回應

你的問題根本不能成為問題, 而也已經不再成為問題, 因為他已經用行動否定了你的問題 你的問題要成為一個有意義的問題, 要証明: 1. 李天命從有此討論區起便未曾回答問題 2. 要証明李先生此後也不會在此討論區回應問題 3. 李先生曾在有明示或暗示他不會在此討論區回應問題 既然他已經用行動--答了問題, 也即是你的問題已經不能成立或變得無意義了

李天命都唔會回應，咁港台做咩大肆宣傳? 向呢個留言區留言既人係咪好似有少少傻呢?

小寶你看清楚未? 李天命寫了一篇序,問了一個問題,但沒有答過一條問題啊

回應 唔係ar, 李生有回應一個留言 答左幾個字: 是, 未知 原文自己搵下啦

李天命真的有回應 果然是字字珠璣,沒有一廢字. 那些亢奮莫名在作'詩',或者寫野一舊舊,為這世界增添痛苦的網友,請學習學習. 恕直言!

直玩，不恕 白癡的腦部如何思考? －－升起一舊雲

同意 木和雲起 1. 如題 2. 不應把李天命先生視作白小姐信箱, 錯抱寄望和期望會令你失望 3. 我想告知小桂子知道, 我一早已見到李先生答了問題才作出早前的回應,看得好清楚, 看不清楚的反而是你

承讓承讓 惡臭的公廁怎能飄香? 三兩落華八督大!

高興... 李博士回應的竟是我的問題,我實在太開心了...

咁 o架! 車,仲以為係咩 呢d預定出版日期梗係答你啦 咁可以免費做埋宣傳嘛 何樂而不為? 做人有d要求啦 俾3個字(是,未知)你好似拾到金咁 e...頂唔順呢度d人啦,當某神咁拜 但人地只係"居高臨下"冷眼旁觀咋。 初初網站編輯又話李天命先生會隔一段時間就就某個題目回應或發表意見既, 都唔係既,好失望呀好唔閞心呀!>__<

唔好傷心 李天命的時間觀是以宇宙年為單位的,呢個網站開張一陣,只是一剎那o者,而且佢寫了一篇序,即係仲有下文啦,李天命唔會將個序當跋用o卦?

為火月口木君討公道 對於火月口木君來說, 要知道李天命的出書日期可能是他對些網的最大期望 對於雙兒你來說, 或許你對這個網可能是期望過高, 所以感到十分失望吧 至於宣傳嘛, 李天命要出書,根本無須要預告宣傳,李先生只是滿足欣賞他的讀者要求, 告知他仍有作品面世, 免得讀者處於無了期的等待,如此又有何不可? 至於要求高低, 各人口味不同,可能你對此網有好高的要求, 但這是閣下的事, 能否滿足你的要求, 當真要問一下設計此網上思考的負責人才成 明顯地,火月口木十分欣賞李先生的學問,得到李先生回應而感到開心, 又有何問題?正如本人十分欣賞(金庸)查先生, 假如查先生能夠與我吃一頓飯我也會開心得不得了, 但此絕非如你所說的甚麼"當某神咁拜"的心態, 我相信火月口木也是心態如此而矣 如有得罪,請莫見怪

做咩呀? 點解你好似咁嬲咁既? 你係咪好仲意李天命先生o架? 我又唔係唔尊重李先生, 咁實有人唔係100%支持佢o架啦, 我唔明亞火月口木做咩 因咁小事咁鬼歡天喜地有咩出奇喎? 小寶,做咩你好似咁嬲咁o架? 同埋呀,你覺得小桂子講d野無道理咩? 同埋呀,咁網站編輯話李先生會個個星期回應o架嘛, 我睇佢第一個人生論題到而家都 咁多耐啦, 咁佢剩係整個謎題俾我地拆喎咋, 又剩係回應d出版日期喎。 我唔知呀,可能我真係要求過高啦, 咁照理唔係應該回應d學術野 或者果d網友既討論既咩? (可能我地未必配同佢討論啦,唉) 但佢又話"居高臨下"睇野cool喎, 又好似講明回應唔見得明智妥善喎, 講到咁都好似好明啦, 咁人地咪失望囉。 其實我發表下意見之嘛,你唔仲意聽咁我唔講囉,咁惡。

