柴可夫斯基o的曲我都好鐘意聽o架。首1812 直頭好聽到出晒名tim 啦。 都某...

I like Debussy and Ravel

I love Chopin and liszt~ they are both great composers in the modern period

科幻Classic 我比較喜歡 Gustav Holst 在 1918年 完成的 The Planets，此組樂曲對後世，甚至乎現代的科幻電影配樂影響深遠，例如：我會覺得科幻電影配樂大師John Williams 的作曲風格深受其影響。 我最佩服的一點是，此組樂曲是在清末民初的一段時間內編寫而成，而在這段期間，全球的第一架飛雖然已在1902年試飛成功，但在1918年，飛機仍是在研究試驗階段，更遑論坐火箭上月球•或到其他星系。而此行星組曲卻帶給人探索無邊宇宙的衝動。 看倌若來不及買隻CD來聽，也不妨到下列女網址聽聽此曲的Midi： http://www.aquarianage.org/lore/holst.html

Most nocturns.

Chopin's nocturne "Nocturne in E minor --- by Chopin" This one is also one of my favourite. this music has a feeling of mystery..wonderful !

some........ The Firebird ............ Stravinsky Night on the Bare Mountain ............ Moussorgsky

不同風格的Classic plenti： 我對 Chopin 的鋼琴音樂都頗喜歡，尤覺有鬆弛神經之效，聽後十分容易進入夢鄉之中，而一般的交響樂，包括 Vivaldi 的 The Four Seasons 便沒有此功效，每每聽到自 adagio 進入 Presto，或自 Adagio molto 進入 Allegro 之時，即令人自睡夢中彈起，再而至Allegro non molto 之時，精神更為之一震。 ※※※※※※※※※※※※※※※ vit: 我覺得閣下對電影配樂都十分喜愛，The Firebird 這首芭蕾舞曲，似乎是50s 電影常用的那類音樂，而 Night on the Bare Mountain ，更令我想起緊張大師，或是曹探長的警匪電影。

Cantonese Classics 我最喜歡唐滌生的帝女花

中樂 採菊: 帝女花的樂曲部份是來自中樂的《妝台秋思》。 另外，紫釵記之劍合釵圓則是來自中樂的《春江花月夜》。

西樂 同意jacky. 聽完the four seasons 之後會訓唔著。( 我個人測試過好幾次) 我就鍾意聽 mozart o的曲。每一個component 都簡單, 但簡單得o黎成個交響樂就變得complicated, 又好好聽. o的melody 又易記。 my favourite song is: Clarinet concerto ( Adagio) 至於 vavildi, 我就鍾意 concerto for 2 violins. 我最鍾意violin. 拉得好睇，又好聽。

周璇

費里尼說 音樂是殘酷的, 讓我飽漲了鄉愁與悔憾, 曲終我總不知音樂何去了, 只知那是個不可企求之地, 為此我更覺悲哀 說得很poetic很到肉, 不知諸君同意否?

帝女花「香夭」o既曲係妝台秋思。 「劍合釵圓」則用琵琶古曲「潯陽夜月」。係柳堯章將「潯陽夜月」改編為「春江花月夜」。

Favorite Debussy: Clair de lune 正!

rachmaninov piano concerto no. 3 好好聽

中西匯聚 心： 莫札特的雙簧管協奏曲確實又真係幾hit，泊得住四季，而兩者有一個相同之處，就是皆曾被用作廣告配樂，四季中的春：第一樂章，相信沒有人未曾聽過。而閣下最喜歡的vavildi, concerto for 2 violins，快板部份應該都曾在廣告上出現過。 ※※※※※※※※※※※※※※※ 小花生： 你所說的感受相信都會在聽緩板或慢板的時候出現，可能聽過vivaldi 的concerto for 2 violins 後，可能都會有此感覺。在此我分享一首曾帶給我一些童年回憶的曲：Antonin Dvorak 的 LARGO from Symphony No.9“From the New World”。 閣下這麼多愁善感，我看還是少聽一些莫扎特的曲目如 Requiem 等，尤其是心情不佳之時，因 Mozart 的曲有些存在著一些逼力(感染力)，恐怕聽後內心會更為沉重。 ※※※※※※※※※※※※※※※ 文： 說的沒錯，帝女花是由許多樂曲小調成，是【妝台秋思】袛是在《香夭》一段才用上。 「潯陽夜月」與「春江花月夜」，確是同一調子，感覺上，「潯陽夜月」是琵琶 Solo，而「春江花月夜」則是琵琶 Concerto。 ※※※※※※※※※※※※※※※ Galahad： Debussy 的 Clair de lune ，我會覺得在鋪排上頗特別，有一些脫俗的感覺，但在旋律方面，不能稱得上為悅耳，這可能袛是我的個人喜好跟你有些異同而矣，別見怪。 ※※※※※※※※※※※※※※※ passer-by： 我懷疑 rachmaninov 的 piano concerto no. 3 是否原來是為古鍵琴而作，節奏急促得像在打字，哈！說笑而矣，無論如何，此曲給人明快的感覺。

各位喜歡莫扎特的朋友，有無睇過電影《莫扎特傳》呀？最新出果隻DVD仲會加多二十分鐘，總共差不多三個鐘頭。正!!! 最後莫扎特作安魂曲果段，我懷疑《南海十三郎》入面十三郎與唐滌生果場對手戲都係參考佢。

莫扎特的音樂一般都較為輕快，但慢版的感覺就非常抒情，如第二十、二十一鋼琴恊奏曲，長笛與豎琴等等，好聽到「爆燈」，第二十鋼協貝多芬都自嘆作不出，並且為此「加工」。不過抒情還抒情，都係唔好聽住瞓覺，因為會好聽到唔捨得瞓也。

Revolutionary Chopin--Etude Op.10 No.12 in C-'Revolutionary' it's really wonderful . Enjoy~~~ http://www.music-of-teszleri.com/realaudio/zoltan13M.ram

文:The English name of 二十、二十一鋼琴奏曲 is ----Piano concerto No.20 in D and Piano concerto No.21 in C ? I want to buy a CD to try. Any recommendation Cd that contains both ? --------------------------------- About Debussy..."Arabesque", "La fille aux cheveux de lin" is my favourite. Both are good music for ease to sleep. ---------------------------------

plenti，無錯，就係你講果兩隻，作品編號四六六、四六七，証明你真係一個古典音樂o既大行家，如果你想要「一碟兩首」的話，大把選擇，有平有中有貴。 我有盒唔夠十年前，香港舉辦o既莫扎特鋼琴比賽o既決賽錄影帶，係現場直播o既，由葉詠詩指揮，葉麗儀主持，三位參賽者在爭奪冠亞季軍，其中兩首比賽曲目就係二十、二十一鋼琴協奏曲，彈二十果位參賽者當時戴住個頭箍，點知一路彈，個頭箍越跌越低，你知啦，彈緊琴，比緊賽，唔好話個頭箍o丫，有錢你都唔敢執啦！當時我o係電視機旁邊睇到非常緊張，「就跌o勒，就跌o勒！點算好呢？」越跌越低，又緊張又好笑，差Dd就遮住對眼o勒，首曲又未彈哂，點算呢…… 究竟果個參賽者係邊個呢？ 佢攞到乜野獎呢？ 佢究竟顧個頭箍好？定係顧彈琴好呢？o係呢個處境佢會點抉擇呢？ 胡斐呢一刀斬唔斬落去好呢……

跟住呢? 呀文你快o的講埋落去啦。乜果時葉詠詩已經係做緊指揮o刺? 我仲以為佢係幾新ga tim... 講開，我都有去睇佢個 short cut to classical music 同 台前幕後睇o的。都唔錯 ga... 表演的都係一o的出名的曲。仲有埋個music score 俾o的 觀眾 tim.

阿心，葉詠詩o係一九八五年就得到法國貝桑松第三十五屆國際青年指揮大賽冠軍及金豎琴獎。我記得當時明報用o左半版去報導，呢個獎聽聞小澤征爾都攞過。 講返果場比賽，頭箍應戴o係頭殼頂，但係個頭箍跌到差不多到額頭，你諗下，彈慢版都重好D，一彈快版就好容易櫈下櫈下咁櫈o左落o黎，你諗下係咪？係o勒！咁點呢？比緊賽，又直播緊，一路過關斬將到呢個地步，無理由輸俾個頭箍假~，我睇佢當時一定會諗：「唉！早知就唔戴個頭箍啦！彈琴揸o麻，又唔係去選美，戴乜鬼野頭箍o丫...」如果俾着係我，我可能會考慮當個頭箍跌落o黎時，我立即用個口咬住佢，因為首曲無聲樂部份，但係又咁喎，可能正正係因為咁「牙煙」，所以產生o左一種「逼力」，令佢更加彈出樂曲中的神韻，又令眾評判「揑一把汗」，所以最後佢憑着呢次咁「驚險刺激」o既表演，勇奪冠軍，但係個頭箍果度佢點解決呢？如果遮住o左對眼咁點彈呢？定係個頭箍「發」o左落去個下爬處吊住呢？胡斐果刀斬唔斬落去，就可以睇下金庸第三次修訂時會唔會寫埋落去。個頭箍o既危機點處理...就...不如你地諗下俾着係你地，你地會點做啦！嘻嘻...

下? 呀文你講左一大段野都係講到最後一刻，你 re-phrase / paraphrase o的功力都好得下喎! 我唔識彈琴，但識拉琴，俾我係佢的話就會順勢 "fing" 開佢。 八五年?! 我得果幾歲ja bor...

阿心，我都識得拉樂器，不過係唔使用下爬夾住樂器果種，如果俾着係我，我就一於好陶醉咁，好似馬友友咁，將個頭係咁發，就算發唔甩個頭箍呀！都可以暫時發返上個頭頂處o丫！你話呢個辦法行唔行得通呀？但係個參賽者就唔可以咁喎，如果佢一路彈一路發個頭，你諗下D評判會點睇佢？一係以為佢彈到抽筋，一係就以為佢好似問米婆咁莫扎特上身。咁可唔可以岳就個頭，望住天花板，等個頭箍跌返上去呢？定係用眼神向葉詠詩求助？但係葉詠詩指揮緊又唔停得，支指揮捧又唔夠長，一路指揮一路行過去又好怪雞。可唔可以將指揮捧換支掠衫竹來幫佢？但係如果支竹撩撩下，班樂師咪要避來避去？兼且一個唔覺意，一野扑暈個參賽者咁又點算好呢？你拉小提琴(？)又唔同喎，你可以調較支弓，向住頭箍隊下隊下咁隊返上去。你幻想下你彈緊琴，個頭箍又好似依家D女仔着o既牛仔褲咁，就甩就甩，咁你會點做？你講o左我就開古o勒！

儒與道 能真切領悟/享受貝多芬的音樂, 連續聽了一段日子之後, 忽然轉聽莫扎特任何一首音樂-----我那次是聽他的小號協奏曲, (如果聽者有一定的哲學根柢)就會知道儒家和道家意趣的異同了.

你估你仲可唔可以re-phrase 多一次?! 我咪講左law, 我會順住個勢 fing 甩佢呀。如果 fing 唔甩，就由得佢啦。橫掂首曲都識背 ga la，o的頭髮遮住都冇所謂。仲型o的 tim! 我諗拉小提琴做唔到你所講的effect 喎。個方向都唔o岩。咁我估你係拉低音或者大提琴啦? 介紹多首曲俾大家: canon in d major by j.pachelbel

仲有... 而家都唔止係女仔著到好似你所講的咁啦。我見有o的 男仔仲誇啦，好以行唔到路咁。將條皮帶縛起大脾到!! 呢o的都係所謂的"潮流"... 跟唔跟呢o的野真係好睇自己有冇咁的需要lo...

re-phrase~ ^vvvv^~ 係呀阿心，我都見過呀！我試過去買褲，見個男售貨員伸高對手向上攞o野時，見佢條內褲高過條面褲幾吋呀！幾得人驚呀！但係又唔見佢條褲會跌喎，我諗極都唔明點解？同埋個褲浪o係個膝頭果處好危險個喎，有乜野事行快兩步都好易仆親，你話係咪呀？ 講返個參賽者，我之前以為你話：如果係你拉緊個小提琴時就順勢”fing”甩佢添，我諗下個頭要用來夾住個琴又點”fing”o丫，原來你係話彈緊琴個陣”fing”ok，但係又咁喎，個頭箍咁鬆，你”fing”o左上去，好快又會跌返落o黎，你”fing”多幾”fing”好快攰個o番，同埋你識背譜o者，唔代表你唔使睇住個琴o黎彈o丫o麻，仲要睇指揮呢，除非指揮果個係貝多芬啦！因為聽聞貝多芬聾聾地時，指揮個陣會一邊指，一邊嗌，咁就唔使睇指揮，聽就得o勒。但係依家係葉詠詩指揮o丫o麻，個參賽者一定o係度諗：「慘喇慘喇！唔好跌呀！我最多以後都唔戴頭箍啦！你地見唔見到o架？快D搵人o黎救下我啦！就跌喇就跌喇就跌喇，救命~~」 仲有，我唔係拉低音或者大提琴o既！請再估。 O拿！你拉懷鵝鈴o既，我俾多樣野你猜。話說小提琴家海費滋有次同隊樂隊錄一首協奏曲，由於首曲o既前奏部分好長，你諗下，好似蕭邦首第一鋼協咁，前奏足有四分鐘長，真係食碗雲吞麵都夠時間，個彈琴o既直頭可以聽到音樂至出場都未遲。咁海費滋見無乜野好做，咪週圍望下o羅，又望下隊「Band」，點知咁就衰o勒！你估下點解？快D估呀！唔係就越積越多o架！ 大華兄，我就覺得貝多芬同莫扎特有D似杜甫同李白，貝多芬有D協奏曲就似韓愈，因為韓愈「以文為詩」阿芬有D協奏曲(尤其是首凡鈴協奏曲)就似用交響曲o黎頂檔。你覺唔覺呀？

等我諗下. 星期一答你!

我就覺得貝多芬同莫扎特有D似杜甫同李白 同感同感, 十年前就係咁諗啦.

吓？阿心，使唔使諗咁耐呀？

大華兄，你有無聽「德彪西」呀？阿傅聰成日話聽德彪西同莫扎特會聽出中國詩詞的味道o番。

canon in d major 呀心,agree ! canon in d major by Johann Pachelbel is a good and famous music. I also like it. It seems has used in <我的野蠻女友>

文兄，德布西聽過，但不多，忘了是哪幾首．小弟於詩詞音樂都係外行，不敢多作評述．

http://www.helander.se/stefan/pachelbel.html 乍聽“canon in d major”，還以那是一首很近代的歌曲，怎料原來它的創作人 Johann Pachelbel 活於十七世紀。 整首樂曲的結構並不複雜，袛有一些簡單的調子配以一些不十分複雜的和絃，我想具鋼琴三級水平的都可彈奏。不過無可否認，樂曲十分悅耳動聽。 以上有一個網址，內中有許多首以不同形式演奏“canon in d major”，包括POP版、ROCK版、JAZZ版...等。

如果買D巴洛克音樂或古典音樂入門o既精選CD，卡農曲幾乎必定會收錄，我記得有一隻cD有成七至九首卡農曲o既唔同版本。

大家上去看看吧 http://neuro.ohbi.net/music/

我喜歡莫札特的安魂曲 大家可以去聽下

2 pieces Here are 2 pieces I like v much: --- Beethoven Piano Concerto No.5 "Emperor" Tchaikovsky Violin Concerto in D Major, op35

肖邦素有鋼琴詩人之稱，他的樂曲是高度詩化的，而且天然地帶有憂鬱的搖曳感，詮釋起來難度極高，許多藝術家終其一生也很難抵達肖邦藝術的核心，但李雲迪這個孩子卻可以完美細緻地將肖邦作品的精髓表現出來" agree ? p.s I like his new music of lizst (La Campanella)

蕭邦的音樂快樂得來帶一點憂愁，哀怨之中又帶一絲微笑。邊位聽過李雲迪彈蕭邦o既？可否講下聽後感呀？

文 我返o黎o刺。先答下你o的問題先! 1) 我講左我會點做啦bor，你快o的開估啦. 2) 你唔係拉西樂，咁就係二胡啦。除非你拉的是其他中樂弦樂器啦。 3) 個樂師周圍望，緊係望到入晒神，唔記得入歌啦。就係咁衰左law 我當然唔係諗左幾日啦!

jacky cannon in d major 呢首曲 hit 到俾人re-arrange 過無限次。我都聽過rock, jazz...etc...版本﹐但就覺得唔係咁好聽。我有日係網到搵左而好耐，終於俾我搵到只係得2 個violins 拉的duet 版本，就連通常一定有的 cello 同 piano 的音都冇。超正! 因為有時我會覺得太多樂器唔好聽。

想請問一下.... 我對古典音樂是完全外行.... 如果想聽一些軍隊樂曲/進行曲, 誰有好介紹呢?

仲有... cannon in d maj 呢首曲真係好易，學過1, 2 年violin 的都識拉ga la . (不過可能唔好聽...)

文 我之前個msg 有語病。唔好意思，因為有時打字打得太快，手腦不能好好運用

呀心，首先歡迎你返來先，答案如下： 一、無錯，你答o岩o左，我係拉二胡，所以即使有隻烏蠅飛埋o黎，我就算用個頭「發」死佢都唔影響我拉琴。 二、果位參賽者真係「千鈞一髮」，我睇住佢個頭箍越跌越低，緊緊係俾D頭髮頂住，但係佢又唔可單手彈琴喎，咁點呢？點算好呢... 三、由於海費滋乃係大師中o既大師，所以當果班拉弦部o既樂師見佢望過來時，即時緊張不已，心理壓力大增，成隊人立即拉到亂哂大龍，要由頭來過。 呀！係呀！唔記得講埋添，個參賽者就係捱到個頭箍仲未跌，首曲又奏到管弦部份，唔使彈琴時，咪拿拿聲整返好去o羅！不過佢都無除落o黎喎，真係藝高人膽大o勒！ 好！又俾多樣野你估，同音樂無關o既，我有個外甥，有一日佢老豆同佢返學，佢一入課室，舉頭見到釘o係十字架上的耶穌，立即好大聲咁講了句說話，你估佢講o左乜野？

哦... 原來係咁。 你專登題及"佢老豆"，我諗唔多唔少你個故事同佢老豆有關...所以我估你個外甥話: 依，咁似你o既?! 不過真係好難估下喎，或者俾 o的tips 啦... 拉violin 唔會有 flys 經過o架 ，因為 o的 High pitch 的 air wave 嚇走晒佢地。 所以連個頭都唔使"發"...哈 呢首歌都好好聽: Moses variations by paganini

呀心，你介紹首曲我未聽過，我會搵來聽下。多謝介紹。 我都唔知小提琴原來有驅烏蠅作用，又學多樣野。 點解會提我外甥個老豆？係因為我外甥得六歲所以要老豆帶返學。唔好俾貼士o勒，等我開古啦： 佢大叫：「拉登呀~~~~~~~~~~~~!!！」

Schubert? Does anyone like Schubert? His string quartet in D minor is my favourite.

文 好可愛的小朋友! 俾番樣野你估下啦.... 最近有冇睇電視廣告? 李雲迪彈完一輪christmas 的歌之後講左句 merry christmas! 坐係我隔離的同學即大叫左一句野， 你又估下佢講乜?

Faustus i like this too! nice melody.

我愛 Mozart 我愛 Mozart 、 Mozart 、 Mozart 、 Mozart 呀 ~~~~~~~~~ ！ 唔只係共鳴，係融埋一齊呀 ~~~~~~~ ！

又係我... 琴日睇 titanic，見到隊strings team 係沉緊的船板上面拉琴。(係當時，當然冇人會聽啦...) 佢地想走之際，個拉cello 的仍然對佢個琴不離不棄。 只覺得又好笑又appreciate. 有冇人記得佢地最後果首係乜野曲?

呀心，我係人黎架！ 我冇睇過 Titanic喎，唔好意思 ah ，幫唔到你o剌！

呀心 You like it too? That piece strikes deep into my heart for some reasons. But I don’t know why. Do you like his lieder too? 十三點 (or myself) //唔只係共鳴，係融埋一齊呀 ~~~~~~~ ！// That’s the power of good music, right?

呀心，第一，我條天線這幾個月被正興建緊的大廈遮住，完全睇唔到電視，o係未來一年都唔會有改善，所以無睇到你講果個廣告，只在巴士上看過李雲迪彈李斯特的廣告。 第二，我唔知你個同學係男定係女？就當係女先啦！ 1. 大叫，然後暈o左：「嘩！我地支持你~~~！喔~~！」 2. 「咦？講英文？」 3. 「o下？無o拿？」 4. 「有排都未到聖誕呀！傻仔！」 5. 深情地，哀怨地，用痴迷又有點淒美的眼神，略帶磁性的聲線，低聲幽幽的道：「聖誕快樂」 6. 不能自控的一味尖叫！

文，首先，我個同學係女 o黎o既。你o的答案好似果o的"靚妹仔"咁o既。我地都唔係果o的"靚妹仔"啦。。。不過真係好creative 下。 尤其喜歡第5 果個答案! 哈! 個廣告全場影住李雲迪好enjoy 咁彈christmas 歌，彈完之後，佢向住個鏡頭微笑講 merry christmas! 我同學即時嘆氣道: 唔出聲仲好過出聲... 因為唔出聲都仲可以幻想下，一出je，乜都冇...佢o的 牙都仲 "修理"緊... 冇得睇一年電視咪多左好多時間?

我愛 Mozart 我愛 Mozart，因為我o既靈魂深處同感情，同 Mozart o既靈魂深處纏埋一齊！

呀心，我都係以現時一般少女應有的反應去猜o者，話時話，李雲迪棚牙都好似由成名箍到依家o羅o番，我仲以為一早除o左添，乜仲戴緊呀？希望佢彈琴時唔好學得果位莫扎特冠軍咁，彈到個牙箍「就甩就甩」咁啦！ 依家D電視節目都無乜好睇，所以無電視睇對我影響都不大，咪睇碟睇下書o羅，我已經成兩年無買報紙睇，都發覺無乜影響。又俾樣野你估下，應該好多人都聽過：話說馬勒指揮一隊管弦樂團(我唔記得o左係邊隊)採排貝多芬的第五交響曲，佢不斷要求樂隊奏樂曲開頭果句：「登登登櫈」。次次都話唔滿意，D樂師越拉越忟，越奏越火滾，就快谷爆時，馬勒就講o左句說話，你估下佢講乜？

天才此之謂 既然大家咁高興, 不如小弟講一段莫扎特的野史, 我諗唔少 "莫迷" 都聽過的了.(內容也是粗枝大葉, 大大概概咁啦) 話說莫扎特有次要去一個叫林茲的地方表演, 佢預先寄了份剛寫好的樂譜去俾當地的樂團排練. 點知當佢到達時, 當地樂團才發覺唔見左份樂譜! 可想而知當時 "倒瀉羅蟹" 的情景. 莫扎特知道後聳聳肩, 若無其事地回旅館去了. 至於事情點樣收科呢..... 唉, 當我聽完古仔之後, 再也不敢發天才的夢了.

大華兄，呢個好易估o者，話明係天才，咪立即寫返個「一模一樣」o既譜出來咪得o羅，係咪咁呀？

文兄, 重寫一次, 正如棋手 "複盤", 不算太難吧. 我所聽到的版本是: 莫扎特隨即另外寫了一首樂譜以作演奏, 就係現在我們所聽到的第三十六交響曲 "Linz". 不過係都唔奇0既, 諗起老師完成博士論文的過程......唉, 天才, 係咁嫁啦.

文 佢係咪話: 我就係要咁o刺! 我睇電視都係為左睇 er 同其他一o的好睇經典一o的的劇。

大華兄，吓？寫過另一首？好有大師風範喎？ 呀心，答對了，好野，叻女，無得頂呀！再俾多樣你估：話說貝多芬細個果陣，成日同個兄弟去隔籬偷人地D雞蛋，後來隔籬位太太見貝多芬行去佢後園，就懷疑係貝多芬偷，咁就問貝多芬有無偷過？貝多芬話：「無」，果位太太問：「咁D雞蛋點解唔見o左？」你估一代樂聖貝多芬點答？

嘩! 有四個讚! 多謝 嘩，諗下諗下，好耐都冇俾人讚過啦... 貝多芬話佢冇偷到，我估佢話 : 冇呀，冇偷你呀，你o的蛋變晒做雞仔啦。咁o的 雞仔有腳，咪唔見晒law。

呀心，仲爭少少，話哂都係一代樂聖，常人都唔係咁容易猜到佢o既心思，你答到咁樣都已經好了不起，好唔簡單，好難得o架o勒，如果俾多少少時間你，相信你一定會答得到o既！答案係：貝多芬答曰：「D蛋可能俾隻雞食o左！」哈哈… ER我以前都有睇，仲錄o左第一輯，不過洗o左，後來又睇埋X檔案，呢D劇集都係好睇過好多電影，依家最鍾意睇o既係法網豪情，同埋間中有D紀錄片都幾好睇o既。我發覺近年D大陸劇都好好睇。

um...好似唔係好合logic 喎...雞唔食蛋ga喎。 一代樂聖，真係唔容易猜到佢o既心思... 我想請問一下二胡點解要用蛇皮ge?

心 點解要用蛇皮？我諗係傳統用開掛？就好似鼓用牛皮咁，如果用其他代替品，未必能保持二胡那種「含蓄內在」的感覺，兼且味道完全不同，再用來拉返以前的樂曲就不是味兒了，就如有些樂曲要用古鍵琴演奏一樣。除o左二胡用蛇皮之外，好多中國樂器；包括部份小數民族的，都有用蛇皮，二胡個琴身試過用唔同材料做，一般都係用木，如烏木、紅木、酸枝、紫檀等等，京胡就好似用竹，聽聞黃安源有個二胡係用象牙做的(只有收藏價值)，但係就無聽聞有其他材料可以取代蛇皮，就算用蛇皮都好講究，好象近蛇尾的部份較好，蛇皮都有靚與唔靚，一般用靚木都會配塊靚蛇皮，聽聞北京樂器廠試過進口泰國蛇皮，理由係中國的蛇營養不良(依家應該好D掛？)，但係其實胡琴(小提琴唔知是否相同)就如工藝品一樣，都係撞手神，有錢都唔保証一定買到把好聲o既，所以有D樂師聽有新貨到就會去琴行揀琴，逐隻試，有時會執到好野，當然要琴聲靚仲要其他配件配合，這點你都應該清楚。

請問 最近有個電視廣告,好似賣電話定寬頻(裡面的人一路向前行其實一路向後退果個哩!).裡面首鋼琴音樂好動人,是李雲廸奏的,大家知唔知這首曲是誰作的,那裡可以找到呢? 謝謝你們

呀心 係呀完全係撞手神的! 我話連有時拉琴拉得好好都係撞手神! 點樣先可以去到冇mood都可以拉得好以好有mood 咁的地步呢?

sorry 呀 文...唔好意思呀.....張你個名打左落去個開題者名字到.... sorry! hehe

to 小雨 我都唔知呀...

自問自答？ (先旨聲明，以下所講都只是班門弄斧，乃是一個音盲向一位高手拋磚引玉)「拉琴拉得好好都係撞手神」我都覺得係，好多音樂大師自己最滿意的演奏，都不在錄音和演出上。我睇，要狀態好，整個人投入，到忘我境界時的演奏，是最有感情的演奏。傅聰試過練習時被人偷偷錄音，他聽過後發覺相當理想，刻意再錄時又彈唔返。二胡曲「二泉映月」的作者阿炳拉此曲的錄音，音質差，樂器差，技考差，但所拉出來的情感，唔係咁多人隨便拉得到。好多大師級上台表演時，都係但求唔好出錯，好多時差過錄音。 有mood想奏到有mood都好難，無mood想奏到有mood就更難，如果做得到，豈非唔需要mood？除非以外表去呃下人啦，例如：郁身郁勢，fing頭fing髻，標哂大汗，爆哂暗瘡，含住眼睙，流住口水，跟住奏唔落去，抽泣不已。又或者好似李斯特咁，奏到暈低，等D女樂迷心痛不已。 琴晚睇返莫扎特鋼琴比賽的錄影帶。原來個頭箍應戴係「百匯穴」之後，我睇住佢跌到四十五度，跟住又跌到好似孫悟空個金剛箍o既高度，再跌到水平齊眉位置，睇到心驚肉跳，佢整返好又再跌過，我都睇到無mood欣賞音樂，佢都唔慌有mood彈啦！

我才是真正的音盲 文，你知的野都明顯地比我多喎... 你用//拋磚引玉//呢個四字成語令我百思不得其解... //郁身郁勢，fing頭fing髻，標哂大汗，爆哂暗瘡，含住眼睙，流住口水，跟住奏唔落去，抽泣不已// 勁呀! 呢o的adjectives 令我諗起黃(王??) 大德。 如果真係做( 扮) 得齊咁多樣, 唔去讀演藝真係唔得lo... 經過你多次re-phrase 之後, 真係好想睇下果位參賽者點樣驚險法...

呀心，音樂上o既造詣，同知幾多野係無關係o既，就好似有D功夫佬咁，講就天下第一，叫佢打就笑死你。想知多D故仔，睇下書就可以了，音樂就唔同o勒，你話係咪？ 果位參賽者點驚險都俾我講哂o羅，你再睇都無感覺個o羅，當表演咁欣賞都值得o既，以前有套影碟叫做「莫扎特之旅」，有成十集，電視都播過，一邊講莫扎特的經歷，一邊有唔同o既大師級彈奏莫扎特的鋼琴協奏曲，好惜到現在都唔見有出DVD，你學西樂o既就大把CD、影碟睇啦，可以睇到好多大師o既錄影，中樂就無乜o勒(唉…)，你又有無好野介紹下呀？

To 小雨 It's.. Lizst - Etude#3 La Campanella

這是La Campenella 的琴譜,大家可以去download ar http://www.sheetmusicarchive.net/compositions/lzpe_3.pdf

謝謝Plenti和Winnie 呢度真係好，除左討論哲學問題，仲可以問問題，有人介紹好音樂，點捨得走！謝謝Plenti和Winnie！

文 我睇過一o的violin solo / 交響樂團/ 名指揮 的錄影帶, 但已經唔記得乜名lu. 我睇呢o的錄影帶通常係人地介紹又或者係自己冇野做果時走去學校圖書館到是是但但拎出o黎睇下. 講真, 我未睇過一盒好似你形容得咁好睇的錄影帶bor! 中樂的錄影帶真係冇乜睇過, 不過覺得俞麗拿用小提琴入o黎拉梁祝就覺得好過癮。

正碟介紹 嘩！呀心，乜成點鐘都唔瞓呀？ 我講餅錄影帶都唔算好睇，好笑o者。有隻當年稱為天碟o既影碟就真係正o勒！到依家都未出DVD，o係柴可夫斯基一百五十週年紀念音樂會，o係聖彼得堡表演，隊Band早幾年來過香港表演，個指揮人稱「魔術手」，唔用指揮捧，D手勢好深、好闊，好靚o既，聽CD就無得睇o勒，奏一八一二時，係用真炮o既。有費曼拉小提琴，仲有馬友友「全情投入」o既演出，拉洛可可變奏曲，阿友友真係藝高人膽大，有一段對住小提琴部好似唱山歌咁，用琴音與動作加表情「撩」D樂師，又對觀眾眉目傳情，仲對指揮大拋媚眼^^，一一入哂鏡。加上高超o既技巧，真係百看不厭。 我唔係好明你話俞麗拿「用小提琴入o黎拉梁祝」點解喎？係咪指：用西洋樂器拉奏中國味道o既音樂呀？

文, dvd 未出喈, 咁vcd 係邊到有得賣呀? 真係好想睇下喎。 太夜打字, 打多左個 "入" 字呀. 我係想話聽俞麗拿用小提琴o黎拉梁祝, 好好聽。之前電視播過佢的特輯, 講佢點樣對音樂不離不棄, 教人琴又唔收$.

