文

謝幕！ *\(^v^)/**\(^v^)/**\(^v^)/**\(^v^)/**\(^v^)/**\(^v^)/*好野好野…… V (^。^) 大功告成＼ (^▽^)(^▽^) ／多謝各位(^__^)y (∩_∩)幸苦大家o羅！＼ (^ ^＼ )( ／^ ^) ／好高興呀！ (☆_☆)呀心，全靠你咋！ *\(^v^)/*好野！　仲有採菊呀！顧曲呀前輩呀！ *\(^v^)/*好野！　明月、小花生、朗勞、珊珊 *\(^v^)/*好野！　新亞老兄、羅拔臣、洪子、亞力士 *\(^v^)/*好野！　安地、祖鐘、吳蘭露、大華、變心 *\(^v^)/*好野！　仲有開呢一版既plenti 再見.！ 康慈~~...閱讀更多

保持水準先 繼續講音樂：卡拉揚 朗勞，卡拉揚係上世紀三大指揮之一，另兩位係伯恩斯坦同蘇堤爵士，佢可能係最有米既指揮家(有待採菊証明)，任何大師都緊係有讚有彈架喇！不過聽卡拉揚既演譯起碼「穩穩陣陣」啦！

你終於肯出現拿 採菊，可否借你在電台做節目的錄音俾在下聽下？ 顧曲響果邊搵你呀！

做乜呀？ 明月，你唔使咁托市下嘛！

唔通…… 明月，採菊好似失左蹤喎！係咪一個人去左行山呀？ 嘩~~~~~~~~~~！！！

新亞老兄，咁得唔得呀？ ( --’’_’’--)y--~

多謝哂！ 小花生，我會慢慢睇！

人參？我又要！ 新亞老兄，李博士最緊要既係：新鮮空氣呀！ (-__-)y--~

徐志摩 明月，我係右手食野，左手摸老鼠。 小花生好勁呀！！*\(^v^)/**\(^v^)/**\(^v^)/**\(^v^)/*好野…

小花生 你係咪驚我一邊食野，一邊周圍摸呀？唔使驚，我分開用唔同既手，做唔同既野，同埋我不斷去洗手既！依家食完o羅！

吳大小姐602*\(^v^)/*好野！ 明月同吳大小姐一到，搞到呢處好有節日氣氛。 呢處休息，希望可以網下見。 新亞老兄，D啦啦隊原來用來謝幕架！

小花生，我都整返首詩先 最是那一低頭的溫柔， 象一朵水蓮花不勝涼風的嬌羞， 道一聲珍重，道一聲珍重， 那一聲珍重裏有蜜甜的憂愁—— 沙揚娜拉！ 呢首詩響另一邊無人估到係邊個作，我睇顧前輩睇第一句就已經估到。 新亞老兄，小弟電郵：nghingman@雅虎香港 網編，拿！等我謝完幕你至好拉閘呀！吓！

600*\(^v^)/**\(^v^)/**\(^v^)/**\(^v^)/*好野好野…… 新亞老兄恭喜哂！

食完署片食蛋卷 朗勞，咁卡拉揚果套孖碟你有無聽過呀？我之所以聽古典音樂都係因為佢咋！

朗勞 有呀！我買左《媽士打巴洛克》，《媽士打小提琴》。剩係聽第一首柏格尼尼就已經值回碟價啦！

食完鴨翼，而家食薯片。 真係感動，如果連李博士都黎埋咁就好o羅！ 前輩有命，咁就盡量留耐D啦！橫掂出面橫風橫雨，就留響度先啦！ 亞力士成十點食飯呀？ 小花生，你同顧前輩既留言居然同時，真係有緣，恭喜恭喜！ 又講返音樂先，採菊講起流行曲，我都推薦大家聽許冠傑、關正傑、鄭少秋、葉麗儀等等既歌，黃家駒未死果陣既「便安」都好好聽。另外，可以聽五六七十年代既英文歌，八九十年代既都好聽，不過就唔同味道o勒。

小花生食完飯喇！ 呀心，攞命咩？我寧願你睇完，用個琴拉返D內容出黎o羅！係o勒！介紹你識，呢位係「顧曲」，猛人黎既，你今日遇到真係有福o勒！ 你可以過去《遊俠區》繼續架！

食完生果 依家食鹵水鴨翼。 ^o^嘩！小人隨口一句，想不到前輩真的露面，乜前輩咁叫法呀！真係折煞小人了。 D碟o岩唔o岩睇呀？嘻嘻…唔o岩小人可以再提供D精彩D既，保證前輩滿意為止。

講返音樂先 呀心，如果我有D舊既小提琴書，係一D小提琴家寫既關於小提琴演奏既書，係中文譒譯既，你要唔要呀？ 最後一日，顧曲前輩出黎同大家打個招呼啦！好嘛！

食完飯同魚蛋生腸 而家食生果。老宗，如果你想要油就好過來入貨喇！遲下無架喇！

亞力士好！ 橫掂都係最後一日，都係留耐D啦！走落街買左一碗叉雞飯、魚蛋、生腸、鹵水鴨翼、生果盤、薯片、蛋卷，加埋採菊神茶，一於增強戰鬥力，玩埋呢晚。如果大家見我忽然無聲無氣，好能釘左，請幫我報警，呢度好多人都知我地址。 百佳D雙拼燒味飯賣到九個九一碗，都唔知係咪想推「臨」果市？大家小心。

頁輯 網編，睇住個市呀！有人又出黎搞事呀！呢個網咁旺，你肯定有職升加人工啦！睇緊D呀！唔好手軟呀！

寒底？花生都寒底？ 嘩！小花生，你無電呀？我原本約左人食飯，諗住食完飯就上黎掃貨，但係飯局取消，咁我咪諗住撤退先o羅！

二五仔女 老宗你都黎左呀！其他人都黎啦！

好野！ 小花生，我正在飲緊採菊既茶呀！勁嘆！你飲左未呀？^^ 我要早走呀！呢度靠哂你喇！

卡農曲 呀心！有無簡譜呀？

開始掃貨 小花生，有你呢個超級買手響度，我就穩陣好多喇！ 在呢個網既營業其間，可惜李博士無新書出，否則一定可以刺激一下話題，下文發表於《從思考到思考之上》出書之日，內容同當時的留言話題好有關，所以未必人人睇得明。希望十月呢度復活之時，有李博士的新書消息啦！ 《等書之旅的起點》 彷彿在學海無涯的書海中摸索，忽然出了本封面黑蚊蚊的書，那種黑法或像睇睇下書突然無電，或如詭辯者忽爾被人踢爆之後的嘴面。黑蚊蚊的結果，就是封面越黑，白色的書名越亮，跟住睇完又睇，睇到黑、睇到爛、睇到甩皮甩骨、睇到本書一陣味，然後等新書出。 但係一年一年咁過去，等到我們穿過山、潛過水、食完飯、洗完碗、掃埋地，等到病，等到好返...閱讀更多

抱歉！ 採菊，連網編都叫早D瞓呀！你話你幾出位吖！ 小弟今晚飯焗取消，看來不能同大家戰鬥到最後一分鐘了，除非帶埋飯上來食啦！

乜最後一份功課呀！ 採菊，我響遊俠區幫你開左個專題，花牌都送埋，你唔使多謝我，多D過去玩下啦，果邊保安好好架！有管理員(打手)三班輪更制，各位採菊既擁躉，過去果邊簽個名啦！

採菊 你多謝網編仲好啦！

問得好 新亞老兄，你問得好，呢度D大姐真係個個都唔使瞓既！ 我原先重以為你學結他添！以老兄既年紀先去學小提琴，小弟聽見都好感動，你D家人聽見你既琴聲，除左感動之外應該仲好自豪添，老兄有此壯舉，對一眾音樂教師來講，無疑是打了一支強心針。 希望老兄學成正果之日，以老兄既第一小提琴、呀心既第二小提琴、採菊既第一二胡、小弟既南國二胡，再加上小花生既鋼琴領奏，響崇光門口，拉奏一曲《卡農曲》，必定令樂壇掀起一陣波瀾，亦為香港既音樂史寫下可歌可泣既一頁。 勞力呀老兄！我地靠哂你呀！ ________________________________________________ 康慈，你好野，搵到採菊出面，...閱讀更多

李博士講，《邏輯與詩之間》。

呀心 唔係英文，係中文情歌。 聽晚呢度「啦屎」你黎唔黎趁熱鬧呀？

唔止你阿爸吖！我都成話你叻架啦！ 呀心，你有無睇我話響HMV聽卡拉揚指揮既《鄉村騎士》架，你仲問我有無留意？ 我個外甥就犀利o勒！電視賣情歌CD既廣告，佢可以記得有D乜野歌。 佢老豆仲犀利，原來佢有份參與上個星期既超級市場搶灘戰，據報導，D師奶不斷掃米，掃到：「呢D係乜野米黎架？」唔理咁多，買左至算。有個阿婆買左成箱麻辣公仔麵，我覺得個阿婆食左箱麵，仲慘過肺炎。 而佢就不斷掃罐頭，公仔麵，燒賣、雞翼、廁紙……話自己從來未試過咁豪，成車滿哂，點知佢打電話話俾老婆知，我個妹話：「陷阱，快D撤退！」佢即時走人，架車既貨當然成為其他人既獵物矣！

網編，你橫掂都係回覆o者！點解唔黎我果版捧下場呀？

網編 你快D幫我產走D「低能怪」好過啦！

採菊成日遊遊野野！

提早取消休假 李博士真你客氣，響度連轟四炮，連呀心都有份，真係暢快。 阿採菊仲好野，一接手呢一版，就大把人過黎，真係魅力沒法擋(李博士無形容錯)，佢果版仲厲害，衝破一千大關不但止，仲俾李博士地氈式轟炸，真係痛快。 原來係聽晚停牌，咁就o岩o勒！小弟聽晚同人食飯，食完一於上黎同大家一齊掃貨。

「有不要緊的事要做」？ 即係瞓覺啦！

仲話有？ 講到語無倫次，乜野戴望舒呀？

夢遊 定係你依家仲o係度瞓緊？

再試下 天才，呢一首易估D： 最是那一低頭的溫柔， 象一朵水蓮花不勝涼風的嬌羞， 道一聲珍重，道一聲珍重， 那一聲珍重裏有蜜甜的憂愁—— 沙揚娜拉！

採菊 琴晚你有無瞓過？

踩場？D睇場去哂邊呀？ 網編呀！，我呢版話哂都係繼採菊果版最有品味既，做乜會俾D「低能人」上黎掃場架？唔該你斬哂佢啦！一係你就將佢既IP、地址、電話、身份証號碼俾哂我，我自己搞掂，我會話俾衛生局知，話果個人有肺炎。

採菊 ？

天才，技術問題o者，你試下將D字變做正體o羅！

天才，何其芳是四川人，現代詩人，七七年死人。

係何其芳既《預言》 天才，當時王丹應該未出世。

明月姑娘早晨！ 吳小姐，你話我「最專」既意思，如果係指我「專」縮埋o係呢一版既話，咁你都講得o岩既！ 我都搞個選舉先： 最豪：吳蘭露 奇怪你個樣都唔係咁豪o者！仲幾嬌俏吖！ 最小：小花生 最大：大華 最老(自認)：新亞老兄 最勁：安地 最勇：採菊 一個大姑娘去行山仲唔算勇？山賊見到佢都要匿埋呀！ 最叻：天才 最醒：天越 最圓：明月 最狗：九十幾個網名分身扮鬼扮狗果D人。 最可愛：呀心 最好人緣：採菊 最德高望重：顧曲 最唔使瞓覺：採菊 最鐘意燒野食：文迪 最………唉！ 呀心失左蹤幾日，都唔知係咪入左營。 採菊響隔籬俾我話兩句又抗議唔出黎。又可能學香香公主食樹葉食出事。(我睇其實係佢唔瞓覺俾阿媽...閱讀更多

呢一首又有無人記得？ 你一定來自溫鬱的南方， 告訴我那兒的月色，那兒的日光， 告訴我春風是怎樣吹開百花， 燕子是怎樣癡戀著綠楊。 我將合眼睡在你如夢的歌聲裏， 那溫馨我似乎記得，又似乎遺忘。

講埋呢句要鬆人 而飲採菊既茶，就好似聽緊卡拉揚指揮馬斯卡尼既《鄉村騎士》間奏曲咁。 如果一邊飲採菊既茶、一邊聽卡拉揚指揮馬斯卡尼既《鄉村騎士》間奏曲、一邊睇採菊的詩、一邊聽阿心拉小提琴、一邊聽小花生誦經、同時又望住明月姑娘個樣……咁既享受，張國榮都唔捨得死啦！ ______________________________________________ 明月姑娘，咁我都唔係下下都講音樂既o者！

《鄉村騎士》 明月姑娘，聽見你咁講我先至舒服D，因為我發覺呢一版成日都得我一個人係度自言自語，留十隻字都無人覆一隻字，搞到我覺得自己好似黐線咁，係間中有呀心同採菊得閒出黎指教一下。好彩呢兩日都多返D人，可能係臨別秋波啦！ ________________________________________________________________ 講返音樂先，頭先走去HMV聽左卡拉揚指揮馬斯卡尼既《鄉村騎士》間奏曲，果種美妙既感覺真係……如果熄哂燈有套靚音響咁聽就正o勒！ 果種感覺，就好似電視上果D女性用品廣告所形容果種境界，真係人都唔想做……我意思唔係話聽左要去自殺，而係想話呢種係好高既人...閱讀更多

非也非也 祖鐘，正過菊花茶好多！

金水 首選既就緊係李博士介紹既「智者與遊俠」啦！無得傾呀！

哈哈 金水，我有鬼網頁咩，佢地講既係呢個留言區阿plenti開果版Classical Music !呀！偷師？你專搵採菊同呀心既留言啦！ 明月，乜你成日關心呢D野架，人地見到面就問人：「食左飯未？」而你就……

捧場 明月姑娘，多謝先！ 總之有採菊就有正野睇啦！你試下叫佢講下詩啦！

最受歡迎獎 明月姑娘，同意你所講，我都覺得採菊同吳蘭露係呢度最受歡迎既！ 但係阿採菊其實係一個真正既音樂人，佢若果「到時」走左黎我處講音樂都好正常同埋係大家之福，如果你唔介意既，你地「到時」可以一齊過哂黎我處，將我個價位推到千七點，咁都一樣既o者！ ________________________________________________________________ 是可忍，熟不可忍？ 阿採菊，你又有覺唔瞓，響度食野o勒！你係咪諗住中大停課，有排見唔到李博士，唔怕俾佢「勸」你呀！定係你真係想做瑪莉蓮夢露呀？吓！一陣未瞓醒咁既樣又走去行山，人地見到你都唔知當你夢遊好，還是當自己發夢行山...閱讀更多

501^^ 採菊，雖然你幫我將個價位推到五百，我都好感動，但係明明十二點都以做到既野，你唔使搞到三點幾至做假！ ________________________________________________________________ 新亞老兄，我都覺得早幾年既棟篤笑好睇D，我現場睇都覺得唔夠D舊碟好睇。個坐又有野咬，咁既環境都仲唔清潔好D，都唔知係咪響隔離果兩隻野處走過黎？ ________________________________________________________________ 吳小姐，我琴晚果場有講梁錦松，話佢唔會偷步，因為佢無咁醒。又話佢返屋企見到個新老婆、...閱讀更多

唉… 剛剛睇完棟篤笑返黎，隔黎坐左兩條麻甩仔，兩個人食一袋雞蛋仔，又乸支汽水出黎飲，我最忌呢家野加嘛！搞到我要縮埋一邊坐，唔係幾集中睇。不過咁，為左記念張國榮，我會不計後果，幾大就幾大，我打算睇一次春光乍洩去哀悼佢。死就死啦！ 今次棟篤笑覺得無之前咁好睇，等出碟時再睇下先。

仁兄 咁你都係覺得似你，所以你先致會用既o者！ 如果係我，就會搵史力加或鐘樓陀俠。^^

百合糖水？好口福！ 小花生，我D茶好正架！飲左就好似行左一次山咁正架！ 我一陣去睇棟篤笑呀！^^

仁兄！ 你個樣好型呀！^^

六年喎！ 小花生，六年時間都唔算短個喎！點都會有小成卦！ 我o係度歎緊茶呀，正！

新亞老兄 遵命！

乜忽然笑得咁斯文？ 採菊，你好聰明，所謂一里通，百里明，你專攻一個把位，練到爐火純青之時，自然威力無窮，俾起我地「走上走落」實在有智慧得多。 小花生，你學左六年鋼琴呀？即係高手啦！真係唔聲唔聲，嚇你一驚。失覺哂！-_-|||

無錯 新亞老兄，乜亞力士兄無通知你咩？

小花生 ^^採菊寫緊佢寫詩既歷程呀！你等佢寫埋先啦！

《結局篇》 變心問道：「校長，做乜搞成咁呀？俾人「片」完黎呀？」 李國章搖了搖頭。 浩然說道：「係咪想叫我地帶返個口罩呀？」 李國章又搖了搖頭。 文迪說道：「你想問我地邊個係冰狸子，係咪？」 李國章亦搖頭。 長老從洞中捐出來說道：「我知，你想話俾我地知，放假唔使返學。」 李國章又再搖頭。 天越說道：「你…你唔係想話俾我地知，香港變左…變左…疫阜下嘛？」 李國章再搖一搖頭，然後伸手解開口罩。 天才掩鼻驚道：「唔通……，唔通你中左招？」 只見李國章合起雙眼，然後深呼吸，再一次振臂大叫：「港台李天命個網就黎放大假喇！！！！你地仲唔快D上去睇下~~~~~~」 眾人一聽立即奪門而出。 「嘩！快D返屋企上...閱讀更多