外星視角

咦...李天命出現啦~~~

外星視覺 王國維先生〈浣溪沙〉詞云﹕ 山寺微茫背夕曛， 鳥飛不到半山昏， 上方孤磐定行雲。 試上高峰窺皓月， 偶開天眼覷紅塵， 可憐身是眼中人。 此之謂乎？

老師真係心慈 唔怪得老師咁幸福啦． 三千雲彩夢　一世綺霞情 碧海斜陽落　罡風洗晚晴 光陰催滴漏　夏蟲徒語冰 天命誰知畏　銀河獨釣星

有關外星視角的問題 以我的理解，外星視角有助與酸恨怨毒保持距離，較易明視世界萬物的本質，但習慣以此角度看事情的話否會否令人對愛亦會有一種第三者看事物的感覺，不夠投入呢？ 還望老師賜教。

橫看成嶺側成峰，遠近高低皆不同； 不識盧山真面目，只緣身在此山中。 盧山煙雨浙江潮，未到千般恨不消； 及至歸來無一事，盧山煙雨浙江潮。 溪聲盡是廣長舌，山色無非清淨身； 夜來八萬四千偈，他日如何舉似人

極速回應 嘩, 老師d電腦技術真係進步光速呀, 果然係"宇宙級數". ^_^

好野嘻嘻 哦,原來李先生講既"居高臨下" 剩係指睇野既角度, 唔係"冷眼旁觀"既做法, 咁都無咁驚, 不過好多謝既李先生指點, 真係令人喜出望外呀。 不過呢,點解網友D回應 全部係文縐縐既詩唻O架, 都睇唔明既...同李先生講既 "外星視角"係咪有關係O架? 我材梳學淺唔明呀。 我想問下李先生呢, 一般人都唔會覺得自己去廁所臭o架啦 係咪, 人地痾果d就覺得好好好臭啦係咪, 自己既情人咩都香咩都好o架啦, 人地既情人既體香梗係俾你都唔要啦, 除非你仲意人地個情人啦。 咁其實呢全部都係人本性唻個喎, 人係點都偏私o架啦。 兩個例子(廁所同情人體香)都係 講明人係對自己既野有偏私唔會抽離用"外星視角"咁睇野o架啦係咪, 到底2個例子邊個係用左外星視角o架? 兩者好似無抵觸喎, 同外星視角好似無關係喎, 點解李先生會用佢地唻反證"外星視角"唔會影響自己既愛o架? 可唔可以解釋下呀? 係咪有特別用意o架? 因為呢,我唸呢, 如果抽離情愁愛恨(用外星視角)對待情人既體香應該唔會覺得正個喎係咪呀? 定係李先生係所講既"外星視角" 係抽d唔抽d,淨係對負面既野抽離咁睇咋?可唔可以講明d呀唔該你哂oY。 同埋呢度回應係咪一定要用詩同書面語 o架?用講東話會唔會好似好低俗咁o架?

雙兒雙兒 你真情流露,又點會低俗,實在好可愛,令我......

哈，原來沾沾自喜的是雙兒，目的不講自明。

角度問題 我想老師的意思是運用該角度的要點是在於「靈」，就如刀子可用作切生果，但用得不當亦可殺人一樣，不知道有沒有理解錯呢••• @_@ (迷茫狀)

錯呀，Alex。

自煎自熬 雙兒呀,人地都話咗酸恨怨毒煎熬着受傷嘅靈魂嘅啦,你講嘢咁酸,自己傷唔傷d呀？

駛唔駛外星視角呀千祈唔好講就天下無敵做就有心無力我都識響太空漫遊啫 林子祥有首歌話要乜嘢駛火箭在太空中兩人住喎呢的唔就係假大空囉之不過咁橋唔怕舊至緊要受至於乜野撇呀悟呀都係唔好理咁多住

俾你哋激死呀 俾你哋激死呀，都話呢個李天命係假嗰咯，係我李？命扮㗎，假㗎，假㗎，做乜嘢咁認真回應啫你地，激死呀•

流到出口 怨氣流到出口角,自己傷唔傷d呀??

流到出口 自稱廣東人者,怨氣流到出口角,傷唔傷d呀？

創意 旁觀者你學人地嘅語氣,無d創意㗎！

洗乜咁認真 李?命兄/姐，我同你嘅諗法一樣，下下咁認真，有乜好玩。不如你地思考下人地講嘅說話，背後嘅含意同道理。咁呢，就會冇咁古板古肅架喇。講真嗰句，我好鍾意IQ博士套卡通片播，有啲黑色幽默㗎。 依家個留言區熱鬧咗的嘞，真嘅李天命不如用其他名稱講嘢，䏲吓有冇人估到係佢，咁重得意啦。之不過佢嘅語氣風格，就唔好變得太西利，等我地玩吓眾裡尋君千百度嘅網上遊戲，好唔好呀?