唔得閒住呀！ 呀心，我要寄好多耶誕卡，好忙呀！遲D再答你啦！唔好意思呀！

呀心，vcd我好似見過，但依家都唔見有o羅，cd就應該會有，你可以一邊聽cd一邊幻想下馬友友o既風采啦。 P.S 講起小明星呢！原來...原來經常幫佢撰曲果位應該係...應該係王心帆喎，唔多覺有南海十三郎o番，係咪王心帆搵十三郎做槍手呀？我發覺聽小明星o既歌呢，最好一邊剝下瓜子呀，花生呀！一陣又搣隻蕉食下呀咁，咁先至有味道o架，仲要懷緬下前塵影事：「唉！如果當年我唔係買o左果隻盈科......」 現代人經常精神緊張，神經衰弱，最o岩就係聽小明星當音樂治療o勒！

有關小明星 阿文: 小明星的曲與詞大大部分出自王心帆之手。王暗戀她(小明星)，小明星三十早逝，王終身不娶。至於南海十三郎則以編劇為主，不少是編給薛覺先的。小明星是四十年代(?)的歌伶，薛則是當時紅極一時的粵劇老倌。小明星的歌不宜多聽，聽得多會患憂鬱症的。

多謝顧曲提供資料，想不到拋磚真的可以引玉，等小弟拋多兩舊先： 講起小明星必然會將王心帆相提並論，皆因小明星很多成名曲都出自王的手筆，如《秋墳》、《癡雲》等，而《秋墳》一曲更是其「絕唱」，因為一九四二年小明星就是唱此曲唱至：「立墓前，三尺殘碑疑是望夫化石，魂魄未歸芳草死，祗有夜來風雨送梨花」時，忽然吐血昏迷於台上，第二日就「埋單」，仲早死過莫扎特(指年齡計)，聽聞小明星的相片都只有王心帆有收藏。王心帆稱小明星的歌藝唱得：「如怨如慕、如泣如訴，所以能令顧曲者陶醉」。「聽得多會患憂鬱症」？所以俾D「火車頭」聽下咪o岩o羅，平衡一下o丫o麻！

happy new year! 嘩... 要去到第三版先搵返呢個出o黎. 文, 你地轉左講唔講西樂, 我就唯有睇啦. 四五十年代的中文歌對我o黎講係"唔知係乜東東"... hehe 不過我對21 世紀的中文"流行歌" 都係一樣. 唔知佢地唱乜, 表達o的乜. he. 早幾日經過沙田, 咁o岩有乜乜新人王的比賽, 見到果o的 fans 們係到以極high pitch 的音係到尖叫. 真係嚇死我lo...

失覺哂失覺哂！ 顧……咳咳！顧曲，晚輩先在此向您請個午安先m(_ _)m，晚輩可以借俾您睇o既碟有： 一、 之前講過有馬友友果隻LD啦！特別推介「悲愴」第三樂章啦、「一八一二」啦、第一鋼協第三樂章啦，果位獨奏係鋼琴冠軍，早幾年來過香港表演。李博士都提過鍾意聽柴可夫斯基o既音樂，話當中有「鍾意」，希望你喜歡啦！ 二、 貝多芬第四、五鋼協，由阿勞獨奏。 三、 如果你喜歡芭蕾舞的話，我有隻《天鵝湖》，由瑪歌芳婷同雷里耶夫傾力表演。 四、 錄影帶有：彈到甩頭甩髻果場莫扎特比賽啦。 五、 仲有一餅就犀利o勒！亦都係今日o係度特別推介o既！係一套記錄片，呢套片大有來頭，當年我錄低o左之後，一睇完就要立即重睇。套戲名中譯叫做：《樂韻繽紛》，英文原名叫做：《從「毛」到莫扎特》副題：埃昔史頓in猜拿。係小提琴大師埃昔史頓，大陸譯：斯特恩，於一九七九年六月應外交部長黃華邀請到大陸訪問三個星期。內容就犀利o勒！有中央民樂團o既西曲中奏，由已故指揮家彭修文指揮，又有埃昔史頓舉辦大師班，講解如何奏出音樂的生命，如何有歌唱性的表演，睇住隊管弦樂同D學生，由死氣沉沉經指導後立即起死回生，真係妙手回春呀。有埃昔史頓同中央交響樂團表演莫扎特小提琴協奏曲，由李德倫指揮，又表演貝多芬o既春天奏鳴曲，又參觀京劇學院，當中有表演踢槍，一個人踢八支槍，勁！呢套戲到現在仍被人津津樂道，尤其是裏面有個細路拉大提琴表演，就係呢套戲令佢被人「捉」o左去外國深造，佢就係現在間中都會來下香港表演o既王健o勒！又參觀音樂學院，睇下D靚妹細細個就好老積咁唱D類似郭蘭英唱果D中國歌，好得意o既，睇過你就知，仲有宋慶齡客串「演出」，總之內容豐富，不能盡錄，我講o左都無三分一。 當中有段小插曲，就係同行o既大衛加立會o係上海同埃昔史頓合演，但係當時大陸能夠彈得o既鋼琴都o係文革打爛哂，得部殘殘舊舊都唔用得o既「鋼琴」，咁點算呢？係o勒！都係果句：點算好呢？聽日就要表演，但係仲未有琴，係咪用洋琴去代替呢？定係用古箏呢？琵琶好D定係結他好D呢？「哎吔！死喇！你地無琴就早D出聲o丫，我係美國帶部o黎o丫，依家聽晚就表演o勒，你地話點表演o丫！吓！你梳怎麼辦，你梳怎麼辦，你梳怎麼辦……」係o勒！究竟佢地點辦呢？以大陸當時o既物質條件，點樣搵個鋼琴出o黎呢？會唔會請個氣功師變個出o黎呢？

歸隊 心，你多D留言咪唔使搞到搵咁多版o羅！如果你想聽D好o既歌詞，最好就係聽粵曲o勒，D詞夠哂文雅，真係可以聽歌學中文，依家D詞就真係嚇死人，以前鄭敬基有首歌，裏面有句本來用「端倪」o既，但係因為唔o岩音，就倒轉用：「倪端」真係搞野，仲有陳亦迅有首歌「(唔知乜乜乜)然後短兵相接」大佬呀！乜野叫做短兵相接呀，我又唔好意思話佢賤格，都唔知點形容好。去聽演唱會仲衰，唔知道你仲以為去錯地方，失驚無神係你週圍o既人會無端端好似鬼上身咁大叫：「華仔！華仔!!!!」大佬呀！我聽o黎聽歌o架！唔係o黎聽你叫o架！試個有一年去廣州探個前輩，同佢傾傾下，佢個女突然對住個電視大叫：「劉德華呀~~~~~~！」佢就立即乸埋口面對我話：「你睇下依家D女o丫，(跟住轉頭大聲話個女)果個你老豆o黎o架咩！！」。連音樂會都係咁，有次聽中樂，奏緊陽關三疊，有個人一邊跟住哼不但止，仲搵埋隻腳係度踏拍子，「阿叔！你估呢度係夜總會咩！」唉！ 有D歌雖則舊，但係襟聽o丫o麻，好似周璇首「天涯歌女」咁，你未聽過首歌都聽過個歌名o丫，係咪？有D廿幾年前o既中文歌，好似關正傑同許冠傑o既歌，都幾好聽o架，仲有D五六七十年代o既英文舊歌，都係好好聽o既，你聽過未呀？未聽過你就好去搵o黎聽下喇，如果聽過覺得正o既話，記得請我食飯呀！ 係喎，上一個留言你又可以估下點樣搵個鋼琴出o黎個o番！

樣樣都要 阿文： 唔駛咁多禮，心照喇！ 你講o既1、2、3、4我都想睇。至於第5，呢齣戲一出，我就去睇，後來重做，我又翻睇過。當年睇o既時候，真係好感動。我當然知道最後結果點樣啦，不過都係由你講埋落去好d，因為你講得精采也。

遵命 顧曲早晨，晚輩果然係班門弄斧，原先以為最少人睇過果套戲，前輩原來已經睇過多次，真係…真係…真係意料中事。阿心唔知去o左邊？加上前輩有命，晚輩又豈敢不從。 「故事」如下，上回講到：埃昔史頓眾人去中國，訪問上海時，本打算表演場音樂會，而大陸方面也不敢怠慢，一早為佢地預備o左一部聲稱係全上海最好o既鋼琴，但係大衛加立試琴時，發覺：「弊傢伙，點解中國D琴同我o係美國度彈果D唔同聲o既？」原來個鋼琴舊得滯，可能無保養，唔彈得，但係聽日就要表演o勒，點解救好呢？臨時臨急，o係邊度搵個琴返o黎好呢？如果係香港人上來表演就無所謂o者，大家中國人，咪將就用住先o羅，兼且香港人彈琴都習慣彈到甩頭甩髻o架啦！但係依家係美國人喎！搞唔好，好丟架個喎！咁點算呢？當時雙方o既對話係咁o既：(我D英文唔得，所以我o既譯法同電影有D唔同。) 史頓：「嘩！大佬，呢個都叫做琴呀？點彈呀？你過o黎彈俾我睇下o丫！」 繙譯：「美國來的老兄，呢個…呢個已經係全上海最…好o既鋼琴o架喇！」 史頓：「吓！最好？你唔好嚇我呀！你睇下，D琴鍵又發哂霉，都唔知彈彈下會唔會有野走上o黎咬人，我唔理你呀！你換過一個o黎呀！」 繙譯：「唔會o卦？儂老人家用住先啦，D觀眾應該都聽唔出o卦…」 史頓：「嘩！咪搞！陣間彈彈下成個琴散哂你地要我賠咁點呀！呢D古董我賠唔起o架！」 繙譯：「無喇，呢個…呢個已經係最好……」 史頓：「o拿！咁啦，早幾日我地o係北京見到有個琴都彈得下o既，你地搵部軍車運去機場，再用架軍機運過o黎啦！快D啦！」 繙譯：「唔得呀！D解放軍唔識搬琴o架！」 史頓：「咁咪搵個較音師傅跟埋去o羅！快D去啦！」 繙譯：「佢地係運輸部隊……」 搬個琴都搞到好似打仗咁，咁最後點呢？看官們，要知道o係大陸係無乜野係做唔到o既，就算黃河缺堤，佢地可以用血肉長城：大家手扣手，用胸膛將缺口堵住，直到水退為止。如果D洪水仲o黎，就大家張大個口，飲哂佢，一邊飲一邊唱住「東方紅」夠哂悲壯。 仲有次大興安嶺大火，我睇電視睇住佢地點樣救火：鏡頭前有一支著o左火o既「柴」，背景係一片火海，跟住有幾個人手上揸住塊布，搏哂老命、奮不顧身咁，起勢對住支柴兜頭兜腦咁係咁拍落去，「唏！死啦死啦」，佢地又真係好落力個o番(緊係啦，D火燒緊埋o黎喎，仲唔快D拍熄佢收工走人咩！)，睇住佢地出盡力咁拍o左一陣之後，D人散開，個鏡頭再影返支柴，發覺已經成功地撲熄o勒！ 當時佢地救火除o左用呢招之外，主要係用一種叫做「吹風機」o既「救火」工具，呢種工具點用o既呢？新聞又有得睇喎，就係一種好似風筒咁o既野，不過個嘴就長D：又係影住一碌著火o既木，然後將個「吹風機」好似用吸塵機咁隊埋碌木度(我都唔知佢地o係邊度搵電，部機都唔知係咪燒炭o既？)，跟住怪事就出現o勒：睇住D火真係逐吋逐吋咁消失。所以o係大陸遇上火警的話，唔使諗咁多o勒，一字寄之曰：「走!!!」。不過點都好，場火最終都熄o左。 好o勒！講返個琴……咪住先，顧曲，您雖然號稱睇過套戲唔止一次，但係事隔咁耐，晚輩……晚輩斗膽講句，您最多都係記得最後點表演，未必記得點搞掂，不如就由你去講，講o岩o既話……咁啦！講o岩o既話，晚輩再借出一隻絕版碟，當年稱之為第一隻中樂LD兼天碟：《黃河梁祝》，梁祝係由「許可」用二胡拉o既。(^_^) ／請———

貼士 話哂都係前輩，當然有優待o既，下列五項任揀，可以問現場觀眾、用五十五十、同問人借帶重睇。 一、 真係搵解放軍去北京搬個琴落o黎，不過唔係用飛機，而係發揮「排除萬難」o既精神，搵解放軍用人手抬落o黎，仲要唔著鞋，行到對腳都損哂，等D美國佬見到就算唔o岩用都唔好意思叫佢地搬返扯。 二、 D解放軍咁叻，一於唔使靠美國佬，由自己表演，表現一下人民子弟兵同老百姓之間o既魚水之情。 三、 一於表演真正o既「獨奏」，唔使伴奏，將首曲改為「無伴奏小提琴奏鳴曲」。 四、 始終都係無琴，唯有表演時播唱片，史頓同加立就咁o係台上做手型算o勒！ 五、 大陸能人異士甚多，「食飯神仙」通街都係。由中央號召全國最好o既樂器師傅，用人海戰術，o係表演前「鬥」起一個琴出o黎，令一眾美國友人呆若想雞，差D連琴都唔識彈。 第六，亦係最唔合理，最不可思議、令人難以相信，同時亦都係全套戲入面最令人感動而又費解o既，令所有觀眾都意想不到，簡直唔能夠相信係事實，甚至係為o左呢場戲，所以一睇再睇，一重做又睇，令到好多人開始相信呢個世界真係有神存在o既！中國在世人心目中又再抹上一絲神祕色彩o既！當年o係外國上影時，果份震撼…果種彷彿受壓逼又一下子得到切切底底解脫o既感覺，只有…只有經歷過盈科由廿八蚊跌到得返唔夠一蚊果種忽然無錢一輕、果種世事無常，由股票市場一下子回歸自己個荷包、那種同女朋友拍拍下拖，忽然佢對你話要同第二個人結婚的感覺才堪可比擬。好多觀眾睇到呢場戲都接受唔到裏面o既「劇情」，用雙手「黯」住對耳衝出戲院，一邊大叫「我唔信！無可能o既！你地呃我！你地呃我…」究竟係點呢？就係…就係…您話您知，都係由您講埋落去啦！

嘩 冇上兩三日，呀文你寫左咁多野上去o刺。 你講果套 from mao to mozart (?) 我都有睇過喎。我學校library 有得借tim 。不過我就唔記得結尾係點，等我去借 o 黎再睇睇先! 唉，琴日俾導師叫我今日( 2002 的最後一天) 返學校 (遠在西貢) 做實驗，點知返到去人都冇隻，原來佢地放half day。 又俾人放飛機。

柴可夫斯基o的曲我都好鐘意聽o架。首1812 直頭好聽到出晒名tim 啦。 都某隻碟 ( 好似係victory) 都有re-arrange 過重拉。都唔錯。 天鵝湖係佢另一力作。配埋個芭蕾舞仲正。

又寫少左o的野tim 係樂隊bond re-arrange 呀。

講開 "基基" 佢首1812最後個段, 我有只版本, 真係用禮炮來配樂的, 夠晒誇張, 但係誇張得好. 反而有d人0係所作0既音樂度加上水聲, 不倫不類, 正式係眼高手低,呢個就係 "音樂" 同 "發聲藝術" 0既分別喇.

呀心，你返o黎o拿？你講o既實驗係咪：「放聲氣叫人年尾返學校，睇下有無人會信」呀？你返o左去，個實驗算唔算成功o左呀？定係失敗o左呀？ 原來連你都睇過套《樂韻繽紛》呀？唉！早知係咁我就唔寫咁多野啦！嘻嘻，不過唔緊要，你都係唔記得佢地點搵個琴返來，咁你就借餅帶來再睇下o羅o番！你學校o係西貢？！真係好，放o左學可以食海鮮。學校又有帶借，真係正，你有無睇過《莫扎特傳》呀？英文戲名《阿瑪迪斯》，好好睇o架。如果未呢，你就好去搵o黎睇喇！我睇o左差不多十次，最近仲出o左加長版添。 ________________________________________________________ 大華兄，我講大興安嶺場火果幕，你有無印象呀？

也許當時年紀少 文兄, 我唔多記得啦, 真嫁. 而家0係屋企坐定定, 睇下今晚文化中心爆大鑊, 可能仲好睇!

依? 文，你俾我果個英文劇名點解都係中文o黎o既? 我都好想睇下呀! 俾人叫左返學校，只歎俾人搵笨lo...

文大哥 小弟真係越來越佩服你呀, 可以寫咁多字－－都係言之有物, 無洞可空．^_^

大華兄，大興安嶺大火係發生o係八七年喎！你起馬都識行啦！年紀小...??? 一八一二o既禮炮版本我都有，仲係有得睇o既添，見住成行炮係咁「砰砰嘭嘭」勁呀！碰！碰！碰！

《Amadeus.》=《阿瑪迪斯》=《莫扎特傳》=好好睇=非看不可^.^ 呀心，我唔係好識打英文o架，打英文我要打好耐o架！所以咪用返中文o羅，o拿見係你咋：齣戲英文叫《Amadeus.》，原本係話劇o黎o既，借用莫扎特被毒死o既傳聞，齣戲主角應該係講薩里埃利，佢係莫扎特o既死對頭，佢非常妒忌莫扎特，但更加羡慕莫扎特o既音樂才華，對住莫扎特o既音樂佢佩服得無話可說，但出於嫉妒o既心理，佢不斷阻撓莫扎特o既發展，例如千方百計減少莫扎特歌劇o既上演場數，但係自己又忍唔住晚晚捧場(就好似有D人成日彈三彈四，但係一見人地出書就即刻去買o黎睇咁)，到最後終於在莫扎特作《安魂曲》一幕，來一場「決鬥」…… 齣戲o係布拉格取景，因為只有果度較多十八世紀o既建築，由於拍戲當時仲o係共產黨統治時期，建築物好似幾百年都無郁過咁，導演話就算要拍三百六十度o既鏡頭都完全無問題，可見捷克共產黨對保護文物實在「應記一功」(大陸就一殼眼淚)。而且仲o係莫扎特當時指揮過o既劇院拍攝，工作人員都非常激動，仲感動到「失蹤」。但係戲中那個莫扎特o既荒誕行為，就令好多樂迷不滿意，從此對莫扎特改觀，不過其實戲中有關莫扎特o既內容都係有一定o既根據，並非「生安白造」。全片當然係用莫扎特o既音樂做配樂啦，一般電影配樂都會放o係畫面o既「背後」，但係呢齣就唔同o勒，全部放o係「前面」，音樂做埋主角，睇過呢套戲，會令你更加鍾意莫扎特o既音樂。 當年呢套戲一出DVD時，我唔理自己都未有DVD機，亦唔理當時係處身於全港最貴o既唱片鋪：音樂無限，更唔理當時有無錢，立即就買o左隻落o黎，因為點都覺得超值也，音樂好聽，D服裝同道具都靚到不得了。

唔該晒 我check過啦, << 莫札特傳>> 我學校都有得借呀! 多謝你介紹!

世紀之戰!!!!萬勿錯過！！！請睇《莫扎特傳》 呀心，恭喜你!!你間學校乜都有，真係好o勒，我尋日都講到慶起，所以尋晚搵返套戲出o黎睇。莫扎特與薩里埃利最後「決鬥」果場戲，堪稱得上係電影史上曠古未見o既佳作，當年能夠勇奪奧斯卡大獎係好有道理o既，單係睇呢一場就已經值回票價、不枉此生，如果功課忙，無時間睇，你就只睇呢場就夠o勒！為o左記念呢場咁精采o既場面，小弟就嘗試將呢場戲記錄如下，不過，我就算點寫都好，都寫唔出十分一咁精釆，希望你見諒： 場境：夜：是悄寂的夜。月：是孤冷的月。星：是黯然的星。 劇情講到莫扎特指揮《魔笛》時筋疲力盡，不支暈倒，回家後再以僅餘o既元氣，要將首《安魂曲》在當晚埋尾交貨，但係由於身體已經非常虛弱，所以薩里埃利幫手即時記譜，一場「大戰」就此展開…… 在莫扎特的睡房內，莫扎特瞓o係床上高，薩里埃利就坐o係床前對住莫扎特，揸住筆同紙，畜勢待發咁，等住「接招」…… 莫扎特道：「F大調，音樂開始，先是低音，第二節……」 薩里埃利立即用筆記下，問道：「速度，用咩速度？」 莫扎特答道：「中板。」並繼續念道：「第一段，第二拍，A大調，第二段第二拍……」 薩里埃利道：「係唔係升半音？」 莫扎特道：「無錯。第三段第二拍，休止符，」 薩里埃利不敢怠慢以最快速度記下，但不及莫扎特快，忙道：「你唔好讀咁快啦，蒿住！我寫唔切……」 莫扎特一念完就緊張的問道：「記低未？」 薩里埃利快快趣趣咁寫，一邊應道：「就得！」拿拿聲寫起立即交俾莫扎特過目。 莫扎特睇過之後道：「好！再o黎！」然後又再念，並哼出佢首曲：「依家係高音，第一段第四拍C，第二段第四拍D，第四段第四拍F，交響樂開始響起，第二簧管，低音管同低音一樣o既音符節奏，啦啦啦喇啦喇……」 薩里埃利剩係叫佢抄都唔夠莫扎特個腦快，要頻頻叫停：「咪住咪住，慢D，慢D啦！我跟唔切呀！哎吔！寫錯字添，擦字膠呢？……」 莫扎特唔理咁多，繼續念：「第一簧管，高音喇叭加上高音，跟住係喇叭，喇叭係D調，啦啦啦……」 薩里埃利急道：「我唔明呀！大佬呀！你慢D得唔得呀？我跟得好辛苦呀~~！喂！喂！嗚……」 莫扎特好似聽唔到咁，一味o係度念佢首絕作，並且越念越大聲：「第一同第三拍，和諧地。弦樂出o黎o勒，越o黎越高昂，小提琴用拋弓……」 薩里埃利抄到成身大汗，大叫：「唔得喇！唔得喇！停呀，我頂唔住喇……」 莫扎特仍在大聲念道：「大提琴揉弦，小號要用丹田氣去吹，長笛用連環換氣法，定音鼓要打正中，碰!碰!!碰!!!……」 薩里埃利如殺豬般嚎叫：「啊!!!救命呀~~~」 只見莫扎特汗如雨下，面如白紙，可見兩大高手實在已經到o左創作境界中最危急，最凶險o既地步。 薩里埃利終於放低支筆唔寫，企o左起身，雙手按頭，狀似瘋癲，在房中團團轉，極度痛苦的慘叫：「嘩~~~ 停呀！停呀！求您放過我啦……」並且開始語無倫次：「我以後唔敢喇！我唔再同阿哥打交喇」場面令人慘不忍睹。終於佢忍唔住，想奪門而出，衝出房間走人，但係佢發覺度門開極都開唔到……。 原來莫扎特一早料到薩里埃利會有此一着，所以預先將度門鎖住，一心要與薩里埃利同歸於盡。薩里埃利也開始感到絕望，後悔以前的所作所為，感到以前求名求利係好蠢o既，覺得親情同友情先至係最可貴o既，可惜已經o黎唔切，佢正在等待死亡o既來臨。 可惜莫扎特o係呢個時候已經將上天賜俾佢o既才華耗用殆盡，實在到了油盡燈枯o既地步，佢用盡最後一口氣都始終收服唔到薩里埃利，就此與世長辭，「埋單離場」。而薩里埃利雖然執返條命，但係由於o係「決鬥」過程中抵擋唔住莫扎特凌厲o既「攻勢」，因此發o左癲，要入精神病院，所以你睇戲時，一開頭就見薩里埃利在「傻仔院」就係咁解o勒！呢場「決鬥」莫扎特係肉體上輸o左，但係o係才華同儀態上，薩里埃利就輸得一敗塗地、一塌糊塗、週身肉酸、一面羞家…… 可憐人稱「上帝之子」，宅心仁厚，深受大眾愛戴o既一代音樂大師，不但作唔成首「安魂曲」，為怕被人尋仇，死後葬o左o係邊到依家都無人知。

文: Your commentary is more exciting than the movie itself!

惟有再貼一次 文大哥 小弟真係越來越佩服你呀, 可以寫咁多字－－都係言之有物, 無洞可空．^_^

重o黎？ 羅拔臣，客氣客氣，十分一唔夠而矣。 大華兄，我今次講得好清楚o羅喎！勝負都講埋啦。最多講埋結尾o勒！結尾就係播出莫扎特鋼協第二十首o既第二樂章。D觀眾就依依不捨，好惋惜咁離開o勒！

謝謝Jacky的留言 不好意思，我想我慢了很多拍．翻看史前（4/12）Jacky給我的留言: //帝女花的樂曲部份是來自中樂的《妝台秋思》。 另外，紫釵記之劍合釵圓則是來自中樂的《春江花月夜》。 // 我想感謝Jacky提供的資料，並想據此留言向各路英雄請教一下"中樂"是甚麼？ 謝謝！

long time no see 文兄！ 好久不見！ 我建議你將你D文囉去出書

也談《莫扎特傳》 有關《莫扎特傳》，我也極力推薦。不過想一提的是，我擁有的錄影產品（正版的），其中文字幕由完全不懂音樂的人翻譯，一到以語言描述音樂部分，便完全露出馬腳，例如文哥描述二人最後一幕，他們竟把小節（measure）直翻成「量度」；另外有些樂器名和樂器聲不符，以及弄錯樂曲名字的情況，有點「亂來」之感。若音樂科老師以此電影作教學用途，可提醒學生留意這點。

阿吉，係呀！木獨個網換o左新留言區，我都未習慣，o係呢度俾人挑起條筋，咪過o黎同D前輩學下野咁o羅。

猛片推介：《翠湖春曉》。一齣一世人起碼至少要睇一次o既電影，「至少呀！」 阿採菊，好野喎！《莫扎特傳》我睇過戲院版、電視版、DVDo既廣東同普通話版、DVD加長版，都唔見有你講o既「特別版」，我係無睇過VCD版o者，你果隻係咪就係VCD呀？幾搞野o番，我都想睇下，不過「樂器名同樂器聲不符」照計又唔會喎，個翻譯睇字幕唔使聽聲加嘛，佢係咪懶得滯唔查字典用音譯，小提琴就叫懷鵝鈴咁呀？唔係喇！我睇你果隻可能係唔同結局o既版本，係莫扎特專登亂up，搞到薩里埃利發癲呀！不過唔小心流o左出市面呀！可唔可以借我睇呀？ 各位仲有無D「音樂電影」可以介紹下呀？同古典音樂有關o既好似比較少D喎，有套講貝多芬o既叫《不朽真情》，有套好似叫《我愛蕭邦》講蕭邦同李斯特，不過唔好睇o既，《白夜逃亡》D舞蹈就好野o勒！尤其係一開場果幕，有D人為o左果幕戲而入戲院睇多次，我都係睇o左呢場就鍾意o左睇芭蕾舞。呀！差D漏o左呢套好野：《翠湖春曉》，英文名叫做《好正o既華爾滋》，係講小約翰史特勞斯o既，有感情戲、有歌舞、風趣、華麗、靚人靚景，好堅呀！齣戲係一九三八年上影，當年o係上海有得睇，未睇過o既快D搵o黎睇呀！我o係呢度鄭重向大家推薦：《翠湖春曉》，想睇下一代圓舞曲大王o既奮鬥史，想知道小約翰史特勞斯如何成為人所共知o既音樂大師，一齣發人深省、感人肺腑、一生起碼睇一次0既好戲，千祈咪走雞呀！好過睇埋D乜野「穿史」、「谷奇」。

好消息呀！ 昨晚小弟去HMV，見到果套「樂韻繽紛」出o左DVD中文版，今次改名為「從毛澤東到莫扎特」，有五點一聲效，D小提琴聲非常之靚，仲送一本介紹套戲o既書仔，搞到我又一次唔夾價就買落o黎，返屋企即刻睇，吸引力不減當年，睇到我鬼死咁興奮。 今次仲特別收錄o左艾昔史頓二十年之後──二零零零年再闖北京o既片段，以莫扎特o既交響曲配上現今北京o既景色，顯得朝氣勃勃。剩係個音樂學院就同以前好唔同啦，依家靚過香港演藝學院，以前果個就成個未裝修o既海防博物館咁，今次有史頓表演莫扎特G大調小提琴協奏曲，剩係睇佢拉第二章開頭果一下咋，就乜都抵返哂啦！ 咁都仲未夠喎，仲有史頓o係北京指導音樂學生o既片段，只見佢風釆依然，一樣咁生猛，李德倫都有出場，不過就已經行唔郁o勒！但係都仲可以坐o係度指揮，作下狀咁啦。 咁都不但止，重有當年上過鏡表演o既音樂學院學生都會出o黎細說當年，大家會見到大個仔o既王健，仲拉返當年果首曲，今次無再苦埋口面，不過個樣就越來越似林正英。原來當年徐惟聆都有份上鏡。俾史頓叫佢「用口唱」果個靚妹叫做黃英荷，彈小星星變奏曲果個細路哥叫做潘淳，依家o係音樂學院度教。(不過今次個翻譯就好似唔多掂咁，舊時有點似「紅燈記」入面果D幹部果位阿姨好似好D，中文字幕又唔多妥，我明明聽到陳毅將軍，但係打出o黎就變o左陳沂。) 如果你地以為就係得咁多，咁你就錯o勒！仲有一段新o既譚抒真自白，佢仲係好精神，九十幾歲呀老友，今次講得仲長過上次，二十年後講得大膽好多，講好多文革時o既慘事，好感人o既。仲有史頓個仔我都未講呀！順帶一提，今時北京o既樂器就唔同哂o勒，用正史坦威鋼琴，原來當年上海「無得彈」果個琴都係史坦威o既，不過就唔威，仲好屎，係o勒！上次都未開古，究竟臨時臨急，去邊處搵個琴返o黎呢？快D去買隻碟返o黎睇下啦！ 呀心，睇o左《莫扎特傳》未呀？

classical DVD hello all..long time no see. any good classical or music DVD for recommandation?

plenti，我都見我好大力咁推廌o左咁多隻DVD啦！不如你又介紹下啦！

羞家，應該係： plenti，你都見我好大力咁推廌o左咁多隻DVD啦！不如你又介紹下啦！

唔係古典 王憓《一起走過的日子》。 尤其係得一個人聽果陣時。 裡面 d 選曲同編曲都唔錯。

王國潼個仔？ 王憓o既cd我都有幾隻，係佢最早期出o既，都係一D中國民歌或舊中國的電影樂曲，以前我凡係見o的cd有二胡兩個字，我都會買o既，所以買埋好多，依家好耐都無買o羅。你講果隻我都無。

回：文 係呀！ 果隻 c d 係朋友送既。 而家聽緊！

《貝隆夫人》 我剛剛睇緊《貝隆夫人》DVD。一開場：眾人在電影院內睇戲，正到戲肉之際，電影忽然中斷播放，觀眾即時大吵起哄。此時有人出來解畫曰：「伊莎貝隆，剛蒙主寵召矣！」眾人即如晴天霹靂、五雷轟頂，背景音樂立即響起，驚聞噩耗，各人相擁痛哭，悲痛不已，如喪考妣……好震憾呀！安德魯•萊•韋伯，好野！

我返o黎啦!!!!! 呀文，我之前去左泰國之旅，睇下人妖歌舞，搭左james bond 電視廣告的得意飛車的士呀。 返到o黎，又要做下實驗咁，又以為呢個classical music 已經摺左。咪無上o黎睇下law。 前幾日終於睇左From Mao to Mozart 同埋Amadeus, amadeus 好正呀!!!!我由之前睇得好開心，講莫札特點叻，到之後講佢開始支持唔到，又冇錢，佢為左想有o的錢想老婆過好o的，好努力咁寫，寫呀寫，寫到要俾人替佢寫，我真係有o的傷心，大好青年一個丫麻... 最後仲死埋tim.... 我會再睇多一次!!!! 不過我覺得個男主角笑得好假，莫札特係個好開心的人，我覺得佢做唔到出o黎。 冇摺到，真係幾開心呀! 我一上o黎，即刻去左第16版之後試下搵返佢出o黎，搵唔到，正想去返第一頁到開個新classical music 續版的時候，竟然俾我見到佢係到wor!!! 開心極! 點都要講下野啦...係咪?!