無幾多日咋！(我指個留言區) 採菊，不如講埋你寫詩既歷程吖！

唔爭在 天才，你好日都唔過黎坐下，見我思念大華你就咁快開口，莫非你係…… 等我都贈你兩句先：難忘你的淺笑，象春天象陽光照，和那離別幽幽的背影。

仲有仲有 大華兄 難忘你的姿態動靜，略帶憂鬱的一雙眼睛。

客氣客氣 大華兄 永記你詩藝才華，黃昏在「邀月」共茶

^++++++^~ 大華兄 小弟都盼你能：獅笑永留人間啦！

汗顏-_-|||(借呀心個樣一用) 新亞老兄，原來採菊姑娘當年讀音樂時係專攻二胡架，小弟之前一直o係度班門弄斧，仲懵然不知，唉………

炎假 浩哥，你隻cd，我睇怕都要遲D至俾到你了。

採菊開題，捧下場先。 祖鐘真係好野，咁快想起《喝釆》 呢套戲我當年睇左三次呀，隻vcd依家賣十蚊隻，我等緊DVD呀！

採菊真係唔講得笑，萬眾期待呀！ 今次真係採菊開講呀！拋磚果然可以引玉，夢想係可以成真既。 仲未有得睇架！快D啦！ (>o<)心急死我喇~~~~~~！

阿文代答 想呀想呀！期待已久，洗耳恭聽呀，快D啦，好心急呀！好心急呀！

文仔開講之《採菊篇》下集 阿文說道：「首詩係咁既：『霧掩登山路，雲遮落日圓………』」 採菊說道：「拿！剩係聽你一開首呢兩句就已經有問題o勒！你第一句用了個『掩』字，第二句又用『遮』字，此兩字意思相同，稱之為『合掌』，寫詩時可免則免。你可以將其中一個字改過，你地試下幫阿文諗下，用邊一個字好？」 阿文說道：「咁呀……好難諗個喎！」 天才說道：「我諗到，用個『湧』字！『霧湧登山路』咁得唔得呀？」 採菊說道：「天才果然無改錯名，好叻仔，咁快就想到。」 大家齊聲鼓掌，天才拱手回禮。 採菊說道：「唔錯，可以用『湧』字代替『掩』字。」 阿文說道：「點解唔可以用『湧』字代替『遮』字呀？」 採菊說道：「『湧』字...閱讀更多

講起我個外甥… 呀心，我個外甥仲好靚仔添架，如果佢一路保持咁樣發展落去，大個實聽追死女呀！ 我細個個樣都好得意架，不過唔知點解大大下，變到依家成個賊咁既樣，唉……！(嗚……) ________________________________________________________________ (~_~)採菊姐，你唔好咁啦！你咁樣即係要我敬你十丈既o者！你咁客氣我好難寫個喎！ 以小弟既才學，就緊係唔能夠完全寫出你既才華架啦！放假在即，玩埋呢幾日啦！

採菊出手，高下立判，阿文莫及，唯有食塵。 哈哈哈… 阿採菊，你寫得咁好笑，真係佩服，小弟無你寫得咁有趣，你將就下，睇住先啦！

文仔開講之《採菊篇》上集 李博士忽道：「你地慢慢傾下先，我要叉叉電。」 採菊說道：「不如我地一路行，一路講啦。」 眾人經過飯堂，回頭一望，見校長仍在裏面振臂大呼：「走呀~~~~~~~!!!」 安地說道：「弊！我漏左盒龜靈膏o係入面，唔得，我要入去攞返先！」 天才說道：「唔好入返去喇！你睇下校長，佢可能已經「領」左野喇！」 安地說道：「果盒龜靈膏係我女朋友叫我買架！我買唔到俾佢，佢打死我都有份呀！」 採菊說道：「既然係咁，你不如就搵個地方避幾日啦！」 安地說道：「咁我就去海洋公園避下先啦！」 採菊說道：「咁你保重喇！」 安地拱手說道：「各位後會有期。」說着便向海洋公園方向走去。 眾人揮手別過安地...閱讀更多

漏左件大事無講^口^ 星期六去買左套許冠傑既碟，一隻DVD加兩隻CD都係賣七十四蚊，真係超值。 CD有陳小寶、陳秋霞、泰迪羅賓等人大談許冠傑。非一般精選碟可比。 DVD最正，全部都係我夢縈神牽既片段，收錄左當年金唱片全年最高銷路大獎既情況，當宣報一刻，鏡頭不斷影住羅文同許冠傑，最後許冠傑得獎，仲大唱勁歌，大跳勁舞。 仲有當年勁過四大天王既譚詠麟都有上台攞張六幾年o係大會堂睇許冠傑表演既戲飛出黎……… 許冠傑既歌詞好有意思，不似得現在果D咁既「越親越熱，然後短兵相接」咁核突。 總之，唔買你地就老襯喇！ 呀心，介紹得好。你仲想睇呀？我已經叫左採菊續架喇！ 阿採菊，你篇《採菊傳奇》寫唔寫埋落去呀？你...閱讀更多

舊作再呈：《羅密歐與茱麗葉首部曲——後現代「豪」情篇》 二○○二年三月尾的一個星期五的晚上，這天的天氣很差，到了約九時半終於下了一場大雨。由於雨來得突然，很多人都忙着避雨，當中還有一位十多歲的少女——城中一家豪門望族的千金——茱麗葉。 茱麗葉這晚到同學的家中食飯，剛離開同學家時，想不到遇上這場大雨。她這晚穿了一套白色的裙，手挽着的手袋也是白色的，長長的秀髮，一身高貴的打扮，雖然在這下雨的晚上，仍是顯得光彩奪目，美豔動人。這時途人雖然都忙於避雨，但她仍是吸引了不少過路人的目光。 茱麗葉走到一間銀行的門口，借着那小小的空間來避雨，她正想整理一下亂了的頭髮時，看到銀行門口的角落躺着一個身形甚似電影〈...閱讀更多

聽住先 目炯兄，本來你既問題應由採菊或呀心答比較好，但係佢地又唔見人，可能係琴晚玩ICQ玩得耐既關係，依家都仲瞓緊。 以小弟唔專業的推介，你可以買隻《古典情緣》，係白色封面既，大概五十蚊一隻。裏面有麥兜既「最靚豬腩肉」、「麥兜與雞」的原曲，仲有「藍色多腦河」、「給愛麗絲」、「天鵝湖」、「小步舞曲」等等易「上腦」既曲，應該o岩你個小朋友聽卦，不過你都係向採菊求證一下最好，唔係有乜事，我真係擔當唔起。

好開心？ 採菊，你預備定幾首歌啦！唔好夜瞓呀，到時失準架！^+++^

哈... 呀心，你都寫得好好笑呀！好野！你要寫多D呀！^^ 亞力士，忍唔到笑唔緊要，千祈唔好睇完好似我個外甥咁就得o勒！

斷正！ 採菊，仲捉你唔到！又唔瞓覺玩到咁夜，個個都走哂，得返你響處。 李博士，星期一見到採菊，罰佢唱歌。

你終於返黎拿 呀心，唔係薯薯，就算講，都係講：唔唔…。你仲睇唔睇吖？ 答案係：o係咁既時勢，屙唔出屎都要叫家長帶返屋企。可能個老師讀過中醫，知道「肺與大腸相表裏」都唔定，好野！

唉！ 呀心，做乜你週圍走都唔捧場呀？

閣下有D面善o番！莫非係顧人？ 鬼咩，D人呢兩日當我呢處係高危地，肯上黎既都要戴口罩，所以咪咁得閒o羅！我都諗緊係咪要休返幾日。 寫得多係無用既，要寫得好似採菊咁有質素至有用。

《採菊開講》上接《專家出手，不同凡響》 採菊說道：「聽音樂的條件，其實好簡單……」 天越忽然說道：「講完音樂呢，最好講埋詩啦！教下我點樣可以打破枷鎖？」 天才說道：「好呀！好呀！我最鍾意寫詩呀，紅藥年年為誰生……」 跟住廚房阿叔接着念道：「亂世惜花自有人，白藥何需三度折？劍埋始敢現紅塵。」 天越問道：「咦？點解你會識念既？」 廚房阿叔話：「我個孫教我念既，我搭車返工成日都聽到人念架啦！呢度D校巴司機都成日念架，乜你地唔知既咩？不過首詩係邊個作既我就唔知，好似話唔知係李白定係莎士比亞作個喎！」 天才道：「乜李白呀！係你面前呢位嬌豔欲滴既小姐作架！」 廚房阿叔看了採菊一眼，說道：「係佢？」 採菊微...閱讀更多

阿採菊 我睇左你篇文之後，我又唔係好敢寫喎，而且就算我點寫都好啦，都唔會夠你親手所寫既咁精彩架喇，咁你唔想我寫，你就寫多D啦！ 不過，如果你真係想做丑角、梅香咸魚的話，我都可以幫你度身訂造，盡量俾位你啦！ 仲有，尺電郵啦！

專家出手，不同凡響 採菊，見你今日咁精神，仲寫左篇咁高質素既音樂文章，真係開心。你琴日先至似鬼上身呀！好得人驚，一改你平日留言既風格，睇到我手足無措呀。 睇了你篇大作，真係令我汗顏，居然能夠將閒話家常的音樂題寫得如此優美，佩服佩服！希望你繼續寫多D，真正幫到愛樂之人提升賞樂質素啦！ ________________________________________________ 原來老蕭首曲對你有咁大意義，咁我更加要諗下計，幫你搵下先得。 十多年前，蕭白鏞來港同宏光合演，曾經上歡樂今宵表演左一首「山東小曲」，我有錄低，你想唔想睇下，不過盒帶借左俾人，我都要問人要返先。 既然你話鍾意佢其他既曲，...閱讀更多

《茱羅記》 10:49，你講得無錯，在「古典音樂」的所有留言中，你居然夾正採菊那篇少有的音樂佳作之中，仲係問《羅密歐與茱麗葉》的問題，的確係好離題，希望我答完你之後，你都俾下面，講下音樂啦！ 《羅密歐與茱麗葉》有幾多篇？我都唔係好記得，有豪情篇、完結篇、外篇、分身篇、復仇篇……。原先係同人在留言區談教徒的問題，一時興起寫的，大部份都要有留意當時的留言才會睇得明。 「智者與遊俠」果邊仲搵唔搵到我都唔知，可能已經同「分身造謠怪」「同歸於盡」都未定。你咁捧場，我再搵下貼上黎啦！依家打算寫篇「音樂鉅著--------採菊開講」，內容同之前一樣咁劇力萬鈞，樂韻繽紛。要媲美《莫扎特傳》，唔可以俾外國人叻哂...閱讀更多

撞鬼o羅！D人去哂邊呀！我呢處有肺炎呀？ 採菊，小弟睇過o勒，《病中吟》呢類舊曲呢，就唔係咁多人願錄音既！錄都錄D新曲啦！ 係王國潼就出左好多隻(緊係啦！D新曲佢仲邊處拉到吖！你都係呢瓣既，應該明啦！)，仲有宋飛既版本，我未返聽，應該對佢有信心吖！想唔想要呀？

壞消息 採菊，你隻CD響我第三次複檢時，發覺你最想聽果首《病中吟》開頭會窒左窒，我將我果隻碟抹到乾乾淨淨都係一樣，咁你仲要唔要呀？ 不如改錄「雨果」王國潼既版本俾你啦，好唔好呀？雖然佢既功架怪怪地，但係「雨果」既錄音好正架，好似真係有個人o係你面前拉咁架，連支弓松香既摩擦都聲到架，最o岩你夜晚八九點臨瞓果陣時聽。 蕭白鏞都係麻麻地既o者，以前佢同中樂團夾，拉首《燭影搖紅》，開頭果下一拉就「撻Q」兩晚都係咁呀！ 又或者劉天華親手拉既版本吖，不過講明先，拉到好得人驚架，你唔怕至好呀。或者仲有無邊果二胡家既你想聽呀？ 或者我返屋企睇下仲有乜野版本再話過你知啦！

好消息！ 採菊，你想要的CD，小弟已經虔錄完成，我都播左兩次，保證聽得到，我會想辦法交俾你。(不過你唔好再半夜三更唔瞓響度不斷咁聽《病中吟》，仲放煲藥o係側跟聽到鬼死咁投入。反而建議你每日大清早起床就播番首《光明行》，一邊擦牙洗面，一邊聽，不出一頭半個月，保証你成個人醒哂，面色都唔到哂，對眼都睜得大D。) 另外，其實你都唔係話「日頭寫唔到野」吖！咁快就寫到兩段咁感人肺腑既留言，又再一次印證左你既文采，仲係多方面既添。所以係無需要有覺唔瞓既，只要有適當既推動，你一定可以寫出感人既篇章既，呢方面我一定會全力去幫你既，你放心啦！ 其次，你睇下長老幾咁好學？即使早走都一早上來問返之後有乜好野？你睇下佢...閱讀更多

慘！ 變心果封打回頭。

可惜可惜...... 長老以及昨日有俾電郵我既一眾網友，首先去睇下收唔收到電郵先。琴晚既事，我只能替你地早走既人可惜。 第二、採菊你唔好咁激動住，冷靜D先，有事慢慢講，等我食完飯行完街返來有好消息同你講。

安地 係喎！我可能成日卦住：去元朗唔好去海洋公園；去元朗唔好去海洋公園；去元朗唔好去海洋公園………所以搞成咁。 改過先：《如夢露》 成日要讀電腦，食龜靈膏最補。女友想食即送到，調味不能糊塗；加醋，加醋，加親保証攪肚。^^

筆順碼 都係筆順碼好D，九方個新版都係向佢地偷橋。

貴客到 吳大小姐大駕光臨，真係藉增榮寵，曷勝榮藉。你都見啦，我呢一版來來去去都係得果幾個人，唔似得你同採菊咁受歡迎，你要多D黎捧下至好呀！《芝加哥》呢，都係留返俾採菊前輩同你傾啦！/。。\ ________________________________________________________________ 祖鐘，如果你想聽真正既音樂知識呢，你除左可以黎呢度聽呀心講之外，最好去中文聽李博士的課，然後同大家一齊去飲野，聽採菊開講。點解我會咁講呢？事情係咁既： 話說小弟琴日又不務正業去聽李博士的課，落堂一齊走去新亞茶餐廳飲野傾偈，李博士大約六點鐘離開，通常o係呢個情況下呢，其他人都會四散...閱讀更多

《芝加哥》 呀心，《芝加哥》我有睇，仲專登去海運睇，貪佢銀幕夠大也，我覺得如果「揸住煲茶」當初肯接套戲，可能會好睇些(跳舞果部份)。 拉大提琴有樣好，順手也，小提琴要反手，辛苦D。「大提琴襯底」？你係咪又想起首卡農曲呀？ 琴日「不務正業」走去聽李博士的「思考方法」，順便見下D網友。 內容非常豐富，有「皮蛋酥」、「海洋公園遊」、仲「塞錢入你袋」…… 網友方面就犀利o勒，有身材健碩的壯士、有民初氣息，溫文儒雅的詩人、嬌媚的瑪利蓮夢露……人材濟濟，目不暇給，不能盡錄，以「如夢令」記之。 變心天越阿豪，家姐猛等細佬，想寫白板筆又無，經常有人遲到。「誤導」，「誤導」，驚鴻一瞥夢露

提下你先 同黨？ 就算係同黨都好，總好過你要自己扮埋吖！哈哈…要自己扮……哈哈…笑死我喇！ 仲有呀！一個名可以用好多次o架！傻佬，乜咁浪費呀！玩都玩得蠢過人。玩還玩呀，玩完記得食藥呀，哈哈…仲有呀，睇清楚藥袋上高個名呀！你知你架啦！哈哈！^_^ 我估睇得最開心既係網編，因為可以睇到D人扮鬼扮馬。 哈哈哈……自己扮…攞命呀！^0^

julian lloyd webber 呀心，係呀，佢大份過佢大佬o架！仲幾有殺氣，最o岩拍一D《奪命狂奔》、《月黑風高殺人夜》之類既戲，聽聞以前仲同佢大佬唔係幾o岩傾。 開緊套「貓」既戲？未聽過喎，可唔可以詳細寫黎聽下呀？

哈！^0^ 假名一個就夠啦，有些人以為改多幾個名就可以虛張聲勢。哈哈…

佳作當前，續貂在後。 哈哈，好熱鬧，我來也！ 大華兄果然好詩。 意蘊精深，情韻動人，使人蕩氣迴腸，百讀不厭。仲引來幾位大詩人來唱和。 意境雋永，氣魄浩大，令受「酸、恨、怨、毒」煎熬著的受傷靈魂都頂唔住，要一一浦頭。 小弟o係果邊講到手汗都乾咁滯都未有你咁好成績，真箇望塵莫及，忍不住來趁熱鬧，想話叨叨光，我都來兩句先： 意蘊精微 詩想藝術最高的才情 酸恨怨毒 三位一體受傷的心靈 停唔到口，再來多兩句添： 深閨怨婦 難改撩是鬧非之品性 嘴多口臭 分身記緊要改姓換名