咩呀好亂咁樣喎 我無沾沾自喜,做乜無啦啦咁話我喎? 邊個沾沾自喜呀????(我多謝李先生說明"外星視角"之嘛,係禮貌唻o架,應該既,無自喜咯。) 咩目的呀?明咩目的呀??? 玲兒,乜李先生話我係俾果d咩酸恨怨毒煎果d受傷靈魂咩?佢指眾生之嘛唔係咩? 係有d咁既人o架,你唔信牙? 佢話佢睇野好外星視角o架嘛,講野應該唔會咁刻薄既,佢應該唔會係字裡行間話我地o卦。唔好咁多心啦,唔使擔心我好好呀我唔傷呀。

有關「外星視角」的問題 先嘗試理解李天命先生的比喻： 如果我們的鼻子夠「靈」，那麼遇到厠所香，就會聞到厠所香，遇到情人體香，就會聞到情人體香，不會混淆。 同樣，如果我們的頭腦夠「靈」，那麼遇到這類事情，就會用「外星視角」，遇到那類事情，就會用其他視角，不會混淆。 假如上述的理解沒有錯誤，那麼這個比喻似乎不太適當，因為鼻子的反應，是被動的，由外物引起，而頭腦的反應﹝視角﹞，是主動的，屬自由選擇﹝就上述的理解來說﹞，兩者並不很相似。 ※ 若誤解了李先生的意思，請指正。 再嘗試回應 Alex Chu 兄的問題： 李天命先生所提的「外星視角」，很有啟發性，那是很高的境界。我們一般人難以這樣看事情，因而有很多執著。如果我們真的能夠以「外星視角」來看事情，那麼就不會有「對愛不夠投入」的問題了！因為此問的提出，正表示我們所採用的仍是一般視角，而不是「外星視角」，即還未到達那個境界。以上見解，不知兄以為然否？

廁所情人 臭廁所，香情人。香情人。 臭廁所，臭情人。臭情人；也可因愛而而接受或享受臭情人。 廁所、情人，可一可二。但廁所不是情人，情人不是廁所。 外星視角，投入愛情。應二不可一。不可一一。 作繭自縛，偶一不得。

愛的力量能優勢壓倒酸恨怨毒 -- 天涼好箇秋 外星視角則能徹底消解酸恨怨毒-- 一切有為法如夢幻泡影如露亦如電應作如是觀。

覆雲水兄 我相信絕大部份運用「外星視角」的人是在於程度之分，而不是完全「外星視角」及完全非「外星視角」的明確分野。而且，即使是以「外星視角」亦可自覺到自己正以「外星視角」看事物，正如我可以對自己的思考思考一樣，不知雲水兄有何高見？ 我之前的問題背後的想法大約類似：我們看書時眼睛與書本的距離太少而又持續得不久的話容易導致近視，若有近視的話遙遠的景物會變得模糊。我當然知道適當的時候要讓眼睛休息，不過我其實希望老師可以就「外星視角」的實際應用方面講多一點••• 敢請老師賜正。

任盈盈令孤冲 本嚟亞雲水初段幾好，但係講講吓繞腳。亞Alex就真係要當頭棒喝嘞。 阿盈盈啊，不如你講吓你鍾意令孤冲嗰陣時，會唔會用外星視角仲好啦。阿Alex好似咩嘢都唔知，幾純情咁嗰播。 講開又講，你同令孤沖究竟走咗去邊度嘆世界啫?

打斷一下… 其實呢…老師會係定時睇呢個留言板，定係得閒先上黎睇下？

Alex 兄： 關於「外星視角」的討論，我想暫且打住。 雖與兄只略為交談，也是有緣。

想請問李博士對A.Plantinga的科學哲學的看法。 我還有另外一個同樣認真的問題﹕ 結識不到異性怎麼辦﹖ 謝謝。

視而不見 李先生的序言不是說過不要以他為這個網頁的中心的嗎？

老眼昏花 李先生的序言沒有說過"中心",只說過"焦點"。