唔得唔得......!!! 我聽日就去買From Mao to Mozart 新版!! 王健係咪即係拉Cello果個靚仔呀?佢拉得咁有感情，唔知大個左係咪都係咁呢？

你返o黎o拿！ 呀心！恭喜你喎！兩套戲都睇o左！無介紹錯o羅o卦！你多D上o黎講下野，咪唔使怕呢度會摺埋o羅！就算呢度摺埋都唔緊要呀！你可以o黎小弟o既大本營度傾下o架！ 無錯，王健就係果個戴住紅領巾、穿住涼鞋、拉完(大提琴)仲要o黎個少先隊式敬禮果個細路哥o勒，我有佢大個o左同史頓、馬友友傾偈o既錄影帶，阿友友話無睇過套戲，仲問阿健仔當時係拉乜曲？ 呢套戲凡係學音樂o既都要睇下啦！何況你仲係學小提琴添，真係走寶呀！新版《從毛到莫扎特》我尋日o係英皇地庫見到賣一百四十幾蚊，我買果陣要一六九，又俾HMV呃o左我廿幾皮，不過都預o左o架喇，鬼叫自己一見到隻碟就發哂姣咁咩，算啦！ 如果你想再睇多次《阿瑪迪斯》，可以睇新版，會加多二十分鐘，裏面仲有製作人員o既旁白，你可以知道點解佢地要莫扎特咁樣笑法，又有製作特輯，你會睇到原先個女主角個樣係點o既，佢係因為臨開工抝柴，所以至換o左個細粒妹做女主角。不過我唔多覺套戲有講佢要人地幫佢寫曲喎，除o左首安魂曲要搵徒弟幫佢埋尾之外，佢應該唔使請槍下嘛，你係咪記o左大仲馬呀？定係又多個版本？係就要借o黎睇下喇！莫扎特後尾又係幾潦倒o既，看得人心裏也難過，怪淒涼的，不過睇返佢最後大顯神通，大戰薩里埃利果幕，總算無墮到佢o既威名，臨死都威返次吖！ 睇人妖歌舞？人妖有乜好睇呀！唔通佢地會唱得跳得好過D正常人？你睇果D係由男變女，定係由女變男o架，咦───！！我就最怕呢家野o架o勒！俾着我見到，我都會好似你咁，跳上架詹士幫的士度飛車走呀！

歌聲道影，盂蘭之夜 尋晚有人送飛，去o左文化中心聽香港中樂團音樂會，幾年無捧過場，我仲怕佢地九七之後唔再着長衫，改着解放裝，點知原來佢地照樣着長衫，但係就變哂灰色，男女都係咁，男o既十足十殯儀館D堂官，D女樂師就成個坐o係靈堂果D遺孀咁，發瘟！每次D燈光一較暗，成班人就好似彊屍咁。黃安源出o黎對音果陣時，我真係怕佢會對住D觀眾話：「一鞠躬，再鞠躬，鞠多一次添，家屬謝禮──！」咁都o岩o架o勒！文化中心咁鬼近紅磡，如果成班人咁樣行出街，實俾人以為出殯。 跟住奏乜野曲呢：「人鬼情未了」、「歌聲魅影」、「莫愁女幻想曲」、「梁祝」等等，都係一D慘死呀，自殺呀，殉情咁o既內容，個指揮仲要「導賞」，講莫愁係點樣被人刮對眼出o黎，然後投湖自盡。佢着住件黑色西裝出場，又真係有D似歌聲魅影入面個「男主角」。 文化中心本身已經似副棺材，再加上太空館呢座墳墓，本身已經夠哂襯，依家仲加埋呢隊樂隊，真係襯到絕。如果再拍「鐵達尼」拍到沉船果幕時，最o岩請佢地o係船尾上演奏番首「大悲咒」，然後逐個人碌落o黎…… 下半場見D女樂師捧住個琵琶出場，成個道姑咁款，十足十去做法事咁，本來着小鳳仙裝咪幾好睇，依家搞成咁，如果擺生日酒請佢地o黎助興着到咁o既樣，真係交都有得打呀！ 咁都仲未夠，個拉二胡o既出場，着住件紅色長裙，D頭髮就好似放煙花，搞到好似「好猛」咁。到拉完首曲要三鞠躬o既時候，唔知係咪佢對紅色高踭鞋高得滯，差D向後「慣」低，好彩係向後o者，如果向前仆，坐第一行果班「傑青」見佢撲埋o黎，實嚇破膽都有份。 唉！好地地搞成咁……，呢單野就應該唔關董建華事o既，都唔知佢地得罪o左D乜野人，俾人咁樣整蠱法，依家就o的黎過年o勒！你話點收科好吖？

卡通音樂 以下一段『風之谷』midi跟CD的效果幾乎一模一樣： http://www5a.biglobe.ne.jp/~heefoo/midi/nau-o2.mid

果套from mao to mozart 我之前都睇過一次o架啦。王健果一part真係幾精彩，佢好以上左身咁! 佢手仔細細，o的把位都咁好，勁呀! 拉完仲有個咁有神彩敬禮，人地讚佢professional 時，佢含羞的微笑，我都仲記得! 唉，冇dvd機呀,買都冇用啦... 我冇去聽中樂團o的表演好耐o刺，淨係覺得佢地好陰森。就好以係個好多霧的森林裏面，有一隊目無表情的東西係到奏一o的安魂曲之類的野。依...你拉中樂架喎，乜都踏得咁勁呀... 今日去左睇swan lake，覺得冇現場樂隊伴奏，真係差好多。 人妖都好靚o架! 靚過好多女仔，我仲記得佢地其中一首歌係"忘情水"。去泰國都係想睇下人地o的文化，點知佢地就想迎合我地的口味。。。 依，你個webiste又係乜呀? 等小妹得閒都上去surf下啦。

我喜歡麥當娜的[你一定愛我]！也喜歡天空之城！

呀心，無DVD機咪買翻部，又或者去人地屋企睇o羅，我買第一隻LD同DVD時，都係未有機o架！ 你都覺得隊中樂團有問題牙？我都唔想去咁盡，我唔寫落佢地果張意見調查表度，都已經手下留情啦！我建議佢地橫掂都係o咯，不如就搞盡D，叫個指揮唔好再着西裝，改着壽衣，唔好行出o黎o勒！要跳出o黎。唔好用指揮棒o勒！改為揸桃木劍，指揮完就跳翻入去，橫掂佢都姓閻個咯，襯哂啦。同埋所有人都着灰色實在太寡o勒！負責敲擊樂(敲擊樂個首席又係閻，你都唔好唔信邪呀！)可以o既披麻帶孝，然後一路奏就一路o係上面掟D溪錢落o黎，D觀眾就以鞠躬當係拍手掌，咁以後就晚晚都有工開，D人去完紅磡唔洗換衫就落去聽翻場「解穢陰樂會」，本場刊就造到成份「吉儀」咁，你話係咪幾咁勵志呀？我睇一到萬聖節同鬼仔節仲要加場添呀！以後大除夕我睇都無人敢o係尖沙嘴搞事呀！真係有得諗呀！ 天鵝湖你不如睇瑪歌芳亭同雷里耶夫個版本啦！無現場伴奏？咁咪好似音樂會但係就無o左觀眾咁？ 去泰國我最多都係睇泰拳同鬧雞，人妖？如果係換D靚女扮o既話，都無所謂o既！ 我o既大本營就係「智者與遊俠」o勒！係全球第一個以李博士為主題o既網站，所有去瀏覽o既(除o左我之外)都係一時俊彥，通常都係一D高官名流，紳士名媛、社會精英呀咁，好多野睇o架，仲有李博士o既講座錄音聽添，你上去話係我介紹就得o架喇！不過唔好上得太耐呀！因為有太多人上，你霸住條線太耐就唔係咁好啦，你一日上三次，每次大約八個鐘倒啦！你都係留翻放假至上去啦，我怕你好玩得滯唔捨得走呀！

文，冇左現場伴奏，就好以企係海邊睇浪但聽唔到海浪聲一樣。多謝介紹，得閒再去找找。 我之前都忍唔住買左隻 les meserible 的 dvd，結果到而家都未睇。 香港小交二月份會有校園交響曲呀，我上年睇過，今年highly recommanded ! 佢地選的曲都唔錯架: 有 Mozart-Symphony No 40 in G minor, K550: First Movement; Tchaikovsky-Serenade for Strings, Op 48: Waltz; Mozart-Horn Concerto No 1 in D, K412: First Movement ;Tchaikovsky-Variations on a Rococo Theme, Op 33 去中大表現的日期係14/ 2. 相比起你講的中樂團，我對小交今年的表演就覺得唔錯o刺。佢地冇走錯路線。 你的website係咪多人到成日好似down down 地咁o既?! 想say 個hi 都唔係咁易喎。

小交 呀心，小交成立無耐我就已經捧過佢地場，第一次係佢地幫辛小紅o既音樂會伴奏，給我的印象好好，辛小紅就係我話中樂團「好猛」果個，當日佢着住條仲大過張十六人枱o既裙，表演時好似坐o係個浪度拉二胡。 後來我就有留意小交嘞！有次去沙田聽場葉詠詩指揮，譚家傑彈貝多芬o既第五協奏曲，可能係佢地收得平o既關係，好多中學生去「聽」，D學生一日傾到黑，唔止激到阿詠詩啤啤聲，阿詠詩直頭就啤實佢地，我就情緒好高昂咁聽哂全場，搞到我從此就無再聽佢地o既音樂會嘞！ 早兩個星期我都o係中大見到宣傳，我都想去聽下，係咪唔洗錢o架？你知唔知詳情呀？ 係呀！個網站真係好多人上o架，可能個留言區近排搞緊裝修啦，所以會有少少問題o既！

嘩，連個名都咁猛，再加件紅色長裙，見到都咪話唔驚! 2002 年我真係睇左唔少小交的表演, 佢地好識選曲, 都係一o的"大眾化"的歌。等o的人冇咁易訓覺。我試過專登買第一行左邊位，一望上去就係first violin, 睇得好清楚。 我知佢地都攪左好多for親子 的,不過我就興趣不大o刺。 係呀。完全免費架。我唔係讀中大的，但我學校就要先拎飛，我問過冇飛得唔得，佢話都得。我又問過街外人o黎睇得唔得，佢又話得。拎飛都係想做個statistic... 我學校的hall細到咁，佢地表演時就好似係你面前一樣,都好正下ga! 細都有好處ga! 佢地14/2/ 03 去中大呀. 想知其他表演日期or 邊間大學，再問我啦!

閻黃中樂猛會 呀心，你剩係見到辛小紅當晚個頭而唔嚇到噴飯都算難得o羅！ 我以前睇有二胡獨奏o既音樂會都會好似你咁坐到對正個樂師，好似做評判咁，因為有個大師級係你面前好認真咁拉咁耐，係好難得o既！但係如果個樂師係好似辛小姐「咁猛」o既呢，咁就最好入場前唔好飲水同去o左廁所先，免得佢拉拉下厲你一眼時，被佢嚇到你又拉埋一份咁就真係「該煨」o羅！ 有次聽周啟生o既爵士音樂會，請o左黃安源去拉，但係有D曲又唔係咁多二胡部份，阿老黃見無野好做，坐o係度戇居居咁，唯有o係度扮陶醉，將個頭(佢自己果個)fing來fing去，好似銅鑼灣D不斷向你叩頭o既乞衣咁，你話死唔死吖！ 多謝你o既通知先，咁二月十四日o既表演係幾點鐘呀？o係邊度演奏呀？ 我都介紹你聽返場二月十三日大會堂o既，香港中樂團，閻惠昌加黃安源，堪稱「閻黃」之夜，今次話唔定黃安源會着件清裝出場，三眼花翎加黃馬褂，成個曾國藩咁款，閻惠昌就成個秦始皇咁，好似伯恩斯坦咁指法，一路指揮一路跳、跳、跳呀……。 到時都係奏一D流行情歌呀咁，今次除o左D「人鬼情未了」、「歌聲魅影」之外，仲有「鐵達尼號」添，我話到時D觀眾最好就係玩「扮沉船」o勒！o係個場度走來走去，最o岩D年輕情侶去，你都可以叫埋男友去，一於你針我又針，阿積與呀心。記得帶埋水泡去玩呀！

平聲韻? 嘩嘩, 睇到呢句//你針我又針，阿積與呀心// 真係俾你嚇左一嚇...哈 我都唔清楚係中大邊一度表演喎。係西貢果間我就知。我諗你要問問你中大的好友們啦... ( 我都係估你讀過中大...) or, 我覺得中大係咪有類似art center 之類的東西,可去佢網址睇一睇。 我到時一定早o的去搵返個靚位, 睇住個靚仔樂師係我而前拉先! 我知道應該唔係葉詠詩做指揮...大約一個小時, 四首歌.

咁睇得起我！ 嘩！我睇見你呢一句：「我都係估你讀過中大...」我先至俾你嚇一跳呀！小弟只有初中程度，中大o既校外課程就讀過。

更係啦 你的文筆唔似喎...哈...or, 你o的課外知識好好呀... 我而家都學緊唔好成日顧住學校o的野, ( 你都知啦, 我讀個間出名多考試功課) , 要學下出面的野咁同睇多o的.... o刺, 個名叫:校園交響曲, Orchestra on Campus, 八間大學巡迴咁奏. 指揮係黎志華. (唔識佢) 你再找找啦. 今日都年廿八o刺, 大家新年快樂! 遲幾再會!

初中都唔似？ (~_~)呀心，我D文筆就緊係似小學程度多D啦！我支筆得o既，就唔洗「滿口」廣東話啦！(D文壇前輩喜歡用廣東話o黎放鬆下神經則另計)我就係少讀書，所以我o既知識無辦法唔係課外啦！而且都係一D聽歌、睇戲、邊間魚蛋粉最平，呢D野咁o羅！ 喂！你o個句「你都知啦」，乜講到我好似知你好多野咁o架！我剩係估到你果間應該係名校，入親去讀o既多數都係靚仔靚女咁o羅！(呵呵…) 你買埋咁多DVD，不如就買埋部機，新年睇下D好戲仲好啦！介紹你睇多齣：早幾年o既意大利戲，《一個快樂的傳說》，D音樂都幾好聽o架！我都買o左隻電影「山尺」，故事都好感人o架！又幽默，又溫情，唔似得D港產笑片，套套都離唔開：屎、尿、屁、膿、痰，一收起佢地呢五樣野，佢地就唔識笑o勒！ 話時話，呢條「拉」之前好多人架，點解越o黎越少…好似得返我地兩個咁o既……D人去哂邊呀？係咪去哂聽中樂呀？「一鞠躬…再鞠躬…三鞠躬…n call…哇~~~~!!！」

也祝大家歡"樂"連連 讀過文哥的幽默描述後，還見你的「尋人啟示」，現加入一點點討論，希望不要見笑。 可能先要回答很久以前有關《莫札特傳》的問題，否則你這個莫迷也可能不放過我呢。其實莫傳我也只看過一次，對於熟悉如文者，真是班門弄斧．我的莫傳的確是VCD，其中就在一開始薩在宴會中看莫的樂譜時，很明顯雙簧管聲和單簧管聲音與英語名都對了，但字幕就錯了。另外那首曲（Ｃ小調第十二號小夜曲（Ｋ.388），是為四種共八支管樂作的）在另一場面都出現過，曲名是完全打錯了，而且很奇怪地明明是只有管樂聲但影著的一直是在演奏中的小提琴。 至於談Requium部份，由於我唱過全套曲，實在看出太多錯處了，不過我想即使是翻譯上有些出錯，都不會影響到看一部偉大電影的樂趣的，因此不花時間在這裡再談了。只要導演不弄出像港片《笑傲江湖》中出現一場在中國古代音樂史上不可能出現的琴、笛、三弦大合奏場面（！！！）實在也是不傷大雅的。 對於中樂團的問題，我也有少許看法，但在倦極之時卻只能先在這裡和文哥阿心積奇以及李老師等等網友提早說聲：祝大家歡「樂」連連！

拜早年 阿採菊，係就真係唔話得o勒！咁夜唔瞓o黎同我地拜早年。原來你咁勁唱過莫扎特o既《安魂曲》，我剩係聽過咋！ 你講薩列里在宴會睇譜，然後畫面轉到佢係精神病院「剖析」首曲果場戲，對白與音樂都配合得好好，我睇唔同版本o既中文字幕，就好似睇緊經過改編o既《莫扎特傳》咁，雙簧管和單簧管o既字幕，好似只有戲院版同舊DVD係o岩(仍有待查証)，英文字幕就應該無問題o既，因為負責音樂果位人兄阿納維對戲入面的音樂部份非常嚴格(可惜佢唔識中文)，要求所有莫的作品不能更改，但就o係你講果場戲，佢就同導演爭抝過，因為首曲變成「精華版」，導演所持o既理由係：果場音樂會係為大主教而演奏，而當時o既大主教係無可能會有耐性聽足四十分鐘o既！阿納維就話：以前D人同現代人一樣咁蠢，剩係鍾意濃縮版。 今日係年廿九，我都係度同李博士、顧曲前輩、採菊、阿積與呀心拜個早年，並送上拜年歌一首： 拜年歌 齊來同聲高歌恭祝新年，長年無憂大家開心歡欣好過年。看綠女，紅男，個個暢快露笑面，爆竹喧天。齊聲恭喜你，歡欣快樂同 渡太平年。 齊來同聲高歌恭祝新年，年年如今合家歡欣新春好拜年。伯伯、婆婆，個個暢快又壯健，百子千孫。誠心恭喜你，身心快樂無 慮過肥年。

折子戲 上接「肥羊年大嘉年華」 下回：皇上跟前顯威猛，刪改樂曲惹波瀾 只見莫扎特一聲不响的行到鋼琴前坐下，閉起雙眼，仰天深深吸一口氣，不到半響，雙眼張開，精光四射，雙手立即彈奏出剛才約瑟皇所彈；薩列里所作的歡迎進行曲出來，莫扎特一展神威，舉座大驚，各人面面相觀，相顧失色，只見莫扎特不但將樂曲彈得半點不錯，而且哪裏用重音都彈得絲毫不差，眾人不自覺的向前踏上一步，莫扎特彈彈下說道：「跟住下面o既都係一樣架啦……嗯！呢度好似唔多順喎。喂！我話你呀！我話呢度唔多順呀！你聽唔聽到呀？傻o左呀你！」 眾人望向薩列里，心想：「哎吔！你今次有難喇！」 薩列里神色好不尷尬，莫扎特道：「吖！你有無試過咁彈…」跟住莫扎特居然將薩的樂曲即時改編，「拿！學野喇！咁樣係咪好D呀？」莫扎特說道，佢越彈越得心應手，居然比薩列里的原曲更悅耳動聽，眾大臣又一齊望住薩列里，心想：「啍！係咪衰呢，好地地，又學人作乜鬼野歡迎曲吖，正一唔衰攞o黎衰！」，薩當堂面都燶埋，但見眾人望住自己，唯有勉強的報以一笑，跟住又繼續燶口燶面。 美妙o既音韻一時充滿了整個宮庭，眾人不其然又行上一步。樂聲引得大廳外的僕役圍擁在門外探頭探腦，若非有刀斧手在門外把守，早已蜂擁而進入廳內了。 約瑟皇心想：「想不到莫扎特比傳說所講o既更利害。」 范史威登公爵：「莫扎特=神人也！」 羅森保院長：「佢究竟係人定係鬼呀！」 莫扎特思如泉涌，越彈越興奮，越彈越得意忘形，越彈越得戚。眾人也聽到手舞足蹈，好不開心。 卡普麥斯特看一看莫扎特，又看一看薩列里，心想：「今次有戲睇喇！嘻嘻…」 薩列里，呢個御用o既宮庭作曲家，只見佢玄壇咁o既口面，咬牙切齒，緊握拳頭，一雙怒目狠狠咁盯住莫扎特，若非有咁多人係度，一早就撲埋去打佢一身。薩列里心想：「臭小子居然敢如此當眾辱我，終有一日，我要你知道我薩列里唔係浪得虛名o既」 就係咁，莫扎特從此就種下禍根，埋下日後o既殺機，但係呢次都只不過係冰山一角，究竟佢同薩列里o既恩恩怨怨發展落去會點呢？請大家睇《莫扎特傳》啦！

祝一本萬利 實在文哥你可以找一個懂得繪畫的朋友，一起寫proposal向藝展局申請一筆出版經費，以你超人的想像和創意，把莫扎特傳改成連載漫畫，到時肯定羊年大吉，一"本"萬利!

文: I only have two idols...you and Mozart! (No order of preference) >>以你超人的想像和創意，把莫扎特傳改成連載漫畫 Looking forward to it!

兩位仲幽默過我！ 採菊，羅拔臣，先祝兩位心想事成，講o個樣有o個樣先(嘻嘻...)，有人來小弟家中拜年，我要趕住走，第日再傾。請呀~~~~！

祝 各位心想事成! 呀文，你o的 re-phase 能力驚人，真係可以諗諗出返本 <<莫札特新傳>> 呀。 你一問一問o的網友係邊je, 大家都紛紛留言喎，勁呀! 新年冇睇乜睇有關於音樂的戲呀，反而係有線到睇左<< 情迷索瑪莉>>, 睇下佢點樣善用hair gel : " what's that on your ear? " "huh? " " your left ear! " "oh...!!! " " is it hair gel? " 就係咁，就用左o刺....

《情迷索瑪利》 呀心，全靠你咁有毅力先至撐得住呢條「拉」咋！如果唔係你得閒上o黎講兩句，我都一早撤退o左o羅！ 你講果場戲係咪個男主角趁個女友未到，o係個唔知廁所定廚房度搞一大輪，搞完之後發覺：「咦？去o左邊呢！」手又無，望下天花板又無，而女友又o係呢個時候o黎到，佢立即去開門。個女友見佢隻耳仔吊住D野，問佢係乜？佢話：「髮膠。」個女友一聽大喜，說道：「o岩哂！」然後一手就攞o黎，以好純熟o既手勢抹上個頭度。跟住佢D頭髮就一路都好似神主牌咁棟起果場呀？

《莫扎特笑傳》 出唔出書先唔好講住，我覺得如果電影公司有知，就應該封返封利是俾我先啦！

心血來潮問一下 阿文，有冇睇過<羅丹的情人>？

文 有冇古典/現代音樂,聽咗令人開懷大笑。

聽音樂 好快樂 聽音樂呢的o野好主觀o既... 快樂頌如何? 不過，大家有冇聽過小提琴拉o既 Thais? 。聽完真係會覺得唔開心。 呀文，正是!

回數學狂 你可以試下聽夏金成o既「歌」，保証你笑到唞唔到氣，廟街應該有得賣。

笑到唞唔到氣 Some of the most recent popular songs have the same effect!

也回數學狂 現時的可聽張如誠，睇埋真人表演仲"正"，你可能會覺得他才真是被"大整蠱"！另外LMF某些歌如果你懂一點"江湖術語"和"江湖規矩"，也可以會心大笑得很開心．最後黃秋生（我習慣叫生抽王）是不可錯過的一絕！ 古典呢，我不知八位無伴奏合唱組合"姬聲雅士"(Gay Singers)算不算？如果有現場表演你一定不可錯過！！若你不是失聰人士，能在他們的音樂會中保持到連續十分鐘不笑，採菊可以十倍票價"獎"你！他們也錄過兩張ＣＤ，不妨試聽．

求教 採菊，請問小夜曲388是否就是薩在宴會時一邊看樂譜，一邊在精神病院回憶的那首曲？

笑下先！ 馬──小玲，你在何方馬───小玲~~~~~~~ 我王小虎，一世英名~~~~~~ 有陣時笑同音樂可以係「傷害性」o既，點解？明天話俾你地知。

回 文 雖然你問的係採菊，不過我想試答 : 你講的應該係: Symphony No. 29 in A major.

交響曲二十九？ 呀心，我係話，薩一邊回憶，音樂同時響起，音樂與對白配合果段喎！ 我都係睇左呢段戲至去搵呢隻CD，導演話，在話劇中，好多人看了這場戲便開始喜歡古典音樂了。我信呀！ 要瞓喇！明天...呀唔係，應係早上再談。^^

再回採菊 張如城我"有幸" 睇過佢的真人show. 邊睇邊笑，笑完覺得佢有o的可憐.

文: Serenade No. 10 in B Major K361

乜咁早晨呀！ 羅拔臣，好o野！ (^。^) V，叻仔，(呀心都估得好接近o架o勒！叻女！)不過...天未光你就上網...你唔係將套戲重睇，然後又聽成晚CD下嘛？

終於打到中文 不過係用手寫板，所以要好耐。 阿文： 我唔係住(口係)香港，所以留言個陣仲係黃昏。 希望你套莫札特漫畫早日出版，我第一個捧場！

羅拔臣 恭喜你可以用中文，我仲以為你係鬼佬o黎添！ 如果本莫扎特笑傳出得成，我實搵李博士同你地幾位寫序。 我都識人做畫畫，如果有靈感，真係可以諗諗佢。但係如果寫到咁神化，就肯定俾人鬧鬼^^

笑笑中樂會 話說有一次同個朋友去聽中樂團音樂會，聽聽下，忽然個二胡副首席拉拉下係度猛咁咳，我個朋友住西環，曾經見過個副首席o係琴行食煙，所以佢當時就低聲咁話：「嘿！食少D煙啦！」 由於大家都係搞開笑o既，跟住大家就好想笑，但係音樂會進行中，又點敢笑出聲吖！又正正係越唔可以笑o既地方就越想笑。唯有大家用隻手按住個嘴，起勢咁按到實，但係始終都係唔可以唔笑，只有死忍難忍，如果笑出聲，我敢話肯定會被人圍嘔。 「大佬呀！快D完呀！我頂唔到幾耐o架咋！」大家要知道，依家唔係忍幾秒鐘，而係忍成首曲，真係唔係講玩，係好辛苦o架，唔信你地試下就知！我想起許冠文教忍笑o既方法：深呼吸，然後咬住脷尖。 我立即「霞───！霞───！霞───！」但係咁做又係好危險o既，因為打開個口o既時候係最容易笑o既，分分鐘唔覺意，成篤痰飛出o黎。所以最後我都係用手按住算數，點知睇睇下，果位仁兄…果位仁兄又…又咳呀~~~！「大佬呀！有病唔該你去睇醫生吖！你返乜鬼野工o者…」 我用雙手出盡力咁按住個口，兩個人忍笑搞到成排座位都震埋，前面D人擰個頭o黎見我地兩個塊面紅到發紫，金睛火眼，都唔敢「殊」我地，好釆佢無「殊」咋，如果唔係，我唔笑出o黎，D尿都標出o黎呀！ 我地走又唔係，唔走又唔係，唯有望首曲快D完啦！我以經唔敢望個台，我見我個朋友o係度忍笑，我又更加想笑…好辛苦呀！快D完啦唔該，救命呀~~~！終於好辛苦咁忍到首曲奏完先至鬆返口氣，差D死咁滯。 仲有一首曲至到中場休息，果首係二胡獨奏：江河水───一首哀怨淒涼，而又唔係好短o既樂曲。點知我聽聽下，又想起頭先o既野，我…我又想笑…，慘喇！嗚……救命……！ 而負責獨奏果位，正是：辛小紅！ 一鞠躬！再鞠躬！三鞠躬……

中樂團話題 莫傳專家對電影中每一環節都瞭如指掌，絕不可能出現"求教"現像！原來是條"考下你"的題目．文哥也可以出些難題放在"肥羊年"那邊給大家猜！ 藝展局網站http://www.hkadc.org.hk/chi/index.html有時間去看看，我發現他們也資助不少畫冊呢！ 講開忍笑，我昨天介紹的姬聲雅士成員就曾私底下告訴我，其實他們練歌時，很多時間都是在練習忍笑．到出場時才可以保持儀態也．原來在帶給大家歡笑聲的背後要付出很多苦練的時間呢！ 中樂團單野，"你都咪話唔關董建華事"，事緣約二十年來，英國政府對這個以"中/國樂"為名的團體收歸政府之下，所以中樂團一向都是政府養的．直到特區政府接手幾年後，就掉了五千萬元出來要中樂團自負盈虧．在公司化的情況下，樂團從俗在所難免了，上年"經典"的"都市浪漫四加一"抬了三位最年青的靚女和一位留長髮的哥哥出來，以及即將發生相信同樣的經典情人節玩沉船的節目，相信都是他們為了爭取"客路"以求生存而弄出來的"大頭佛"了．

中樂團服飾 至於中樂團的服飾，絕對認同文哥所言，以前的小鳳仙真的好，現在換了的東西，其實是不分男女的！男女不分有時連樂師都覺得很不方便，而東方女性的線條美就完全遮在那直畢畢的長衫之下！實在可歎哉！文哥如果不是公司化後第一次看，應該知道這服飾足足給人罵了一年多，每次都會有殯儀館，遺孀，堂官等字眼出現．採菊曾在一些場合聽他們的總監說過，原來是因為財政關係，中樂團只能找服裝店贊助演出服，於是大權就要交給店子設計師．照我所知他們的贊助是類似"上海灘"的店，叫"源"(Blanc de Chine)，那個設計師甚至特別走去看了數場中樂團的演出才做的，並解釋道"色彩是在樂團演奏的音樂當中，而不是在服飾上"，故採了極為素和簡單甚至男女相同的設計．我覺得那他完全不顧表演藝術向來都是"聲，色，藝"並重的，正如無論一家店出品的食物有多美味，弄成一堆糞狀仍然是趕客的． 有一次于粦大師為了此服極為動氣，大罵一輪後建議如果沒錢其實可以去羅湖城做，雖然只是氣/戲言，但我覺得中樂團實在可以考慮． 政府不再供養和資助不應成為藝團退步的借口，但我知道情況後仍採取同情諒解的態度．Struggling for survival，我也學"一花一世界"那邊貼文的句式："把進化論引用在人文科學上演釋．"樂團被政府拋棄後才剛起步，面對汰弱留強的環境，再不改進的話就會絕種．我們對它還是多給一點同情和愛心吧．

阿珊珊，羅丹的雕塑好睇過《羅丹的情人》好多，鍾意睇雕塑o既朋友都可以睇下呢套戲o既！ 不過如.果有機會一定要去睇下羅丹o既作品，要係實物原大喎，相片同縮制品差好遠個o番！

文，好幾年前香港曾經舉辦過一次羅丹的雕塑展，如果我無記錯，那些雕塑是實物原大，你有無去睇過呀？

Why are there no ppl love Mahler?His music are really touching gar

《地獄之門》 阿珊珊，我有去睇呀！好正呀！唔知幾時可以再有得睇呢？

何必曰「考」，求教而已！ 阿採菊，首先要澄清，小弟只不過喜歡《莫扎特傳》呢套戲，所以睇過幾次，加上小弟一向尖酸刻薄，幸災樂禍o既個性，所以用o黎玩下o者！閣下原來乃音樂界的猛人，講到真正對音樂的認識，小弟又怎及閣下萬一呢！ 因為我未聽過三八八首曲，之前以為你話薩在宴會(偷野食)果段係三八八，但係我返去睇下隻CD，係三六一，所以想求証一下o者^^ 你越講越認真，居然連藝術發展局o既網址都幫我搵埋，如果有靈感出得成o既，呢度見者有份，每人一本。^^ 上次我聽果場普及音樂會，係我聽過咁多場最普及o既一場，一般喜歡聽中樂o既人未必會喜歡聽，早兩年我o係大會堂都搞過一場籌款o既中樂晚會，我諗住為o左吸引人，選了好多耳熟能詳o既樂曲，但係成積麻麻，我個師父後來話D曲太舊，聽開中樂o既人未必會來捧場。場音樂會o既錄音仲用o黎出o左隻CD，你有興趣可以送隻俾你。 中樂團我的確幾年無睇過，果次係佢地換新裝之後我第一次睇，我寫果段野都唔係我返o黎作o架！係一路聽，一路寫o架，我仲不斷同坐隔籬o既人講：「似唔似送殯呀？」「似唔似做法事呀？」。原來已經俾人鬥足成年，唉… 但係如果係經費問題，咁就唔換咪無事o羅！不過我知道件袍的確係好平o既，因為我都有一件，度身訂造都係一百蚊o者，係着o黎聽道用o既，其實唔一定要造，但係我又貪得意，件衫造o左都未着過。中樂團以前o既制服就聽聞要成二千蚊。我以前都曾經有機會着件長衫去表演，但係覺得唔多似樣，所以無着到，個日本婆(用古箏幫我伴奏o既)問我有無中國味道o既衫？我死都話無，最後都係着恤衫西褲上台。又點諗得到當年我死都唔肯着o既衫，會山雞變「鳳凰」，依家會變成中樂團o既招牌制服(加笑柄)吖！ 我話個設計師就最混帳，.\ /.搞到人地成班僵屍咁樣，如果人地真係有人請去酒樓助慶，一入門口俾人當係掌櫃看待，你話人地幾咁難過呢！件衫除o左用o黎唱「萬惡淫為首」果陣着之外，我都唔知用o黎做乜好。一係就玩盡D，整到成件官服咁，俾人笑都仲可以話：「你唔好理，我依家話哂都官拜一品！」D女o既先至最慘，平時可能着到成隻雀咁，依家搞成個先夫新喪，深閨怨婦咁，佢地D老公男朋友仲點帶佢地去威o者！就算買件酒樓夜總會門口知客着果D都唔係好貴o者，咪當答謝多年o黎支持，益下D觀眾o羅！仲話乜鬼野「色彩是在樂團演奏的音樂當中」，如果係咁我洗鬼搵你買衫咩！我夠知道三級片o既戲肉係唔着衫咯！咁係咪等於兩個主角可以着到倒屎咁行出場，是但搵張爛鬼尼龍床就得呀！個總監又係傻o既，人講你又信？依家一較暗燈成班真係好似鬼咁呀！你知唔知o架，你地唔地除乜野係鬼呀？鬼呀！喂！鬼呀~~！ 班樂屍都算o勒！你身為總監，依家D西裝都好平o者，去廟街四百幾蚊都有套啦，你洗唔洗着到成個「省港旗兵」咁走出o黎呀？你介紹咪介紹o羅，又講乜鬼野「刮對出o黎」呀？人地刮對眼出o黎關你咩野事呀？係咪嫌依家唔夠恐怖呀？真係嬲得我吖！ 我覺得香港電台應該造個專輯探討下呢個件事，帶大家去睇真D ！

這類型的展覽唔係咁易搞，通常都係人o地搞世界巡迴時會來香港，不過香港藝術館其實都搞了很多其他很好看的展覽。

文！唔好意思！打左你個名向開題者個位置到，搞到變成係你留言添！:p

軍樂 JoeJoneS //想請問一下.... 我對古典音樂是完全外行.... 如果想聽一些軍隊樂曲/進行曲, 誰有好介紹呢? // 軍樂和進行曲也是我最喜歡的樂曲之一. 聽了各國的軍樂,我認為中國軍樂最雄壯,激昂和莊嚴. 其次是蘇聯軍樂. 我向你推薦<<中國軍樂----進行曲二十首>>. 中國人民解放軍軍樂團演奏. 我最喜歡的有: <<中國人民解放軍進行曲>>, <<騎兵進行曲>>, <<軍旗下的步伐>>, <<志願軍戰歌>>, 等等. 我常常一邊播放這些軍樂,一邊練舉重, 它給了我無窮的力量和勇氣.