右手邊 木哥，我當然係指我右手面條佬啦，最難頂陣除呀，避無可避，想挨去左邊又怕你誤會…

今晚早D覆呀！^^ 阿採菊，我一睇到你既笑聲就想起早幾日去理工聽潘宗光講「十二因緣」到發問時間，坐我隔籬果個人成日失驚無神o係度騎騎笑……當然，佢無你笑得咁可愛啦，就係咁先至激氣，都唔知種左乜野因？遇着件咁既果。^^ 我睇都無邊個留言區可以刪除或修改留言時間卦？ 你想無左果D煩惱好簡單o者，早D上網；早D瞓咪得o羅，橫掂你咁得閒，應該難你唔到吖！ 小弟醃尖聲悶，希望你不要見怪就真 (其實我都係受人所托) ，慶文拜倒採菊裙下。

撞鬼呀！點解我段野會唔見左o架？(復原篇) 打烊 呀心，你咁問我真係令我感動，原來你上來剩係黎呢一版既，李博士D「金句」你都唔睇。 「打烊」是指這個留言區要「收工」，你睇下李博士的《開心假期人人有份》就知喇！ 如果瞓唔覺，試下聽住輕音樂瞓(同唔去瞓聽音樂係有分別既)，音樂能夠令你既思維唔會如脫疆野馬，慢慢就會入睡，你可以試下，不過…你最遲都係由十二點開始聽好喇！(俾着你兩點即刻瞓得着，都係夜左D啦！)

夜晨 嘩，阿採菊，你又搞到四點幾呀？我都明白夜晚黑好正，最o岩用來諗下野，我每次都會諗既一樣野係：再唔瞓，聽日實成隻彊屍咁行出街。 所以呢，雖然：春宵一刻值千金。但係健康都好重要，除非你日頭瞓返八個鐘啦，否則，聽音樂你可以早D聽丫，又或者你較定個鬧鐘，起身聽完第一野雀叫，再瞓返o羅。你有睇過《莫扎特傳》都應該記得莫扎特最後果幕，有覺唔瞓，掛住搞音樂，終於埋左單o架啦！ 拿？我教你吖，你可以去一D人煙稀少的地方，八點鐘就好似深夜咁款，而為着健康着想，你仲可以o係果度打番兩個鐘頭太極，平衡一下。然後去宵下夜，返歸。你話幾咁好呀，係咪？ 孫文明既曲好少聽，近幾年更加無賣二胡CD，所以無聽過你講首曲。...閱讀更多

深宵推介？ 又講返音樂先。 阿採菊，首先恭喜你生猛返哂先，有你o係度，係眾網友之福，你咁叻，得閒寫多D好詩，同作D好曲俾我地欣賞下啦！ 熄哂燈聽「夜曲」，緊係正啦，聽蕭邦既夜曲，越黑，D味道就越出，音樂好似從黑暗深處飄過來……不過咁，你都唔使聽通頂，成晚唔瞓下嘛，好嚇人o番！ 你不但止個樣夠福氣，個人有才氣，為人又客氣，仲有幸彈過荷洛維滋個琴，真係羡慕死人。不過我都唔差，我都敲響過放o係廣州鎮海樓既戰國編鐘(琴晚同木哥傾開至想返起)，不過我想打下李小龍個沙包就唔知有無機會o勒。

呀心，舊作陸續推出 呀心，你講既都未算恐怖呀，我見過一個男人，整條腰咋，一入房佢就剝哂光豬呀！次次如是呀，搞到D女助手都唔敢入去呀。 其實個物理治療師大驚小怪o者，佢做得呢一行，就算見到阿婆個心口紋左隻「哈o羅吉蒂」o係度呀，都唔應咁失控吖。 唔好講咁多恐怖野，講返D溫輕綺麗既先： _______________________________________________ 《羅密歐與茱麗葉遺事》第四回之《哲道十四闕》之謎 這天羅密歐在醫院飯堂剛吃過飯，正在看李博士的《從思考到思考之上》之際，身後忽傳來一嬌柔清脆的聲音：「羅密歐！」 羅密歐回頭一看，見一女子正向他行來，他一看那身影便知來人是...閱讀更多

講左咁多恐怖野，講返音樂先，唔係又被人話離題。不過都好過開咁多新版！ 採菊，近排見你無聲無氣，唔係見你留咁大段野，我今日就打算問下你係咪病了？ 講起夏綠蒂呢，我想話佢最好向歌劇界發展，把聲唔係最「掂」唔緊要，至緊要既係佢個樣都睇得下。因為好多表演歌劇既女主角，個身形都勁過女泰山，唔係講笑，我睇欣兒同沈殿霞加埋都未必夠佢重。而佢居然要飾演一個「二八佳人」，你叫人點投入去睇呀！ 純粹聽CD都無乜所謂，但係依家已經有影碟丫嘛！有D歌劇我都想買碟睇，但係一睇下封面女主角個樣：「噢！賣葛！」 我有隻《魔笛》既DVD，入面個男主角行埋個女主角度話：「啊！你雪白既肌膚……」大佬呀！呢個係「炭版」帕蜜娜黎o架...閱讀更多

原來講講下都已經半年…… 老宗，戴個口罩就安全D啦！阿伯就緊會有幾聲咳，未必一定同「肺炎」有關。 但係果D當眾「撩」鼻者就會即時令你嘔心，真係打針都無咁快。我後來都陸續見唔少，差D想整篇《恐怖》續集。 我見過既仲有： 將三分一隻食指塞落個鼻處。 用力「撩」到半邊面都歪埋。 「撩」完鼻，跟住「撩」牙。 「撩」完鼻，跟住「撩」耳。 「撩」完鼻，跟住又撥頭髮。 拎粒「野」出黎，睇完又睇。 仲有D人攞黎「玩」、「彈」。 ……再講落去肯定被網編斬。 有時我真係想開聲：「拿！你咪彈呀！」 俾着我重係讀緊書果陣，實行搵粉筆同佢地彈過，不過我實唔夠佢地黎，因為粉筆既殺傷力係唔夠佢地大既。

呀心，睇住篇舊作先啦！《恐怖Ⅰ》 警告！！！以下內容，可能會令大家情緒不安。如閣下患有冠心病、心肌梗塞、先天性心肥大等心臟病、曾患過中風、將要進食或剛食過o野的，請按[返回] 最近發生了一件事，這件事在我心裏面已經留下了深深的、不可磨滅的烙印，如果我不講出來，我怕這個陰影會一直好似冤鬼咁纏繞住我，兼且這個亦是李博士一向都十分關注的問題，所以經過整晚的考慮之後，我決定借這個網頁將這件事公諸於世，希望會令大家對人生有更深的體會。這件事是發生於今年的八月廿三日星期五——即係尋日——鬼仔節翌日……雖然是發生在尋日，但那份震撼、那種驚駭，至今仍非常深刻，就如發生在今日一樣，以下就是事件的經過…… 話說尋...閱讀更多

DVD機 呀心，我睇過喇！抄拉跛民既所有DVD、同韋伯有關既DVD，都有黑夜之歌。 你幾時整返部DVD機呀？你隻《樂韻繽紛》睇左未呀？

咁都打錯，真係羞家... 好彩唔係打人，應為： 紅藥年年為誰生 採菊相贈連城珍 小弟晚晚聽住瞓 吳門一曲韻味深

唔好客氣^^ 紅藥年年為誰人 採菊相贈連城珍 小弟晚晚聽住瞓 吳門一曲韻味深

呢首肯定同「男乳」無關 曲、詞：鍾志榮 《愛在地球毀滅時》 願思念是並沒盡頭 沒有依附現在過去或以後 即使這軀殼有一朝會化盡塵垢 仍能跟你纏綿於宇宙 霓虹上有雪，洒得多撇脫 像向天地萬物作最後告別 分不清季節，這冰冷四月 眼前的世界，最色淒迷決絕 抓一把細雪，放於手灼熱 但願不再怕北風深寒刺裂 深深的愛過，永不會泯滅 過渡千世百劫都不能間斷 悲傷不要說，太匆匆歲月 現在應與你相戀的人吻別 分不清季節，這冰冷四月 我們不要說再見，隨世界破滅

快D去買啦！ 美腮，如果你想要中譯又唱得出既話，可以搵教會既朋友幫手，佢地呢樣野最拿手。唔信你睇下佢地既歌書就知道o勒！最好搵佢地唱埋。 呀心，我話「韋伯」個細路拉大提琴果段就o係埋「韋伯生日」隻碟度。呢隻DVD我買左兩隻，一隻係台灣版，另一隻舊年買，係美版一區，有埋歌手既訪問。 果隻碟都有收錄到《黑夜之歌》，係由「沙拉跛民」唱既！「韋伯」既歌，「沙拉跛民」開親演唱會都唱(「沙拉跛民」係「韋伯」既前妻。)，而呢首《黑夜之歌》係每場都必唱，我有佢幾隻DVD都有唱呢首歌。不過歌詞就會改左D，因為原先係男人唱。所以如果你因為無呢首歌而唔買，咁你好快D去買喇！你會唔會係講緊紅色封面果隻呀？我講果隻係黑...閱讀更多

目炯兄 《佛學綱要》 - 蔣維喬 李博士話呢本書主要係講四聖諦既。

音樂一起，美腮駕到！黑夜之歌，即時送到！ 《黑夜之歌》 夜晚撩撥起 每一個感官 黑夜激發起 喚醒了想像 感覺悄悄地 卸下了冑甲 無力抗拒我撩撥的音符 我所創作的黑夜之歌 輕輕地，柔和地 夜晚灑下了魔網 抓住他，感受它的 悸動和柔情 聆聽是信賴 音樂是冀求 強烈的閃電軟化這燭火 只求你相信這黑夜之歌 閤上你的眼 因為眼睛只會說出實情 而這不是你想見的實況 黑夜裏很容易假裝 事實上這一切都是 輕巧地，溫柔地 音樂將撫慰你 傾聽它，感受它 讓它秘密地佔有你 敞開你的心胸 讓夢幻緩緩舒展 在這樣的黑夜 你根本無法招架 這暗夜的黑夜之歌 閤上你的眼 開始環遊這陌生的新世界 撇下舊世界所有的思潮 閤上你的...閱讀更多

《恐怖》一出水靜鵝飛……都係講返音樂算o勒！ 《我唯一的請求》 男：別再提及黑夜 忘了你眼中的驚懼 有我在，你再也不受傷害 讓我的話語溫暖撫慰你 讓我給你解脫 讓陽光拭乾你的淚水 我將留在這兒 陪伴在你身旁 保護你，引導你 女：說你愛我在每個清醒時刻 在我耳邊訴說夏日的種種 跟我說你需要我陪伴 從現在到永遠 答應我這是你衷心之言 這是我唯一的請求 男：讓我成為你避風港 讓我成為你的燈塔 你會安全，沒人找得到你 讓懼怕遠離你 女：自由是我衷心的願望 一個沒有黑夜的世界 有你永遠常相廝守 擁抱我並隱藏我 男：說你願意和我分享 這一生只有這份愛 讓我帶領你走出孤寂 說你需要我 與你常相左右 天涯海角...閱讀更多

多謝哂！ 採菊姐，乜咁重手呀！好感動！小弟沒齒難忘呀！你同令兄真係客氣。

小花生好正！

《恐怖Ⅱ》上篇 警告！！！ 以下內容，可能會令大家情緒不安及失眠或瞓得着都會發惡夢。如有不適者，請有咁快得咁快，按「返回」鍵或將電腦插頭拔出，盡快離開。 各位，相信大家都試過去焗桑拿，即使你未去過，但係都應該聽過、知道焗桑拿係乜野既一回事。通常焗桑拿，係男女分開黎焗既，而男人呢，就緊係好想去女人果邊一齊焗既，同理，女人都一樣好想去男人果邊一齊焗既……當住係咁先啦！ 既然各有所需，點解唔可以男女同焗呢？呢個唔係呢度要討論既問題。我想講既係：即使男同男焗，都一樣唔安全，因為有：「男！乳！」 大家想想，有個「男乳」入左黎，就等於有個男人入左女人場一樣。試想下，如果你去焗桑拿，因為平日工作繁忙，加上經...閱讀更多

醒目女 呀心，你真係叻女夾醒目。「莎拉跛民」呢首歌，我曾經都想過將中文版既歌詞放上網，想不到你都有此情趣，你真係無得頂呀！「莎拉跛民」既歌第日再同你講。 《G弦上的詠歎》既故仔不如由你來講，好唔好？ 日劇同日劇配樂，我都係喜歡《亞拉，俾多D時間我吖！唔該！》係金城武做既。 洪子係好勤力練琴既，所以佢無咁快覆你，你等下添啦！ 講左咁多音樂，又係時候到映戲時間o勒，今次係一齣驚嚇性既創作：《恐怖Ⅱ》

小花生 《對她有話兒》係一齣值得一睇既好戲，又感人，好有味道。不過先旨聲明，這不是一齣普羅大眾都喜歡的電影。 王家衛既戲，我最鍾意睇《旺角卡門》，係未睇《東邪西毒》同《春光乍洩》，《春光乍洩》唔敢睇，因為我怕睇見男人接吻。王家衛既戲你都係當特長既MTV去睇會好些。

更正 米爾斯坦既DVD係無有我心愛既莫扎特小提琴協奏第三既慢板，小弟因為「開心到出煙，血壓狂升、心臟狂跳」所以將K261同216倒轉黎睇。 特別推介巴哈既1006，剩係聽下果幾下完美無瑕既漸強、漸弱，就乜都抵返，我敢話，o係呢一版入面，只有呀心同洪子至做得到。^^ 採菊，鳴芝聲o係鴨脷洲做大戲呀，有《紫釵記》同《帝女花》，你睇唔睇呀？如果你肯殺入黎鴨脷洲，我請你睇又點話。

奇片 阿圓，我琴晚終於咬實牙筋，睇哂齣《高斯福》，的確係奇片。

吓！ 玲姐，「洪葉隔鄰的紅螞蟻好像是卡拉OK」？唔覺喎，我見好多人o係度食野個喎！等我行過再睇下先。 guinea pig，98年西門町應該未開，頭先見到小圓山都執埋。

唔敢當！ 呀心，你千祈唔好誤會，我並無經常去演講，更唔會去講「講音樂」。呢度既顧曲、採菊、洪子、羅拔臣、朗勞同埋你等等等等至係猛人，你地要多D親近親近至o岩！ 關於轉名既問題呢，就唔係呢度講o勒！一來免得有人又發癲，又o係度生安白造、搞D破壞李博士名聲既言論出來，到時又要麻煩網編去刪除。二來我又費事辣興D癲佬，搞到佢一見我個名就嬲到出煙，血壓狂升、心臟狂跳。而我見佢咁嬲，又會有D惡意快感，開心到出煙，血壓狂升、心臟狂跳。 第日有機會至同你詳談啦！好好笑既，你可以o係度搵返我開既題目：「李博士呀~~~~~！」就會見到少少後遺症o架o勒！，我名之為：「癲佬(俾人)鏟後失調症」。 採菊，令兄印了幾份...閱讀更多

紅螞蟻 銅鑼灣洪葉隔籬都有一間。

guinea pig 西門町已變了圓山，圓山又再變了小圓山，請問你講的台灣麵是在地鋪還是樓上？小弟在銅鑼灣打躉，可以幫你留意一下。

一句講哂！ ^o^(大叫)明月係靚女~~~~~~~~~~~~~~~~!!!

