白 胡說分兩種：令人明白的和令人不明白的。 令人明白的胡說是高明的，因為人看得明之餘，又找不到破綻。 令人不明白的胡說像夢囈，說了一大堆文字，但其實和一大堆毫焦意思的符號一樣。不是令人找不到破綻，而是連有破綻的資格也沒有。