敢死隊 張先生，我依家知你點解會鍾意搞D敢死隊o既o野喇！ 阿珊珊，o係呢條拉度，你都已經唔係第一個將我個名當做自己個名，另一位同你一樣，都係靚女一名。^^

to :張海澎 極力推薦舒伯特的軍隊樂進行曲，十年前我聽過後畢生難忙。調子簡單易上口也有氣勢。

謝仁仁

哈! 唔敢當喎 ! 文，係條line到都睇到邊個係靚女，勁喎. 等左好耐的香港小交的演出，今日終於等到o刺。不過佢地今日的演出o麻o麻，竟然俾我聽到有一個小提琴樂師拉得唔齊。( 因為我就坐係佢前面, 約3 米左右啦，所以都聽得好清楚) 不過，整個表演都好精彩，個指揮黎志華"指"到出晒汗，加上佢本人都幾靚仔，幾有" 睇" 頭o架。呵!

小交 佢地會係21/2 11:30am 係中大崇基教堂表演. 不過得2首曲.

男低音 在聲樂方面,我最愛聽男低音. 男低音深沉,壯闊,具有特殊的感染力. 我喜歡的歌曲有: *美國黑人民歌<<老人河>>, 這首歌極其悲壯,唱出了黑奴悲慘的命運. 以男低音唱出,分外震撼心靈. *俄羅斯民歌<<伏爾加船夫曲>>, 這是一首慢歌,剛勁,有力,充滿陽剛氣. 縴夫在艱辛的生活中滿懷希望和樂觀精神. *中國民歌<<天下黃河十八彎>>, 男低音深沉的歌聲猶如黃河混濁的波濤從大地滾滾而過, 這首歌表現了中華民族堅忍頑強的性格. 希望知音者分享這方面的心得.

當之無愧 呀心，通常拉得小提琴o既女仔都係好靚o既！剩係睇小交個樂師因為你坐得咁近而搞到跟唔上，就知我所言不虛啦。

不是吧... 係我前面都仲有一行o既... 拉開二胡的俾我的感覺都係一o的超級正經的人. 閣下看來是例外多喎. 不過琴晚真係好o的suprise, 有個樂師染髮high-light得幾勁下，另一個樂師則一頭紅髮...果然係一隊好young的樂隊.

呀心，我只係學過二胡，好耐無拉，所以唔算「拉開」。 我見中樂團都有個金毛，可能見件衫「寡」得滯，所以要整D色水。以前都見過有個坐係前排o既樂師，o係條白褲下面「拉高」o左，伸o左條牛仔褲出o黎，有成尺咁多，原來佢懶得換褲，唉！

嘩 表演都著成咁，離譜o的喎 我知道而家有o的幾歲大的靚仔去音樂節比賽時，著套踢死兔去，拉首3 分鐘的歌仔，就玩完。 ( 攪到係有錢人的玩意咁) 同你的例子完全成對比o番.

未算！呢隊仲搞鬼！ 呀心，我以前去聽過林克漢o既交響樂隊，有貝多芬o既第五，五十蚊張飛，咪去睇下o羅，第一首好似係《白毛女》序曲，因為首曲短，所以連奏兩次，又由於無乜人聽過，所以完o左無人拍手掌，我見無人拍我又唔敢拍，個指揮聽唔到掌聲擰轉頭望下D觀眾…… 首第五至搞野，一開頭「擔番張櫈」果句，我好清楚聽到個首席D音好準好靚，亦即係話成隊人第一句就已經唔準唔齊，我從未聽過呢一句o既小提琴版，果次總算有少少收獲。 D女樂師先至好野，有D着裙，有D着褲，有D求祈着件黑衫就算，佢地有D仲要帶個手袋出場，然後放o係椅背坐住，完o左帶返入後台，出場又咩返出o黎。你話好唔好笑？ 你表演又會着乜衫？ 阿採菊o係隔籬寫o左首詩呀！你知唔知呀？ 紅藥年年為誰生？ 亂世惜花自有人。 白藥何堪三度折？ 劍埋始敢現紅塵。

>軍樂和進行曲也是我最喜歡的樂曲之一. 聽了各國的軍樂,我認為中國軍樂最雄壯,激昂和莊嚴. 其次是蘇聯軍樂. 我向你推薦<<中國軍樂----進行曲二十首>>. 中國人民解放軍軍樂團演奏. 我最喜歡的有: <<中國人民解放軍進行曲>>, <<騎兵進行曲>>, <<軍旗下的步伐>>, <<志願軍戰歌>>, 等等. < 你有冇CD 可以借我 :P 我聽過二戰時德國的軍樂, 早前很喜歡那首裝甲兵之歌呢 PS: 看見"練舉重"這句, 又令我想起你的不愉快經歷, 咭咭咭

JoeJoneS大爺 我借CD給你,你不要爆我的"不愉快經歷".

就算我的口給你的CD封起來了, 還有千千萬萬的同胞, 像吳XX, GENXXX 等等知你的事 你以為單憑幾隻CD , 就可以封住悠悠眾口嗎? 一個JoeJoneS 不講, 還有千千萬萬的JoeJoneS 太天真, too naive 了 X-0

《莫扎特傳》結局篇───「莫扎特之死」 「警告！」：凡感情豐富，剛剛失戀、俾人飛，俾人炒、剛破產、將破產者，請在社工陪同下才收看。 (《魔笛》序曲響起) 莫扎特太太同個仔一落馬車就趕返屋企，行上樓梯，入了屋，想入房見度門鎖住，就取出鎖匙開門，點知一打開度房門，立即有個黑影發哂癲，鬼殺咁嘈咁迎面向佢撲埋o黎，佢一時唔為意，立即被撞跌，成個人坐o左o係地，即時破口大罵：「死佬！你趕住去投胎咩！」只見個黑影一陣風咁走o左出街，佢起身拍下個心口：「失驚無神咁撞埋o黎，差D俾佢嚇死！」 莫太一入房，見到莫扎特瞓o係床度，面如白紙，氣若柔絲，得返半條人命，大吃一驚，立即上前大叫：「夫君~~~！」 莫扎特看見是老婆同個仔返o黎，微微一笑，說道：「你…你地返o黎拿！」 莫太道：「發生乜野事呀？」 莫扎特呻吟的道：「阿仔呢？」 莫太抱起個仔道：「阿仔！老豆叫你呀！」 莫仔道：「阿爸！」 莫扎特摸了摸個仔個頭，對莫太道：「我都係…都係唔得…o架喇！以後個仔就靠你喇！」 莫太哭道：「老公！你唔好死呀！我送你去醫院，仲o黎得切o既！嗚…」 莫扎特道：「無用o既！大…大勢…大勢已去…！一日都係我唔好，我爛滾，一日飲酒飲到黑，我對你唔住，你…你會原諒我嗎？」 莫太已哭成淚人，泣道：「嗚……你唔好講埋呢D野先啦！我以後都唔會離開你o架喇，係邊個害成你咁o架？」 莫扎特道：「係…係…薩列里，佢一定會返轉頭o既！我死o左你……記得求祈搵撻地方葬o左我就算，唔好立碑……你同個仔就有咁遠走…走咁遠喇！」 莫太抽泣的道：「嗚…唔好呀！你唔好留低我一個人呀！嗚…」 莫扎特道：「絲丹釆，我…最鍾意o既人，始終都…係…係你呀！」 莫太泣不成聲。 莫扎特道：「你…記唔記得…以前我同你o係萊茵河畔…採…採菊呀？我…叫你小心踩住D石行，你仲一腳踩落條河度…哈…哈哈…」 莫太一邊抹淚水，一邊點頭微笑道：「記得！」然後深情的望着莫扎特，念道：「銀菊年年為誰生？」 莫扎特接着念：「亂…亂世惜花自有人。」 莫太道：「白菊何堪三度折？」 莫扎特道：「劍埋…始敢現…現紅塵……」說完頭一側，就此與世長辭。 莫太大聲哭叫：「沃夫岡~~~！！！」 莫仔大叫：「爸爸，爸爸，你唔好死呀！」 (響起《唐喬璜尼》的序曲) 銀幕下觀眾亦同時齊聲一哭，兩邊哭聲交織成一首「安魂曲，」將莫扎特未完成的「安魂曲」延續埋落去…… ───完───

文，你o的re-phase 能力又進步左喎。睇完採菊的詩又識得利用下咁. 睇緊你篇野的時候，剛剛聽緊mozart 的 symphony no. 25. 來個首尾呼應。 我表演穿o的乜? o刺, 你假設左一樣野就係我表演過。事實上，正式的表演我未試過o架o番。 上哲學堂時，老師都話係 : if p, then q 不過，如果我真係有得去表演下，我會穿一件黑色吊帶長裙。懶係高貴o的咁。 <<白毛女>> 係一首出名的歌，點解冇人拍手?! 諗諗下，有件好笑事:我第一次去聽音樂會時，教我小提琴個呀sir千叮萬囑叫我聽到人地拍手先好拍..哈哈 我都見過唔少首歌未奏完，好多人就拍掌，個指揮好無奈咁轉身表示多謝。

過下癮先 紅藥不知為誰生， 惜有身旁綠葉襯。

且慢!！！ 嘩！「黑色吊帶長裙」呀？型到爆呀！呀心，如果你有表演，預我七張飛吖！我同D網友o黎捧場，保証唔會未奏完就拍手掌。有D人係鍾意拍第一下掌，未奏完就遞起對手預備，到其他人都拍o既時候佢就收手，又若然有人早o左拍o既，佢就遞高隻手，意即，「且慢！未拍得住！」最慘o既係呢D人坐正你隔籬，或者可以試下未奏完就拍，快過佢，一於激死佢！ 《莫扎持之死》呢，係為o左感謝阿採菊o既鼓勵，特登為佢而寫，當係小小心意咁啦。而且有o左佢首詩，意境當堂高o左好多，勁！

型嗎? 我覺得黑色吊帶長裙真係好襯小提琴架。 至於//型//，我反而諗起我睇from mao to mozart 時入面有個學生用格仔毛巾仔夾住個琴o黎拉. 老套得o黎另有一番味道喎。 ( 條格仔毛巾仔係o的媽媽用o黎放係仔仔的背脊到吸下汗果種呢) 哈! 呀，o的小朋友學拉琴，好鍾意貼o的貼紙係個琴身到，當個琴係寶。我真係覺得佢地好cute 架，可惜我大個先學啦...而家貼上去一定俾呀sir話我低b.

唔好意思姍姍來遲 文哥，哎真的好耐無見，真唔好意思，近日其他格仔實在太過熱鬧，兼仲發生離奇離題事件，我心唔夠定，一時間響其他地方流連忘返．少左來呢邊，加上你仲將我首爛鬼詩搞入你的大作入面，我真真羞家，所以都係避一避風頭先！ 仲有呀，每次見你出手，對我都有勁多啟發，我一諗起要寫好多字自己先過倒癮，就好懶唔想郁，結果呢，今晚有個猛人出手勸打，我呢Ｄ小鬼真要企埋一邊等睇野，而家先返來呢度唔好意思！

激到你返生 首先要講，雖然我知你激到死果則留言已經過左好耐，但為左令你返生，我一定要提供少少資料，就係呢－－中樂團件野呢，其實每件都值一萬港元咁上下的－－他們的負責人在公開場合講的．

林記 然後呢，就有關林克漢管弦樂團啦！我睇佢地街檔比較多（要錢的你去不去？），有一次親眼目睹阿林生佢一邊拉琴，一邊用枝弓係咁指指下（指揮是也），原本呢樣野都無咩問題的，點知佢一另轉背指，哎響佢條吊帶褲後面，（佢無著外褸），左面好大個手提電話，右面一大個傳呼機，當時如果佢個電話突然間響，我認為佢係會聽架！

兩個林間的傳說 文哥有無聽過呢個江湖傳說？ 話說有一日，林記viola最後果排一位樂師執倒一盞神燈，燈神比佢許三個願望喎，咁於是佢就望住個viola首席位話啦："我想升做首席中提琴手！"就係咁，佢就坐左林記首席viola個位啦！ 咁燈神又叫佢許第二個願望啦，佢諗左一諗，就話："都係唔好！我都係想升做Berlin Phil既中提琴首席！"，咁於是叮一聲，佢就坐左柏林交響樂團中提琴首席個位啦！ 咁燈神又叫佢許埋第三個願望啦，佢望下Berlin Phil的小提琴手，就話啦："好！最後決定，我想升做小提琴手！" 咁結果，"叮"的一聲，佢發現自己"升左"去"林記"second violin既最後果行！

呀心 計我話呢，你一於照貼o者，話哂係女仔又唔係「男人老九」，洗乜怕o者，你阿「蛇」話你，你咪似笑非笑、對眼望住天花、個頭擺下擺下咁，唔好理佢o羅！咁至夠可愛吖嘛！ 只要你着吊帶長群時，唔好用果個琴咪得o羅！又或者你可以照用返果個琴，但係就着對紅鞋仔，粉紅色o既短裙仔，心口有隻數碼暴龍，戴埋一個粉紅色、有隻「哈o羅吉蒂」o既頭箍，即係同出o黎獻花果D小妹妹差唔果種打扮，咁咪得o羅！如果你真係咁樣表演，同之前一樣，記得留返幾張飛俾我呀！

到o左$10000o既問題 採菊，你知就好啦！多D過o黎睇住細佬吖嘛！ 你失驚無神連發四炮，搞到我都有D滯滯地，應接不暇添！ 第一， 呢度講乜都好，但係咁多野唔好講，去講〈離題〉，就真係無謂夾「離題」，你又洗乜癲埋一份吖！你得閒就不如多D過o黎呢邊啦！話哂你o既學識都淵博D吖！有你在場我都可以放膽D吖嘛！ 第二， 陀call機+手提電話？(你每次講D樂壇奇聞都令我有好多野想講，但係通常都係一D粗口同咒語呀咁，為免失禮街坊，我都忍得好辛苦呀！)會唔會果場音樂會有電話公司贊助呀？唔知賣尿片o既搵佢，佢又受唔受呢可？你有無佢電話號碼？我越講就越想搵個「機會」打電話俾佢，睇下佢係咪真係會聽？ 第三， 關於一萬蚊o既問題，唔好意思，我要些少時間去平伏一下心情先，對於呢個問題，我暫時唔係幾講到野！或者先講個古仔先： 話說中樂團有個樂師執到支「神油」，個「油神」話可以俾個願望過佢。 個樂師見個「油神」成隻彊屍咁樣，起初好驚，對住個「油神」起勢咁鞠躬。 個「油神」話：「喂！唔洗驚喎，唔係玩你個喎，試過你就知，保証你話妙不可言。」 個樂師半信半疑，望下自己件褂，就話o勒：「你…你…可唔可以幫我變靚D件衫吖？你變到我就信你o勒！」 「油神」話：「易啦！即刻幫你搞掂！」說完搵D油搽落個樂師個鼻處，跟住叮一聲，個樂師件衫立即變成未換款時候o既款式。 樂師一見大喜：「咦！洗得喎！係靚好多喎！我不嬲都話呢件好睇Do架啦！喂！可唔可以幫我再搞靚D呀？」 「油神」話：「唔得！願望只可以有一個！」 樂師死纏爛打：「拿！變多野吖！o黎啦！變多一次咁多吖！拿！一野咁多！整多一野o者！真係o既！咁o勒！我俾一萬蚊你o勒！」 「油神」一聽：「乜話？幾多話？」 樂師：「一萬！」 油神：「一萬？真係一萬？」 樂師話：「車！你估呃你o既咩！你唔信我俾錢你先o勒！拿！」 「油神」接過錢，數過，說道：「好！拿！成支俾哂你o勒！」說完成支油掟俾樂師，然後就走o左。 樂師雙手接住，如獲至寶，喜盈於色，急不及待將D油搽到通面都係，跟住「啤」一聲，佢件衫又變返之前果件……

哈哈哈哈！ 嘩哈哈文哥講"尿片"果野真係笑到我pa左o係度． 先打個岔，不知數學狂君仍在否？若你仍想找好笑的音樂，今晚七時半不妨入上水金錢村，那邊這幾晚做神功戲，今晚演"鳳閣恩仇未了情"，其中有很多好笑情節．尤其在神功場合，丑生肯定爆肚得更加"放"，不容錯過！大約十二時半散場，不想看之前"六國大封相"的網友可以八時才到．（唔駛錢，網編請放心！我沒犯到第六條．） 不想入上水又想笑的網友，可到"呢度講咩都得"果題度，和十三點，明月，ｍｄ一眾人等齊齊大笑三聲！

容許我問一下.... 採菊的留言加上文兄的故仔, 激起左我的好奇心。講o黎聽下我諗都無妨啦... 一係等我估下: 文兄俾人呃左錢?

採菊與呀心！ 你兩個做乜會同時留言o架？放工放學拿？ 呀心，你做乜估我俾人呃o左錢呀？你無睇之前o既留言？雖則你都估得好好笑，但係我依家笑唔出住，因為： 一萬蚊？……一萬蚊喎！果件咁o既野要一萬蚊？… 我全屋o既衫；加埋底褲、手巾仔、牙擦都唔使一萬蚊啦… 佢成件大頭佛袍咁都收成萬蚊，咁星雲大師件袍咪起碼過百萬？ ？　　　　　　？ 我之前講自己果件其實都唔使一百蚊…唔記得係九十幾？(九十八？)不過果個「忍」無找返錢俾我，我又算數咁o羅！ 一萬蚊？…真唔真呀？？係咪成隊人加埋呀？喂！似喎！百鯪蚊一件，一萬蚊全包，係咪開錯票俾人呀？ 成皮野一件，唔怪知得佢地着o左成年都唔捨得換啦…… 但係……呢個價點開口呀？？？ 「呢位師傅，借問聲，如果我想做一批衫，係用o黎表演中樂時着o既！您建議着邊款好呀？您有無邊D款式可以介紹下俾我地咁呀？麻煩您吖！」 「灰色長衫吖！殯儀館堂官果種，男女同款，撈亂着都得！」 (吓！)「咁…咁如果我想造幾十件，您可唔可以計我平D咁呀？」 「一萬蚊一件啦！」 「！……………………！！………你俾我呀？」 ~^++++^~「嘻嘻…講笑o者！一萬蚊？去搶咩？你估我真係當你傻o架？就算你肯俾，我真係造俾你呀！都無人會着啦！貪利是咩？哈哈…」 ^_^「係o既係o既…」 但係……我真係親眼見到有人着喎…… 唔係話無可能…之但係……不過…唉！我唔識講o勒！ …………………………………………… 「阿事頭，我下個月結婚，要造套衫，你有乜好野介紹下咁呀？」 「呢套吖！兩萬八，新馬仔死果陣都係着佢！襯哂你呀……」 你睇下！人地學生妹呀，都識得話表演果陣要着法國黑色天鵝絨、加意大利喱士、花邊吊帶金扣、銀邊加暗花o既長裙啦，個小提琴加張貼紙呀，都話怕俾阿「蛇」話低b呀！依家居演整件咁o既野……你仲同我講話要一萬蚊？…… 我…我……，唔得，我…都係要靜一靜先…唔好意思兩位… 一萬蚊？？　　　　　　？ ？　？　　　　　？？ ？　　　　　　？　　　　　　　　　　？ ？

哈 真係冇仔細咁睇下喎. 以為你有o的不愉快經歷tim. 哈 //法國黑色天鵝絨、加意大利喱士、花邊吊帶金扣、銀邊加暗花o既長裙// 太粗俗o刺。唔o岩我喎。 又唔係fashion show. 一萬蚊一件? 係咪可以防水防彈o架? 定一話係用o的"超"科技布料，等佢地演奏時"超"水準?

已換新裝 哎就係果次啦，阿于粦大師聽完呢個約數之後，就好大聲好慶咁指著個天話呀："車！呢Ｄ數做出黎架咋嘛！你試下去深圳羅湖城做睇駛唔駛咁貴呀！" 話時話呀，你都唔好話佢地無改進，樂團方面聽左成年意見，向贊助公司反映，贊助公司就幫佢地改左少少，不過我都未睇過，聽講話就o係個反上黎既袖，翻出黎果面，換成左鴨屎綠色喎．（呢個新design或者文哥已經睇過都未定，我唔知） 不過咁，聽佢地o係呢Ｄ場合Ｄ口氣，似乎樂團自己都唔想咁，但無錢要人贙助，因此無奈都要接受，哎當佢情有可原算吧啦！

"啤"一聲 哈哈哈哈 唔得各位真係要睇阿文哥的大作 訓覺都笑番醒我 哈哈哈哈

仲o黎多野？ 阿採菊，撞鬼o羅，你成點幾鐘上o黎，兩個鐘頭後成三點半又o黎，你唔係真係瞓瞓下「啤」一聲咁下嘛？

鴨屎綠？ 呀心，你件黑色吊帶長裙請問要幾錢呀？ 阿採菊，借問聲，你唱安魂曲果陣時，係着乜野衫o架？ 小弟已經打消出書o既念頭，因為現實世界俾我所想o既係更「騎喱」！ ……………………………………………… 油神：「唔得，D油只可以搽一次，搽得多會好傷身o既！分分鐘仲會有反效果添！」 樂師拉住油神條褲，苦苦哀纏：「o黎吖！搽多野吖！一野咁多吖，好啦！求下你吖！拿！最後一野，真係o既！呃你我會死，好無？」 油神：「個個好似你咁，我好難做個喎！」 樂師：「o黎啦！你就當係做下好心，贊助下我吖！」 油神：「怕o左你喇！我都未見過D人好似你咁煩o架！拿！成支俾哂你o勒！你鍾意點搽都好o勒！正一冤鬼…」 樂師喜出望外，拿拿臨搽哂D油，跟住件衫立即又變返之前未變果件，但係對袖就變o左鴨屎綠色。 啤~~~~~~！！！ ----------------------------------------------------- 「阿事頭，我下個月結婚，要造套衫，你有乜好野介紹下咁呀？」 「呢套吖！兩萬八，新馬仔死果陣都係着佢！襯哂你呀……」 「咩話？你玩我呀！」 「哦！你嫌「寡」呀！咁你到時咪戴頂鴨屎綠色o既帽o羅！」 ------------------------------------------------------ 「師傅呀！今次個頭剪得麻麻喎，我好難出街見人個喎！」 「咁呀？好易o者！我幫你o係前面果執做D鴨屎綠色咪得o羅！」……… 「咦？又真係幾似鴨屎色喎！」 「點只似呀！直頭就係鴨屎o黎啦！」 --------------------------------------------------- 唉！最騎喱o既係，人地癲，又會有人肯癲埋一份。 我細個整蠱人，叫同學仔將D潤唇膏搽落隻腳度，都叫做有條褲冚住，人地睇唔到，只不過係表示個同學天真無邪，我就稍為活潑可愛咁o者！而最重要o既係真係幫到個同學，隻腳唔會爆擦吖嘛！ 成隊人唔係真係打算向殯儀界發展；爭一席位咁下嘛！ 一萬蚊？曉隔聲都無用啦！ 阿採菊，你可唔可以叫中樂團o既人o黎呢度一齊傾下咁呀？或者中樂團有無網頁？有無留言區呀？你可唔可以將呢度D留言搬去俾佢地睇；或者大家做個連結咁呀？ 新年過o左，情人節又過埋，o黎緊o既清明節應該係中樂團o既黃金檔期，各位想睇野o既網友，記緊及早撲飛呀！清明節再見喇！

一萬蚊？ 樂師一晚o既人工、($1000呢個數肯定俾多佢) 加樂師對鞋、(當其樂o既，$700(折舊)) 表演副「嫁餐」($2000樓下) 褲中有褲果條牛仔褲、(蘋果牌$350) 加埋坐緊張櫈、($70) 再加手錶、($150) 就當加埋阿林生個傳呼機同手提電話($2000已經計突o左！) 就算連塊尿片都計埋o勒！($5.5) 就算再加多一打神油！(我睇呢D野幾百蚊應該有交易，邊位網友可以提供資料？當住$500先啦！) 加多篤鴨屎添！($0)──────都唔使一萬蚊啦下嘛？

買裙 $2000-3000 都得o架o刺 ( 貼紙等其他野另計) hehe.

"何車" 住係我附近有位人兄成日拉二胡，成日"何車", 聽到佢成日都係拉同一首歌。唔知歌名，但我又記得少少歌詞: 走走走走走呀走，走到.... ( 普通話唱的)

會不會是「流浪之歌」? 我都記得幾句歌詞 走呀走呀走呀走呀，走過了多少年華... 冬天的???????，又是一個春夏.... 爭取居港權人士常唱的勵志歌.

請盟主出谷 文哥，採菊自小四開始，已在小學老師指導下練就一套夜半神功，此功無他，夜半至三點為活躍期，最好打也，不信有家課秘笈三本為證． 安魂曲的表演服？老實如採菊者只會整整齊齊白恤衫加黑長裙，如今想來，還是中樂團的朋友更加適合唱此曲也！ 煩請盟主文哥過去"講咩都得"題，客串返一兩段，果邊有人正在守候大駕光臨！ 呀心－－ 合士乙上尺工反六五 你試下讀成－－ 河士二生車共反了烏 呀心你跟以上讀音．由合開始唱sol音，然後士唱la音，然後ti，do，re如此類推，最好仲收縮聲帶唱高八度，一日唱返三五七次，你隔離屋好快就會過來搵你同佢一齊jam野！

拿！人地着到咁高貴，剩係講下D網友就已經流哂口水呀！都係$2000-$3000咋！俾夠你$2000+$3000o勒，都唔使成皮野吖！ 小弟雖然讀書唔多，都唔會被人咁「昆」法啦！除非被班靚女圍住，搞到我暈陀陀咁就好難講，就算真係着住上台呀！都係着一次o既o者，衰一次仲唔夠咩？居然着足成年都唔識得換過件，唉！真係： 紅藥年年為誰生 扮隻彊屍一萬銀 成班俾人搵老襯 加篤鴨屎更銷魂 呀心姐，如果你造o左條裙唔o岩心水，拎返去改，你又估下會點改法？

盟主？乜搵D咁o既野玩呀？ 阿採菊，乜咁早呀？我都唔知你o黎o左添！琴晚你又唔o黎？ 去你個場度客串？無問題，不過呢幾日會忙D，因為要幫個行家搞「拋丫幫」，聽日又要…你明o架啦！等我爬埋兩啖飯先呀下！

拋丫幫？ 哈哈哈哈哈哈哈哈哈哈哈哈哈哈...... 哈哈哈哈....哎阿文哥你慢慢，笑得咁辛苦等我斗下氣都好......

最佳改編大獎 阿李生麻煩你頒埋個最佳改編大獎比阿文哥，多謝！

阿採菊，我愛上你……… 紅藥年年為誰生， 贊助永無死錯人。 擺明俾人食夾棍， 仲當人地係財神。 阿彌陀佛，呀心，乜你要估咁耐o架？俾D貼士你o勒！就係：幫你造衫o既就係贊助中樂團制服果間公司。 阿採菊，答返你上一段留言，唔係改編，而係變奏。 另外有件事想同你講o左好耐，但係又好難開口，今日當住咁多網友面前，我終於忍唔住o勒！希望各位網友支持下小弟，幫在下打打氣：我想話(深呼吸)……阿採菊，我……我發覺我…我愛上o左妳……………首詩呀！ (大聲)我愛上o左你首詩呀~~~~~！！！ 不如你就送o左首詩俾我啦！等我以後點變奏、點貼都好啦，好唔好呀？好啦！ 拿！咁o勒！如果你唔好意思開口，我俾幾條選擇題你揀，你答我甲乙丙或者ABC就得o勒！ 甲：「歡迎之致！^^」 乙：「隨便啦！」 丙：豪情地：「做兄弟！唔洗講野！攞去啦！」 如果你揀以上是但一項，我就會答你(義薄雲天地)：「多謝！」 A：「唔……好衰架你！」 B：「唔制呀唔制呀！你燃化人o既！」 C：嬌嗔地：「黐線架你！」 其他：XYZ… 但若然你係揀上面任何一句，我就會(哭喪着面)答你：「我係真心o架~~~~~！」

請不要把我當有趣. 拜託.

善哉善哉... 我通常週末都唔上網o既 (練琴麻) ，平時呢，一上完堂返宿舍，第一件事就係開電腦上網( 而家都係)。 成晚就對住呢個死物左按右按。 拎去改，改乜好呢? 可能太低領口位，改高o的o刺! 可能條裙太闊，又改下咁啦.... ( -_-||| ) 可能最後真係要改的係個樣...哈!

善哉善哉.... o刺.... 文兄，俾人rejected 左﹐點好? 最衰我冇咁叻啦, 又唔識作詩, 如果唔係，我都可以做個 substitution 啦... hehe...

有趣！ 于粦指天鬧到震， 樂師腳軟夾頭暈。 再着實聽瓜老襯， 掟埋始敢現紅塵。 肉麻，你果然好有趣，我都係發揮緊「這裏說甚麼都可以」o既精神。 因為人地一個鐘已經有成十個留言，我呢度成日都係就一個起，兩個止，所以要來個變奏，希望提高留言率也。估唔到有「肉麻」o黎捧場，請多Do黎坐呀！ 呀心，乜你有宿舍住咁歎o架？真係羡慕死人。 你果然係好叻女，答得咁正路，顯示你頭腦靈活，反應敏捷，他日前途一定無可限量。但係穩陣D保險D、涵蘊各種可能性o既答法係：隻袖改為鴨屎綠色。

唉！死o勒！講錯野！ 呀心，我話你答得正路係指你講件衫o既部份，唔係話「要改個樣」果部份。

一篤鴨屎 (原本都唔係好想講屎講尿o架o刺...) o 刺，我件黑色吊帶長裙係冇袖o架... 如果要改，不如加一個" 鴨屎" 綠色的" 鴨屎" 型的扣針啦。 ^_^ 嘆? 嘆氣就真... 個琴放係屋企，又冇得玩下, 望下都冇。 帶返o黎宿舍同個friend jam 下首 cannon in d major, 都唔可以咁放，驚俾人投訴。 結果咪上o黎 李先生個網到走走, 遇到你地o刺...

文 區區小事，不足掛齒， 要改要貼，悉隨尊便．

借問... 之前你地提及的"拋丫幫" 係什麼東東 ?

Powerpoint

難怪啦 哈哈哈哈哈哈哈.....難怪採菊笑到咁啦. 雖然笑遲左, 但都要笑三聲! 哈哈哈!