小花生 《對她有話兒》我睇左。 《高斯福》我星期六買，睇左三日，睇到琴晚都未到一半。(死未？)

係咪西門町？

洪爺到 洪子，乜你呢個「人肉古典音樂百科全書」咁遲至加入呀？先介紹你識呢度既台柱——呀心！同你一樣，都係(人見人愛既)小提琴高手，你地得閒要多D切搓下呀！ 米爾斯坦既DVD我去HMV睇過，有我心愛既莫扎特小提琴協奏第三既慢板，剩係聽呢一首同巴哈既曲就已經唔食飯都要買啦！ 阿朗勞，你識咁樣答個考官，實「趴時」啦！乜你見過我o架？我好少講音樂，最近講過《悲愴》應該係零二年既三月二日星期六o係中大，唔通你係……請問你仲有無一個可以令我記得起你既大名呀？

明月姑娘 小花生，你知道我D乜野呀？ 明月，因為係咁既：通常叫明月的人，都是絕色美人一名。但係小弟一想：有無咁大隻夾乸隨街跳呀？所以就會諗：可能實則虛之都唔定，而且在另一個網頁也有一個叫明月的男人，加上小弟也曾經想用個這個網名，所一見「明月」兩個字，就當正男人看代。我之前見到採菊個大佬都係咁講，唔信你問下佢。原來閣下真是靚女一名，真係……真係…小生有禮o羅！

係喎！明月，我都認為你係男人黎個喎！

預告 阿採菊，講講下婚禮音樂，做乜事咁感觸呀？你隻大藍籌琴晚又停牌，你地係咪有外展呀？行夜山呀？ 一口氣講左咁多音樂，又講返D實際野先。話說《聊齋》果晚(見之前的留言)聽人講起「桑拿」。又加上果幾日小花生好興奮咁講「男乳」，我就想到一D好實際既野o勒！請睇《恐怖》2

小弟強烈推薦： 暫時黎講，筆順碼係最好既！

謝幕！(^ο^) ／ v (^。^) y好野！李博士終於肯黎捧場喇！ 羅密歐、茱麗葉、慈姑：「多謝李博士、安地捧場，恭喜發財！」 ＼ (^ ^＼ )(^o^)( ／^ ^) ／ 慈姑：「五十年前！慈姑o係利舞台隨戲登台！關德興同唐滌生都有黎捧場！慈姑當時同他們合照一張！相片現放在香港電影資料館！當年戲票賣三毫子！並且有蔗送！慈姑最喜歡食麥芽糖………」 同場加演：《魔誡再現身》 魔 誡 ↓ 0(‵′)======O*(>_<)}}

真係羞家 朗勞哥，唔好意思，一掟上黎就發覺搞錯，我話『呢一類音樂，現時名之為：「新紀元音樂」』係指「喬治溫斯頓」既鋼琴曲，並非指果首《卡農曲》。^^

Sarah Brightman? 無錯！逐個傾！ 嘻嘻！朗勞哥，您真係客氣，指點呢！小弟就無資格o勒！不過聽音樂o架野呢！至緊要係用心聽就得o架o勒！ 《夠鐘講拜拜》呢首歌，開頭段音樂一出就已經好吸引，我經常用黎當試音響咁播俾朋友聽，個個一聽即時眼都發光呀！跟住歌手一開聲：「傻咯傻咯…」如果係睇音樂會，呢首歌通常放o係最尾，歌手一宣報歌名已經先黎一陣掌聲，跟住音樂一起，再黎多次掌聲，一：「傻咯傻咯…」又黎多次，若果有人合唱，到男聲：「傻咯傻咯…」再一次掌聲，好鬼熱鬧。再加上莎拉布來曼果種「入戲」既眼神，點到你唔攞錢出黎買？ 仲有！之前講莎拉布來曼改編貝多芬第七果首歌，阿莎拉把聲就唔使講啦！但係...閱讀更多

朗勞 有無聽過沙拉布萊曼既歌呀？

呀心一到就熱鬧返！^^ 沙拉布萊曼將貝多芬既第七交響曲慢版，改編成果首歌都好有味道o架！ 貝多芬既鋼琴奏鳴曲有人會分為兩款，一款係有標題既，如《月光》《悲愴》等等，大家應該好熟，另一款較少人提及，係最後果幾首，如編號90、101、106、109、110、111等等，較為有深度，小弟尚未領略到，唔知採菊可否補充下？ 呀心，我又想講下日戲既音樂，有邊齣你特別覺得好聽o架？ 同埋你上次介紹果個網頁會問我收錢既？嚇到我「單撈」緊都即刻撤退。 呀心，小弟要返歸，你頂住先呀！

恭喜^^ 紅藥年年為誰生 採菊呢期最歡欣 首詩個個爭住和 遲下全港都風行

多謝賞面 小花生，招呼唔到，飲多杯啦！

《茱羅記》下篇 白菊何需三度折，情話何用太認真？ 羅密歐不料茱麗葉會有此一問，一時不知如何開口。 茱麗葉笑道：「好難答係咪？唔怕話埋俾你知，我以前D男朋友都無個答得到既！」 羅密歐拍心口，豪氣的道：「你放心啦！我第一個一定救你先既！」 茱麗葉道：「唔得！仲有一樣野未曾話你聽，我係好錫我阿媽既！」 羅密歐道：「咁又有乜難啫！我會救你地兩個先。」 茱麗葉道：「咩野救兩個先呀？我就係問：兩個人，你會救邊一個先呀！」 羅密歐道：「我咪話救你地兩個先o羅！就等於有一百個人跌落海，你問我會救邊個先？我就話救你地兩個先o羅！」 茱麗葉道：「咁你不如話，一次過救哂一百個人上黎？」 羅密歐道：「哦！咁又唔得喎！...閱讀更多

心結？哈…… 哈哈…唔…唔好意思，十三點兄，你真係幽默，小弟一聽見「心結」兩個字就想起平時同網友吹水講起「分身怪」既內容。忍唔住就覺得好笑。再諗起佢之前連續幾個留言無人啋就更加……更加(忍笑忍得好辛苦)…哈…覺得好笑。當然是「玩樂」啦，所以小弟才會經常哈哈大笑… 小弟雖然唔係好忙，但係同各位網友有講有笑，真開心，仲得閒出黎見下面，一樂也。奉唔奉陪都要睇緣份既！小弟暫時都係想…想……想笑呀！哈!哈~~~~~唔好意思。^^你坐下先... 採菊！我仲以為你唔記得o左呢度添。多謝哂！小弟一於奉上小弟負責策劃既中樂晚會現場錄音CD一隻，敬希笑納！就等令兄下次再光臨「寒舍」時雙手敬上，最好就係閣下一齊大駕...閱讀更多

哈!哈!哈 紅藥年年為誰生 網上造謠有衰人 頻頻改名玩分身 哈哈大笑是阿文

十三點 (-_-)你終於都肯「現身」！

唔係！ 係個阿媽死後，大家一齊食飯果幕！

小花生 齣戲你都應該睇過啦！仲使我講？

.\ /. 彈開啦~~~~~~~~~~~~~！ 唔該~~~~~~~~~~!!!!!!!!

呢齣戲李博士都話鍾意睇 《東京物語》最後果場好有震憾性。(小弟覺得^^)

就快到三百點喇！努力呀！ 呀心，你去左邊呀？個價位又跌喇！ 你知唔知呀，呢板野好多猛人睇o架！遲下呢度摺埋，港台可能會有頒獎典禮，我睇我地「卡食」呢板，應可獲最佳音樂同最佳服裝既提名o架！

採菊唔該早D瞓，呢班網友會執勤。 紅藥年年為誰生 採菊上網失哂暈 保重嬌軀至要緊 莫令家人再擔心

只想請兄食雲吞，並非存心要笑人 紅藥年年為誰生 小弟並非要笑人 只係寫詩求押韻 求其一句咪認真

紅藥年年為誰生 明月大哥食菴菴 康慈唔使上深圳 請佢幫你包雲吞

《茱羅記》第三集預告篇 一個千百年來無法解答既問題： 『茱麗葉道：「如果我同我阿媽一齊跌落水，咁你會救邊個先？」』 一個令無數哲學家抱憾終生，無疾而終既問題： 『茱麗葉笑道：「好難答係咪？唔怕話埋俾你知，我以前D男朋友都無個答得到既！」』 多少情場浪子、𠝹女聖手最後都因為呢個問題而鬱鬱寡歡，轉行做左哲學家既問題： 『羅密歐心想：「慘…原來佢仲癲過我。」』 一個耶穌都唔識既問題： 『茱麗葉大聲道：「唔得！！！」』 一個令救生員都答唔出既問題： 『茱麗葉大聲道：「咁救邊個先吖？」』 布局離奇，耐人尋味 究竟羅密歐會點答呢？ 扣人心弦，抖唔到氣 . 『…我就黎黐線架喇……』 劇力萬鈞，萬勿錯過，天...閱讀更多

明月早晨 紅藥年年為誰生 成晚落雨嘈住人 柵埋隻𥦬焗住瞓 全靠阿媽叫起身

小弟瞓醒喇！^^ 紅藥年年為誰生 採菊依家是名人 光宗耀祖唔在講 他日特首坐上賓

採菊應分最大份 紅藥年年為誰生 蘭露挑起我鋪癮 出本詩集搵真銀 賺到幾多大家分

早抖，請呀！ 紅藥年年為誰生 大家鬼打咁精神 各位作詩上哂癮 今晚返風咪冷親

紅藥年年為誰生 採菊風騷夾銷魂 原來咁夜應該瞓 小弟夠鐘要鬆人

紅藥年年為誰生 港台網上無聊人 出街行路打倒褪 上網留言扮低能

呀心 你唔好再啋佢喇！免得佢成日走過黎呀！拖低哂D質素，搞到無人黎留言o架！ 如果你心急既話，不如你問下阿積，睇下佢點答吖？ 寫我就寫好o架喇！咁我諗住今日出中篇加嘛！咁琴日出左，褪番幾日o羅，好無？李博士D書出得咁慢你地都等得咯，無理由等多幾日都唔等得假，係咪？

網編！ 救命呀~~~~~~~~~~~~~~~!!!!!!!!!！！！

康慈 有個渡假村請人做「箭靶」呀！你做唔做呀？

不如你地黎吖！ 你地等下先啦！安地都未急，你地又急乜o者？我都話左跟住既野，唔係一個正常人諗得到o架啦。我要用一九主義，將自己變成一個「純粹既人地」，咁至寫到o架！唔o岩不如你地寫埋落去吖！ 呀心，你唔好啋佢呀！佢癲o架！ 點解你咁快放學o架？

康慈 .\ /. 妖！你又就走出黎做乜呀？你依家打斷左我呀！麻煩…

唔爭在呢兩位！ 仲有變心小花生 黎到新亞唔現身 搞到李生成日問 唔信可以聽錄音

仲有呢兩位死黨 紅藥年年為誰生 天越神君大詩人 加埋天才高學問 幾時再來搵阿文 註：天才即煎烈士

咁都唔預我？貼番夠本先！ 紅藥年年為誰生 明月提醒細路文 日頭呼朋網上見 晚黑高掛伴星辰 紅藥年年為誰生 呀心最叻小提琴 表演着乜唔使問 黑色吊帶既長裙 紅藥年年為誰生 採菊丰姿最迷人 詩作最多人徵引 行山文章網上行

明月 咁好呀？即去！(呼~~~~~~~!)

「差倫住你」 (嘻嘻...)吳蘭露，你呢幾隻字搞到我諗左第二D野呀！哈哈...

小花生 佢可能唔係撩牙，而係撩「牙箍」都唔定！

小花生 是但啦，橫掂應承左阿木哥會寫，不過你地要o黎「卡食」處留下言，得唔得？

嫌短？中篇到！ 茱麗葉笑問：「你笑乜野呀？」 羅密歐道：「我笑你部音響o羅！」 茱麗葉奇道：「我部音響？我部音響有乜咁好笑呀？」 羅密歐在凳上坐低，對茱麗葉道：「好！又等你學下野，首先，一聽就知你係用緊部「新力」既DVD機o黎播CD，兼且又配左部「天龍」既DV-601擴音機。第一，用DVD機播CD，本身已經係一大敗筆，本來都仲可以o係擴音機度補救番既，好可惜，牌子唔夾不特止，而且DV-601本身係一部前置既擴音機，聽下夏金城D歌或者用o黎睇戲聽下槍聽都仲可以。咁都仲未算……你等陣先！」 說完拿起咖啡，呷了一口，然後「霞」了一聲，跟住放下咖啡繼續說道：「但係你為左聽SACD時好聲D，o係將個信號...閱讀更多

小花生 咁我更加想問你：點解會覺得得意？

小花生 佢唔係唔中意用牙簽，而係用唔到。你睇埋聽日既中篇你就知。

小花生 何出此言？

《羅密歐與茱麗葉之紅藥年年為誰生，跌了落水救誰人》上篇 謹以此故事，獻給我的偶像─────安地 人物：羅密歐、茱麗葉道、慈姑。 場境：卡布雷的大宅，茱麗葉的房間。 紅藥年年為誰生，愛侶家中有怪人。 「入o黎啦！」房門打開，茱麗葉拖着羅密歐的手走了入來。 茱麗葉一跳上床，坐在床上，伸開雙手，對羅密歐微笑道：「點呀？我間房靚唔靚呀？」 羅密歐道：「幾好吖！」隨意望了望，見還有另一間房，便問道：「咦？點解仲有間房既？」 茱麗葉道：「係書房o黎o架！係呢，你飲唔飲野呀？」 羅密歐道：「都好吖！」 茱麗葉大聲叫道：「慈姑！」 只見一個木口木面的中年女人進入房來，對茱麗葉道：「小姐，咩事呀？」 茱麗葉對那...閱讀更多

走得快，好世界！ 呀心，夏錄蒂初出道個陣，咪同哈利波特個女同學差唔多大細o羅！ 咁莎拉.布萊曼o既歌你又有無聽過呀？ 近排可能發生好多炸彈疑雲，所以小交個「車佬」樂師拎定個手袋出場，有乜事都可以第一時間走先都唔定。

細個D經歷？ 小花生，乜你唔去「卡食」果邊搵我呀？你明知我o係果邊打躉o架啦！ 你先講下做乜會有此一問先？

Sarah Brightman 朗努，即係歌聲魅影個女主角。 (慚愧地)小弟譯得唔好，台灣譯做莎拉.布萊曼。

朗奴，請等一等！好快...

「夏綠蒂」 俾Ronald挑起條筋，想唔講音樂都唔得。阿「夏綠蒂」既歌呢，我都聽過，仲曾經想賣過，但係聽落我硬係覺得「莎拉鳥人」把聲仲好聽，(當然大家選既歌都唔同啦！)所以無買到。反而「莎拉鳥人」既DVD我就有幾隻，係爭一隻未賣，CD就買左一隻，佢同胡鬚佬合唱果首：「夠鐘講拜拜」簡直可以用o黎做試機碟。 「莎拉鳥人」o係二千年時o黎過香港演唱，張學友同佢合唱過一曲，張學友把聲一般普羅大眾都話好靚，但係一拍埋莎拉果度，當堂變爛聲，人地唱得輕描淡寫，佢就唱到好似「劏白鶴」，嗌哂救命咁，頸筋都現埋，真係羞家。 講返「夏綠蒂」，有次HMV播緊佢既DVD，有幾名男女揸住隻碟，對住個電視，其中一個睇左隻碟...閱讀更多

……然後o係個鼻哥窿度攞返出o黎，再塞落你個口度就o岩！

康慈 「史上最強既小學生」，唔該你過隔籬玩啦！保你大喇！

聊齋 今日唔講音樂，同大家講返D實際野，我夠膽話無實際經驗o既人係講唔出o既。 琴晚去食飯，點知坐隔籬果位原來係有「狐味」o既！臭到抽哂筋，大佬呀！要食飯o架！乜搵D咁o既野搞呀？ 搞到我無喱胃口，原來呢！佢每次遞手夾餸果陣呢！D味就大陣D o既！但係佢夾得密D呢！D味又淡D喎！食到慶起呢！D味又濃番。最慘係佢另一隻手，長期唔郁，D味谷谷埋埋，到佢要「聯手」o既時候呢，例如：拎紙巾呀咁！又攻野勁o既過o黎！被呢仲一浪接一浪o既打擊，你話邊度食得落吖！ 據聞有呢種問題o既人，佢地個衣櫃先至係重災區， D賊佬遇着入屋爆隔唔好釆呀！一打開個衣櫃………哇~~!!!!即時暈低呀！如果係向後暈都仲好D，若...閱讀更多

我都漏o左一句 呀心！我會話：兩個月四篇太多喇！一個月兩篇啦！

等我請啦！無得傾呀！ 呀心，俾着係我呢！就緊係贊成啦！不過你個阿「蛇」就諗漏一步，我會話：贊唔贊成都係上o黎呢處討論。 咁你o係呢度撞唔撞到你D同學呀？仲有，你係咪讀緊科技大學呀？我最近部冷氣壞o左，代理上o黎兩次都整唔到，邊度壞都未知，星期一再o黎，不如你幫我睇下部冷氣吖，好唔好呀？ 採菊，你大佬一表人才、氣宇軒昂唔在講，仲同你一樣：學問淵博，見識不凡，每次傾談小弟都得益不淺，點敢話打攪呀！不如大家輪流請啦！由我請先，我等你製造機會喇！

咁咪掂o羅！^^ 改為「妳」字無「你」份 異 性 同 性 要 分 真 基 佬 乸 型 唔 使 諗 歌 中 思 念 是 女 人 妳怎麼捨得我難過 作詞：黃品源 / 作曲：黃品源 對妳的思念 是一天又一天 孤單的我還是沒有改變 美麗的夢 何時才能出現 親愛的妳 好想再見妳一面 秋天的風 一陣陣的吹過 想起了去年的這個時候 妳的心到底在想些什麼 為什麼留下這個結局讓我承受 最愛妳的人是我 妳怎麼捨得我難過 在我最需要妳的時候 沒有說一句話就走 最愛妳的人是我 妳怎麼捨得我難過 對妳付出了這麼多 妳卻沒有感動過

旺場 安地，你果然寫得，一野笑冧我。 阿採菊，你個場就旺啦，一日添幾版，十日就過二百幾嘞！ 我要搞成三個月都唔夠你多呀！

思考靈銳，講又得，寫又得！^^ 安地，唔係呀，你個虎背真係幾掂o架！我見咁多人，係阿諾舒華身力加至有你呢種身型，你使唔使積唔積極減肥我就唔知，不過如果你練埋一字馬呢！咁就更加型嘞！ 不過呢！依家都差唔多o架喇！再型D呀，好煩o架！ (　原來你上次搞到成三點至食飯就係為o左減磅呀？得唔得o架？)

一齊整番餐吖！ 紅藥年年為誰生 男乳花生誤導人 曲中異性變同性 誤入羅網是阿文 小花生，點解係北京？因為係真人真事也！果條佬識得問「煎如」而唔係問「煎難」，都証明佢係正常人吖！ 阿採菊，下次你不如跟埋你「大佬」一齊o黎吖，我請你地食飯。

長老與花生 長老，唔該哂，我重以為係天文學o既書添！ 小花生，安地唔只靚仔，而且仲好大隻，一D都唔「箍」，係小弟o既偶象。 「偶象」兩個字你唔好又亂諗野！

唔講音樂講國語 紅藥年年為誰生 北京街頭多傻人 煎魚何須香港搵 大陸通街一條條 話說以前我一個忍去北京旅行，o係街邊有個北京填佬見我係香港人，就同我搭訕，佢居然唔係問我香港o既政制、法治、經濟、教育呀咁。 而係問我香港係咪有好多─────「煎如。」 小弟都上過下國語班，但係都唔明佢講乜？ 我話：「咩話！」 個北京填佬：「煎如。」 「煎乜野魚呀？貓魚呀？」 「煎如。」 「唔知你講乜呀！」 「煎如！」 「我煎你頂帽呀！」 個北京填佬用力的道：「煎！如！」 「你信唔信我搵公安拉你吖拿！」 「煎！如！」 「你係咪身痕呀！」 「煎！如！」 「你邊瓣o架？」 「煎！如！」 「o黎吖！隻揪吖！」 佢見我仲係...閱讀更多

乜書？ 借問長老一聲，李博士介紹果本書叫乜名呀？

小花生 你仲週圍講！ 嗚嘩~~~~~~~~~~~！

嗚……… /..\嗚………好地地，我又無離題，點解會搞成咁o架？我「鋪」首歌上o黎果陣仲好多野諗、好有感觸o架！ .\ /.小花生，我「領」o左你野呀！你唔出聲咪乜事都無o羅！你又講乜野《藍宇》呀！「藍宇」「男乳」？ 嗚哇~~~~~~~~~~~~~~~~~~！

救命~~~~~~~~~~！ 一個剪陸軍裝，另一個大小便不分裝，大家面對面。 陸軍裝一手搭落不分裝個膊頭度，開始唱：「對你的思念 是一天又一天 」 .然後不分裝雙手捧住陸軍裝個腮，接住唱：「孤單的我還是沒有改變 」 唱完一野嘴落去，跟住再唱：「美麗的夢 何時才能出現 」 然後合唱：「親愛的你 好想再見你一面」 嘔~~~~~~~~~~~~~~~~~~~！！

越諗越驚 唔係一邊搞野一邊唱住呢首歌咁恐怖下嘛？ 鬼呀~~~~~~~~~~~~~~~~~~~~~~~~~~~~~！！！

藍宇 ？ 《藍宇 》無睇過，因為我知係講搞基o既！所以唔敢睇，套戲同首歌有乜關係呀？ 唔通套戲入面D麻甩佬成日唱住呢首歌？ 哇~~~~~~~~！ 好釆我無睇到o者！唔係就該煨o羅！

小花生 你覺得好怪呀？

小花生，俾你嚇到我立即去查字典。 我真係覺得首歌o既歌詞寫得好好、好真喎，作詞人好似真係好有體會，我聽呢首歌果陣好感動o架！我當正係傑作o架！

讀大學o既！ 紅藥年年為誰生 音樂麻雀都屎分 同學個個係貴族 品味高雅係呀心 呀心，貴族學校咪即係：夾舊餸入口都要講哂姿勢角度，夜晚行出街都要着返件晚裝，一開口講野唔係話阿董生約我去睇戲，就係話阿松尋晚同我煲電話粥。第日出o黎做野唔係做官就係做有錢佬咁o羅！ 我原先以為你係讀中學，去西貢做實驗應該係返家政；煮飯仔果D啦！但係依家聽你話上哲學堂、又有宿舍住，咁應該係大學至o岩，係咪呀？ 你有個拉「車佬」同學咁好呀？如果你D同學仔知你仲會拉小提琴，着埋黑色吊帶長裙呀！實會用埋好仰慕o既眼對你話：「喲！考交貴，考雲也呀！噢~~~！」

你怎麼捨得我難過 作詞：黃品源 / 作曲：黃品源 對你的思念 是一天又一天 孤單的我還是沒有改變 美麗的夢 何時才能出現 親愛的你 好想再見你一面 秋天的風 一陣陣的吹過 想起了去年的這個時候 你的心到底在想些什麼 為什麼留下這個結局讓我承受 最愛你的人是我 你怎麼捨得我難過 在我最需要你的時候 沒有說一句話就走 最愛你的人是我 你怎麼捨得我難過 對你付出了這麼多 你卻沒有感動過

再踩過界 採菊支筆叻過人。 三更過後最精神。 晚黑上網唔洗瞓。 兼且好打過泰臣。 採菊，D離題o既傻人你又何須理會呢？我o係果邊都唔一定要講音樂啦！涯幾十歲要兩邊走來走去，好辛苦o架！ 禮尚往來吖嘛！兼且你至係音樂o既大行家，我呢個混水摸魚o既南國先生，就快江郎才盡喇！ O黎啦！貼多野吖！一野吖！

雙線聯影 阿採菊，請問可唔可以情商你將隔離o既大作，轉貼o黎呢邊，俾大家欣賞下咁呀？ 同埋你再有乜新作，可唔可以兩面同時「上影」咁呀？

加對鴨屎綠色o既袖 紅藥年年為誰生， 網上索詩自有人。 看似肉麻實有趣， 唔識拋牙是英文。 採菊！(義薄雲天地)多謝哂！不過你放心，我點改點貼都好，都唔會加「鴨屎綠色」呢幾個字落你首大作度o既！ 呀心，小弟讀得書少，英文都是從《通勝》中鑽研出來，又唔識英文打字，打親都好似玩砌圖咁，所以咪搞到要「自食其譯」o羅！ 呀心，你讀緊果間係咪貴族學校o黎o架？ 「" 鴨屎" 綠色的" 鴨屎" 型的扣針」你都幾幽默。我就話你其實o係宿舍一於照練琴，因為可能有好多人都好似你咁o既情況，只要你一「開聲」，一定會有好多人「和聲」o既！

唉！死o勒！講錯野！ 呀心，我話你答得正路係指你講件衫o既部份，唔係話「要改個樣」果部份。

阿採菊，我愛上你……… 紅藥年年為誰生， 贊助永無死錯人。 擺明俾人食夾棍， 仲當人地係財神。 阿彌陀佛，呀心，乜你要估咁耐o架？俾D貼士你o勒！就係：幫你造衫o既就係贊助中樂團制服果間公司。 阿採菊，答返你上一段留言，唔係改編，而係變奏。 另外有件事想同你講o左好耐，但係又好難開口，今日當住咁多網友面前，我終於忍唔住o勒！希望各位網友支持下小弟，幫在下打打氣：我想話(深呼吸)……阿採菊，我……我發覺我…我愛上o左妳……………首詩呀！ (大聲)我愛上o左你首詩呀~~~~~！！！ 不如你就送o左首詩俾我啦！等我以後點變奏、點貼都好啦，好唔好呀？好啦！ 拿！咁o勒！如果你唔好意思開口，我俾幾條選擇...閱讀更多

菊(咁樣叫，夠哂攞命) 都話要幫人搞「拋丫幫」咯！ 返歸！ 迴環結束！ 完！ 瞓覺！ 神秘！ .........

神秘花園 送客~~~~~！ 唔係遊花園，而係「創意的迴環」！

牌 小花生講得o岩，同「牌局」都有D關係。 有客到，請！

唔準？ 唔準都要消失！請呀！

我等緊人o黎搞「拋丫幫」，隨時會(神秘)消失。

小花生 只要你曾經去過，就會識窿路！

?? 今次o既內容主要環繞兩個字：神秘！

小花生 遲到o既人陸續有o黎，仲有氣水招呼佢地添。(只要佢地識窿路搵到路上o黎！)

神秘 餐廳只係集合點，然後去o左D「神秘」o既地方，有氣氛吖嘛！

小花生、變心 今日李博士傾到六點幾至走呀？ 變心，李博士o係網上都知道你會o黎，仲問起你添呀！點解你唔出現呀？

化蝶？ 紅藥年年為誰生？ 亂世惜花自有人。 白藥何堪三度折？ 劍埋始敢現紅塵。 有呢首詩旁住出場，氣勢都當堂爭好遠呀！ 再o黎大笑三聲：哈！哈！哈！ 大家唔好睇小呢三下笑聲，當年我o係《智者與遊俠》個網度，就係憑呢幾下笑聲，搞到個「分身怪」變成依家o既「康慈」，大家可去《智者與遊俠》個舊留言區度睇下，雖然已經刪o左唔少，但係多多少少仲可以睇到當日o既戰跡。 採菊，請問邊兩位想化蝶呀？ 講到「化蝶」呢，咁就不得不提小弟睇「梁祝」o既時候，係響大會堂劇院度睇。點知當做到梁山伯吐血果幕時，o係下面有條西裝友哈哈大笑，坐佢隔個位o既一男一女唔知係咪不忿西裝成o既所為，可能彈o左句說話，個西裝友立即彈起...閱讀更多

盟主？乜搵D咁o既野玩呀？ 阿採菊，乜咁早呀？我都唔知你o黎o左添！琴晚你又唔o黎？ 去你個場度客串？無問題，不過呢幾日會忙D，因為要幫個行家搞「拋丫幫」，聽日又要…你明o架啦！等我爬埋兩啖飯先呀下！

拿！人地着到咁高貴，剩係講下D網友就已經流哂口水呀！都係$2000-$3000咋！俾夠你$2000+$3000o勒，都唔使成皮野吖！ 小弟雖然讀書唔多，都唔會被人咁「昆」法啦！除非被班靚女圍住，搞到我暈陀陀咁就好難講，就算真係着住上台呀！都係着一次o既o者，衰一次仲唔夠咩？居然着足成年都唔識得換過件，唉！真係： 紅藥年年為誰生 扮隻彊屍一萬銀 成班俾人搵老襯 加篤鴨屎更銷魂 呀心姐，如果你造o左條裙唔o岩心水，拎返去改，你又估下會點改法？

一萬蚊？ 樂師一晚o既人工、($1000呢個數肯定俾多佢) 加樂師對鞋、(當其樂o既，$700(折舊)) 表演副「嫁餐」($2000樓下) 褲中有褲果條牛仔褲、(蘋果牌$350) 加埋坐緊張櫈、($70) 再加手錶、($150) 就當加埋阿林生個傳呼機同手提電話($2000已經計突o左！) 就算連塊尿片都計埋o勒！($5.5) 就算再加多一打神油！(我睇呢D野幾百蚊應該有交易，邊位網友可以提供資料？當住$500先啦！) 加多篤鴨屎添！($0)──────都唔使一萬蚊啦下嘛？

鴨屎綠？ 呀心，你件黑色吊帶長裙請問要幾錢呀？ 阿採菊，借問聲，你唱安魂曲果陣時，係着乜野衫o架？ 小弟已經打消出書o既念頭，因為現實世界俾我所想o既係更「騎喱」！ ……………………………………………… 油神：「唔得，D油只可以搽一次，搽得多會好傷身o既！分分鐘仲會有反效果添！」 樂師拉住油神條褲，苦苦哀纏：「o黎吖！搽多野吖！一野咁多吖，好啦！求下你吖！拿！最後一野，真係o既！呃你我會死，好無？」 油神：「個個好似你咁，我好難做個喎！」 樂師：「o黎啦！你就當係做下好心，贊助下我吖！」 油神：「怕o左你喇！我都未見過D人好似你咁煩o架！拿！成支俾哂你o勒！你鍾意點搽都好o勒！正一冤鬼…」 樂...閱讀更多

呢度呀~~~~~阿梯~~~~~！ ：

仲o黎多野？ 阿採菊，撞鬼o羅，你成點幾鐘上o黎，兩個鐘頭後成三點半又o黎，你唔係真係瞓瞓下「啤」一聲咁下嘛？

採菊與呀心！ 你兩個做乜會同時留言o架？放工放學拿？ 呀心，你做乜估我俾人呃o左錢呀？你無睇之前o既留言？雖則你都估得好好笑，但係我依家笑唔出住，因為： 一萬蚊？……一萬蚊喎！果件咁o既野要一萬蚊？… 我全屋o既衫；加埋底褲、手巾仔、牙擦都唔使一萬蚊啦… 佢成件大頭佛袍咁都收成萬蚊，咁星雲大師件袍咪起碼過百萬？ ？　　　　　　？ 我之前講自己果件其實都唔使一百蚊…唔記得係九十幾？(九十八？)不過果個「忍」無找返錢俾我，我又算數咁o羅！ 一萬蚊？…真唔真呀？？係咪成隊人加埋呀？喂！似喎！百鯪蚊一件，一萬蚊全包，係咪開錯票俾人呀？ 成皮野一件，唔怪知得佢地着o左成年都唔捨得換啦…… 但係……呢個價...閱讀更多

唔怪之得你咁快覆我啦！原來上o左o.黎！ 睇電郵呀！

到o左$10000o既問題 採菊，你知就好啦！多D過o黎睇住細佬吖嘛！ 你失驚無神連發四炮，搞到我都有D滯滯地，應接不暇添！ 第一， 呢度講乜都好，但係咁多野唔好講，去講〈離題〉，就真係無謂夾「離題」，你又洗乜癲埋一份吖！你得閒就不如多D過o黎呢邊啦！話哂你o既學識都淵博D吖！有你在場我都可以放膽D吖嘛！ 第二， 陀call機+手提電話？(你每次講D樂壇奇聞都令我有好多野想講，但係通常都係一D粗口同咒語呀咁，為免失禮街坊，我都忍得好辛苦呀！)會唔會果場音樂會有電話公司贊助呀？唔知賣尿片o既搵佢，佢又受唔受呢可？你有無佢電話號碼？我越講就越想搵個「機會」打電話俾佢，睇下佢係咪真係會聽？ 第三， ...閱讀更多

呀心 計我話呢，你一於照貼o者，話哂係女仔又唔係「男人老九」，洗乜怕o者，你阿「蛇」話你，你咪似笑非笑、對眼望住天花、個頭擺下擺下咁，唔好理佢o羅！咁至夠可愛吖嘛！ 只要你着吊帶長群時，唔好用果個琴咪得o羅！又或者你可以照用返果個琴，但係就着對紅鞋仔，粉紅色o既短裙仔，心口有隻數碼暴龍，戴埋一個粉紅色、有隻「哈o羅吉蒂」o既頭箍，即係同出o黎獻花果D小妹妹差唔果種打扮，咁咪得o羅！如果你真係咁樣表演，同之前一樣，記得留返幾張飛俾我呀！

再聚(初三為第一聚) 好呀！^6^

且慢!！！ 嘩！「黑色吊帶長裙」呀？型到爆呀！呀心，如果你有表演，預我七張飛吖！我同D網友o黎捧場，保証唔會未奏完就拍手掌。有D人係鍾意拍第一下掌，未奏完就遞起對手預備，到其他人都拍o既時候佢就收手，又若然有人早o左拍o既，佢就遞高隻手，意即，「且慢！未拍得住！」最慘o既係呢D人坐正你隔籬，或者可以試下未奏完就拍，快過佢，一於激死佢！ 《莫扎持之死》呢，係為o左感謝阿採菊o既鼓勵，特登為佢而寫，當係小小心意咁啦。而且有o左佢首詩，意境當堂高o左好多，勁！

身體健康 一木，我覺得好笑。^^ 採菊，請保重身體，送上鮮花一束，請笑納：＜※

《莫扎特傳》結局篇───「莫扎特之死」 「警告！」：凡感情豐富，剛剛失戀、俾人飛，俾人炒、剛破產、將破產者，請在社工陪同下才收看。 (《魔笛》序曲響起) 莫扎特太太同個仔一落馬車就趕返屋企，行上樓梯，入了屋，想入房見度門鎖住，就取出鎖匙開門，點知一打開度房門，立即有個黑影發哂癲，鬼殺咁嘈咁迎面向佢撲埋o黎，佢一時唔為意，立即被撞跌，成個人坐o左o係地，即時破口大罵：「死佬！你趕住去投胎咩！」只見個黑影一陣風咁走o左出街，佢起身拍下個心口：「失驚無神咁撞埋o黎，差D俾佢嚇死！」 莫太一入房，見到莫扎特瞓o係床度，面如白紙，氣若柔絲，得返半條人命，大吃一驚，立即上前大叫：「夫君~~~！」 莫扎特看...閱讀更多

未算！呢隊仲搞鬼！ 呀心，我以前去聽過林克漢o既交響樂隊，有貝多芬o既第五，五十蚊張飛，咪去睇下o羅，第一首好似係《白毛女》序曲，因為首曲短，所以連奏兩次，又由於無乜人聽過，所以完o左無人拍手掌，我見無人拍我又唔敢拍，個指揮聽唔到掌聲擰轉頭望下D觀眾…… 首第五至搞野，一開頭「擔番張櫈」果句，我好清楚聽到個首席D音好準好靚，亦即係話成隊人第一句就已經唔準唔齊，我從未聽過呢一句o既小提琴版，果次總算有少少收獲。 D女樂師先至好野，有D着裙，有D着褲，有D求祈着件黑衫就算，佢地有D仲要帶個手袋出場，然後放o係椅背坐住，完o左帶返入後台，出場又咩返出o黎。你話好唔好笑？ 你表演又會着乜衫？ 阿採菊o...閱讀更多