加對鴨屎綠色o既袖 紅藥年年為誰生， 網上索詩自有人。 看似肉麻實有趣， 唔識拋牙是英文。 採菊！(義薄雲天地)多謝哂！不過你放心，我點改點貼都好，都唔會加「鴨屎綠色」呢幾個字落你首大作度o既！ 呀心，小弟讀得書少，英文都是從《通勝》中鑽研出來，又唔識英文打字，打親都好似玩砌圖咁，所以咪搞到要「自食其譯」o羅！ 呀心，你讀緊果間係咪貴族學校o黎o架？ 「" 鴨屎" 綠色的" 鴨屎" 型的扣針」你都幾幽默。我就話你其實o係宿舍一於照練琴，因為可能有好多人都好似你咁o既情況，只要你一「開聲」，一定會有好多人「和聲」o既！

雙線聯影 阿採菊，請問可唔可以情商你將隔離o既大作，轉貼o黎呢邊，俾大家欣賞下咁呀？ 同埋你再有乜新作，可唔可以兩面同時「上影」咁呀？

貴族學校? 何為貴族學校 呀? 你真係唔知我讀邊間? 不如就等你( 地估下啦... "和聲"? 唉麻雀聲就立即同你"和"... 我今日上普通話堂，有個活動係要認識下o的同學仔，要個別問下人地o的興趣係乜咁啦...每當o的同學仔問我 " lee 屎分什麼先處? " 的時候，我答聽音樂，跟住又問 " 那lee 屎分天什麼?" 我話古典音樂，o的同學仔的反應係 " 嘩! lee 很高雅呀! " 同場都有另一位拉cello 的同學仔，佢地有呢個問題....

呀心的學校 呀心的學校名包含"三"字乎？ 文哥的建議－－由於你這裡不是"咩都吹得"題，為了不遺反沒明文規定但卻有"約定俗成"的網規，也為了不再掀起新一輪離奇論戰，採菊不便把任何無關音樂和無關痛癢的東西張貼於此，文兄明白事理，海量汪涵，想必不會使採菊為難．各網友若想讀其他留言煩移玉手，如因此而對任何仁兄仁姊造成不便，採菊於此先行謝罪．萬望各位多多包涵！

我的學校 採菊姐，非也。 我學校名冇" 三 " 字o架...

誠意推介 各位，剛剛找到一個很不錯的網頁，裏面的曲一流! 有文哥勁喜歡的< > 的2 首曲啦，又有一首titanic 裏面的曲啦, 仲有我好鍾意的 vivaldi concerto 喎! 不妨去聽聽呀! http://artists.mp3s.com/artists/149/rococo_string_quartet.html

出唔到字o既....? <> 之內的字係 : Amadeus ( 莫札特傳)

讀大學o既！ 紅藥年年為誰生 音樂麻雀都屎分 同學個個係貴族 品味高雅係呀心 呀心，貴族學校咪即係：夾舊餸入口都要講哂姿勢角度，夜晚行出街都要着返件晚裝，一開口講野唔係話阿董生約我去睇戲，就係話阿松尋晚同我煲電話粥。第日出o黎做野唔係做官就係做有錢佬咁o羅！ 我原先以為你係讀中學，去西貢做實驗應該係返家政；煮飯仔果D啦！但係依家聽你話上哲學堂、又有宿舍住，咁應該係大學至o岩，係咪呀？ 你有個拉「車佬」同學咁好呀？如果你D同學仔知你仲會拉小提琴，着埋黑色吊帶長裙呀！實會用埋好仰慕o既眼對你話：「喲！考交貴，考雲也呀！噢~~~！」

我的學校 1) 十年前o的議員炮轟政府浪費o的錢起呢間勞斯來斯學校。 2) 用一隻準備展翅高飛的火鳥做其標誌。 3)呢隻雀仔未飛上枝頭的時候係一隻火雞。因而取其名叫火雞大學。 4) 空氣清新怡人，大力o的吸氣，仲可以嗅到南中國海域的海水味。 估我係中學生? 冇咁細卦... 小妹讀的係自然學科，同自然及人體息息相關，當然要做下實驗啦.

我的學校 呀心 //1) 十年前o的議員炮轟政府浪費o的錢起呢間勞斯來斯學校。// 十多年前被議員炮轟的人是康慈！起呢間勞斯來斯學校的發起人是康慈！Ｄ建築設計、室內設計、課程說計都是康慈主要設定的！[起完之後不久康慈就失憶！] //2) 用一隻準備展翅高飛的火鳥做其標誌。// 正確是叫火鳳凰！ //3)呢隻雀仔未飛上枝頭的時候係一隻火雞。因而取其名叫火雞大學。// 那時牟宗三先生喜歡食火雞！因此才變左成火雞大學！討論左很久！康慈本來把她起名叫火鳳凰大學！也找了全世界各地的資料！說明火鳳凰的傳說！本來想建做一個火鳳凰博物館的！ 4) 空氣清新怡人，大力o的吸氣，仲可以嗅到南中國海域的海水味。 那裡風水不好！無人買！那裡的主人會ＸＸ！康慈因此建意建座大學！等Ｄ神聖力量壓一壓它！想不到康慈中左招！早知如此！因此失憶！

~ 噴飯!

先quote返你呢段 //你怎麼捨得我難過 作詞：黃品源 / 作曲：黃品源 對你的思念 是一天又一天 孤單的我還是沒有改變 美麗的夢 何時才能出現 親愛的你 好想再見你一面 秋天的風 一陣陣的吹過 想起了去年的這個時候 你的心到底在想些什麼 為什麼留下這個結局讓我承受 最愛你的人是我 你怎麼捨得我難過 在我最需要你的時候 沒有說一句話就走 最愛你的人是我 你怎麼捨得我難過 對你付出了這麼多 你卻沒有感動過 //

問世間...... 以上為採菊原本諗住的正常回應．

採菊之後加入太史府的蛇煮成一窩！就變左中間美食！太史蛇！問世間未食過的人！多麼不幸！食過一口的幸福無比！因此發明無比膏以之記念！

我來教你 "羹"字是這樣寫的．

唔講音樂講國語 紅藥年年為誰生 北京街頭多傻人 煎魚何須香港搵 大陸通街一條條 話說以前我一個忍去北京旅行，o係街邊有個北京填佬見我係香港人，就同我搭訕，佢居然唔係問我香港o既政制、法治、經濟、教育呀咁。 而係問我香港係咪有好多─────「煎如。」 小弟都上過下國語班，但係都唔明佢講乜？ 我話：「咩話！」 個北京填佬：「煎如。」 「煎乜野魚呀？貓魚呀？」 「煎如。」 「唔知你講乜呀！」 「煎如！」 「我煎你頂帽呀！」 個北京填佬用力的道：「煎！如！」 「你信唔信我搵公安拉你吖拿！」 「煎！如！」 「你係咪身痕呀！」 「煎！如！」 「你邊瓣o架？」 「煎！如！」 「o黎吖！隻揪吖！」 佢見我仲係唔明，笑笑口望下身邊o既老鄉，跟住抖啖氣，碌大對眼望住我咬牙切齒：「煎───如───！」 「…………………………」 跟住佢搵支筆o係個掌心寫o左兩個字：妓女！ 「朝─────超！妓女下嘛！煎魚！」 唉！真係不知所謂……

阿文哥 哈!哈!哈!哈! I am so sorry. I don't mean to tease you again today. 但係, 點解北京? 藍宇係咪有個名叫北京的故事?

一齊整番餐吖！ 紅藥年年為誰生 男乳花生誤導人 曲中異性變同性 誤入羅網是阿文 小花生，點解係北京？因為係真人真事也！果條佬識得問「煎如」而唔係問「煎難」，都証明佢係正常人吖！ 阿採菊，下次你不如跟埋你「大佬」一齊o黎吖，我請你地食飯。

嘩,好不熱鬧 文兄的男乳事件終於都漫延到呢到o刺。 今日sit左堂哲學堂，個老師提議全班200多名學生一齊上o黎呢個留言區分別係兩個月之內發表四篇文章，順便當做一個功課。不過，經過15分鐘的討論之後被同學否決左。

文兄, 你又點答佢丫?

康慈 無比膏......哈哈哈哈，想起康慈就真開心． 康慈你是不是做導遊的？向各地遊客先推薦太史蛇羹，後推銷無比膏．借問一聲，最近新出的無比滴產品由來又是如何？

文兄 文兄義薄雲天，"家兄"經常打搞閣下，小女子說聲"唔好意思"也來不及，怎可能還要你破費請食飯． 有機會我地一齊請你食番餐就真！

咁咪掂o羅！^^ 改為「妳」字無「你」份 異 性 同 性 要 分 真 基 佬 乸 型 唔 使 諗 歌 中 思 念 是 女 人 妳怎麼捨得我難過 作詞：黃品源 / 作曲：黃品源 對妳的思念 是一天又一天 孤單的我還是沒有改變 美麗的夢 何時才能出現 親愛的妳 好想再見妳一面 秋天的風 一陣陣的吹過 想起了去年的這個時候 妳的心到底在想些什麼 為什麼留下這個結局讓我承受 最愛妳的人是我 妳怎麼捨得我難過 在我最需要妳的時候 沒有說一句話就走 最愛妳的人是我 妳怎麼捨得我難過 對妳付出了這麼多 妳卻沒有感動過

等我請啦！無得傾呀！ 呀心，俾着係我呢！就緊係贊成啦！不過你個阿「蛇」就諗漏一步，我會話：贊唔贊成都係上o黎呢處討論。 咁你o係呢度撞唔撞到你D同學呀？仲有，你係咪讀緊科技大學呀？我最近部冷氣壞o左，代理上o黎兩次都整唔到，邊度壞都未知，星期一再o黎，不如你幫我睇下部冷氣吖，好唔好呀？ 採菊，你大佬一表人才、氣宇軒昂唔在講，仲同你一樣：學問淵博，見識不凡，每次傾談小弟都得益不淺，點敢話打攪呀！不如大家輪流請啦！由我請先，我等你製造機會喇！

我都漏o左一句 呀心！我會話：兩個月四篇太多喇！一個月兩篇啦！

聽過Charlotte Church的歌嗎?佢有"a voice of an angel"的美譽.聽厭流行曲的時候, 她的歌聲應該會給你煥然一新的感覺.

文哥早晨！ 我行完晨運返來再同你講！

啊心 啊心自己自動寫四編野出來！等啊李先生指指點點你好嗎？[Ｄ老師]可能就是啊心那位老師！啊心自己自動Ｄ！那麼其他199名同學的名次都在啊心之下！那些同學之後要做甚麼功課交出那囚編野！其實上來這𥚃左copy右copy！加上一次文句就寫好一編功課！啊心Ｄ同學真是苦命！啊心自己去求個自求多福給自己吧！

無題啦 呀心，比著我係你就幾大都贊成，反正你都係度留左咁多言，唔駛做都交左啦！你老師又無話明唔准講古典音樂既，你一於返去請佢即刻上來收功課啦！咁你跟住就少ｄ返去上堂，平時多ｄ時間鑽研思方學，學期末記得準時帶齊d思方架生到試場應考，搞惦！^_^ p.s.如果你老師話要點名計分，咁你平日就記得多ｄ請同學仔食ｔ． 阿文哥我教你呀，你只要學呀康慈君咁，將自己寫過d野copy來呢度不停重貼，樂人谷好快就會多留言到滿瀉，如果想多ｄ條數，就可以不停貼，如果想多ｄ版數，就可以貼一ｄ極長既（羅茱記果類），如果想雙得益彰，就雙管齊下．好快你就可以砌低肥羊之數．^_^ 淨係得你咁抬舉愚"兄"咋，就已經低食返我地一餐啦！另外，整冷氣我推薦阿木比你．嘻嘻阿木唔該介紹費！

聊齋 今日唔講音樂，同大家講返D實際野，我夠膽話無實際經驗o既人係講唔出o既。 琴晚去食飯，點知坐隔籬果位原來係有「狐味」o既！臭到抽哂筋，大佬呀！要食飯o架！乜搵D咁o既野搞呀？ 搞到我無喱胃口，原來呢！佢每次遞手夾餸果陣呢！D味就大陣D o既！但係佢夾得密D呢！D味又淡D喎！食到慶起呢！D味又濃番。最慘係佢另一隻手，長期唔郁，D味谷谷埋埋，到佢要「聯手」o既時候呢，例如：拎紙巾呀咁！又攻野勁o既過o黎！被呢仲一浪接一浪o既打擊，你話邊度食得落吖！ 據聞有呢種問題o既人，佢地個衣櫃先至係重災區， D賊佬遇着入屋爆隔唔好釆呀！一打開個衣櫃………哇~~!!!!即時暈低呀！如果係向後暈都仲好D，若然係向前暈，一野椿落堆衫度呀！就算好彩執番條命呀，下半世睇怕都要做植物人呀！所以有時睇新聞，見到D入屋o既賊咁易俾人捉到，就係咁原因o勒！ 所以有呢種病o既人，同人打交呢，好識利用自己呢種「天賦」，最中意就係用「迷暈鎖」o勒！將對方個鼻，對正自己個「格甩底」，你唔抖氣咩？我睇你忍得幾耐？你一忍唔住就慘o勒！你只要一索咋！腦部功能受到無可彌補o既破壞，即使少少都好啦！輕則昏迷，重則下半世做白痴，廁所都唔識去呀。 如果你認為同佢地保持距離o黎打，或者用武器對付佢地呢！咁又錯o勒，因為佢地都會用武器，主要都係用雙節棍。點解會係雙棍呢？因為大家如果有睇李小龍o既戲，都應該知道雙節棍係都咁揸o既：一節揸o係手，另一節夾o係「格甩底」，即係話，有o左雙節棍呢，佢地o既戰鬥力可以話高o左幾倍。 當佢地支棍由「格甩底」出發，一野向你掃過o黎o既時候，就算你避得開：「^^ 嘻…你掃我唔到……」你唔好咁開心住。只要支棍o係你面前一「樣」咋！你一樣要暈低呀！此之謂：「制敵於無形」是也。 你唔好以為只要留意佢邊節棍放過o係「格甩底」就可以避開呢個問題，佢地會不斷舞棍花，令你眼花繚亂，分唔清邊節打邊節，一直舞到兩節都上哂「料」，令你防不勝防……唔係應該係避無可避至o岩。 而且，應付呢D對手，要速戰速決，因為當佢身水身汗o既時候，亦即係佢戰鬥力最強o既時候，慎之慎之，不可不察也！ 正是： 紅藥年年為誰生 同枱食飯有奇人 洪狐潮水浪打浪 未曾夾餸已抽筋 採菊，行完山拿？話口未完，你又過三百o勒，小弟真係望塵莫及呀！仲有李博士光臨，成積真係令人羡慕。 貼「舊野」？得唔得o架？我以前寫果D多數都係長篇連載既，呀！最近經常講鴨屎，我以前有篇係講「避史」既，你睇過未呀？

這類人士！康慈過去都找他幫我地去的講座留位的！每次最少都有九個位！好彩那次會出現多一個他的同類！萬次萬靈！去排隊買演唱會多數都可以買到很前的！不用那些內部認購！其實有很多好處！康慈之前就有一個這樣夠朋友！他後來好像移左民！

康慈 「史上最強既小學生」，唔該你過隔籬玩啦！保你大喇！

你啲跌打味一樣勁！ 鬼叫你說他壞話！用花士令加棉花放入鼻哥窿！就無左味！可以一同食飯談天說地！只要他不自卑及說聲他在那時出現就ok！

……然後o係個鼻哥窿度攞返出o黎，再塞落你個口度就o岩！

「夏綠蒂」 俾Ronald挑起條筋，想唔講音樂都唔得。阿「夏綠蒂」既歌呢，我都聽過，仲曾經想賣過，但係聽落我硬係覺得「莎拉鳥人」把聲仲好聽，(當然大家選既歌都唔同啦！)所以無買到。反而「莎拉鳥人」既DVD我就有幾隻，係爭一隻未賣，CD就買左一隻，佢同胡鬚佬合唱果首：「夠鐘講拜拜」簡直可以用o黎做試機碟。 「莎拉鳥人」o係二千年時o黎過香港演唱，張學友同佢合唱過一曲，張學友把聲一般普羅大眾都話好靚，但係一拍埋莎拉果度，當堂變爛聲，人地唱得輕描淡寫，佢就唱到好似「劏白鶴」，嗌哂救命咁，頸筋都現埋，真係羞家。 講返「夏綠蒂」，有次HMV播緊佢既DVD，有幾名男女揸住隻碟，對住個電視，其中一個睇左隻碟後面既資料，就叫其他人估下「夏綠蒂」有幾多歲？有個女人話：「四十啦！」個男人指住個盒D字俾佢睇：「十二歲開始出碟」，個女人仲要認為：十二歲開始，唔等於依家唔係四十歲。其實當時既「夏綠蒂」好似得十三歲，最多都係十四歲。 雖然人仔細細，但係「夏綠蒂」o係演唱會既表現好有大將之風，一D都唔怯場。如果要比較，我緊係寧願聽「夏綠蒂」都唔會聽「穿屎」啦！

「莎拉鳥人」 文哥,「莎拉鳥人」原本個名係點架? 我都想聽下佢o既歌聲. Charlotte Church 而家應該十七歲啦,佢個樣同歌聲又真係幾似大人...不過話佢似四十歲又真係太誇張啦,其實最多都係似廿零歲o姐.

朗奴，請等一等！好快...

Sarah Brightman 朗努，即係歌聲魅影個女主角。 (慚愧地)小弟譯得唔好，台灣譯做莎拉.布萊曼。

大家好！ 話俾大家知丫，我冇選修果個老師　（　女ｏ黎ｏ既）　的堂，我上佢第一堂時，已經覺得佢解釋得唔清楚，ｏ的例子唔鮮明。同李先生的差好遠。結果我選擇ｓｉｔ　堂，淨係聽下。至於我的同學仔，上第一堂時有如如獲至寶，聽完之後大聲叫好。咁我咪順便陪佢地一齊上ｏ下堂ｌｏ．．． 呢一科可以話係學校最多人想ｔａｋｅ　的一科，每年都坐爆，我ｙｅａｒ　１　果時已經好想ｔａｋｅ，　但現在發現都係不外如是ｊｅ．．ｈｅｈｅ

文兄 你咁快開冷氣o既 ? 我唔識整呢o的野架喎，幫唔到你o刺. 我讀o既係科技，生物科技 ，或者可以解答下以下的問題既: 例如, 1. 依~肥左o既, 點解呢? 2. 食/ 用 電視賣廣告果的美容食品究竟得唔得o架? 3. 嘩，點解o的人可以臭成咁既?! 4. 點解臭會食唔落飯o既? 5. 但坐耐左，又好以冇咁覺啦喎，何解?

好多野講tim 休息左2日，而家好似累過未休息咁。 我今日去左聽小交的<< 最hit電影名曲>> ，好正呀! 今次坐係拉cello 的前面，俾我見到文兄之前提及的奇景!!!! 竟然有個cello樂師拎埋個手袋出o黎! 唔係卦...我個朋友即時話: 個袋一定有o的好重要的o野! 雖然個袋唔係大，但係好怪呀!

講埋先休息 Ronald, Charlotte Church 的歌我都有聽過，佢的賣點咪就係細個lo... ^_^ 佢唱christmas o的歌真係幾好聽o架. 我仲記得佢最初的形象係有o的baby fat tim!

走得快，好世界！ 呀心，夏錄蒂初出道個陣，咪同哈利波特個女同學差唔多大細o羅！ 咁莎拉.布萊曼o既歌你又有無聽過呀？ 近排可能發生好多炸彈疑雲，所以小交個「車佬」樂師拎定個手袋出場，有乜事都可以第一時間走先都唔定。

《羅密歐與茱麗葉之紅藥年年為誰生，跌了落水救誰人》上篇 謹以此故事，獻給我的偶像─────安地 人物：羅密歐、茱麗葉道、慈姑。 場境：卡布雷的大宅，茱麗葉的房間。 紅藥年年為誰生，愛侶家中有怪人。 「入o黎啦！」房門打開，茱麗葉拖着羅密歐的手走了入來。 茱麗葉一跳上床，坐在床上，伸開雙手，對羅密歐微笑道：「點呀？我間房靚唔靚呀？」 羅密歐道：「幾好吖！」隨意望了望，見還有另一間房，便問道：「咦？點解仲有間房既？」 茱麗葉道：「係書房o黎o架！係呢，你飲唔飲野呀？」 羅密歐道：「都好吖！」 茱麗葉大聲叫道：「慈姑！」 只見一個木口木面的中年女人進入房來，對茱麗葉道：「小姐，咩事呀？」 茱麗葉對那女人道：「今日有D乜野飲呀？」 慈姑道：「五十年前，慈姑同牟宗三o係新亞……」 茱麗葉立即打斷她：「你就斟杯咖啡入o黎啦！」 慈姑道：「咖啡係慈姑發明……」 茱麗葉又打斷她道：「得喇！你快D去啦！」 慈姑出了房，羅密歐問道：「邊個o黎o架？」 茱麗葉答道：「工人o羅！」 羅密歐道：「靠唔靠得住o架？」 茱麗葉道：「咩野靠唔靠得住呀？」 羅密歐道：「我無野怕呀！係怕你老豆失驚無神走入o黎咋！」 茱麗葉微笑道：「今日應該唔會既！」 話口未完，房門打開，慈姑送兩杯咖啡入來。 羅密歐心想：「又會咁快既？」 慈姑放下咖啡，又道：「當年唐君毅同李天……」 茱麗葉道：「得喇！你出返去啦！」 羅密歐見慈姑走了，說道：「嘩下！你個工人都可算係極品喎！」 茱麗葉笑道：「係呀！佢幾得意o架！」 羅密歐道：「得意？你唔好黐佢咁多添呀！叫佢自己去隔籬玩算罷啦！」 茱麗葉笑問：「點解呀？」 羅密歐道：「咁仲使問既？一睇就知係黐線o架啦！」 茱麗葉笑問：「你又知？」 羅密歐道：「一睇佢個樣就知啦，我間醫院度大把呀！你唔記得o左我o係邊度住既咩！」 茱麗葉笑道：「唔同你講呢D，你聽唔聽音樂呀？」 羅密歐道：「有音樂聽添呀？又好o者！」 茱麗葉入了書房，不久，書房內傳出一陣鋼琴聲。 羅密歐見茱麗葉出來，對她說道：「咦！蕭邦o黎個喎！」 茱麗葉道：「好野喎！一聽就聽得出，係呀！李雲迪彈o架。」 羅密歐陰陰嘴的笑了笑，當中帶着非常濃厚的不屑成份。 究竟羅密歐笑甚麼呢？明天再續。

阿文哥 阿李生 (彈琴果個) 係咪好環保架?

小花生 何出此言？

啊! 佢唔中意用牙籤呀ma! 不過你係咪佢fan屎?

欠左Ｄ氣分！及簡短左Ｄ！不太像文兄的過去的文彩！兩人入房的時候！如果見到慈姑整理房間！及叫她出去第二度！會有種權威性！及有一種主人家的氣分！有種高貴及重視客人的氣分！

小花生 佢唔係唔中意用牙簽，而係用唔到。你睇埋聽日既中篇你就知。

嫌短？中篇到！ 茱麗葉笑問：「你笑乜野呀？」 羅密歐道：「我笑你部音響o羅！」 茱麗葉奇道：「我部音響？我部音響有乜咁好笑呀？」 羅密歐在凳上坐低，對茱麗葉道：「好！又等你學下野，首先，一聽就知你係用緊部「新力」既DVD機o黎播CD，兼且又配左部「天龍」既DV-601擴音機。第一，用DVD機播CD，本身已經係一大敗筆，本來都仲可以o係擴音機度補救番既，好可惜，牌子唔夾不特止，而且DV-601本身係一部前置既擴音機，聽下夏金城D歌或者用o黎睇戲聽下槍聽都仲可以。咁都仲未算……你等陣先！」 說完拿起咖啡，呷了一口，然後「霞」了一聲，跟住放下咖啡繼續說道：「但係你為左聽SACD時好聲D，o係將個信號處理器升級時，居然俾人換左個DA-400既過期型號，搞到部機再顯示唔到超細微既變化，令敏感度降低，失真率提高。而你為左掩拭呢個毛病，你居然加左個內置RF增幅器，想話排除平衡驅動回路同變頻器既互相干擾。本來呢個方法都好好既，可惜你忘記左一樣野，就係你部DVD同擴音器唔係用數碼端子連接，令到聽鋼琴既時候，經常出現好似有水蒸氣o係面前飄過既感覺。本來用o黎聽下德彪西既都無乜所謂，可惜你依家聽緊既蕭邦……拿！又有嘞！聽下。」 茱麗葉聽了一會，說道：「唔覺喎！」 羅密歐道：「慢慢你就聽得出o架o勒！仲有，你為左死充，居然用個「煲士」既喇叭殼套住對喇叭扮高檔，可惜你咁做太天真喇！因為你無換埋條喇叭線，令到無論o係外貌或聲音，一聽就知係流野啦！而呢個都未算係最大既敗筆。」 茱麗葉笑道：「仲有咩呀？」 羅密歐道：「最失敗既係你居然聽李雲迪！」 茱麗葉不解的道：「又關李雲迪咩野事呀？」 羅密歐道：「要知道蕭邦既音樂，係要彈到：既快樂，但係又要帶一絲憂鬱既，要做到聽似歡欣，但係又要帶點哀愁，悲傷得o黎呢，又要帶點微笑既。就好似o係靈堂之上，孝子們雖然喊到死去活來，但係一諗到有遺產分，諗諗下又會笑返既道理一樣。」 茱麗葉道：「係咁又點呀？」 羅密歐道：「要知道李雲迪錄CD既時候，仲係箍緊牙既，呢個問題會影響到佢唔敢笑，仲連牙簽都唔用得，彈起琴上o黎就變成只得一種表情，呢個先至係聽蕭邦最大既致命傷。」 茱麗葉笑道：「係咩！」 羅密歐道：「咁你話我講得o岩唔o岩吖？」 茱麗葉笑道：「唔知呀？我係用緊部電腦去播既！」 羅密歐一聽，知道衰左，尷尷尬尬的道：「吓……電腦…係咩？」仲想諗下點樣兜得返。 茱麗葉道：「呀，不如唔好講呢D喇！你答我一樣野先吖，好唔好呀？」 羅密歐恨不得立即轉話題，忙道：「好！好呀！你想問乜野呀？我無乜野係唔識答既！」 茱麗葉道：「拿！如果我同我阿媽一齊跌落水，咁你會救邊個先？」 究竟羅密歐會答呢？欲知後事如何？且看下回分解。 (安地，等我抖下先。因為下面D野唔係普通人能夠寫得出，我要培養下情緒先。)

啊 原來係咁! 所以要用手指撩牙!

小花生 佢可能唔係撩牙，而係撩「牙箍」都唔定！

如果係康慈的話！一定話兩個都救！如果她說只可以一果的話！我會話！普通人就只可以救一個！但我不是普通人！救多幾個都可以！

文 好惦，真正佩服！

文 第三集幾時出爐呀? 等到條頸好長呀!:)

文 你o的情緒培養成點呀? 好心急呀... ^_^

康慈 點解你係唔係都用感嘆號o既?

不如你地黎吖！ 你地等下先啦！安地都未急，你地又急乜o者？我都話左跟住既野，唔係一個正常人諗得到o架啦。我要用一九主義，將自己變成一個「純粹既人地」，咁至寫到o架！唔o岩不如你地寫埋落去吖！ 呀心，你唔好啋佢呀！佢癲o架！ 點解你咁快放學o架？

呀心 因為這是康慈的注冊商標！

文 都係因為我太心急lo... ^_^ 食完飯又唔使上堂就上o黎睇睇. 睇完隔離"咩都吹得" 之後, 可能我轉數低，唔係好明康慈寫乜東東。阿文，我都係聽你的建議lo... ^_^

呀心 你唔好再啋佢喇！免得佢成日走過黎呀！拖低哂D質素，搞到無人黎留言o架！ 如果你心急既話，不如你問下阿積，睇下佢點答吖？ 寫我就寫好o架喇！咁我諗住今日出中篇加嘛！咁琴日出左，褪番幾日o羅，好無？李博士D書出得咁慢你地都等得咯，無理由等多幾日都唔等得假，係咪？

《茱羅記》第三集預告篇 一個千百年來無法解答既問題： 『茱麗葉道：「如果我同我阿媽一齊跌落水，咁你會救邊個先？」』 一個令無數哲學家抱憾終生，無疾而終既問題： 『茱麗葉笑道：「好難答係咪？唔怕話埋俾你知，我以前D男朋友都無個答得到既！」』 多少情場浪子、𠝹女聖手最後都因為呢個問題而鬱鬱寡歡，轉行做左哲學家既問題： 『羅密歐心想：「慘…原來佢仲癲過我。」』 一個耶穌都唔識既問題： 『茱麗葉大聲道：「唔得！！！」』 一個令救生員都答唔出既問題： 『茱麗葉大聲道：「咁救邊個先吖？」』 布局離奇，耐人尋味 究竟羅密歐會點答呢？ 扣人心弦，抖唔到氣 . 『…我就黎黐線架喇……』 劇力萬鈞，萬勿錯過，天地動容，勢必轟動 敬請留意，上影日期 ——快　將　推　出　！——

就快到三百點喇！努力呀！ 呀心，你去左邊呀？個價位又跌喇！ 你知唔知呀，呢板野好多猛人睇o架！遲下呢度摺埋，港台可能會有頒獎典禮，我睇我地「卡食」呢板，應可獲最佳音樂同最佳服裝既提名o架！

很期待！很期待！很期待！

.\ /. 彈開啦~~~~~~~~~~~~~！ 唔該~~~~~~~~~~!!!!!!!!

文 你同康慈有過節架?^^

因為我有很多事情都對不起文先生的！[因為康慈不是甚麼好人！]

康慈 哈! 你拋棄左佢呀? 唔怪得佢要唱果首咁慘情既歌law! 文哥, 你好可憐啊!

〒 死神是康慈的知己！康慈去到那裡！眾人都會退避三舍！因為和康慈結緣！必有所失！

牙齒印 --- Music 開始 小花生：// 你同康慈有過節架?^^ // 實情係同十三點有過節。康慈只係代罪羔羊！ 係o麻？阿文兄？

十三點 (-_-)你終於都肯「現身」！

一秒救人，半秒殺人！ 紅藥年年為誰生？ 為伴十三點此人！ 率性多口招橫禍， 康慈變作香塚魂！

哈!哈!哈 紅藥年年為誰生 網上造謠有衰人 頻頻改名玩分身 哈哈大笑是阿文

前世今生 --- Music 要繼續 阿文兄，你想點丫？ 奉陪到底！ 不過今日好忙，有乜野你就講低，我盡量解你心結啦！

o下，原來係 ... 紅藥年年為誰生？ 造謠不是多口人！ 嘻哈玩樂本原意， 怎料文兄嬲左人！

熱烈祝賀 樂人戲院隆重開幕 鴻圖大展 駿業宏開 採菊率領"咩都吹得"一干人等同賀

心結？哈…… 哈哈…唔…唔好意思，十三點兄，你真係幽默，小弟一聽見「心結」兩個字就想起平時同網友吹水講起「分身怪」既內容。忍唔住就覺得好笑。再諗起佢之前連續幾個留言無人啋就更加……更加(忍笑忍得好辛苦)…哈…覺得好笑。當然是「玩樂」啦，所以小弟才會經常哈哈大笑… 小弟雖然唔係好忙，但係同各位網友有講有笑，真開心，仲得閒出黎見下面，一樂也。奉唔奉陪都要睇緣份既！小弟暫時都係想…想……想笑呀！哈!哈~~~~~唔好意思。^^你坐下先... 採菊！我仲以為你唔記得o左呢度添。多謝哂！小弟一於奉上小弟負責策劃既中樂晚會現場錄音CD一隻，敬希笑納！就等令兄下次再光臨「寒舍」時雙手敬上，最好就係閣下一齊大駕光臨啦^^。 首場猛片即將上影。

《茱羅記》下篇 白菊何需三度折，情話何用太認真？ 羅密歐不料茱麗葉會有此一問，一時不知如何開口。 茱麗葉笑道：「好難答係咪？唔怕話埋俾你知，我以前D男朋友都無個答得到既！」 羅密歐拍心口，豪氣的道：「你放心啦！我第一個一定救你先既！」 茱麗葉道：「唔得！仲有一樣野未曾話你聽，我係好錫我阿媽既！」 羅密歐道：「咁又有乜難啫！我會救你地兩個先。」 茱麗葉道：「咩野救兩個先呀？我就係問：兩個人，你會救邊一個先呀！」 羅密歐道：「我咪話救你地兩個先o羅！就等於有一百個人跌落海，你問我會救邊個先？我就話救你地兩個先o羅！」 茱麗葉道：「咁你不如話，一次過救哂一百個人上黎？」 羅密歐道：「哦！咁又唔得喎！因為同一時間係唔可以救哂一百個人個喎！ok？」 茱麗葉道：「咁同一時間又點救到兩個人呀？」 羅密歐道：「哦！咁又唔係喎！拿！我有兩隻手o架，ok？咁我咪一隻手救你，另一隻手救你阿媽o羅，ok？」 茱麗葉道：「咁唔一定兩個人都o係你面前加嘛！如果係咁近，我地自己爬返上黎就得啦！使乜要你救o者！」 羅密歐道：「咁又唔得喎！如果你係我面前，你阿媽就無雷公咁遠，我就緊係救你先o架啦！ok？」 茱麗葉道：「咁就緊係唔會爭咁遠架啦！總之兩個人都o係你面前，而你又唔可以同時救到既！」 羅密歐心想：「慘…原來佢仲癲過我。」說道：「咁……咁…咁我會救自己先！」 茱麗葉道：「點解呀？唔明！」 羅密歐道：「因為我自己都唔識游水，所以我首先要救到自己先，然後再救你地兩個。Ok？」 茱麗葉道：「唔得！你自己唔算既！」 羅密歐道：「咁我咪一隻手救你，另外伸長隻腳俾你阿媽咬住，然後拖佢返埋黎，咁咪得o羅！ok？」 茱麗葉不滿的道：「咬你個頭呀！要逐個救既！」 羅密歐笑道：「哈哈……咬我個頭？好呀，黎吖，拿！俾你咬吖！」說着低頭將個頭殼對住茱麗葉。 茱麗葉一掌拍落羅密歐個頭處，厲道：「唔准笑！正經D！」 羅密歐摸住邊頭，心想：「唉…死啦！早知問埋D咁既野，我就唔黎啦！」說道：「拿！就咁既！我會用「賦能進路」，我要睇返我當時既狀態，同當時既環境，水流、水深、風勢、有咩裝備呀咁，所有既問題，到時自然會有最恰當、最滿意既解決，可以迎刃而解。同埋，漏左樣好重要既野未講：緊記「神密樂觀」，總之，到最後總會圓滿既！ok？」站起身說道：「喂！不如出去行下o羅！」 茱麗葉開始提高聲線：「坐返低！唔淮行呀！你依家就用你既「賦能進路」答左我既問題先啦！你依家答唔到，到時都唔使你救喇！」 羅密歐一本正經的道：「拿！就咁。有一種至高無上的純思態度……」 茱麗葉大聲道：「唔淮講呢D！」 羅密歐唔理咁多，繼續道：「我們——泛指宇宙間一切有思想感情……」 茱麗葉大聲道：「你仲講下嘛！你咁樣即係答唔到啦！」 羅密歐心想：「死o勒！睇黎又要出絕招。」說道：「我唔係答唔到，我未答o者！ok？」 茱麗葉道：「咁你依家答我吖！」 羅密歐道：「哦，就又唔得喎！總之我依家唔係唔識答，而係未答！我一日未答都仲係識答，我答左之後由果一刻起，先至係唔再識答！」 茱麗葉道：「你講咩呀？」 羅密歐道：「拿！就等於有個博士發明左一種盒，叫住X盒先，ok？，佢能夠打開哂佢所造既盒……」 茱麗葉道：「你唔使整蠱做怪呀！你快D答我救邊個先？」 羅密歐道：「咁咪睇下到時邊個跌落海先o羅！」 茱麗葉道：「如果兩個一齊跌呢？」 羅密歐道：「咁咪睇下邊個開聲叫我先救佢先，我咪救邊個先o羅！你地唔講清楚，我點知你地係咪跳海游水既o者！至於邊個開聲先，呢個就係你地兩個人既事o羅！」 茱麗葉道：「如果兩個一齊開聲先呢？」 羅密歐道：「咁咪睇下邊個大聲Do羅！我又有少少撞聾既……」 茱麗葉道：「咁如果兩個都一樣咁大聲呢？」 羅密歐道：「咁我咪兩個都救o羅！ok？」 茱麗葉大聲道：「咁兩個救邊個先吖？」 羅密歐大聲答：「兩個一齊救！」 茱麗葉大聲道：「唔得!!!」 羅密歐大聲道：「點解唔得？！」 茱麗葉道：「都話o左唔可以一齊救咯！」 羅密歐道：「拿！我唔係差倫住你……」 茱麗葉大聲道：「咩話！！！」 羅密歐道：「我……我話，我唔係叉能廚你……」 茱麗葉喝道：「仲講！」 羅密歐道：「我……我…想話，點解你就乜野都可以一齊，我就唔可以？」 茱麗葉道：「依家係我問緊你，你答左我先！」 羅密歐道：「咁依家大家都有野問，應該邊個答邊個先呀？」 茱麗葉道：「緊係你答我先啦！」 羅密歐道：「點解呀？」 茱麗葉道：「無得解！」 羅密歐道：「咁答乜野呀？」 茱麗葉大聲道：「救邊個先呀？」 羅密歐大聲道：「都話左兩個都救咯！」 茱麗葉大聲道：「咁救邊個先吖？」 羅密歐大聲道：「兩個一齊救o羅！」 茱麗葉大聲道：「都話唔可以一齊救咯！」 羅密歐大聲道：「點解唔可以呀？」 茱麗葉大聲道：「都話無得解咯！」 羅密歐哭喪着面的道：「咁你想我點答吖？」 茱麗葉道：「唔知你喎！」 羅密歐苦着面道：「咁咪係o羅！你自己都唔知想點？拿！咁啦！總之我應承你，我發誓，救邊個先都好，總言之，到最後我兩個都會救到啦，好唔好？」說着豎起三隻手指，要指天起誓。 茱麗葉道：「唔好！」 羅密歐無哂辦法，垂返低對手，雙眼翻白，劈開個口，狀似一個末期癌症病人：「……………」 茱麗葉道：「咁你即係答唔到啦！」 羅密歐道：「啊！咁又唔係喎！我一早就話左我係無野答唔到個喎！你話我答唔到，即係有邏輯矛盾，既然有矛盾，咁你既問題可以自動取消。Ok？答完。」 茱麗葉厲了他一眼說道：「你至蟊呀！我都知道無人會答得到o架喇！」 羅密歐道：「啊！咁又唔係喎！不過咁，我都認為你之前既男朋友，無一個會答到你呢個問題既！」 茱麗葉道：「哦！唯獨是你就答到!？」 羅密歐忽然醒起一樣野，問道：「咪住先！你識唔識游水o架？」 茱麗葉道：「識吖！」 羅密歐道：「咁你阿媽又識唔識呀？」 茱麗葉道：「都識吖！」 羅密歐大聲道：「咁咪係o羅！有乜理由兩個識游水既人，要一個唔識游水既人救o架？」 茱麗葉道：「咁就假設我同我阿媽係唔識游水，剩係你至識游，咁得唔得吖？」 羅密歐道：「咁又假設我有辦法可以同時救哂你地兩個，又得唔得呀！」 茱麗葉大聲道：「唔得！！！」 羅密歐無哂符，說道：「拿！咁o勒！我覺得咁樣好唔公平，因為我都唔識游水，唔係幾代入到你呢個問題，依家點講都好，都係得個講字。不如等我學左游水，再學埋拯溺，然後再返黎答你呢個問題，咁樣好唔好呀？」 茱麗葉道：「咁使唔使要我同我阿媽一齊跳埋落水等你投入D呀？」 羅密歐：「總之…總之你死親我就陪埋你去死啦，咁得未呀？」 「轟隆~~~~~~隆————」(行雷閃電) …………………………………………… ————完———— 正是： 紅藥年年為誰生 偷入豪宅會佳人 茱女扭計發爛渣 歐郎呻笨五內焚 附註：( °一＿－° )安地，唔好意思，呢篇野我都係寫唔到落去；唯有就此草草收場，因為…因為…我發覺我…我就黎黐線架喇……

好野! 拍拍手!

這編野要找美麗姊姊才能寫落去！因為她也問過康慈這個問題！那時康慈最後給她們救左及飲了很多水落肚！

多謝賞面 小花生，招呼唔到，飲多杯啦！

Once upon a time --- 細數從前 紅藥年年為誰生 千般萬樣網中人 康慈十三非一體 莫要錯去枉追尋 紅藥年年為誰生 十三本是惜花人 當日「智者」少人去 多口攪鬼招網魂 紅藥年年為誰生 智者遊俠有幾人 奇文間有深沉意 毋用相迫再追魂 紅藥年年為誰生 落花自是倍慯神 君看世事渾如昨 煩惱皆因心染塵

<<明日之歌>> 我要你為明天歌唱 我帶著淚珠切切盼望 我去了我去了 明天的花兒一樣香 我去了我去了 明天的太陽一樣光 我要你為明天歌唱 我帶著淚珠切切盼望 分別了分別了 明天的美酒你獨嚐 分別了分別了 明天的歌由你獨唱 為了我們明天難相見 此恨綿綿問蒼天 把枕邊細語 一句句記在心田 對明天陽光 一聲聲引吭向前 明天明天 我們在夢中再相見 啊... 我要你為明天歌唱 我含笑留下這篇詞章 忘了吧忘了吧 明天不再是哀傷 記住了記住了 明天是充滿希望

Music --- 唱歌 la 紅藥年年為誰生 賞花自是當凡人 多情種子生地上 莫作妙玉強出塵

classical Music Get back to music. Need some help. Anyone can suggest a song for my wedding on 28 March in London. My fiance likes Bethoveen, Wagner and Pink Floyd. I am a beginner in classical music, prefer Verdi and Pucinni. We are sort of the oldies but want something too conventional. Thanks.

各位 近日來有咩正碟呀介紹下比我尼粒花生仔呀? 請請.

十三點 (手指指) 啊! 你誨淫!

L K though you love those composers, i strongly suggest the song "Canon in D major" by Johann Pachelbel. The song is really sweet for a wonderful wedding! bty, congratuations!

我都仲係到ge ^_^ 好好睇呀! 不如....不如.... -_-...不如講返多o的classical music 啦...... 費事又有o的乜乜事件啦.... quality 總比 quantity 好o既 hehe 呢個叫classical music 丫麻，點同 " 咩都吹得"比丫.... 依，有乜猛人呀? 介紹下啦. 採菊，文兄，有冇o的好的音樂介紹畀大家咁呢?

有誰鍾意 1.作曲家Alexander Scriabin 2.鋼琴家Horowitz 3.Horowitz彈的Scriabin好正 沉郁,有味道

呀心 I like Canon very much too, especially a small part in between;I don't know what it is called, but I heard in "my sassy girl" that that part is called "George Washington's song".

呀心一到就熱鬧返！^^ 沙拉布萊曼將貝多芬既第七交響曲慢版，改編成果首歌都好有味道o架！ 貝多芬既鋼琴奏鳴曲有人會分為兩款，一款係有標題既，如《月光》《悲愴》等等，大家應該好熟，另一款較少人提及，係最後果幾首，如編號90、101、106、109、110、111等等，較為有深度，小弟尚未領略到，唔知採菊可否補充下？ 呀心，我又想講下日戲既音樂，有邊齣你特別覺得好聽o架？ 同埋你上次介紹果個網頁會問我收錢既？嚇到我「單撈」緊都即刻撤退。 呀心，小弟要返歸，你頂住先呀！

朗勞 有無聽過沙拉布萊曼既歌呀？

文哥 你係唔係指Sarah Brightman? 你提過o既"time to say goodbye" 同 "the phantom of the opera"都有聽呀,真係冇得頂. 你提貝多芬o個兩首"Appassionata"同"Pathetique"我都有聽過,好正....不過仍然只係停o係聽完之後"淨係覺得好正"o既階段,希望文哥可以指點一下.我其實都係因為文哥你之前極力推薦呢兩首piano sonatas先走去搵黎聽,覺得真係冇介紹錯. 另外,我覺得Sarasate o既"流浪者之歌"(Zigeunerweisen)好有"feel",如果失戀o個陣,或者身在他鄉時聽,真係好"攞景"架...不過最後都係歡樂收場o既.

Moonlight先係"月光" 不過"Appassionata"都好正.我聽過o既版本之中,Vladimir Horowitz彈得最得別,雖然唔知佢係邊個.當然我唔知佢地咁多個演奏者技術上有乜唔同啦....

L K, 如果要搞婚禮，合唱我會選用貝九的"快樂頌"部份，但最好詩班會德文的讀音． 如果有懂音樂的友人，我會請他把"快樂頌"改編成不同風格的一連串儀式音樂．那個婚禮可以叫做"快樂頌"婚禮．

小花生 必聽－－ 雨果的"吳門琴韻"(上)．

正版貨與盜版貨 在這個經濟低迷的年代，我們是否一樣去支持正版貨？或者對自己說：經濟低迷，可以賣盜版貨？ 例如：ＣＤ　或者　ＴＶ　ＧＡＭＥ

衣食足而知榮辱 為保障生存權,必要時可使用盜版貨.

經濟好的時侯亦不見得無人買盜版貨。

好難唔用盜版,但係用盜版係一回事,大大聲聲話用盜版係正確又係另一回事.

Sarah Brightman? 無錯！逐個傾！ 嘻嘻！朗勞哥，您真係客氣，指點呢！小弟就無資格o勒！不過聽音樂o架野呢！至緊要係用心聽就得o架o勒！ 《夠鐘講拜拜》呢首歌，開頭段音樂一出就已經好吸引，我經常用黎當試音響咁播俾朋友聽，個個一聽即時眼都發光呀！跟住歌手一開聲：「傻咯傻咯…」如果係睇音樂會，呢首歌通常放o係最尾，歌手一宣報歌名已經先黎一陣掌聲，跟住音樂一起，再黎多次掌聲，一：「傻咯傻咯…」又黎多次，若果有人合唱，到男聲：「傻咯傻咯…」再一次掌聲，好鬼熱鬧。再加上莎拉布來曼果種「入戲」既眼神，點到你唔攞錢出黎買？ 仲有！之前講莎拉布來曼改編貝多芬第七果首歌，阿莎拉把聲就唔使講啦！但係首歌開頭果段鋼琴獨奏都可算一絕，我聽親都希望阿莎拉唔好咁快開聲住，當然，佢一開聲，又會將你既注意力吸引過去啦！你真係要搵黎聽下呀？ 貝多芬有標題既鋼琴奏鳴曲當然仲有：《華達斯坦》同《熱情》啦！我都唔係好記得之前介紹過，剩係記得介紹莫扎特既鋼協二十、廿一，等我睇返下先。其實貝多芬呢幾首奏鳴曲都好容易觸動心靈，你可以聽下《悲愴》既第二章開頭果段，真係好入心入肺。 在下以前行二手CD鋪，見到一隻叫做：《喬治溫斯頓，十二月》既純鋼琴CD，個老闆話係「極品」，要賣成五十蚊一隻，二手CD黎講，都算貴價，因老闆知道係正貨，唔愁賣唔出，所以都肯「高價」入貨。正價好似要過百蚊添。 在下曾經錯過俾人買左，所以又見有貨時，立即買下，個老闆話：「我最鍾意聽第九首。」咁我就返黎立即聽下第九首，我以為全部都係新作既鋼琴曲，點知一聽，「咁熟既？」望下目錄，寫住：《巴海貝爾的卡農變奏》。所以《我的野蠻女友》稱之謂："George Washington's song"可能就係咁解o勒！ 呢一類音樂，現時名之為：「新紀元音樂」，好似日本既「喜多郎」、希臘既「贏」等等，都撥歸呢一類型，而鋼琴當中，「凱文柯恩」可算係當中既表表者，佢果首《經過叢林》經常被電視台用黎做背景音樂，只要o係任何場合一播咋，保証有人會查問。我都係咁買返黎：「請問依家播緊既係邊一隻呀？」首曲收錄o係佢第一張CD《綠色花園》入面。(其實應該譯為《銷魂花園》更o岩，可能係隻CD封面綠色既關係，故有此譯。)保証你初頭會一聽再聽，好似撞左邪咁。 「凱文柯恩」既曲多數都係佢自己作，非常憂雅，脫俗出塵，有些寧靜得來略帶點孤獨和傷感，傷感得黎又會有種撫慰、溫暖感，唔係果D「慘喇！慘喇！阿珍唔要我喇！嗚……」果種。如果你身在他鄉失戀既時候聽呀！簡直就係「如虎添翼」。好過聽埋哂D乜野《牛精花園》呀！「仔仔」呀！你嬲下我；我嬲下你，有好人唔做果D咁既野！ 以上譯音，唔使諗呀！保証有錯，你就當燈謎咁去猜啦！^^ 好！同你講得太耐o勒！下一位： ___________________________________________________________________ 採菊，雨果最初成立時我就有買佢地既CD，錄音就真係發燒級，但係演奏家就未必粒粒都咁正。你講果隻碟「吳門琴韻」我都有，不過一借俾人就無回頭，依家得返張書簽。不過你叫人聽古琴，會唔會高難度左D呀？唔通小花生係古琴高手？ 教徒結婚o係教堂行禮，好多時都會選《快樂頌》，又好多時都係唱中文版，好似係咁唱：「快樂快樂，我們快樂……」 採菊你咁講究，你結婚時記得請埋我去觀禮呀！ ____________________________________________________________________ LK，首先就恭喜你先，結婚呢樣野黎講呢！音樂你可以揀以前無線《民間傳奇》果首開場音樂，曲名好似叫甚麼…《得勝令》咁既！請向採菊求証。歌黎講呢，可以揀果首：「齊歡唱，同慶賀呀！……」都幾有氣氛既！尤其是抱住個新娘黎唱個下，真係好有氣勢兼感動到震o架！ 不過千祈唔好搵香港中樂團黎即場演出，就算唔使錢都唔好制，切記！切記！ 如果你想話：「唔係喎！我想搞下新意思喎！」又得！你可選擇「夏金城」既《王小虎大戰火雲邪神》、「李小龍」《龍爭虎鬥》既主題音樂(強烈推薦)、《食神》入面由「莫文尉」主唱既《陸小鳳》、「黃品源」既《你怎麼捨得我難過》、「鄭少秋」既《楚留香》、「林子祥」既《男兒張子強》呀…唔係，係《男兒當自強》至o岩、由「採菊」領唱既《莫扎特與薩列里之戰》等等等等。(後旨聲明，以上純屬講笑^_^) ____________________________________________________________________ 呀心，你咁鍾意聽《卡農曲》咁你有無聽巴哈既《G弦上的詠歎》呀！ 同埋，呢度猛人就無o勒，不過可能有人又要改名o者！唉！做人做得咁辛苦，不如去聽下香港中樂團表演好過啦！ 一鞠躬、再鞠躬、三鞠躬…… ____________________________________________________________________ 下面段「下篇」錯字百出，各位看官「欣賞」時，請自動用腦賦能去更正，謝謝！^^同埋裏面部份內容例如：「X盒」、「咁又唔係喎？」、「唔係唔識答；而係未答！」等等，係要參加過一個網外聚會才會知道講乜既！總之，安地就一定明白啦！

唔用盜版會死嗎?必需品乎? 記得有人曾譬喻過，是否因我們買不起benz所以去搶或偷一部來用就變成理所當然了? 不過，另一方面，本人倒是不會忽視盜版的市場力量的。

真係羞家 朗勞哥，唔好意思，一掟上黎就發覺搞錯，我話『呢一類音樂，現時名之為：「新紀元音樂」』係指「喬治溫斯頓」既鋼琴曲，並非指果首《卡農曲》。^^

給各位new age music 愛好者 http://www.pbc.com.tw/first.htm

eeeeeeeeeeeeeee 記住click入觀音心咒, 好好聽架^^

讓我們一起打擊正版!!!

路過 順便一爭鬆金水落水

絕非路過的 坦白說, 有時夜深人靜, 當一個人獨處時, 我會有點兒害怕, 有一日, 海關的人會按我門鈴....

! 文兄,我真係比你笑死.你至係我既偶像呀!!我依家識答果條問題喇(不過唔知有咩後果!).:-)

>路過的 某類使用盜版人士, 如過客講果種大 大聲聲話用盜版係正確既人, 真係會 認為盜版係必需品. 我只係轉述以前 所見所聞.

謝幕！(^ο^) ／ v (^。^) y好野！李博士終於肯黎捧場喇！ 羅密歐、茱麗葉、慈姑：「多謝李博士、安地捧場，恭喜發財！」 ＼ (^ ^＼ )(^o^)( ／^ ^) ／ 慈姑：「五十年前！慈姑o係利舞台隨戲登台！關德興同唐滌生都有黎捧場！慈姑當時同他們合照一張！相片現放在香港電影資料館！當年戲票賣三毫子！並且有蔗送！慈姑最喜歡食麥芽糖………」 同場加演：《魔誡再現身》 魔 誡 ↓ 0(‵′)======O*(>_<)}}

最好的婚禮就是不用婚禮也能成親． 互愛互諒一生一世． 凡"禮"都很麻煩．尤其是十分公開的． 想起乜禮勿禮就十分累人．籌備任何禮儀都頗浪費時間． 或許最沒信心的是旁人，大家都要看著禮成才覺得心情踏實．但旁人絕大部分都是不勞而享的． 幸而到死時，主角終於可以不勞而享一次了！同樣地禮成了也只是讓旁人的心情踏實吧了．

茱麗葉問羅密歐：「如果我同你阿媽一齊跌落水，而你只可以救一個，咁你會救邊個呀？」 （答案一）羅密歐：「我會救我阿媽，然後同妳一齊死。」 （答案二）羅密歐：「我會救你，然後同我阿媽一齊死，咁我o既家產就可以俾晒妳。」

你係咪講緊我呀? 我沒有講過用盜版係正確, 我亦知道當人人用盜版時的後果. 只是當價錢差異太大時, 我會選擇買盜版. 一套DVD正版電影要$200, 盜版$15. 正版pc software 幾千, 盜版$20. 我買不了幾多套正版, 但可以買很多盜版. 當然, 不用問了, 不買那隻盜版是不會死的, 那也不是必需品. 我的心理大概是, 用膠袋對地球有害, 去超市不用膠袋也不會死, 也不是必需品, 但人人就是為了自己(方便), 結果就是今日的情況. 這不是找個藉口去令自己心理上舒服一點, 我只是想鄙視用盜版的人, 知道多一點用盜版人的心理.

預告 阿採菊，講講下婚禮音樂，做乜事咁感觸呀？你隻大藍籌琴晚又停牌，你地係咪有外展呀？行夜山呀？ 一口氣講左咁多音樂，又講返D實際野先。話說《聊齋》果晚(見之前的留言)聽人講起「桑拿」。又加上果幾日小花生好興奮咁講「男乳」，我就想到一D好實際既野o勒！請睇《恐怖》2

金水: 左慈唔係話你,只係借用我所講的, 從你幾次留言都知道你話一齊打擊正版係戲言, 盜版我都有用,無謂或者用黎玩既盜版軟件我都掉左,留翻幾只有用的,有時有些朋友講起打擊盜版這個話題,我都唔係咁敢出聲. 其實我唔想一代差過一代,好驚下一代用盜版既會大大聲,反而支持正版既好似做緊虧心事咁就唔好啦!

複製技術發展到呢個地步，係咪代表某種行業需要進行一次革新？堅持保留現有嘅作業，或賺錢形式，真係正確？ 絕對明白盜版嘅禍害，明白正版嘅苦況，我今日仲會支持正版。但難保日後，或十年，或五年，一次消費模式嘅革命會爆發。

曾經用過的標準 覺得物有所值的，買正版； 覺得不是物有所值的，買盜版； 其實，人們買正版的動機中又會否隱含了一種虛榮心理？

兩個差佬(真事, 但與本討論沒多大關係 :P) 一日, 有名小販在賣冒牌addidas 風褸, 物料還不錯. 兩名軍裝差佬經過, 目視了小販一會, 問他: 是正版還是冒牌貨? 小販大概預計要被抓了, 但還是硬著頭回答: 可能是正貨吧? 差佬拿起一件看了又看, 問:如果我買, 要幾多錢... 最後, 差佬拿著一個紅色買"食送"膠袋繼續得bit(?), 裏面有兩件免費的風褸. @@

係"...繼續行bit..."先岩

以香港的執法水平來說,用盜版仍是很安全的,好少情況會被起訴,如果樹大招風就好難講. 怕被起訴唔係用正版既主要因素,原則先至係主要考慮!

Wedding Music L K: Congratulations on your wedding! I would suggest the second movement (adagio) from Mozart's Clarinet concerto (K622).

我冇跟開條thread架……純粹同死人賣廣告 EMI o岩arm arm出左Nathan Milstein既DVD !!! 裡面有Paganini既Caprice No.5、No.11、巴哈既Partita No.2:V Chaconne、No.3:I Preludio唔在講，仲要有Milstein既Paganiniana﹗﹗ 係HMV賣緊一五九大元，其他地方可能仲平d，真係抵到爛。係Paganiniana裡面，Milstein既高超技巧表露無遺、真係連阿卡度既版本都比唔上呀~~ 而巴哈既Partita No.3就正到無論，水準同Heifetz比可以話係過之而無不呀~~~ (下刪fans式尖叫一千字) 可惜既係Mozart既concerto只係得第五小協既第一樂章，冇我最鍾意既第四小協同第五小協既第三樂章 Milstein既愛好者快d去買喇 P.S.如果見到邊度平過159唔洗講我知喇…… $_$

又一個星期啦. 文，<<卡農曲>> 我真係好鍾意，尤其是只係得2個violins 或者係violin + cello 拉的。 air on the g string 當然鍾意啦。呢首歌有個故仔架喎，你有知唔知呀? sarah brightman 唱的歌我聽得唔多，有邊首可以介紹下o黎聽? 講開歌劇，我超喜歡miss saigon 的歌呀! phantom of the opera 同 music of the night 都 好喜歡! 另，我冇睇日劇架。(係咪覺得好奇怪呢....), 不過，都想聽下你的介紹 ^_^ 小花生，你講果o的真係都叫 new age music ? 其實我唔係好清楚咩係new age music呀, 可否介紹下呀?

邊個轉左名呀? 點解我一o的都唔覺ge? 畀o的tips... ^_^

冇可能要$ 架喎... 唔使$ 架! 大家去多次啦。o的歌係百聽不厭! http://artists.mp3s.com/artists/149/rococo_string_quartet.html

文哥如數家珍,佩服 呢兩日忙於考試,冇時間唔該文哥講左唔少貝多芬同sarah brightman o既野. 你講音樂就好似如數家珍咁,得閒真係要同我地分享一下呀.你並非o係呢度推介"pathetique"架,而係o係另一d場合,所以我同你都有過幾面之緣架. 講開考試,今日去左考一個叫IELTSo既英文試,個考官問我最鍾意聽邊首音樂,我即刻諗起文哥o既推介,哈哈,"pathetique"(不過個名都幾"繞口",其實Beethoven都唔易讀) 呀心,Sarah Brightman都有唱the phantom of the opera o既歌呀, 勁~

一劑過 文哥及小花生 １）個friend借唱片無回頭，若果你有錢又買得番，咪當係好曲贈知音囉！ ２）無錢結婚，乜都唔搞，最好方法就係將責任推卸比"旁人"也，反正又無指明邊個．"拿我真係好唔想搞架，成班樂人網友幫我做見證！" ３）諗諗下我又想搞個風光的葬禮，到時要有合唱團唱莫的安魂曲，同場加演文哥的莫笑傳，觀禮要收錢，收到撥捐樂人戲院贊助駐院藝術創作．（見此留言又識我的音樂界友好麻煩預留時間，尤其百搭蘇師公，我指明要你，票房保證，至少唔會鬼影都無隻，拿唔好托我手肘！多謝！） ４）早幾日見你地討論咩夏綠蒂，前日買左張乜都有的碟返去聽，其中就有一隻係佢既，嘩原來好正！但我第一次聽佢，唔識買，不若等家兄拜訪府上時，你借埋一隻入門碟比我好無？（放心我會還，嘻，最多翻版後還．） ５）感覺上古琴好合小花生聽（純感覺咋），小花生，如果你無的話，有機會我就翻版一隻比你！前幾天見到雨果老闆易有伍，佢話到而家仲成日聽的，我估果張野係佢最中意之作掛．（嘻嘻海關勿現身，仲有小花生我上次的電郵你收到未？） ６）我唔係個個都介紹琴曲架，如果係康慈呢ｄ咁趣怪既，我會介紹杜煥的"爛大鼓"和"陳二叔"比佢.． ７）至於我呢，百聽不厭的仍舊係"帝女花"，現場睇左成十次，我在這裡第一條留言也講過，現時仍舊推薦！

ronald 你就好啦，俾人問o的你識既野。我都將會考ielts呀，都驚緊佢問的我唔識的野。我有個同學去考，個考官叫佢講下係香港會見到的動物。-_-||| 跟住會發現自己的動物生字表裏面有 : birds( 唔知乜birds)，dogs ( 唔知乜dogs...) etc...

洪爺到 洪子，乜你呢個「人肉古典音樂百科全書」咁遲至加入呀？先介紹你識呢度既台柱——呀心！同你一樣，都係(人見人愛既)小提琴高手，你地得閒要多D切搓下呀！ 米爾斯坦既DVD我去HMV睇過，有我心愛既莫扎特小提琴協奏第三既慢板，剩係聽呢一首同巴哈既曲就已經唔食飯都要買啦！ 阿朗勞，你識咁樣答個考官，實「趴時」啦！乜你見過我o架？我好少講音樂，最近講過《悲愴》應該係零二年既三月二日星期六o係中大，唔通你係……請問你仲有無一個可以令我記得起你既大名呀？

採菊 多謝你呀! 你燒隻古琴我, 我又燒隻心水過你呀! 咁大家就都會好happy架啦! 你既依貓收到啦, 會盡快覆你, 你唔好急呀! 仲有呀, 原來你有個細佬架, 哈哈, 我起晒你底啦! 你驚唔驚呢?

文兄, 嘩，完來你先係猛人勁人丫. 你成日去演講o架? 仲要係講音樂tim. 小妹真係唔敢走開，要跟大家學下o野先得!

洪子, 好想知道你對Paganini o的曲有乜睇法

文哥同呀心 對上一次見到你係今年二月三日.我諗你見到我就會認得我,哈哈. 呀心,咁你要努力啦.做reading o既時候要睇清楚instructions呀,唔好攪亂"yes/no"同"true/false",我就係冇睇清楚白白冇左幾題o既分數.你朋友又真係有d唔好彩...不過我諗好多香港學生(包括我)對香港動植物都冇乜認識,所以即使呢條問題可以用中文答,我諗都唔會答得太好.其實內容o係IELTSo既speaking入面唔會太重要,不過佢地會睇你詞彙量夠唔夠多.如果佢問你關於動植物o既問題,你淨係識講dove同rose的話,又講唔到佢地有乜特別,咁vocab就唔會太高分啦.不過佢唔係淨係睇vocab,所以只要表現到你能夠有效咁用英文同人溝通,就唔使太驚.祝你好運~

唔敢當！ 呀心，你千祈唔好誤會，我並無經常去演講，更唔會去講「講音樂」。呢度既顧曲、採菊、洪子、羅拔臣、朗勞同埋你等等等等至係猛人，你地要多D親近親近至o岩！ 關於轉名既問題呢，就唔係呢度講o勒！一來免得有人又發癲，又o係度生安白造、搞D破壞李博士名聲既言論出來，到時又要麻煩網編去刪除。二來我又費事辣興D癲佬，搞到佢一見我個名就嬲到出煙，血壓狂升、心臟狂跳。而我見佢咁嬲，又會有D惡意快感，開心到出煙，血壓狂升、心臟狂跳。 第日有機會至同你詳談啦！好好笑既，你可以o係度搵返我開既題目：「李博士呀~~~~~！」就會見到少少後遺症o架o勒！，我名之為：「癲佬(俾人)鏟後失調症」。 採菊，令兄印了幾份唐滌生的曲詞給我，請問你可否「整」D唐滌生編撰的粵曲俾我呀？聽日吖，我會見到令兄呀。仲有呀！你有無南海十三郎編既粵劇CD呀？

心照不宣 (^^) 剛剛聽phantom of the opera 裏面的 all i ask of you , sarah 有份唱的, feeling good! Raoul (Cliff) No more talk of darkness, forget these wide-eyed fears; I'm here, nothing can harm you, my words will warm and calm you. Let me be your freedom, let daylight dry your tears; I'm here, with you, beside you, to guard you and to guide you. Christine (Sarah) Say you'll love me ev'ry waking moment; turn my head with talk of summertime. Say you need me with you now and always; promise me that all you say is true, that's all I ask of you. Raoul Let me be your shelter, let me be your light; you're safe, no one will find you, your fears are far behind you. Christine All I want is freedom, a world with no more night; and you, always beside me, to hold me and to hide me. Raoul Then say you'll share with me one love, one lifetime; let me lead you from your solitude. Say you want me with you, here beside you, anywhere you go, let me go too, that's all I ask of you. Christine Say you'll share with me one love, one lifetime. Together Say the word and I will follow you. Share each day with me, each night, each morning. Christine Say you love me ... Raoul You know I do. Together: Love me, that's all I ask of you ... Love me, that's all I ask of you.

ronald Thanks!