呀心，我只係學過二胡，好耐無拉，所以唔算「拉開」。 我見中樂團都有個金毛，可能見件衫「寡」得滯，所以要整D色水。以前都見過有個坐係前排o既樂師，o係條白褲下面「拉高」o左，伸o左條牛仔褲出o黎，有成尺咁多，原來佢懶得換褲，唉！

當之無愧 呀心，通常拉得小提琴o既女仔都係好靚o既！剩係睇小交個樂師因為你坐得咁近而搞到跟唔上，就知我所言不虛啦。

敢死隊 張先生，我依家知你點解會鍾意搞D敢死隊o既o野喇！ 阿珊珊，o係呢條拉度，你都已經唔係第一個將我個名當做自己個名，另一位同你一樣，都係靚女一名。^^

這類型的展覽唔係咁易搞，通常都係人o地搞世界巡迴時會來香港，不過香港藝術館其實都搞了很多其他很好看的展覽。

好似 瞻兄，多謝更正。果本書好似叫做《七俠五義》，唔夠數就改名。

愚見 「日出前讓悲傷終結」音樂好正。 《七俠四義》的四義好似係指去搵武士果四個農民。 //武士不被認同// 「我地又死唔去」會唔會係呼應兩位武士在開場再遇時，提及曾經打仗唔死得呀？ 最後農民在歡樂的耕田，「D農民先至係贏o左」武士講完靜靜的離開，才有不受重視的感覺(？) o係吉川英治o既宮本武藏小說裏面都提及農民經常在大戰之後去「攞」武士o既物品。 三船敏郎係在招考演員o既場合俾黑澤明睇中o既，當時個導演要D面試o既人「扮鬧人」，但係三船敏郎居然鬧到個導演扯火，同三船敏郎對罵起來…… 《七俠四義》仲好似係三船敏郎o既第一齣戲。(如資料有誤，請各位高手指正) 《別問我是誰》當年在奧斯卡攞獎攞到手...閱讀更多

何必曰「考」，求教而已！ 阿採菊，首先要澄清，小弟只不過喜歡《莫扎特傳》呢套戲，所以睇過幾次，加上小弟一向尖酸刻薄，幸災樂禍o既個性，所以用o黎玩下o者！閣下原來乃音樂界的猛人，講到真正對音樂的認識，小弟又怎及閣下萬一呢！ 因為我未聽過三八八首曲，之前以為你話薩在宴會(偷野食)果段係三八八，但係我返去睇下隻CD，係三六一，所以想求証一下o者^^ 你越講越認真，居然連藝術發展局o既網址都幫我搵埋，如果有靈感出得成o既，呢度見者有份，每人一本。^^ 上次我聽果場普及音樂會，係我聽過咁多場最普及o既一場，一般喜歡聽中樂o既人未必會喜歡聽，早兩年我o係大會堂都搞過一場籌款o既中樂晚會，我諗住為o左吸引...閱讀更多

《地獄之門》 阿珊珊，我有去睇呀！好正呀！唔知幾時可以再有得睇呢？

拎返上o黎俾人睇下先。

阿珊珊，羅丹的雕塑好睇過《羅丹的情人》好多，鍾意睇雕塑o既朋友都可以睇下呢套戲o既！ 不過如.果有機會一定要去睇下羅丹o既作品，要係實物原大喎，相片同縮制品差好遠個o番！

廣源=梯？

笑笑中樂會 話說有一次同個朋友去聽中樂團音樂會，聽聽下，忽然個二胡副首席拉拉下係度猛咁咳，我個朋友住西環，曾經見過個副首席o係琴行食煙，所以佢當時就低聲咁話：「嘿！食少D煙啦！」 由於大家都係搞開笑o既，跟住大家就好想笑，但係音樂會進行中，又點敢笑出聲吖！又正正係越唔可以笑o既地方就越想笑。唯有大家用隻手按住個嘴，起勢咁按到實，但係始終都係唔可以唔笑，只有死忍難忍，如果笑出聲，我敢話肯定會被人圍嘔。 「大佬呀！快D完呀！我頂唔到幾耐o架咋！」大家要知道，依家唔係忍幾秒鐘，而係忍成首曲，真係唔係講玩，係好辛苦o架，唔信你地試下就知！我想起許冠文教忍笑o既方法：深呼吸，然後咬住脷尖。 我立即「霞─...閱讀更多

羅拔臣 恭喜你可以用中文，我仲以為你係鬼佬o黎添！ 如果本莫扎特笑傳出得成，我實搵李博士同你地幾位寫序。 我都識人做畫畫，如果有靈感，真係可以諗諗佢。但係如果寫到咁神化，就肯定俾人鬧鬼^^

乜咁早晨呀！ 羅拔臣，好o野！ (^。^) V，叻仔，(呀心都估得好接近o架o勒！叻女！)不過...天未光你就上網...你唔係將套戲重睇，然後又聽成晚CD下嘛？

交響曲二十九？ 呀心，我係話，薩一邊回憶，音樂同時響起，音樂與對白配合果段喎！ 我都係睇左呢段戲至去搵呢隻CD，導演話，在話劇中，好多人看了這場戲便開始喜歡古典音樂了。我信呀！ 要瞓喇！明天...呀唔係，應係早上再談。^^

笑下先！ 馬──小玲，你在何方馬───小玲~~~~~~~ 我王小虎，一世英名~~~~~~ 有陣時笑同音樂可以係「傷害性」o既，點解？明天話俾你地知。

求教 採菊，請問小夜曲388是否就是薩在宴會時一邊看樂譜，一邊在精神病院回憶的那首曲？

回數學狂 你可以試下聽夏金成o既「歌」，保証你笑到唞唔到氣，廟街應該有得賣。

《莫扎特笑傳》 出唔出書先唔好講住，我覺得如果電影公司有知，就應該封返封利是俾我先啦！

《情迷索瑪利》 呀心，全靠你咁有毅力先至撐得住呢條「拉」咋！如果唔係你得閒上o黎講兩句，我都一早撤退o左o羅！ 你講果場戲係咪個男主角趁個女友未到，o係個唔知廁所定廚房度搞一大輪，搞完之後發覺：「咦？去o左邊呢！」手又無，望下天花板又無，而女友又o係呢個時候o黎到，佢立即去開門。個女友見佢隻耳仔吊住D野，問佢係乜？佢話：「髮膠。」個女友一聽大喜，說道：「o岩哂！」然後一手就攞o黎，以好純熟o既手勢抹上個頭度。跟住佢D頭髮就一路都好似神主牌咁棟起果場呀？

《七武士》 武士與山賊輸！ 農民贏哂？

兩位仲幽默過我！ 採菊，羅拔臣，先祝兩位心想事成，講o個樣有o個樣先(嘻嘻...)，有人來小弟家中拜年，我要趕住走，第日再傾。請呀~~~~！

隋代設有按摩博士。

折子戲 聽日年初一，小弟準備o左齣賀歲折子戲，係取材自電影《莫扎特傳》o既，請大家欣賞。 第一回：神童初入帝皇家，薩列里前比高下。 這天莫扎特要入皇宮，接任宮庭樂師一職，而薩列里知道心目中o既偶像莫扎特會大駕光臨，一早為佢作了首曲，作為歡迎莫扎特之用。而德皇約瑟夫二世一聽薩列里話作o左首曲，立即又手痕o勒！一手要搶薩列里份譜，大叫：「拿！好放手呀下！俾我彈！縮手！」薩列里知道呢個皇帝五音不全，心中十二萬分不願意由佢o黎彈自己o既新作，但係慘得過人地係皇帝，又有乜辦法唔順從呢。 「好！叫佢入o黎！行慢D。」約瑟夫吩咐內侍臣去傳莫扎特進見，而佢就「甩甩咳咳」咁彈起薩列里果首歡迎曲。 莫扎特一邊行進...閱讀更多

折子戲 上接「肥羊年大嘉年華」 下回：皇上跟前顯威猛，刪改樂曲惹波瀾 只見莫扎特一聲不响的行到鋼琴前坐下，閉起雙眼，仰天深深吸一口氣，不到半響，雙眼張開，精光四射，雙手立即彈奏出剛才約瑟皇所彈；薩列里所作的歡迎進行曲出來，莫扎特一展神威，舉座大驚，各人面面相觀，相顧失色，只見莫扎特不但將樂曲彈得半點不錯，而且哪裏用重音都彈得絲毫不差，眾人不自覺的向前踏上一步，莫扎特彈彈下說道：「跟住下面o既都係一樣架啦……嗯！呢度好似唔多順喎。喂！我話你呀！我話呢度唔多順呀！你聽唔聽到呀？傻o左呀你！」 眾人望向薩列里，心想：「哎吔！你今次有難喇！」 薩列里神色好不尷尬，莫扎特道：「吖！你有無試過咁彈…」跟住...閱讀更多

拜早年 阿採菊，係就真係唔話得o勒！咁夜唔瞓o黎同我地拜早年。原來你咁勁唱過莫扎特o既《安魂曲》，我剩係聽過咋！ 你講薩列里在宴會睇譜，然後畫面轉到佢係精神病院「剖析」首曲果場戲，對白與音樂都配合得好好，我睇唔同版本o既中文字幕，就好似睇緊經過改編o既《莫扎特傳》咁，雙簧管和單簧管o既字幕，好似只有戲院版同舊DVD係o岩(仍有待查証)，英文字幕就應該無問題o既，因為負責音樂果位人兄阿納維對戲入面的音樂部份非常嚴格(可惜佢唔識中文)，要求所有莫的作品不能更改，但就o係你講果場戲，佢就同導演爭抝過，因為首曲變成「精華版」，導演所持o既理由係：果場音樂會係為大主教而演奏，而當時o既大主教係無可能會有...閱讀更多

推銷都得？咁我又唔客氣喇！ 請用本人出品o既跌打油啦，主治：跌打扭傷、消炎止痛，新年流流，最o岩就係用o黎送禮o勒！唔搽都買支o黎擺下啦！細蚊仔記得放支o係書包呀！ 提防假冒，認明正貨呀！

再o黎一首賀年歌！ 歡樂年年 (男)你聽鑼鼓響一片，聲聲送舊年。 (女)你看大眾多歡暢，個個樂綿綿。 (男)歡呼聲， 歌樂聲，響徹凌霄殿。 (女)齊聲恭祝你，有個歡樂年。 (男)歌歌舞舞共歡慶。 (女)杯杯要勝共歡燕。 (合)年年歡樂，歡樂年年。 (男)我向大家恭祝一句，恭喜發大財。 (女)我要為你恭祝一句，事業永向前。 (男)花開千萬朵，生意長興旺。 (女)財運享通福星照，處處搵大錢。 (男)聲聲要醉共歡慶。 (女)杯杯要勝共歡燕。 (合)年年歡樂，歡樂年年。 (男)恭祝身體健康，喜見南山壽。 (女)年年歲歲青春駐，永遠福壽全。 (男)千戴百世共歡慶。 (女)千戴百世共歡燕。 (合)年年歡樂...閱讀更多

我祝各位炒股o既： 有升有息啦！

今年有無書出呀？(嘻嘻...) 嘩！又話「有事要做」......

初中都唔似？ (~_~)呀心，我D文筆就緊係似小學程度多D啦！我支筆得o既，就唔洗「滿口」廣東話啦！(D文壇前輩喜歡用廣東話o黎放鬆下神經則另計)我就係少讀書，所以我o既知識無辦法唔係課外啦！而且都係一D聽歌、睇戲、邊間魚蛋粉最平，呢D野咁o羅！ 喂！你o個句「你都知啦」，乜講到我好似知你好多野咁o架！我剩係估到你果間應該係名校，入親去讀o既多數都係靚仔靚女咁o羅！(呵呵…) 你買埋咁多DVD，不如就買埋部機，新年睇下D好戲仲好啦！介紹你睇多齣：早幾年o既意大利戲，《一個快樂的傳說》，D音樂都幾好聽o架！我都買o左隻電影「山尺」，故事都好感人o架！又幽默，又溫情，唔似得D港產笑片，套套都離唔開...閱讀更多

咁睇得起我！ 嘩！我睇見你呢一句：「我都係估你讀過中大...」我先至俾你嚇一跳呀！小弟只有初中程度，中大o既校外課程就讀過。

閻黃中樂猛會 呀心，你剩係見到辛小紅當晚個頭而唔嚇到噴飯都算難得o羅！ 我以前睇有二胡獨奏o既音樂會都會好似你咁坐到對正個樂師，好似做評判咁，因為有個大師級係你面前好認真咁拉咁耐，係好難得o既！但係如果個樂師係好似辛小姐「咁猛」o既呢，咁就最好入場前唔好飲水同去o左廁所先，免得佢拉拉下厲你一眼時，被佢嚇到你又拉埋一份咁就真係「該煨」o羅！ 有次聽周啟生o既爵士音樂會，請o左黃安源去拉，但係有D曲又唔係咁多二胡部份，阿老黃見無野好做，坐o係度戇居居咁，唯有o係度扮陶醉，將個頭(佢自己果個)fing來fing去，好似銅鑼灣D不斷向你叩頭o既乞衣咁，你話死唔死吖！ 多謝你o既通知先，咁二月十四日o既...閱讀更多

小交 呀心，小交成立無耐我就已經捧過佢地場，第一次係佢地幫辛小紅o既音樂會伴奏，給我的印象好好，辛小紅就係我話中樂團「好猛」果個，當日佢着住條仲大過張十六人枱o既裙，表演時好似坐o係個浪度拉二胡。 後來我就有留意小交嘞！有次去沙田聽場葉詠詩指揮，譚家傑彈貝多芬o既第五協奏曲，可能係佢地收得平o既關係，好多中學生去「聽」，D學生一日傾到黑，唔止激到阿詠詩啤啤聲，阿詠詩直頭就啤實佢地，我就情緒好高昂咁聽哂全場，搞到我從此就無再聽佢地o既音樂會嘞！ 早兩個星期我都o係中大見到宣傳，我都想去聽下，係咪唔洗錢o架？你知唔知詳情呀？ 係呀！個網站真係好多人上o架，可能個留言區近排搞緊裝修啦，所以會有少少問...閱讀更多

招魂 我之所以擰轉身走開，係唔想俾Michelle睇到我喊緊個樣，我悲痛慾絕，覺得自己就好似楊過唔見o左小龍女咁，我一路行，一邊想返起同佢o既往事，想起同佢o係長沙執貝殼，我在石上如履平地，而佢就踏浪當踏石…正當諗到魂飛魄散之際，全靠「她」在我背後叫我一聲：「喂~~！」原來…原來「她」擺出一個好動人o既「鋪士」，然後好迷人咁對住我嫣然一笑，我立即好似韋小寶見到陳圓圓咁 ^ ^ 我大叫：「嘩！你咪走呀！~~~」……~^+++++^~

與神共話 飛雪與JoeJoneS，多謝捧場，^-^

快D歸隊開會！ 大華兄，都唔係吖，琴日都總算逃過一劫吖，洪子又話七下七下唔好聽，咁不如叫「長沙七雄」o勒，唔得，有兩個靚女o係度，叫「大澳七秀」啦，又唔得，聽起o黎好似「七獸」，「二五仔女」o勒！唔得，分分鐘會俾人劈。叫「五子二娘」啦！無人反對就通過。

呀心，無DVD機咪買翻部，又或者去人地屋企睇o羅，我買第一隻LD同DVD時，都係未有機o架！ 你都覺得隊中樂團有問題牙？我都唔想去咁盡，我唔寫落佢地果張意見調查表度，都已經手下留情啦！我建議佢地橫掂都係o咯，不如就搞盡D，叫個指揮唔好再着西裝，改着壽衣，唔好行出o黎o勒！要跳出o黎。唔好用指揮棒o勒！改為揸桃木劍，指揮完就跳翻入去，橫掂佢都姓閻個咯，襯哂啦。同埋所有人都着灰色實在太寡o勒！負責敲擊樂(敲擊樂個首席又係閻，你都唔好唔信邪呀！)可以o既披麻帶孝，然後一路奏就一路o係上面掟D溪錢落o黎，D觀眾就以鞠躬當係拍手掌，咁以後就晚晚都有工開，D人去完紅磡唔洗換衫就落去聽翻場「解穢陰樂會」，本...閱讀更多

梅窩七子 我都講D悄悄話，琴日一早我話去「漫遊」，其實我係有野要做o既，可能阿Michelle眼利，見我神色不對，所以即使身負重任(改卷)，但係都堅持話要同我一齊出去。其實…其實我係想去見一個人，我諗住o係佢屋企樓下望佢一眼就走，去到時，我地由樓下向上望入屋內，阿Michelle見到佢身邊果個男人，然後望下我，又望下個男人，跟住又望下我，又望下個男人，跟住就唔望住我咁話：「唔怪得知佢唔揀你啦！」嗚……

仲全能？o岩哂！ 這天羅密歐在修煉神祕樂觀入面o既最後一式，已進入純思狀態，正在體會「回歸自己」之際，忽爾靈光一閃，有如元神出竅般，感到自己由思考之中彈射出來，一時有如神遊太虛，進入了真實又如夢幻般的境界，心想：「啊原來「從思考到思考之上」係咁解o既！哈哈……我終於接通喇！」只見週圍一片白濛濛，遠處有一點白光，羅密歐感到自己正向那白光直飛去，忽然身邊的白濛濛有如雲霧般散開，霎時間豁然開朗，看到一條大路，遠處恍惚有一個人坐在石頭上，羅密歐很快便飛到那人前面降落。 那人一見羅密歐立即站起身，露出笑容曰：「噢！賣新！你終於o黎拿！」 羅密歐見那人身穿白衣，滿面胡鬚，有點面熟，便猶猶豫豫的道：「咦！唔...閱讀更多

歌聲道影，盂蘭之夜 尋晚有人送飛，去o左文化中心聽香港中樂團音樂會，幾年無捧過場，我仲怕佢地九七之後唔再着長衫，改着解放裝，點知原來佢地照樣着長衫，但係就變哂灰色，男女都係咁，男o既十足十殯儀館D堂官，D女樂師就成個坐o係靈堂果D遺孀咁，發瘟！每次D燈光一較暗，成班人就好似彊屍咁。黃安源出o黎對音果陣時，我真係怕佢會對住D觀眾話：「一鞠躬，再鞠躬，鞠多一次添，家屬謝禮──！」咁都o岩o架o勒！文化中心咁鬼近紅磡，如果成班人咁樣行出街，實俾人以為出殯。 跟住奏乜野曲呢：「人鬼情未了」、「歌聲魅影」、「莫愁女幻想曲」、「梁祝」等等，都係一D慘死呀，自殺呀，殉情咁o既內容，個指揮仲要「導賞」，講莫愁...閱讀更多

你返o黎o拿！ 呀心！恭喜你喎！兩套戲都睇o左！無介紹錯o羅o卦！你多D上o黎講下野，咪唔使怕呢度會摺埋o羅！就算呢度摺埋都唔緊要呀！你可以o黎小弟o既大本營度傾下o架！ 無錯，王健就係果個戴住紅領巾、穿住涼鞋、拉完(大提琴)仲要o黎個少先隊式敬禮果個細路哥o勒，我有佢大個o左同史頓、馬友友傾偈o既錄影帶，阿友友話無睇過套戲，仲問阿健仔當時係拉乜曲？ 呢套戲凡係學音樂o既都要睇下啦！何況你仲係學小提琴添，真係走寶呀！新版《從毛到莫扎特》我尋日o係英皇地庫見到賣一百四十幾蚊，我買果陣要一六九，又俾HMV呃o左我廿幾皮，不過都預o左o架喇，鬼叫自己一見到隻碟就發哂姣咁咩，算啦！ 如果你想再睇多次《...閱讀更多

《貝隆夫人》 我剛剛睇緊《貝隆夫人》DVD。一開場：眾人在電影院內睇戲，正到戲肉之際，電影忽然中斷播放，觀眾即時大吵起哄。此時有人出來解畫曰：「伊莎貝隆，剛蒙主寵召矣！」眾人即如晴天霹靂、五雷轟頂，背景音樂立即響起，驚聞噩耗，各人相擁痛哭，悲痛不已，如喪考妣……好震憾呀！安德魯•萊•韋伯，好野！

王國潼個仔？ 王憓o既cd我都有幾隻，係佢最早期出o既，都係一D中國民歌或舊中國的電影樂曲，以前我凡係見o的cd有二胡兩個字，我都會買o既，所以買埋好多，依家好耐都無買o羅。你講果隻我都無。

羞家，應該係： plenti，你都見我好大力咁推廌o左咁多隻DVD啦！不如你又介紹下啦！

plenti，我都見我好大力咁推廌o左咁多隻DVD啦！不如你又介紹下啦！

嘩！阿木哥，你使唔使咁搵呀？你識咁多人，你無佢個電話號碼o既咩！

好消息呀！ 昨晚小弟去HMV，見到果套「樂韻繽紛」出o左DVD中文版，今次改名為「從毛澤東到莫扎特」，有五點一聲效，D小提琴聲非常之靚，仲送一本介紹套戲o既書仔，搞到我又一次唔夾價就買落o黎，返屋企即刻睇，吸引力不減當年，睇到我鬼死咁興奮。 今次仲特別收錄o左艾昔史頓二十年之後──二零零零年再闖北京o既片段，以莫扎特o既交響曲配上現今北京o既景色，顯得朝氣勃勃。剩係個音樂學院就同以前好唔同啦，依家靚過香港演藝學院，以前果個就成個未裝修o既海防博物館咁，今次有史頓表演莫扎特G大調小提琴協奏曲，剩係睇佢拉第二章開頭果一下咋，就乜都抵返哂啦！ 咁都仲未夠喎，仲有史頓o係北京指導音樂學生o既片段，只見...閱讀更多

猛片推介：《翠湖春曉》。一齣一世人起碼至少要睇一次o既電影，「至少呀！」 阿採菊，好野喎！《莫扎特傳》我睇過戲院版、電視版、DVDo既廣東同普通話版、DVD加長版，都唔見有你講o既「特別版」，我係無睇過VCD版o者，你果隻係咪就係VCD呀？幾搞野o番，我都想睇下，不過「樂器名同樂器聲不符」照計又唔會喎，個翻譯睇字幕唔使聽聲加嘛，佢係咪懶得滯唔查字典用音譯，小提琴就叫懷鵝鈴咁呀？唔係喇！我睇你果隻可能係唔同結局o既版本，係莫扎特專登亂up，搞到薩里埃利發癲呀！不過唔小心流o左出市面呀！可唔可以借我睇呀？ 各位仲有無D「音樂電影」可以介紹下呀？同古典音樂有關o既好似比較少D喎，有套講貝多芬o既叫《...閱讀更多

阿吉，係呀！木獨個網換o左新留言區，我都未習慣，o係呢度俾人挑起條筋，咪過o黎同D前輩學下野咁o羅。

巧合？ S.C，多謝你的詳盡回覆先，但係我果排晚晚發惡夢o既原因，好可能係我阿媽搵o左個二打六風水小姐返來亂掛銅錢所致，我立即攞走D「錢」，當晚就無事o勒！

重o黎？ 羅拔臣，客氣客氣，十分一唔夠而矣。 大華兄，我今次講得好清楚o羅喎！勝負都講埋啦。最多講埋結尾o勒！結尾就係播出莫扎特鋼協第二十首o既第二樂章。D觀眾就依依不捨，好惋惜咁離開o勒！

世紀之戰!!!!萬勿錯過！！！請睇《莫扎特傳》 呀心，恭喜你!!你間學校乜都有，真係好o勒，我尋日都講到慶起，所以尋晚搵返套戲出o黎睇。莫扎特與薩里埃利最後「決鬥」果場戲，堪稱得上係電影史上曠古未見o既佳作，當年能夠勇奪奧斯卡大獎係好有道理o既，單係睇呢一場就已經值回票價、不枉此生，如果功課忙，無時間睇，你就只睇呢場就夠o勒！為o左記念呢場咁精采o既場面，小弟就嘗試將呢場戲記錄如下，不過，我就算點寫都好，都寫唔出十分一咁精釆，希望你見諒： 場境：夜：是悄寂的夜。月：是孤冷的月。星：是黯然的星。 劇情講到莫扎特指揮《魔笛》時筋疲力盡，不支暈倒，回家後再以僅餘o既元氣，要將首《安魂曲》在當晚埋尾交...閱讀更多

S.C.我上個月都發過有鬼o既夢，我用「雞毛掃」兜口兜面咁「發」佢，但係佢唔走又唔縮，搞到我仲驚......

《Amadeus.》=《阿瑪迪斯》=《莫扎特傳》=好好睇=非看不可^.^ 呀心，我唔係好識打英文o架，打英文我要打好耐o架！所以咪用返中文o羅，o拿見係你咋：齣戲英文叫《Amadeus.》，原本係話劇o黎o既，借用莫扎特被毒死o既傳聞，齣戲主角應該係講薩里埃利，佢係莫扎特o既死對頭，佢非常妒忌莫扎特，但更加羡慕莫扎特o既音樂才華，對住莫扎特o既音樂佢佩服得無話可說，但出於嫉妒o既心理，佢不斷阻撓莫扎特o既發展，例如千方百計減少莫扎特歌劇o既上演場數，但係自己又忍唔住晚晚捧場(就好似有D人成日彈三彈四，但係一見人地出書就即刻去買o黎睇咁)，到最後終於在莫扎特作《安魂曲》一幕，來一場「決鬥」…… ...閱讀更多

大華兄，大興安嶺大火係發生o係八七年喎！你起馬都識行啦！年紀小...??? 一八一二o既禮炮版本我都有，仲係有得睇o既添，見住成行炮係咁「砰砰嘭嘭」勁呀！碰！碰！碰！

呀心，你返o黎o拿？你講o既實驗係咪：「放聲氣叫人年尾返學校，睇下有無人會信」呀？你返o左去，個實驗算唔算成功o左呀？定係失敗o左呀？ 原來連你都睇過套《樂韻繽紛》呀？唉！早知係咁我就唔寫咁多野啦！嘻嘻，不過唔緊要，你都係唔記得佢地點搵個琴返來，咁你就借餅帶來再睇下o羅o番！你學校o係西貢？！真係好，放o左學可以食海鮮。學校又有帶借，真係正，你有無睇過《莫扎特傳》呀？英文戲名《阿瑪迪斯》，好好睇o架。如果未呢，你就好去搵o黎睇喇！我睇o左差不多十次，最近仲出o左加長版添。 ________________________________________________________ 大華兄，...閱讀更多

貼士 話哂都係前輩，當然有優待o既，下列五項任揀，可以問現場觀眾、用五十五十、同問人借帶重睇。 一、 真係搵解放軍去北京搬個琴落o黎，不過唔係用飛機，而係發揮「排除萬難」o既精神，搵解放軍用人手抬落o黎，仲要唔著鞋，行到對腳都損哂，等D美國佬見到就算唔o岩用都唔好意思叫佢地搬返扯。 二、 D解放軍咁叻，一於唔使靠美國佬，由自己表演，表現一下人民子弟兵同老百姓之間o既魚水之情。 三、 一於表演真正o既「獨奏」，唔使伴奏，將首曲改為「無伴奏小提琴奏鳴曲」。 四、 始終都係無琴，唯有表演時播唱片，史頓同加立就咁o係台上做手型算o勒！ 五、 大陸能人異士甚多，「食飯神仙」通街都係。由中央號召全國最好o...閱讀更多

遵命 顧曲早晨，晚輩果然係班門弄斧，原先以為最少人睇過果套戲，前輩原來已經睇過多次，真係…真係…真係意料中事。阿心唔知去o左邊？加上前輩有命，晚輩又豈敢不從。 「故事」如下，上回講到：埃昔史頓眾人去中國，訪問上海時，本打算表演場音樂會，而大陸方面也不敢怠慢，一早為佢地預備o左一部聲稱係全上海最好o既鋼琴，但係大衛加立試琴時，發覺：「弊傢伙，點解中國D琴同我o係美國度彈果D唔同聲o既？」原來個鋼琴舊得滯，可能無保養，唔彈得，但係聽日就要表演o勒，點解救好呢？臨時臨急，o係邊度搵個琴返o黎好呢？如果係香港人上來表演就無所謂o者，大家中國人，咪將就用住先o羅，兼且香港人彈琴都習慣彈到甩頭甩髻o架啦！...閱讀更多

歸隊 心，你多D留言咪唔使搞到搵咁多版o羅！如果你想聽D好o既歌詞，最好就係聽粵曲o勒，D詞夠哂文雅，真係可以聽歌學中文，依家D詞就真係嚇死人，以前鄭敬基有首歌，裏面有句本來用「端倪」o既，但係因為唔o岩音，就倒轉用：「倪端」真係搞野，仲有陳亦迅有首歌「(唔知乜乜乜)然後短兵相接」大佬呀！乜野叫做短兵相接呀，我又唔好意思話佢賤格，都唔知點形容好。去聽演唱會仲衰，唔知道你仲以為去錯地方，失驚無神係你週圍o既人會無端端好似鬼上身咁大叫：「華仔！華仔!!!!」大佬呀！我聽o黎聽歌o架！唔係o黎聽你叫o架！試個有一年去廣州探個前輩，同佢傾傾下，佢個女突然對住個電視大叫：「劉德華呀~~~~~~！」佢就立...閱讀更多

見你地講o左咁耐，我都忍唔住要爆個「小祕密」中o既「大祕密」，網編唔止係靚女，而且仲好賢淑添！大華兄同唔同意？

失覺哂失覺哂！ 顧……咳咳！顧曲，晚輩先在此向您請個午安先m(_ _)m，晚輩可以借俾您睇o既碟有： 一、 之前講過有馬友友果隻LD啦！特別推介「悲愴」第三樂章啦、「一八一二」啦、第一鋼協第三樂章啦，果位獨奏係鋼琴冠軍，早幾年來過香港表演。李博士都提過鍾意聽柴可夫斯基o既音樂，話當中有「鍾意」，希望你喜歡啦！ 二、 貝多芬第四、五鋼協，由阿勞獨奏。 三、 如果你喜歡芭蕾舞的話，我有隻《天鵝湖》，由瑪歌芳婷同雷里耶夫傾力表演。 四、 錄影帶有：彈到甩頭甩髻果場莫扎特比賽啦。 五、 仲有一餅就犀利o勒！亦都係今日o係度特別推介o既！係一套記錄片，呢套片大有來頭，當年我錄低o左之後，一睇完就要立即重...閱讀更多

大華兄，小弟也來贈慶，你首詩一D都唔狂，仲好雅，我呢首就夠癲o勒！ 《觀拜山》 齊聚先人地，開餐醉墓間。 喧嘩震棺木，臨走火燒山。

失敬哂失敬哂！ 原來雲水乃同宗兼《思考人生的路向》作者，小弟多年前曾拜讀大作，得益不淺，想不到可在網上相遇，幸會，幸會。

多謝顧曲提供資料，想不到拋磚真的可以引玉，等小弟拋多兩舊先： 講起小明星必然會將王心帆相提並論，皆因小明星很多成名曲都出自王的手筆，如《秋墳》、《癡雲》等，而《秋墳》一曲更是其「絕唱」，因為一九四二年小明星就是唱此曲唱至：「立墓前，三尺殘碑疑是望夫化石，魂魄未歸芳草死，祗有夜來風雨送梨花」時，忽然吐血昏迷於台上，第二日就「埋單」，仲早死過莫扎特(指年齡計)，聽聞小明星的相片都只有王心帆有收藏。王心帆稱小明星的歌藝唱得：「如怨如慕、如泣如訴，所以能令顧曲者陶醉」。「聽得多會患憂鬱症」？所以俾D「火車頭」聽下咪o岩o羅，平衡一下o丫o麻！

呀心，vcd我好似見過，但依家都唔見有o羅，cd就應該會有，你可以一邊聽cd一邊幻想下馬友友o既風采啦。 P.S 講起小明星呢！原來...原來經常幫佢撰曲果位應該係...應該係王心帆喎，唔多覺有南海十三郎o番，係咪王心帆搵十三郎做槍手呀？我發覺聽小明星o既歌呢，最好一邊剝下瓜子呀，花生呀！一陣又搣隻蕉食下呀咁，咁先至有味道o架，仲要懷緬下前塵影事：「唉！如果當年我唔係買o左果隻盈科......」 現代人經常精神緊張，神經衰弱，最o岩就係聽小明星當音樂治療o勒！

大家咁話 v(^。^)y

烏鴉！ Σ^)/

好！慶祝耶誕又點可以無野食呀！小弟提供： <。)#)))≦ 烤魚 ○●○— 烤丸子 ε==3 骨頭 ≡[。。]≡ 大閘蟹 (‾(∞)‾) 豬頭肉 <□:≡ 燒魷魚 ︴ ■D" 咖啡 大家玩得開心D呀！＼ (^ ^＼ )( ／^ ^) ／

唔得閒住呀！ 呀心，我要寄好多耶誕卡，好忙呀！遲D再答你啦！唔好意思呀！

阿木，好靚呀！ ＊ °•°＊ ☆•°°∴ ∴•★••°•°∴☆•°°＊ °•°＊ ╱　　　＊ 　　　 ╱　　∴　 　☆　∴ ╱ ╱　★ ___∩_ 　☆∴　╱　　　∴　＊ ☆ ☆　　　　　☆　∴　 ╱＊ ☆ ╱ ＼ (^ο^) ／　　　　　∴

正碟介紹 嘩！呀心，乜成點鐘都唔瞓呀？ 我講餅錄影帶都唔算好睇，好笑o者。有隻當年稱為天碟o既影碟就真係正o勒！到依家都未出DVD，o係柴可夫斯基一百五十週年紀念音樂會，o係聖彼得堡表演，隊Band早幾年來過香港表演，個指揮人稱「魔術手」，唔用指揮捧，D手勢好深、好闊，好靚o既，聽CD就無得睇o勒，奏一八一二時，係用真炮o既。有費曼拉小提琴，仲有馬友友「全情投入」o既演出，拉洛可可變奏曲，阿友友真係藝高人膽大，有一段對住小提琴部好似唱山歌咁，用琴音與動作加表情「撩」D樂師，又對觀眾眉目傳情，仲對指揮大拋媚眼^^，一一入哂鏡。加上高超o既技巧，真係百看不厭。 我唔係好明你話俞麗拿「用小提琴入o黎...閱讀更多

呀心，音樂上o既造詣，同知幾多野係無關係o既，就好似有D功夫佬咁，講就天下第一，叫佢打就笑死你。想知多D故仔，睇下書就可以了，音樂就唔同o勒，你話係咪？ 果位參賽者點驚險都俾我講哂o羅，你再睇都無感覺個o羅，當表演咁欣賞都值得o既，以前有套影碟叫做「莫扎特之旅」，有成十集，電視都播過，一邊講莫扎特的經歷，一邊有唔同o既大師級彈奏莫扎特的鋼琴協奏曲，好惜到現在都唔見有出DVD，你學西樂o既就大把CD、影碟睇啦，可以睇到好多大師o既錄影，中樂就無乜o勒(唉…)，你又有無好野介紹下呀？

自問自答？ (先旨聲明，以下所講都只是班門弄斧，乃是一個音盲向一位高手拋磚引玉)「拉琴拉得好好都係撞手神」我都覺得係，好多音樂大師自己最滿意的演奏，都不在錄音和演出上。我睇，要狀態好，整個人投入，到忘我境界時的演奏，是最有感情的演奏。傅聰試過練習時被人偷偷錄音，他聽過後發覺相當理想，刻意再錄時又彈唔返。二胡曲「二泉映月」的作者阿炳拉此曲的錄音，音質差，樂器差，技考差，但所拉出來的情感，唔係咁多人隨便拉得到。好多大師級上台表演時，都係但求唔好出錯，好多時差過錄音。 有mood想奏到有mood都好難，無mood想奏到有mood就更難，如果做得到，豈非唔需要mood？除非以外表去呃下人啦，例如：郁身...閱讀更多

呀心 係呀完全係撞手神的! 我話連有時拉琴拉得好好都係撞手神! 點樣先可以去到冇mood都可以拉得好以好有mood 咁的地步呢?