更正 米爾斯坦既DVD係無有我心愛既莫扎特小提琴協奏第三既慢板，小弟因為「開心到出煙，血壓狂升、心臟狂跳」所以將K261同216倒轉黎睇。 特別推介巴哈既1006，剩係聽下果幾下完美無瑕既漸強、漸弱，就乜都抵返，我敢話，o係呢一版入面，只有呀心同洪子至做得到。^^ 採菊，鳴芝聲o係鴨脷洲做大戲呀，有《紫釵記》同《帝女花》，你睇唔睇呀？如果你肯殺入黎鴨脷洲，我請你睇又點話。

醒目女 呀心，你真係叻女夾醒目。「莎拉跛民」呢首歌，我曾經都想過將中文版既歌詞放上網，想不到你都有此情趣，你真係無得頂呀！「莎拉跛民」既歌第日再同你講。 《G弦上的詠歎》既故仔不如由你來講，好唔好？ 日劇同日劇配樂，我都係喜歡《亞拉，俾多D時間我吖！唔該！》係金城武做既。 洪子係好勤力練琴既，所以佢無咁快覆你，你等下添啦！ 講左咁多音樂，又係時候到映戲時間o勒，今次係一齣驚嚇性既創作：《恐怖Ⅱ》

《恐怖Ⅱ》上篇 警告！！！ 以下內容，可能會令大家情緒不安及失眠或瞓得着都會發惡夢。如有不適者，請有咁快得咁快，按「返回」鍵或將電腦插頭拔出，盡快離開。 各位，相信大家都試過去焗桑拿，即使你未去過，但係都應該聽過、知道焗桑拿係乜野既一回事。通常焗桑拿，係男女分開黎焗既，而男人呢，就緊係好想去女人果邊一齊焗既，同理，女人都一樣好想去男人果邊一齊焗既……當住係咁先啦！ 既然各有所需，點解唔可以男女同焗呢？呢個唔係呢度要討論既問題。我想講既係：即使男同男焗，都一樣唔安全，因為有：「男！乳！」 大家想想，有個「男乳」入左黎，就等於有個男人入左女人場一樣。試想下，如果你去焗桑拿，因為平日工作繁忙，加上經濟環境惡劣，成日驚住俾老闆炒魷，可以講得上係身心疲累，所以你就好舒適咁攤o係張椅度，想話好好咁休息一下，使到疲弊既身心得到足夠既恢復。就o係呢個時候……… 當你正想瞌埋雙眼恰一恰既時候，你發覺o係你對面有個虎背熊腰、皮膚滑過女人既男人，正在似笑非笑；眼甘甘咁望住你，嘴角仲微微翹起。你當場倦意全消；成個人醒哂。為左唔想俾事態繼續惡化落去，你會用正氣得黎，略帶不友善既眼神回應對方。但係對方不但無收斂到，而且正因為被你發覺左佢既意圖，佢會用更加堅定不移既眼神，肆無忌憚咁望實你，兩邊嘴角仲慢慢裂開，陰陰嘴咁笑 ：^_^……… 呢個時候，你知道已經係到左一個唔能夠再用眼神去解決既地步，你唯開聲鬧佢： ( .\ /. )：「望咩呀！」 但係佢不但聽而不聞，而且仲變本加厲，越笑越大聲： (^o^)：「哈哈！哈……」 佢不但笑到成個身都震哂，仲震到佢身上條毛巾有下跌既趨勢。 呢個時候，你開始知驚o勒！但係咁都仲未算最惡劣，因為你會見到佢笑笑下，忽然雙眼通紅、面如紫醬、由笑聲變成好用力既呼吸聲，口中不斷發出「霞！霞！」咁既聲音，好似作勢要向你撲過黎咁。 到左呢個時候，你是否發覺訴諸言文已經解決唔到問題，到左不惜一戰既地步呢？咪住！你要冷靜一下想清楚，o係呢個形勢之下，除非你武功高強，可以一招解決對手，又或者你識得武俠片入面既放飛劍，否則，用武力對於你來講，可能仲會弄巧反拙。 因為，你身上只係嬲住條毛巾，真係大風D都吹得甩，打起上黎唔夠兩下就飛左唔知去邊啦！到時要一邊對抗敵人，一邊週圍搵毛巾，好鬼論盡。大家可以想象一下，如果o係連條毛巾都無埋既情況下打交，係好無安全感，同埋係好危險既一件事黎既！ 第二，對付呢種對手，在無任何武器支援，又無天賦既氣味掩護之下，進行埋身「肉搏」，又係好危險既一件事黎既！仲可能中正佢下懷，佢會越打越亢奮，好似發左癲咁，一邊同你打；一邊哈哈大笑：~^++++++++^~ 咁應該點算好呢？各位可以諗下先，下次再談。

多謝哂！ 採菊姐，乜咁重手呀！好感動！小弟沒齒難忘呀！你同令兄真係客氣。

《恐怖》一出水靜鵝飛……都係講返音樂算o勒！ 《我唯一的請求》 男：別再提及黑夜 忘了你眼中的驚懼 有我在，你再也不受傷害 讓我的話語溫暖撫慰你 讓我給你解脫 讓陽光拭乾你的淚水 我將留在這兒 陪伴在你身旁 保護你，引導你 女：說你愛我在每個清醒時刻 在我耳邊訴說夏日的種種 跟我說你需要我陪伴 從現在到永遠 答應我這是你衷心之言 這是我唯一的請求 男：讓我成為你避風港 讓我成為你的燈塔 你會安全，沒人找得到你 讓懼怕遠離你 女：自由是我衷心的願望 一個沒有黑夜的世界 有你永遠常相廝守 擁抱我並隱藏我 男：說你願意和我分享 這一生只有這份愛 讓我帶領你走出孤寂 說你需要我 與你常相左右 天涯海角，有你的地方就有我 這是我唯一的請求 女：說你願意和我分享 這一生只有這份愛 給我承諾，我將追隨你 跟我分享每一個白天 每一個夜晚，每一個清晨 告訴我你愛我 男：你知道我是 合：愛我 這是我唯一的請求 呀心，如果你喜愛聽安德魯，萊，韋伯既歌，有張係慶祝佢(實質係趁此搵銀)五十歲生日既音樂會DVD，裏面粒粒巨星，着左大半既歌都係好聽，有《貝隆夫人》、《歌聲魅影》、《約瑟夫的神奇彩衣》、《貓》、《萬世巨星》等等等等，仲有安德魯，萊，韋伯既細路拉大提琴，即係遲下黎香港表演果個，我曾經一度愛上左呢隻碟。場表演無論舞台、音樂與茄喱啡都非常認真，同香港果D整古造怪既演唱會無得比。唯一美中不足的是，無《萬世巨星》內面果首《我不知怎樣愛他》。 約四年前我行電腦商場時，一間賣DVD既鋪頭正播放呢隻碟既《這是我唯一的請求》，一睇到沙拉跛民果種痴痴的眼神，我就忍唔住，隻手不知不覺就攞個銀包出黎… 如果你見到呢隻碟，唔好諗咁多，買左先，無呃你既！ 另有一隻係o係北京人民大會堂開音樂會，不過陣容就爭好遠好遠好遠，得一粒，其他搵「林憶蓮」同「費翔」去唱。 另外仲有一隻，歌就少D，得十四首，「沙拉跛民」有七首，而且《黑夜之歌》係由原唱者「米高克勞佛」唱既。

Phantom... 文兄的中譯歌詞很好啊！ 不過在phantom裏，我較喜歡《The music of the night》呢！

音樂一起，美腮駕到！黑夜之歌，即時送到！ 《黑夜之歌》 夜晚撩撥起 每一個感官 黑夜激發起 喚醒了想像 感覺悄悄地 卸下了冑甲 無力抗拒我撩撥的音符 我所創作的黑夜之歌 輕輕地，柔和地 夜晚灑下了魔網 抓住他，感受它的 悸動和柔情 聆聽是信賴 音樂是冀求 強烈的閃電軟化這燭火 只求你相信這黑夜之歌 閤上你的眼 因為眼睛只會說出實情 而這不是你想見的實況 黑夜裏很容易假裝 事實上這一切都是 輕巧地，溫柔地 音樂將撫慰你 傾聽它，感受它 讓它秘密地佔有你 敞開你的心胸 讓夢幻緩緩舒展 在這樣的黑夜 你根本無法招架 這暗夜的黑夜之歌 閤上你的眼 開始環遊這陌生的新世界 撇下舊世界所有的思潮 閤上你的眼 讓音樂解放你 這樣的你才真正屬於我 飄浮呀，沉迷其中 才能得到陶醉 撫摸我，信任我 品嚐每一次悸動 讓你的夢境上路 讓你的黑暗面屈服於 我所創作音樂的魔力 黑夜之歌的魔力 只有你能讓我的歌聲展翅 幫我譜出這黑夜之歌

Andrew Lloyd Webber 文兄，我好鍾意聽佢的歌架，你講果隻五十歲生日既音樂會DVD，我都見過，試聽埋tim，我記得佢冇果首music of the night，所以係hmv到企係到諗左好耐好耐，最後都冇買到。 哈，有一晚我係宿舍房到開phantom of the opera 聽，我開得好細聲o黎聽。我同房冇端端同我講話佢聽到有好細聲的尖叫聲，話好驚! 真係笑死我 ^o^ 我都知佢細佬會o黎呀! 可惜忙於學業... 我好後悔我冇去聽miss saigon，一諗起就覺得就有o的心酸... 文兄，有人兄開左果"古典音樂"的題，我忍唔住笑左出o黎.... ^^ 佢會唔會睇唔到我地已經講左呢個話題好耐o刺?!

仲有呀... 你講果隻cello 碟叫乜名呀?

仲, 仲有呀 我都好想望下個琴下呀...操練下呀 T_T

黑夜之歌 謝謝文兄的譯本，期望已久呢！ 忽然記起一件往事，前幾年phantom在港演出時，不少同學都愛上了那些歌。而不自量力的同學更嘗試將歌詞翻譯……附帶條件是譯完後能用原譜唱出來（普通話），結果當然係得啖笑，唱就唱到既，不過那些句子可以當笑話睇……現在想起來，好像是很久很久以前的事呢！

快D去買啦！ 美腮，如果你想要中譯又唱得出既話，可以搵教會既朋友幫手，佢地呢樣野最拿手。唔信你睇下佢地既歌書就知道o勒！最好搵佢地唱埋。 呀心，我話「韋伯」個細路拉大提琴果段就o係埋「韋伯生日」隻碟度。呢隻DVD我買左兩隻，一隻係台灣版，另一隻舊年買，係美版一區，有埋歌手既訪問。 果隻碟都有收錄到《黑夜之歌》，係由「沙拉跛民」唱既！「韋伯」既歌，「沙拉跛民」開親演唱會都唱(「沙拉跛民」係「韋伯」既前妻。)，而呢首《黑夜之歌》係每場都必唱，我有佢幾隻DVD都有唱呢首歌。不過歌詞就會改左D，因為原先係男人唱。所以如果你因為無呢首歌而唔買，咁你好快D去買喇！你會唔會係講緊紅色封面果隻呀？我講果隻係黑色既！ 而原唱者「米高克來佛」既版本都有隻精選DVD有收錄，同「沙拉跛民」合演，以MTV形式做返音樂劇入面果場戲。由於首歌係獨唱，所以「沙拉跛民」就純粹做「傻婆」。 「米高克來佛」都係靠呢首歌「起死回生」，因為佢把聲夠幼，唱起黎真係「成隻鬼」咁。 我以前係屋企睇「韋伯生日」果隻碟，睇到《歌聲魅影》最後「沙拉跛民」唱到八度又八度咁上；不斷「狂叫」果野，我D屋企人都叫我唔好開咁大聲，話隔籬既人聽到會驚。(哈哈……) 琴係要經常練至得o架！如果怕嘈住人，你可以出去戶外，草地，或者山邊練吖，不過要注意安全。最好拖埋隻狼狗一齊去。 至於點解會我地呢一版講左幾個月古典音樂，都會出新版呢？我估可能係同「鏟後失調後遺症」有關。可能開始有人又再分身o勒！ 有時，網上有D人會鍾意用唔同既名去開題目，見到有人回應呢，就會好享受，無他，自卑感作崇也。

呢首肯定同「男乳」無關 曲、詞：鍾志榮 《愛在地球毀滅時》 願思念是並沒盡頭 沒有依附現在過去或以後 即使這軀殼有一朝會化盡塵垢 仍能跟你纏綿於宇宙 霓虹上有雪，洒得多撇脫 像向天地萬物作最後告別 分不清季節，這冰冷四月 眼前的世界，最色淒迷決絕 抓一把細雪，放於手灼熱 但願不再怕北風深寒刺裂 深深的愛過，永不會泯滅 過渡千世百劫都不能間斷 悲傷不要說，太匆匆歲月 現在應與你相戀的人吻別 分不清季節，這冰冷四月 我們不要說再見，隨世界破滅

文兄 係dvd o黎? 我記得好似唔係架喎.因為我都冇dvd機，所以應該唔使諗就..不過唔記得係紅色定黑色丫... 有排都唔"出城"呀, 只好聽住其他歌先啦...

文 ......謝謝你.

謝謝阿文 剛重聽完五次Amazing Grace． 謝謝．

唔好客氣^^ 紅藥年年為誰人 採菊相贈連城珍 小弟晚晚聽住瞓 吳門一曲韻味深

咁都打錯，真係羞家... 好彩唔係打人，應為： 紅藥年年為誰生 採菊相贈連城珍 小弟晚晚聽住瞓 吳門一曲韻味深

DVD機 呀心，我睇過喇！抄拉跛民既所有DVD、同韋伯有關既DVD，都有黑夜之歌。 你幾時整返部DVD機呀？你隻《樂韻繽紛》睇左未呀？

文兄 咁可能係第二首歌o刺。因為我記得係因為一首歌而令我止步... 你寫個故仔o刺，呢排冇乜人o黎呢到~ 文兄故仔，必定收睇。 ^^

認真失禮，採菊家中的音響器材只有讀書時做暑期工買下的迷你hi fi一部，自從一年前壞了，我又捨不得棄掉，便情願少聽音樂至今．不過日前收到文兄所贈唱片，突然激起再買hi fi之心，不買hi fi誓不開封．原來現在新力最平的機也要千七元，有點懷念當年一買買三千多元的聲寶的豪氣日子． 雖然一聽都知道和舊機很大分別，但我都十分滿足了．很開心又可以再在家裡聽音樂．至於DVD，也是等到今天回校的audio library才看．聽到Amazing Grace時，我戴著耳筒把音量調至差不多最大，聽完一次又一次，結果看圖書館的小姐走出來，靜靜地幫我調校電視音量，當時我闔起雙眼，當我睜開眼時，她不好意思的說：其實個電視都出緊聲架！（多謝文兄帶揳小妹的師弟妹一齊聽！） "讀果樣厭果樣，做果行厭果行"，自從多年前被多個學期的西音史，音樂材料與結構，和聲，曲式分析，對位法等等等等壓得半死，挫敗連場以後，採菊雙耳不沾古典音樂久矣，辛苦的經驗我忘紀得特別快，現在連當年分析多次的名曲作品名和作者均已然忘卻．如今再聽多首聲樂作品又是別有一番滋味．我想以後要放下以前的夢魘，重拾西洋古典音樂之妙趣．

夏綠蒂精選給我最大的感覺是－－她壓力很大！我一邊聽一邊想起，即使平常一個著緊演奏的音樂同學（本地而言），在要修讀多個科目的情況下，每天練四小時琴也視為等閒，甚至我見過著名的演奏家包黛絲小姐，在開演奏會前，竟也每晚在琴房練至夜半三時，當時每晚她的琴房也發出夜半琴聲，我真是被嚇了一大跳！以十多歲的小身軀來說，夏綠蒂要搞那種和大樂團合作的音樂會，平日生活究竟是如何呢？文哥演奏胡琴都很清楚，認真的演奏起來，每一次彈錯一個音或走了半個音或慢了半拍，自己都聽得清清楚楚，而且演出後的自我檢討機制嚴格起來，真可能連飯都食唔落．自小習慣成功的天才兒童壓力特大，要是失敗起來那種感受非外人所能道......天才到底是幸或不幸？我一邊看夏綠蒂，腦海一邊浮起我覺得算是悲劇的<莫扎特傳>． 夏綠蒂的聲線甜美，我認為她現時還是唱hymns最為合適．並且她錄那精選時的聲線似在"發育"中，童真有餘，成熟到有足夠support又未到，我十分擔心她再多唱那些太heavy的歌，會把聲帶唱壞......點解今晚講起來收唔倒聲咁?......總之多謝文兄好介紹！

呀心，睇住篇舊作先啦！《恐怖Ⅰ》 警告！！！以下內容，可能會令大家情緒不安。如閣下患有冠心病、心肌梗塞、先天性心肥大等心臟病、曾患過中風、將要進食或剛食過o野的，請按[返回] 最近發生了一件事，這件事在我心裏面已經留下了深深的、不可磨滅的烙印，如果我不講出來，我怕這個陰影會一直好似冤鬼咁纏繞住我，兼且這個亦是李博士一向都十分關注的問題，所以經過整晚的考慮之後，我決定借這個網頁將這件事公諸於世，希望會令大家對人生有更深的體會。這件事是發生於今年的八月廿三日星期五——即係尋日——鬼仔節翌日……雖然是發生在尋日，但那份震撼、那種驚駭，至今仍非常深刻，就如發生在今日一樣，以下就是事件的經過…… 話說尋日我照常的搭巴士返工，由於呢個時間一般都唔會有太多人，樓上通常都仲會有位賸，所以我就上o左上層，揀了個最前的座位坐下，同往常一樣，我在欣賞沿途幽美怡人o既景色，而正當架車行到鴨脷洲大橋時……( 深呼吸 ) 當架車行到鴨脷洲大橋時，我忽然發覺坐o係我隔離果個女人——一個着住件紅色衫o既女人，佢將隻手指公同隻食指疊埋一齊，o係度搓o黎搓去。行走江湖多年，有豐富人生體會加社會經驗o既我，立刻就知道有唔妥，可能會有事發生…… ( “注意”：你仍可按-[返回]-離開這留言區！ ) 當時我就好機警咁留意住個女人果兩隻手指o既一舉一動，點知唔睇由自可，一睇仲衰，原來個女人……個女人果兩隻手指係度將舊……將舊……哇~~~佢將舊「避史」……注①( D注可以唔睇住，唔明o既先至睇啦！ ) 佢將舊「避史」……搓到……嗚~~~！搓到無輪身裁大細與顏色，都已經同粒綠豆一模一樣，無乜分別呀~~~~!！。我當時吃了一驚，連佢個樣o係點我都唔敢望，因為我知道佢咁o既舉「指」，無論個樣係點都已經唔再重要，但係我當時好鎮定，心中暗自戒備，我對自己話：「千祈唔好衝動，因為咁樣係於事無補o既，可能仲會令情況變得更加壞添。」雖然身陷險境，我仍然不動聲色咁，立即啟動我o既「賦能進路」裝置，o係好短o既時間裏面——因為，我知道我已經時間無多，再想唔到對策，當佢o既食指同手指公扣成一圈之時……哇~~~！後果真係不堪切想。好在，正所謂皇天不負有心人，又或者係我平時做得好事多( 如經常上網派文章、幫手鬧下D衰人咁，諸如此類 )，好心有好報，亦可能係睇得李博士o既書多，令我清晰o既頭腦加上靈銳o既思考力，就象荒夜裏的一盞風燈一樣，o係短短幾秒o既時間裏面，我已經決定o左我應該點做——以下所寫的可能會有點混亂，因為當時我個腦好亂，已經唔係好記得跟住落o黎所發生o既事，我只能盡力去回憶……。 我拼盡平生所學，再出盡吃奶之力，以驚人o既速度——以後都未必能夠可以做得返o既速度，由車頭朝住車尾o既方向用力咁拔足狂奔，我一路睇住沿途所見到其他乘客o既悠然安祥o既面孔，當中有些帶着驚訝的神情，好象在問我：「無啦啦你行去邊呀？」但我一想起剛才所見到的情境，我知我唔能夠停低落o黎向佢地解釋：點解我會好地地有凳唔坐？仲可以跑得咁快？我心中所想的只係一樣o野：「走！」向相反o既方向走！有咁遠走咁遠！我有如脫了韁的野馬，將人類o既潛能，o係非常短o既時間裏面推到顛峰狀態；令得血肉之軀，一次又一次咁突破人類體能o既極限；將中國功夫入面不輕易外傳o既輕功，也不理得在大庭廣眾，一下子發揮得淋漓盡致；令千萬年以來藏在人類身上DNA o既求生本能一時之間o係呢架巴士上——由我毫無保留地再度展現出來——衝呀衝！「做個勇敢，中國人」！千祈唔好停呀！無論點都好！即使返工會遲到都好！因為我知道，只要我一停落o黎，就會前功盡廢，萬劫不復，永不超生，之前所走o既路都會付諸流水，我呢一世可能都會追悔莫及o既！走呀!~~~！走！雖然在短短的車廂裏，但對於當時的我來講，已經好似彌敦道咁長，我一直走，兒時的情景、讀書、比先生罰，出o黎做o野……霎時之間如電影播放般一一在腦海中湧現，我唔理得咁多，繼續走呀~~~！…… 我都唔知道當時自己走o左幾耐，我只知道，由呢一刻開始，我以後……我以後都唔可以再食綠豆沙o羅！嗚~~ 注①「避史」，鼻屎也，為免令大家反胃，以其音相近而代之。 後記 我寫o左上面篇o野 然後掟上網 只想讓你們知道 點解我坐低o左 然後又要起身走 他們至今仍未知道 她晨早流流 學濟公煉丹 你話恐唔恐怖﹏？ —•完•—

恐怖 文兄的恐怖雖然恐怖，但不及非典型肺炎恐怖。今早上學時，巴士上有一個老伯，他一聲咳嗽，就令附近兩名女士立即離座逃走…… 這卻令我想到，繼續下去的話，冷氣巴士、地鐵唔好坐了（密封空間），小巴、的士更加唔可以坐(除了落車，走無可走)；也不說其他交通工具了！甚而走在街上也不大安全，點算好呢？

原來講講下都已經半年…… 老宗，戴個口罩就安全D啦！阿伯就緊會有幾聲咳，未必一定同「肺炎」有關。 但係果D當眾「撩」鼻者就會即時令你嘔心，真係打針都無咁快。我後來都陸續見唔少，差D想整篇《恐怖》續集。 我見過既仲有： 將三分一隻食指塞落個鼻處。 用力「撩」到半邊面都歪埋。 「撩」完鼻，跟住「撩」牙。 「撩」完鼻，跟住「撩」耳。 「撩」完鼻，跟住又撥頭髮。 拎粒「野」出黎，睇完又睇。 仲有D人攞黎「玩」、「彈」。 ……再講落去肯定被網編斬。 有時我真係想開聲：「拿！你咪彈呀！」 俾着我重係讀緊書果陣，實行搵粉筆同佢地彈過，不過我實唔夠佢地黎，因為粉筆既殺傷力係唔夠佢地大既。

講左咁多恐怖野，講返音樂先，唔係又被人話離題。不過都好過開咁多新版！ 採菊，近排見你無聲無氣，唔係見你留咁大段野，我今日就打算問下你係咪病了？ 講起夏綠蒂呢，我想話佢最好向歌劇界發展，把聲唔係最「掂」唔緊要，至緊要既係佢個樣都睇得下。因為好多表演歌劇既女主角，個身形都勁過女泰山，唔係講笑，我睇欣兒同沈殿霞加埋都未必夠佢重。而佢居然要飾演一個「二八佳人」，你叫人點投入去睇呀！ 純粹聽CD都無乜所謂，但係依家已經有影碟丫嘛！有D歌劇我都想買碟睇，但係一睇下封面女主角個樣：「噢！賣葛！」 我有隻《魔笛》既DVD，入面個男主角行埋個女主角度話：「啊！你雪白既肌膚……」大佬呀！呢個係「炭版」帕蜜娜黎o架！你係咪色盲o架！雪白。 所以呢，我話夏綠蒂如果肯去歌劇界發展，肯定係樂迷既眼福。雖然佢開始發福，但係暫時用服裝都應該仲冚得住。聽聞佢近排同阿媽紥緊馬喎，你知唔知呀？ ________________________________________________________________ 原來隻碟你要搞到去圖書館聽o架！戴起耳筒，闔埋對眼，較到差不多最大聲，連聽五次，你真係識歎。 音響黎講呢，如果你要求唔高，我呢個外行可以建議你買套喇叭，一個低音，兩隻拳頭大既喇叭仔，一千蚊左右，你駁落電腦又好、駁落「D時聞」度又好，已經好好聲，保証靚過「新力」果部千七，我依家都係咁，下次令兄上來，我可以播俾佢聽下。 唔使諗o勒！一於置過套傢餐，「重拾西洋古典音樂之妙趣」啦！仲有，同夏綠蒂合唱果個男仔都幾好聲o架，我都有佢隻CD，沙拉跛民都搵佢合唱過，可能係貪佢新，平D卦。 _________________________________________________________________ 你講起練琴既事，我不但止完全認同，而且仲有慘痛既「見証」添，就o係早幾日，有個猛人生日，小弟臨危受命……唔係，係三生有幸，咁就好似好勁咁帶埋個二胡去諗住助慶一下，仲係唔怕死打頭陣，但係由於細佬平時疏於練習，預備既曲唔多，差D連《王小虎大戰火雲邪神》、《楚留香》都出埋，最後拉到鬼咁樣，拉完就唯有頭荅荅、面懵懵，好沮喪、好落漠咁行埋一二角，踎埋一邊，雙手抱住個頭，o係度懺悔o左成個鐘，從手指罅度睇住人地跟住落黎好精彩既高難度雜耍、聲樂、話劇、魔術同歌舞表演，真係學你話齋，野都唔敢食呀！唉……/. .\

等我都講下另類"恐怖" 某醫院早上, 實習物理治療生A要同個婆婆做一o的檢查. A: 婆婆, 要同你做膀頭檢查丫, 你整一整件衫啦. 婆婆: 好! 二話不說, 婆婆快手快腳咁將件衫一下除晒. A 嚇到標冷汗, 急腳快步標走左. 唔敢返番去. 原來個婆婆乜都冇帶. 檢查個膀頭je, 唔使除晒卦… 每次諗起到笑死.

我都見過呀 我見唔到佢"初"緊o的乜，自己就係到諗..... 嘩~~~ 依~~~~ 最恐怖係佢準備彈果下. 有一個預備動作。恐怖極了!

採菊復活！ 嘻嘻文兄，呢兩日開始聽返Ｄ音樂，採菊成個人生猛左，呢兩晚就真係返生咁！ 今晚煲左一個通宵的Nocturne，成張碟都係Rubinstein玩的．我把聲量調得有咁細得咁細，細到剛好隱約聽到某些大聲點和高一點的聲音．把燈光減到最少，咁樣聽夜曲法，嘩果種情調呀！ 聽住呢Ｄ鋼琴演奏老人家的音樂，就想起大約九五至九六年倒，當Horowitz演奏的鋼琴巡迴到香港展出時，我也曾有幸上去彈了海頓的一首Sonata－－的其中一個movement－－的其中一個小節－－的其中兩個chords......嘻嘻，突然想起當場高手林立，猛將如雲，嘩即刻覺得兩個chords都有辱師門到無定企，即刻就身後有餘忙"縮手"呀！ （仲煲緊夜曲，Rubinstein真係好正！今晚深情推介！）