心 點解要用蛇皮？我諗係傳統用開掛？就好似鼓用牛皮咁，如果用其他代替品，未必能保持二胡那種「含蓄內在」的感覺，兼且味道完全不同，再用來拉返以前的樂曲就不是味兒了，就如有些樂曲要用古鍵琴演奏一樣。除o左二胡用蛇皮之外，好多中國樂器；包括部份小數民族的，都有用蛇皮，二胡個琴身試過用唔同材料做，一般都係用木，如烏木、紅木、酸枝、紫檀等等，京胡就好似用竹，聽聞黃安源有個二胡係用象牙做的(只有收藏價值)，但係就無聽聞有其他材料可以取代蛇皮，就算用蛇皮都好講究，好象近蛇尾的部份較好，蛇皮都有靚與唔靚，一般用靚木都會配塊靚蛇皮，聽聞北京樂器廠試過進口泰國蛇皮，理由係中國的蛇營養不良(依家應該好D掛？)，但係...閱讀更多

呀心，仲爭少少，話哂都係一代樂聖，常人都唔係咁容易猜到佢o既心思，你答到咁樣都已經好了不起，好唔簡單，好難得o架o勒，如果俾多少少時間你，相信你一定會答得到o既！答案係：貝多芬答曰：「D蛋可能俾隻雞食o左！」哈哈… ER我以前都有睇，仲錄o左第一輯，不過洗o左，後來又睇埋X檔案，呢D劇集都係好睇過好多電影，依家最鍾意睇o既係法網豪情，同埋間中有D紀錄片都幾好睇o既。我發覺近年D大陸劇都好好睇。

大華兄，吓？寫過另一首？好有大師風範喎？ 呀心，答對了，好野，叻女，無得頂呀！再俾多樣你估：話說貝多芬細個果陣，成日同個兄弟去隔籬偷人地D雞蛋，後來隔籬位太太見貝多芬行去佢後園，就懷疑係貝多芬偷，咁就問貝多芬有無偷過？貝多芬話：「無」，果位太太問：「咁D雞蛋點解唔見o左？」你估一代樂聖貝多芬點答？

大華兄，呢個好易估o者，話明係天才，咪立即寫返個「一模一樣」o既譜出來咪得o羅，係咪咁呀？

呀心，我都係以現時一般少女應有的反應去猜o者，話時話，李雲迪棚牙都好似由成名箍到依家o羅o番，我仲以為一早除o左添，乜仲戴緊呀？希望佢彈琴時唔好學得果位莫扎特冠軍咁，彈到個牙箍「就甩就甩」咁啦！ 依家D電視節目都無乜好睇，所以無電視睇對我影響都不大，咪睇碟睇下書o羅，我已經成兩年無買報紙睇，都發覺無乜影響。又俾樣野你估下，應該好多人都聽過：話說馬勒指揮一隊管弦樂團(我唔記得o左係邊隊)採排貝多芬的第五交響曲，佢不斷要求樂隊奏樂曲開頭果句：「登登登櫈」。次次都話唔滿意，D樂師越拉越忟，越奏越火滾，就快谷爆時，馬勒就講o左句說話，你估下佢講乜？

呀心，第一，我條天線這幾個月被正興建緊的大廈遮住，完全睇唔到電視，o係未來一年都唔會有改善，所以無睇到你講果個廣告，只在巴士上看過李雲迪彈李斯特的廣告。 第二，我唔知你個同學係男定係女？就當係女先啦！ 1. 大叫，然後暈o左：「嘩！我地支持你~~~！喔~~！」 2. 「咦？講英文？」 3. 「o下？無o拿？」 4. 「有排都未到聖誕呀！傻仔！」 5. 深情地，哀怨地，用痴迷又有點淒美的眼神，略帶磁性的聲線，低聲幽幽的道：「聖誕快樂」 6. 不能自控的一味尖叫！

呀心，你介紹首曲我未聽過，我會搵來聽下。多謝介紹。 我都唔知小提琴原來有驅烏蠅作用，又學多樣野。 點解會提我外甥個老豆？係因為我外甥得六歲所以要老豆帶返學。唔好俾貼士o勒，等我開古啦： 佢大叫：「拉登呀~~~~~~~~~~~~!!！」

呀心，首先歡迎你返來先，答案如下： 一、無錯，你答o岩o左，我係拉二胡，所以即使有隻烏蠅飛埋o黎，我就算用個頭「發」死佢都唔影響我拉琴。 二、果位參賽者真係「千鈞一髮」，我睇住佢個頭箍越跌越低，緊緊係俾D頭髮頂住，但係佢又唔可單手彈琴喎，咁點呢？點算好呢... 三、由於海費滋乃係大師中o既大師，所以當果班拉弦部o既樂師見佢望過來時，即時緊張不已，心理壓力大增，成隊人立即拉到亂哂大龍，要由頭來過。 呀！係呀！唔記得講埋添，個參賽者就係捱到個頭箍仲未跌，首曲又奏到管弦部份，唔使彈琴時，咪拿拿聲整返好去o羅！不過佢都無除落o黎喎，真係藝高人膽大o勒！ 好！又俾多樣野你估，同音樂無關o既，我有個外甥，...閱讀更多

蕭邦的音樂快樂得來帶一點憂愁，哀怨之中又帶一絲微笑。邊位聽過李雲迪彈蕭邦o既？可否講下聽後感呀？

如果買D巴洛克音樂或古典音樂入門o既精選CD，卡農曲幾乎必定會收錄，我記得有一隻cD有成七至九首卡農曲o既唔同版本。

大華兄，你有無聽「德彪西」呀？阿傅聰成日話聽德彪西同莫扎特會聽出中國詩詞的味道o番。

吓？阿心，使唔使諗咁耐呀？

re-phrase~ ^vvvv^~ 係呀阿心，我都見過呀！我試過去買褲，見個男售貨員伸高對手向上攞o野時，見佢條內褲高過條面褲幾吋呀！幾得人驚呀！但係又唔見佢條褲會跌喎，我諗極都唔明點解？同埋個褲浪o係個膝頭果處好危險個喎，有乜野事行快兩步都好易仆親，你話係咪呀？ 講返個參賽者，我之前以為你話：如果係你拉緊個小提琴時就順勢”fing”甩佢添，我諗下個頭要用來夾住個琴又點”fing”o丫，原來你係話彈緊琴個陣”fing”ok，但係又咁喎，個頭箍咁鬆，你”fing”o左上去，好快又會跌返落o黎，你”fing”多幾”fing”好快攰個o番，同埋你識背譜o者，唔代表你唔使睇住個琴o黎彈o丫o麻，仲要...閱讀更多

阿心，我都識得拉樂器，不過係唔使用下爬夾住樂器果種，如果俾着係我，我就一於好陶醉咁，好似馬友友咁，將個頭係咁發，就算發唔甩個頭箍呀！都可以暫時發返上個頭頂處o丫！你話呢個辦法行唔行得通呀？但係個參賽者就唔可以咁喎，如果佢一路彈一路發個頭，你諗下D評判會點睇佢？一係以為佢彈到抽筋，一係就以為佢好似問米婆咁莫扎特上身。咁可唔可以岳就個頭，望住天花板，等個頭箍跌返上去呢？定係用眼神向葉詠詩求助？但係葉詠詩指揮緊又唔停得，支指揮捧又唔夠長，一路指揮一路行過去又好怪雞。可唔可以將指揮捧換支掠衫竹來幫佢？但係如果支竹撩撩下，班樂師咪要避來避去？兼且一個唔覺意，一野扑暈個參賽者咁又點算好呢？你拉小提琴(？)...閱讀更多

阿心，葉詠詩o係一九八五年就得到法國貝桑松第三十五屆國際青年指揮大賽冠軍及金豎琴獎。我記得當時明報用o左半版去報導，呢個獎聽聞小澤征爾都攞過。 講返果場比賽，頭箍應戴o係頭殼頂，但係個頭箍跌到差不多到額頭，你諗下，彈慢版都重好D，一彈快版就好容易櫈下櫈下咁櫈o左落o黎，你諗下係咪？係o勒！咁點呢？比緊賽，又直播緊，一路過關斬將到呢個地步，無理由輸俾個頭箍假~，我睇佢當時一定會諗：「唉！早知就唔戴個頭箍啦！彈琴揸o麻，又唔係去選美，戴乜鬼野頭箍o丫...」如果俾着係我，我可能會考慮當個頭箍跌落o黎時，我立即用個口咬住佢，因為首曲無聲樂部份，但係又咁喎，可能正正係因為咁「牙煙」，所以產生o左一種「...閱讀更多

plenti，無錯，就係你講果兩隻，作品編號四六六、四六七，証明你真係一個古典音樂o既大行家，如果你想要「一碟兩首」的話，大把選擇，有平有中有貴。 我有盒唔夠十年前，香港舉辦o既莫扎特鋼琴比賽o既決賽錄影帶，係現場直播o既，由葉詠詩指揮，葉麗儀主持，三位參賽者在爭奪冠亞季軍，其中兩首比賽曲目就係二十、二十一鋼琴協奏曲，彈二十果位參賽者當時戴住個頭箍，點知一路彈，個頭箍越跌越低，你知啦，彈緊琴，比緊賽，唔好話個頭箍o丫，有錢你都唔敢執啦！當時我o係電視機旁邊睇到非常緊張，「就跌o勒，就跌o勒！點算好呢？」越跌越低，又緊張又好笑，差Dd就遮住對眼o勒，首曲又未彈哂，點算呢…… 究竟果個參賽者係邊個...閱讀更多

莫扎特的音樂一般都較為輕快，但慢版的感覺就非常抒情，如第二十、二十一鋼琴恊奏曲，長笛與豎琴等等，好聽到「爆燈」，第二十鋼協貝多芬都自嘆作不出，並且為此「加工」。不過抒情還抒情，都係唔好聽住瞓覺，因為會好聽到唔捨得瞓也。

各位喜歡莫扎特的朋友，有無睇過電影《莫扎特傳》呀？最新出果隻DVD仲會加多二十分鐘，總共差不多三個鐘頭。正!!! 最後莫扎特作安魂曲果段，我懷疑《南海十三郎》入面十三郎與唐滌生果場對手戲都係參考佢。

帝女花「香夭」o既曲係妝台秋思。 「劍合釵圓」則用琵琶古曲「潯陽夜月」。係柳堯章將「潯陽夜月」改編為「春江花月夜」。

還有一本較新的版本是從原文翻譯(一般多數是從英文翻譯)，兼且資料豐富，有興趣的朋友可以一讀。

好似係郭沫若譯。

李博士呀~~~~~!!! 李博士，在下有兩點要求，萬望成全。 一，您以後出的書，文字可否改為直排同有精裝本呀？ 二、您可否在木獨哥哥的「智者與遊俠」網頁出下題咁呀？我已經在那邊幫你開了個專用區呀？候覆。~^++++^~

又要收監 下山牌照有效期滿，小弟要重返泰山。 正是： 五嶽頂頭不見山。網上唱酬嘆緣慳。 雲水兄，歡迎您加入。 請呀！

好？ 木哥哥，你都可以力邀李博士出題目個喎！自己地頭，自由度大好多個噃！

你果隻夠似野豬咯！ 蛙聲那抵獅吼笑，牛犢乳豬遭虎擒 腐鼠如何食落肚，小年難知大年心。

外星笑觀^++++^~ 酸風醋雨自艱辛，咫尺胸懷志難伸。 怨酸恨毒徒自損，何不試作外星人。

虎笑/••\ 大華哥哥，嶽中鬱悶難耐，弟近日讀金庸小說以渡，神馳草原，夢會牛羊。正是：牢籠豈礙凌霄志，神遊大漠會胡兒。玩樂如下： 金庸小說睇幾回，塞外胡言天網恢。 牛犢豈知埋虎笑，酒詩談笑共千杯。 木哥哥，「攞牌」者，即逐次申請，蒙恩准方可保釋外出，小弟會力爭下月中出冊，勿念。七子區靜？遊俠區仲杰呀！嗚…

外星視角 ( 反正今次係攞正牌上，一於自己開題 ) 亞力士，一些講佛學的人即使經常說：「語言是局限和殘害思想的枷鎖」，也無礙於他們繼續用語言去表達「語言是局限和殘害思想的枷鎖」的樂趣。如果你問他們會否因此令得在發表「枷鎖論」時不夠投入？他們會全情投入地用「自摑神功」中的「自打嘴巴」式(^w^)，不斷的向你重複展示——不會！ ( 請參考「李博士的《思考藝術》」)

期奇蹟再現 （-_-）編輯先生，好多謝你說會一定仔細考慮我的意見。鄙人認為，聽李先生的電台節目與睇《破惘》，就等於讀金庸小說與睇將金庸小說拍成的電視劇的分別，尊駕只要將兩者比較一下，便知鄙人所言不虛。李博士在港台的節目有廿多集，希望盡可能在網上原裝重播，切莫交與出版商出版，否則，於此生活維艱之時，一眾李迷又要雪上加傷。或者效法貴台的《中文一分鐘》、《傑出華人系列》、《反斗英語》般出光碟，亦是一大功德。只不過重播歸重播，最好貴台嘗試再邀請李博士上貴台做節目，雖則李先生屬難請之人，之前於三年內完成兩輯節目，已屬奇蹟，但若以答問形式進行，成事機會自當較高…都係用「稍高」較為符合現實一D。要知李先生出...閱讀更多

再來多次！ 先講《論撇》先啦，就即係咁，如果你「頓撇」呢！即係失驚無神，一下子想撇呢！可能會有反效果——佢一味扯實你唔放，咁你就「頓弊」嘞！但係你若然「漸撇」呢！反而會令到佢對你「頓撇」個喎，咁你就可以趁勢「頓撤」嘞！不過最好都係「漸撤」，因為你撤得咁快，佢會覺得你唔正常、有古怪，咁慢慢呢，你又可能會「漸弊」嘞！咁應該點做好呢？行條咩嘢路好呢？計我話呢！就係依照「賦能進路」去行，嗱！一般嚟講呢！「撇」就從手嘅！「撤」就主要用腳嘅！你睇情況而手腳並用，一時用手「撇撇撇」，有時又要用腳「撤撤撤」，咁成功嘅機會就會高好多嘞！若然咁都仲係「撇」唔甩，咁點算好呢？咁…咁在下就要恭喜你嘞！因為咁樣佢都對你...閱讀更多

破網 嘩！大華兄，李博士歷史性上網，搞到我都忍唔住要破網趁吓熱鬧，好！我又嚟一首： 《不在乎天長地久，只在乎曾經逃走》 你在網上寫了一首詩 / 然後及時更正了一個字 / 只因你發覺得早 李博士的錄音在網上放送 / 然後仲上網出題目 / 希望他的書也快些完稿 我被人禁制 / 然後又偷偷地上網 / 千萬不要讓她知道。 ^o^(此乃興奮莫名、欣喜若狂而又帶一點跳皮的表情) 嗱！大華！如果我再俾人加監，都係你引我先㗎吓！(嘻嘻！) 阿珊珊，平時你好快格，點解今次會慢咗㗎？哈哈... 順便問下編輯先生：可唔可以將李博士在港台做過的節目重播咁呀？唔該您啦！做下好心啦！