呀心，舊作陸續推出 呀心，你講既都未算恐怖呀，我見過一個男人，整條腰咋，一入房佢就剝哂光豬呀！次次如是呀，搞到D女助手都唔敢入去呀。 其實個物理治療師大驚小怪o者，佢做得呢一行，就算見到阿婆個心口紋左隻「哈o羅吉蒂」o係度呀，都唔應咁失控吖。 唔好講咁多恐怖野，講返D溫輕綺麗既先： _______________________________________________ 《羅密歐與茱麗葉遺事》第四回之《哲道十四闕》之謎 這天羅密歐在醫院飯堂剛吃過飯，正在看李博士的《從思考到思考之上》之際，身後忽傳來一嬌柔清脆的聲音：「羅密歐！」 羅密歐回頭一看，見一女子正向他行來，他一看那身影便知來人是茱麗葉。 只見茱麗葉把長髮束起，戴上一對珍珠耳環，穿上一襲黑色窄身裙，肌膚嫩若凝脂，手白勝雪，身段極是苗條，一身衣飾極是華麗，把她襯得豔麗非凡，直可去參與名流社會的舞會夜宴。於此簡陋的飯堂中一站，更見高貴嬌媚，滿室生輝。 羅密歐一見大喜，問道：「咦？點解你會o係度o既？」 茱麗葉對他嫣然一笑，露出頰上淺淺梨渦，柔聲道：「我知你今天出院，特意來接你啊！」 羅密歐見茱麗葉一張俏面情意盈盈，眼波流動，清麗絕俗，說不盡的嬌美無限。心下怦怦亂跳，見她在此處甚是惹人注目，便提議到外邊去。 兩人來到院外花園一涼亭，亭上寫着《聽禽軒》三字，兩人入亭坐下。茱麗葉見羅密歐手中的《從思考到思考之上》，微笑道：「這本書已出到第八版了，我上次幫你買這書時我也買了一本來看，李博士在書內列出了未來打算出版的書目，連已出版的計算在內，應會有十四本，他寫書寫得這麼慢，你說他最終可以出齊嗎？」 羅密歐答道：「當然不能全部出齊啦！」 茱麗葉笑道：「點解你咁肯定他一定出唔齊？」 羅密歐道：「從他那份書單就可以推算出來啦！」 茱麗葉問道：「點樣推算呀？」 羅密歐道：「因為他還有一本很重要的，已出版的著作並無歸入書單，那就暗示了書單內的書不可能出齊了。」 茱麗葉奇道：「還有一本？不會吧！怎會未出版的都列出，出版了的反而會漏了？」 羅密歐道：「咪就係果本《存在主義導論》o羅！他的書單不收這本書是有深意的，書單中無了《存在主義》這本書，就暗示了這份書單上的書要出齊這事是不可能「存在」的。這是他的「後着」，當他發覺唔能夠出齊時，便會這樣解釋，這是我最近參透到的，你千祈不要對其他人講。」 茱麗葉覺得羅密歐說得有趣，格格笑道：「咦？點解忽然間咁叻？會俾你諗得到o既？」 羅密歐道：「思考問題，需有清明的頭腦，清明的腦袋是有效思考問題的基礎，而頭腦能否清明，很多時在於心靈是否健康。心靈健康乾淨，頭腦自然清明，頭腦清明，思考自會敏銳，對於思索要解決的問題，就會有很大的幫助。」 茱麗葉道：「咁點樣可以做到心靈健康乾淨呀？」 羅密歐道：「不健康的心靈是指思考時作太多無謂的思考，太多不必要的顧慮、過份的擔憂。我們有時會受到一些事情的困擾，或對某些事情很難作出滿意的決定，但困擾和難下決定的原因未必是該事情很棘手，很難解決，而是出於多慮、憂柔寡斷的性格所致。因此，要針對目標，較正焦點，明白困擾的原因所在，才能對症下藥。又或者很多人以為自己的想法或決定是自己真正的選擇，或自己的行為是完全依照自己的喜好去做，其實很多時是受了世俗觀念的影響，或貪慾、瞋恨、種種心理情結等支配驅策而不自知，因此這受制於外界或內心情結的人，都不能算有「自主」，也不能洞察「真實」的自心。所以，要擺脫各種蒙敝，從各種束縛中解脫出來，才能回復清明醒覺、心能做主的境地，方算得上自在無礙，心靈健康。」 茱麗葉道：「咦？思考好靈活喎！果然同之前好唔同o番！咁你即係話李博士即使列出打算出版的書目，但係其實都係無用？」 羅密歐道：「咁又唔可以咁講，我們看事物不應拘於一格。就如你看某些響譽國際——影展的導演所拍的電影，你不要把那些電影當作一般的電影去看，你要當是特長的MTV或者特長的廣告去看，才會看出味道來。」 茱麗葉道：「咁李博士的書單應該點睇呢？」 羅密歐道：「你有否聽過武俠小說家金庸把他的十四部著作的頭一個字串成一副對聯？」 茱麗葉道：「聽過，那是：『飛雪連天射白鹿，笑書神俠倚碧鴛』。」 羅密歐道：「無錯，所以李博士的書單也不能當作一般的書單去看，很多人一見到那頁書目時，一是驚喜不已，喜見李博士跟住會有咁多本書出。另一則是猜李博士能否把書出齊。反而無留意那頁書目其實是《從思考到思考之上》一書的跋，你可有見人會用書目來做一書的跋的？而且那跋叫做《哲道十四闕》，可見事情唔係咁簡單。那篇書其實是…」 茱麗葉俏然一笑的問：「其實是甚麼？」 羅密歐道：「其實…其實是一首詩。」 茱麗葉奇道：「一首詩？」 羅密歐道：「無錯！李博士是要仿傚金庸，要以書名來串成一首詩。你看甚麼《柔夜三書》呀，似是詩集多些。而且這首詩並非一般的詩咁簡單，你看那篇跋的版面設計，顯示這首詩是有不同的組合，有多種讀法。你有無聽過迴文詩？」 茱麗葉道：「聽過，是指無論順讀逆讀都一樣讀得通的詩。」 羅密歐道：「就是這樣，o拿！你聽我念下…」跟着便吟起詩來： 「天經啊！ 天嬰！ 破惘——哲學螢。 邏輯，此之謂…」 茱麗葉見他好象又開始失常，怕他又再復發，急忙打斷他道：「得喇！我明喇！你唔使再念喇！」 羅密歐道：「哦！你明白就得o勒，李博士這首詩也可有不同的念法，這篇跋也是這本書的最重要的部份，要知道書的大部份內容都已出過，李博士又怎會隨便將出過的文章當新書出，而且李博士稱此書為他的「代表作」，一定會另有玄機，只在於你能不能看得出，而且這首詩也是李博士出不齊書時的第二個後着，當書出不齊時，便可以說這只不過是一首詩。」 茱麗葉不解的道：「第二個後着？一個後着咪夠o羅，使乜要兩個後着呀？」 羅密歐道：「當第一個後着用唔着時，便要用第二個後着了。」 茱麗葉道：「點解第一個後着又會用唔着呀？你越講我越唔明。」 羅密歐道：「你慢慢聽我講便會明了。你想下，李博士跟住最有可能出得成的書會有哪本？」 茱麗葉搖頭道：「諗唔到！」 羅密歐道：「有幾本應該出得成，第一、《語理分析的思考方法》，因為這本書一早寫成了，只需加個附注就可出版，而且那附注也寫了十年，應該都大致完成，希望可在一年內出版。 「第二、《智劍與天琴》，這本書也在早幾年寫成，本應一早出版了，只因李博士要加多一篇文章，所以才一再延遲，看來應可在幾年內出得成。 「第三、《思方第二鋒》，李博士在書中稱此書「擬於二○○三年出版」，照經驗推斷，此書可望十年內出得成。」 茱麗葉道：「咁同第一後着用唔着有乜關係呀？」 羅密歐道：「李博士既然寫書寫得這麼慢，當未寫起時，你想有甚麼辦法可以有書出呢？」 茱麗葉道：「唔知道！」 羅密歐道：「其中一個辦法就是：同《語理分析的思考方法》一樣，把《存在主義導論》的版權買回來，出個最新版，這不就有書出嗎？但這樣一來，《存在主義》一出，第一個後着便無效，所以便要有第二個後着了。」 茱麗葉見羅密歐愈後談吐比之前有禮斯文得多，雖然瘦是瘦了一點，但氣度與儀表跟以前相比，已然大有不同，不禁芳心大喜，微笑說道：「點解咁都會俾你諗到o既？係咪睇得李博士的書多，所以頭腦清淅o左呀？」 羅密歐道：「人的能力，一般來講，都比自己所知的為大，很多以為自己做不來的事，只要盡力去做，會發覺做得比自己想象中的更好。你見李博士在講座中答問題，那些問題李博士之前未必全都思考過，但他一樣答得精彩幽默，就是這道理。當中關鍵，在於李博士所講的「賦能進路」。只要多加練習，思考便會漸趨靈活敏銳，只要思考靈銳，遇上難題時也就不致於完全束手無策。而練習之途，在於多思考，多與人討論，此所以李博士經常建議他的學生多作互相討論，就是這原故了。」 茱麗葉道：「雖然李博士咁受學生歡迎，又有咁多讀者，但聽聞都有好多人唔係幾鍾意佢。」 羅密歐嘆道：「一個人要做到處處都受人認同，談何容易。最重要的是在於喜歡你的是甚麼人？不喜歡你的又是甚麼人？就如「賊佬」就緊係憎「差佬」o既，難道你會因一些品格低劣、頭腦混亂的人認同你的行為言論，而感到開心嗎？不過人是有多面的，你又怎能完全看通睇透，所以你見有些人怎樣壞都好，你說他是賊，他母親可認為他是孝順兒，他的朋友也會視他為知心好友。此所謂：『曹操也有知心友，關公都有對頭人』是也。」 茱麗葉再問：「咁李博士咁有本事，會否有辦法將D書出齊呢？」 羅密歐道：「辦法總會有，我都想到啦！不過唔話俾你聽。」 茱麗葉嬌嗔道：「唔講咪唔講，好叻咩？」 時值深秋，一陣涼風吹來，羅密歐聞得她身上氣息，只覺幽香撲鼻，見茱麗葉耳後髮絲輕拂，面泛紅霞，盈盈淺笑，有如鮮花初綻，看得不覺呆了，竟忍不住面紅耳赤，心跳加劇，急忙轉開了頭，隨口應道：「辦法有很多，你只要肯想下便會想到了。」定了定神，又偷偷斜目看她，那知茱麗葉也正在瞧着他，眼光一碰，又避了開去，心神又是一蕩。茱麗葉雙頰飛紅，心中卻甜絲絲的，站起身看看手錶說道：「原來都同你講o左咁耐，不如同你辦手續出院先啦，第日先慢慢傾，你住邊o架？我車你返屋企o丫！」說着便想先行。 羅密歐道：「返屋企？呢度咪就係我屋企o羅！」 茱麗葉奇道：「呢度係你屋企？」 羅密歐道：「係呀！呢間精神病院係我老豆開o架，係我幫佢打理o既，所以我都係住o係呢度o既宿舍。」 茱麗葉一怔，登時面色大變，說道：「o下？呢間醫院係你阿爸o既？咁你阿爸係…」 羅密歐道：「家父就是蒙太玖，佢o係青山、寶福山、大嶼山都有生意o既！」 茱麗葉一聽即時花容變色，身子一幌，險些暈了過去…… 完 寫於零二年十一月十六日

深宵推介？ 又講返音樂先。 阿採菊，首先恭喜你生猛返哂先，有你o係度，係眾網友之福，你咁叻，得閒寫多D好詩，同作D好曲俾我地欣賞下啦！ 熄哂燈聽「夜曲」，緊係正啦，聽蕭邦既夜曲，越黑，D味道就越出，音樂好似從黑暗深處飄過來……不過咁，你都唔使聽通頂，成晚唔瞓下嘛，好嚇人o番！ 你不但止個樣夠福氣，個人有才氣，為人又客氣，仲有幸彈過荷洛維滋個琴，真係羡慕死人。不過我都唔差，我都敲響過放o係廣州鎮海樓既戰國編鐘(琴晚同木哥傾開至想返起)，不過我想打下李小龍個沙包就唔知有無機會o勒。

只是提意（再post一次） 且提各位管樂人士，近日更加注意樂器之清潔及衛生情況．盡量避免使用他人的樂器．有收學生的，最好暫不要用學生的樂器示範，或修理後試吹．提醒大家小心處理抹口水(水氣)的布和裝口水的器皿． 如要浸reed的話，每次都換新鮮的水．每次替學生"批"reed後請學生自己試，不要代學生試，批完每支後都緊記洗手和刀以及其他工具，否則刨完一支又一支，有病菌的話可能很快弄得所有人（包括你自己）一起停課！

人靜安心 文兄，你有所不知，夜靜真是最好的時光，我平日行足一個小時山路，都擺脫不了車聲或飛機聲．基本上是離車聲越遠，聽飛機聲便越清楚．在夜半兩三點終於可以稍為享受一下． 孫文明有一首音樂叫"人靜安心"，收在龍音為他出的專輯入面．你聽過嗎？ 你知嗎？在我家和以前宿舍都是，第一聲鳥唱，總是在大約夜半三時十五分傳出的．那種鳥都頗準時． 我聽到外面的車己經開動了......

夜晨 嘩，阿採菊，你又搞到四點幾呀？我都明白夜晚黑好正，最o岩用來諗下野，我每次都會諗既一樣野係：再唔瞓，聽日實成隻彊屍咁行出街。 所以呢，雖然：春宵一刻值千金。但係健康都好重要，除非你日頭瞓返八個鐘啦，否則，聽音樂你可以早D聽丫，又或者你較定個鬧鐘，起身聽完第一野雀叫，再瞓返o羅。你有睇過《莫扎特傳》都應該記得莫扎特最後果幕，有覺唔瞓，掛住搞音樂，終於埋左單o架啦！ 拿？我教你吖，你可以去一D人煙稀少的地方，八點鐘就好似深夜咁款，而為着健康着想，你仲可以o係果度打番兩個鐘頭太極，平衡一下。然後去宵下夜，返歸。你話幾咁好呀，係咪？ 孫文明既曲好少聽，近幾年更加無賣二胡CD，所以無聽過你講首曲。不過首曲叫做《人靜心安》，唔係夜靜心安，所以你都係唔使咁夜聽o羅。 ______________________________________________ 呀心，出面就打緊仗，呢度就快「打烊」，有乜衣郁，你記得去我大本營度搵我呀！果邊剛剛為你裝修過，得閒黎坐下喇！ 你鐘意睇「韋伯」既音樂劇，咁你有無睇《貝隆夫人》呀？拍得幾認真o架！ 星期日果晚你有無睇明珠台「李雲迪」既音樂會呀？原來佢係「噬」起排牙彈琴o架。佢彈得都幾激動o架，所以我好留意佢個牙箍，想睇下佢會唔會一邊彈，個牙箍又會慢慢咁跌落黎……

若要人不知，除非當網編 哈哈哈哈哈哈∼∼∼∼∼∼校鐘起身聽雀叫？哈哈哈哈哈∼∼∼∼∼∼文哥越來越有趣！ 這個網站曾為我帶來很多很多歡笑， 不過它使我最苦惱的是，不能刪除留言時間． （即使可以修改都好呀！） 正是"若要人不知，除非己莫為"也． 多謝文兄關心，採菊頓首文兄足下．

re: 採菊 我之前有一晚訓唔著，係張床到碌來碌去，又2:00am 到5:00am，碌碌下，竟然俾我聽到有雀仔聲! 好清脆架! 但我聽到後有o的驚，因為訓唔著係好辛苦架!

打烊 文兄, 點解呀? 遲o的先講返之前o的野~ 忙呀.

OH。。。 原來就O黎冇得玩。。。 我琴晚(應該係今朝)又聽到雀仔唱歌O刺。。。-_- 有冇方法可以幫下我丫。聽乜歌有幫助丫？

撞鬼呀！點解我段野會唔見左o架？(復原篇) 打烊 呀心，你咁問我真係令我感動，原來你上來剩係黎呢一版既，李博士D「金句」你都唔睇。 「打烊」是指這個留言區要「收工」，你睇下李博士的《開心假期人人有份》就知喇！ 如果瞓唔覺，試下聽住輕音樂瞓(同唔去瞓聽音樂係有分別既)，音樂能夠令你既思維唔會如脫疆野馬，慢慢就會入睡，你可以試下，不過…你最遲都係由十二點開始聽好喇！(俾着你兩點即刻瞓得着，都係夜左D啦！)

今晚早D覆呀！^^ 阿採菊，我一睇到你既笑聲就想起早幾日去理工聽潘宗光講「十二因緣」到發問時間，坐我隔籬果個人成日失驚無神o係度騎騎笑……當然，佢無你笑得咁可愛啦，就係咁先至激氣，都唔知種左乜野因？遇着件咁既果。^^ 我睇都無邊個留言區可以刪除或修改留言時間卦？ 你想無左果D煩惱好簡單o者，早D上網；早D瞓咪得o羅，橫掂你咁得閒，應該難你唔到吖！ 小弟醃尖聲悶，希望你不要見怪就真 (其實我都係受人所托) ，慶文拜倒採菊裙下。

隔尼 文哥，你隔尼果個唔係我ma?! 我果日聽聽下都唔多專心，顧住玩手指、微微笑

右手邊 木哥，我當然係指我右手面條佬啦，最難頂陣除呀，避無可避，想挨去左邊又怕你誤會…

文兄 冇錯，我睇留言係選擇性咁睇o既，暫時o黎講，classical music 係第一位o既~ 我之後都有睇李先生的留言，知道點解o刺。 琴日睇到julian lloyd webber 拉cello張poster，佢張相個樣好以想殺人咁，陰陰森森。睇o的花邊新聞話andrew 正諗緊開套cats的戲喎. 上星期日有李雲迪? 唔知道呀。我睇左隔離的仲夏夜之夢呀.

julian lloyd webber 呀心，係呀，佢大份過佢大佬o架！仲幾有殺氣，最o岩拍一D《奪命狂奔》、《月黑風高殺人夜》之類既戲，聽聞以前仲同佢大佬唔係幾o岩傾。 開緊套「貓」既戲？未聽過喎，可唔可以詳細寫黎聽下呀？

貓 真係唔好意思o刺，詳情我都唔係好清楚呀。等我再去八下先。 有冇睇芝加哥呀? 我都幾鐘意o的歌，例如 "cell block tango" 同 "nowadays" 都真係幾得意架。尤其係果首"cell block tango", o的男仔聽完就會知道女人可以幾凶! 一唔順超就用支槍---ban!!!! 坐牢咪坐牢o羅!

講開cello 我都好鍾意架。拉果個姿勢好靚。o的聲又厚，聽落去好舒服。 不過我就比較喜歡cello用o黎"襯底"。

《芝加哥》 呀心，《芝加哥》我有睇，仲專登去海運睇，貪佢銀幕夠大也，我覺得如果「揸住煲茶」當初肯接套戲，可能會好睇些(跳舞果部份)。 拉大提琴有樣好，順手也，小提琴要反手，辛苦D。「大提琴襯底」？你係咪又想起首卡農曲呀？ 琴日「不務正業」走去聽李博士的「思考方法」，順便見下D網友。 內容非常豐富，有「皮蛋酥」、「海洋公園遊」、仲「塞錢入你袋」…… 網友方面就犀利o勒，有身材健碩的壯士、有民初氣息，溫文儒雅的詩人、嬌媚的瑪利蓮夢露……人材濟濟，目不暇給，不能盡錄，以「如夢令」記之。 變心天越阿豪，家姐猛等細佬，想寫白板筆又無，經常有人遲到。「誤導」，「誤導」，驚鴻一瞥夢露

芝加哥，終於搭到咀 三兩年前呢套 Musical 喺香港做，我竟然有睇。 舞跳得好厲害，歌唱得好犀利。 所有演員嘅衫都只係黑、白、銀、灰以及魚網。（連觀眾都淨係着黑或者紅，夠哂入戲。） 中場休息時候連樂團嘅吹風手都有個人表演。 最後謝幕時得到最多掌聲嘅係 Roxie 嘅老公 Amos。

今晚我留點好笑的 http://www.thebugs.net/activity/lee.htm 影印咭廣告 非看不可 非同小可

下頁 要開電腦擴音器一邊看一邊聽！ 效果極佳！

只是路過的.... 因為這題目插不了咀, 我只可以偷聽偷學呀心,文哥,採菊和諸位的音樂智識 :P 不過那個"李雲迪"真的幾似.. 咭咭, 好鬼抵死 :D

真係巧合 click 去採菊介紹果個網頁到睇，睇到果條走廊，之後到個班房，之後到過操場，睇到件運動衫，最後睇到個禮堂的balcony，嘩，咁熟面口o既?! 原來係我以前間中學。 文兄，係呀，我又諗起canon 首歌。 小提琴加大提琴版。^^ 我琴晚係網到勁找chicago o的歌，找唔到不但止，俾o的sex 網整到成部電腦都係，唉....

好野 400 o刺!

呀心！ ！

貴客到 吳大小姐大駕光臨，真係藉增榮寵，曷勝榮藉。你都見啦，我呢一版來來去去都係得果幾個人，唔似得你同採菊咁受歡迎，你要多D黎捧下至好呀！《芝加哥》呢，都係留返俾採菊前輩同你傾啦！/。。\ ________________________________________________________________ 祖鐘，如果你想聽真正既音樂知識呢，你除左可以黎呢度聽呀心講之外，最好去中文聽李博士的課，然後同大家一齊去飲野，聽採菊開講。點解我會咁講呢？事情係咁既： 話說小弟琴日又不務正業去聽李博士的課，落堂一齊走去新亞茶餐廳飲野傾偈，李博士大約六點鐘離開，通常o係呢個情況下呢，其他人都會四散奔逃，化整為零。但係琴日就好唔同o勒！因為採菊同大家唱談音樂，從「如何聽古典音樂」到「古典音樂入門」再到「怎樣做一人古典音樂人」、「當一個古典音樂愛好者的基本條件」、「夏金城的曲藝初探」、「流行曲與古典音樂的比較」……等等等等，我都唔講得咁多，而且咁精彩既內容，我除左用小說形式寫出黎之外，我都好難用其他方法去表達我對採菊前輩既仰慕之情。 採菊將古典音樂既精髓部份，用簡單有趣既方式表現出來，再加上即席既示範，大家聽得如痴如醉，如沐春風，臨走時大家都依依不捨…… ________________________________________________________________ 採菊，小弟睇完你既推介之後都笑唔出，因為經過琴晚之後，我覺得我係呢度「講音樂」就等於廣告入面個「李雲迪」咁搞笑……-_- ________________________________________________________________ 呀心，原來你間中學係專出音樂家o架？我都好耐無俾野你估，又俾樣野你估下，係琴晚去飲聽返黎既。 話說我個外甥，即係將耶穌當拉登果個。琴日佢返學，忽然要去廁所，咁去廁所都係好平常既事，但係佢就響平常中見不尋常，因為佢屙唔出。 咁佢就話俾先生知啦！咁你估個老師點做？ 再來一首「如夢令」： 長老即是阿豪，阿梯等極唔到，女友要食龜靈膏，元朗果間最好。「夢露，夢露，瞓覺記得要早」。

阿文 阿文,你錯了,佐敦果間"X和堂"才是最好的(笑).:P

安地 係喎！我可能成日卦住：去元朗唔好去海洋公園；去元朗唔好去海洋公園；去元朗唔好去海洋公園………所以搞成咁。 改過先：《如夢露》 成日要讀電腦，食龜靈膏最補。女友想食即送到，調味不能糊塗；加醋，加醋，加親保証攪肚。^^

大佬文文大佬犀利爺大皇帝 阿文大佬麻煩你手下留情，筆下留人，我最多下次見倒你一粒聲都唔出係啦！我講得幾句野之嘛！唔好擺我上檯啦！聽你咁講我冷汗都標埋！最多我求下你係啦！唔好玩我野！我以後仲要做人架！求求你......嗚嗚 嘩我D冷汗呀......而家成件衫都濕晒！拿你知我身體一向唔係幾好，唔襟刺激，唔好咁搞法呀拿！否則我化為厲鬼......到時晚晚晌你耳邊唱馬小玲~~~~黃小虎~~~~~~ 不如你講下你果次上環卡拉揚音樂之旅啦！又或者回鄉探親的貝多芬之旅！非常動聽呀！我聽完之後琴晚至今聽左足足三次貝一，三次貝二呀！

睇我下邊的留言，咁多！我仲以為自己化身康慈呀！實情係......其實我地食T呀，次次都係李博士走左，大家都會繼續吹多一兩個鐘左右先散水架啦！唔信有安地長老等做人證．......鑑於身份問題，琴日我只係好被動同無奈咁比人問左好少問題，並且講左幾句野之嘛！阿文哥講到咁誇又無獎既，你做做好事啦......鳴鳴......李博士......你咁快鬆人做乜鬼......搞到而家咁樣......鳴鳴鳴.......(泣不成聲)

文哥，長老報道 尋晚我走鬼咗，之後有セ正嘢?

可惜可惜...... 長老以及昨日有俾電郵我既一眾網友，首先去睇下收唔收到電郵先。琴晚既事，我只能替你地早走既人可惜。 第二、採菊你唔好咁激動住，冷靜D先，有事慢慢講，等我食完飯行完街返來有好消息同你講。

慘！ 變心果封打回頭。

好消息！ 採菊，你想要的CD，小弟已經虔錄完成，我都播左兩次，保證聽得到，我會想辦法交俾你。(不過你唔好再半夜三更唔瞓響度不斷咁聽《病中吟》，仲放煲藥o係側跟聽到鬼死咁投入。反而建議你每日大清早起床就播番首《光明行》，一邊擦牙洗面，一邊聽，不出一頭半個月，保証你成個人醒哂，面色都唔到哂，對眼都睜得大D。) 另外，其實你都唔係話「日頭寫唔到野」吖！咁快就寫到兩段咁感人肺腑既留言，又再一次印證左你既文采，仲係多方面既添。所以係無需要有覺唔瞓既，只要有適當既推動，你一定可以寫出感人既篇章既，呢方面我一定會全力去幫你既，你放心啦！ 其次，你睇下長老幾咁好學？即使早走都一早上來問返之後有乜好野？你睇下佢熱愛音樂、追求真善美果種熱誠幾咁真摰，我睇見都好感動，你點忍心唔話俾人知呢？仲話以後要一粒聲都唔出？你快D收返呢句先！ 仲有，你咁抗拒做我小說入面既主角，即係對我寫小說既功力有懷疑o者！呢層你放心，今次就算我唔瞓覺、屙唔出，都要寫好佢，保証你滿意，仲要問鼎呢個網既「最佳短篇音樂實錄小說大獎」。 為左令你對我充滿信心，小弟再將舊作發表如下，保証你睇完會加強對我既信心不特止，仲可以增強你既抵抗力，加強免疫能力，做到百病全消。 《羅密歐與茱麗葉Ⅱ》 茱麗葉聽見「砰！」的一聲，回頭一看，見羅密歐有如扎一字馬的坐在地上，立即返轉頭把羅密歐扶起。原來羅密歐一邊跑，一邊起飛腳，所以跌了o係地。 茱麗葉把他扶起，問道：「你住哪裏呀？我扶你返去啦！」 羅密歐道：「你D婆乸真係麻煩o既，我叫你唔好走，你就係都要走，你睇下！依家搞到我跌倒o勒，係咪衰呢！你扶我返銀行先啦！嘩！好痛呀！」 茱麗葉一邊扶他行，一邊說道：「你仲留o係度呀？」 羅密歐坐低係銀行門口說道：「你唔好見我瞓o係銀行門口，以為我想打劫銀行。其實我揀呢度瞓，係至在隔離樓上間二樓書店。」說著嘆了一口氣。 茱麗葉道：「那書店有甚麼特別呢？」 羅密歐道：「我o係度等緊一本書出版。」 茱麗葉道：「一本書？」 羅密歐道：「無錯，我o係呢度已經由九九年等到依家。」 茱麗葉問道：「你想看的是甚麼書呢？」 羅密歐道：「《智劍與天琴》。」 茱麗葉道：「《智劍與天琴》？未聽過。邊個寫o架？」 羅密歐道：「李天命o羅。」 茱麗葉道：「寫《李天命的思考藝術》果個李天命？o下！乜你都睇佢o既書o既咩？」 羅密歐道：「睇！咩唔睇呀！我都係睇o左佢o既書，先至可以創造出咁天下無敵o既教義，同無械可擊o既護教招數咋。」 茱麗葉道：「乜D教義唔係李小龍創o既咩？」 羅密歐道：「唏！唔好問咁多啦！你一日未信都唔會明o架o勒！」羅密歐續道：「唔怕話埋比你知，《智劍與天琴》呢本書，本應幾年前出，不過李天命o係出版前夕，又話要加多篇o野，搞到依家都未出到，我等等下，o係幾個月前又聽到有消息話佢又會先出一本「前奏」：《從思考到思考之上》，會o係三月尾出，不過我睇都係出唔到多o架o勒，點知會唔會寫寫下又想寫本「變奏」o架？佢有邊本書係準時出假，我有佢本書o既第一版，係九一年出o既，但係後面就印住九零年出，即係出遲o左成年，算係最快o架喇！我無o野怕呀！我最怕佢失驚無神又走去出版社「騙」返D稿返o黎，唔出！咁就真係弊o勒！佢都唔係未試過o架啦！其實我話間出版社又真係懞o既！有生意都唔識做，可以一本書分幾本出吖嘛，一於出o左先，未寫好o既就當係續集o羅，又或者先o係月刊登o左先，先賺一筆，呢招佢地識格！不過唔知點解登登下又唔登。甚至出《李氏家族傳奇》時都唔加一篇落去，真係有錢唔識搵，我就唔同啦，瞓覺都要訓係最多錢o既地方。最好就係出直排精裝本，有簽名、買一送一、送講座VCD、有折頭、送贈券、有抽獎、有回贈。咁樣至可以補償返我呢幾年瞓街…呀！唔係，係瞓銀行！」 茱麗葉道：「咁本書有乜咁好睇呀？」 羅密歐道：「你唔明o架喇，豬兜…」 茱麗葉嬌嗔道：「你做乜叫人做豬兜o者！」 羅密歐道：「你唔入教就即係豬兜！係咁o架喇！點只好睇呀！仲好好笑添。有一次李天命「片」《考考》，你知啦，《考考》本書都係講思考方法o既吖嘛，咁人地「片」你，你咪同人過下招，睇下邊個好o野o羅，點知果兩個作者唔知做乜？係度大家劃清界線，又李天命話佢地參考書目漏了絕不應漏的兩本書，佢地講完一大論之後就話：「事實是：參考書目漏了這兩本書」。仲唔係死死氣咁講，而係好神氣咁講，真係比佢地兩個笑死。就好似一個武林高手被人摑左一巴，佢唔還手由自可，點知佢還起手上o黎係紅哂面，好似鬼上身，發哂癲咁亂咁打，仲未掂到人就自己撞埋D檯度跌o左係地起唔到身咁「骨稽」。」 茱麗葉問：「乜o野係「骨梯」呀？」 羅密歐道：「「骨稽」即係滑稽，讀正音吖嘛，你地D豬兜唔識o架o勒。」 茱麗葉道：「咁李天命本書同李小龍有乜關係呀？」 羅密歐道：「李小龍同李天命係好有關係o既，因為李小龍o係美國時係讀哲學o既，而李天命就係教哲學o既，李天命果本《李天命的思考藝術》好多人睇過之後都話好好睇，好勁。其實果D人根本就唔識睇呢本書，佢地睇漏眼。嘿嘿！佢地一直以為本書最利害o既地方o係《主題篇》或《導引篇》，佢地根本就唔知道呢本書o既好o野o係邊度，最叻o既都係睇埋D附注。D好o野又點會咁易被你地睇到o丫。其實呢本書最高深o既部份並唔o係正文果度，而係o係《參考篇》果處。」 茱麗葉道：「參考篇？」 羅密歐道：「無錯，係《參考篇》。裏面集合左上世紀最優秀o既頭腦o既心血結晶。所以李天命後來講起自己呢本書時都無再加自己個名上去，改稱為：《XXX的思考藝術》就係咁解o勒！每個X都代表唔同o既人名。」 茱麗葉：「吓！？」 羅密歐道：「當然，所謂天外有天，世間上能人異士甚多，尚有其他高人也說不定。就例如《考考》的兩個作者，佢地本書都被李天命「片」過，但係佢地本《考考》〈修訂本〉都已經出到第三版，反而李天命「片」佢地果篇文都仲未出書，真係高下立判，勝負分明，明眼人一睇就睇得出，盲眼o既聞下都聞得到，聾o既就唔使聽都知道、啞o既就…。」 茱麗葉打斷他道：「你又話佢地被李天命「片」到好「骨梯」o既？」 羅密歐大聲道：「「骨稽」呀！「骨梯」！唔識又要學人講！」跟住又嘆道：「唉！o係唔同o既時侯係有唔同o既講法o既。就好似李小龍咁，佢雖然咁好打，但係有時都要輸下o既！…」茱麗葉本想再問：「你又話李小龍唔會打輸o既？」但怕又被羅密歐罵，所以都是無問出口。羅密歐續道：「…就好似o係《精武門》開頭果場戲咁，佢o係墓前被佢大師兄一鏟兜背脊咁打落去，打暈o左，咪係特登輸o既o羅，果場係佢咁多套戲唯一被人打低o既戲。其實佢大師兄又點夠佢打吖，李小龍係專登輸o既，因為聽聞李小龍當時掘果個墓並唔係佢師父霍元甲，而係隔離二叔公o既，佢搞到班師兄弟無哂面，鬼死咁尷尬兼唔好意思，又叫佢唔停，所以咪打暈佢o羅！」 茱麗葉聽了覺得好笑，忍不住問道：「點解李小龍係神都會咁烏龍搞錯o架？」 羅密歐道：「佢係特登o既，因為佢係神，所以佢一早就知道自己會搞錯，亦知道佢大師兄會打佢，所以佢「就」哂位比佢大師兄打，唔係以佢大師兄咁o既功力，又點打得暈佢吖！」 茱麗葉道：「咁咪即係搞錯o囉！」 羅密歐道：「唉！神o既o野你又點會明吖，叫你信你又唔信，又要問。o係唔同o既時候或唔同o既需要時，有唔同o既做法同講法o既。」 茱麗葉道：「唔明你意思。」 羅密歐大聲道：「唔明你又問？乜你咁蠢o架！」 茱麗葉見羅密歐雖然癲癲地、又惡死，但想起最近攞o左奧斯卡金像獎果套戲，裏面攞諾貝爾獎個男主角，都係有精神病，便想這人也可能是個有好高智慧的人都唔定，說不定可以從他身上得到方法應付考試都未定，便答道：「咁人地唔明就緊係要問o架啦，咁乜o野時候先至用唔同o既方法同講法呀？」 羅密歐道：「通常係o係傳教、護教o既時候用得最多。如果你道行夠高，將道理用o係生活上，仲可以用o黎追女仔、寫文章、寫日記、寫小說、同人辯論o添，若然你境界夠高o既話，仲可以做到無處不用，收放自如添呀。唔怕話你聽，《考考》o既作者都已經入o左截拳道o架o勒，係我教佢地咁樣答o既，唔係佢兩個點敢出聲o丫，你諗下，當時被李天命「片」o既，除o左佢兩個之外，仲有個何秀乜o野話，阿可都唔出聲啦，何況果兩隻o野？不過話時話，果兩個劣徒又係幾好o野o既，有時夾擊，有時又分頭進攻，仲o係辯論中都可以咁幽默，打o左一場咁漂亮o既仗，遲下要升佢兩個做傳道人至得。唔似得你，講極都唔明，唔明又要問，問o左又唔信，唔信又要問，唔問又唔明，唔明又唔信，倒轉o黎o既！正豬兜!!!」 茱麗葉道：「喂！你不要再叫我豬兜好不好？我姓茱，叫做茱麗葉。」 羅密歐大笑道：「哈！哈…！姓豬？我都話你係豬o架啦！哈…！」 茱麗葉道：「係草花頭個「茱」呀！o拿，比張身分証你睇下o勒！」 羅密歐一邊接過身分証。一邊笑道：「吓？食草o既豬？」 此時一輛車停在路邊，兩個身穿制服的人落車，其中一人說道：「o拿都話佢實o係度o架啦！」兩人行向羅密歐與茱麗葉身邊，羅密歐忽然眼前一黑，原來被人用麻包袋套住，羅密歐一邊掙扎一邊大叫：「放開我！放開我呀！」茱麗葉吃了一驚，立即上前大叫：「羅密歐！羅密歐！…你地做乜o野要捉羅密歐呀？」其中一個穿制服的人拉住茱麗葉說：「大姐，你都係返屋企啦！呢個人黐線o架，你唔好同佢玩呀！」 羅密歐大叫道：「茱麗葉！你唔理我呀！快D走呀！有咁遠走咁遠呀！」 茱麗葉道：「你地放手啦！唔好阻住我呀！羅密歐！羅密歐呀！你唔好走住呀羅密歐！我張身分証仲係你果度呀！快D比返我呀！」 (二零零二年四月二日)

壞消息 採菊，你隻CD響我第三次複檢時，發覺你最想聽果首《病中吟》開頭會窒左窒，我將我果隻碟抹到乾乾淨淨都係一樣，咁你仲要唔要呀？ 不如改錄「雨果」王國潼既版本俾你啦，好唔好呀？雖然佢既功架怪怪地，但係「雨果」既錄音好正架，好似真係有個人o係你面前拉咁架，連支弓松香既摩擦都聲到架，最o岩你夜晚八九點臨瞓果陣時聽。 蕭白鏞都係麻麻地既o者，以前佢同中樂團夾，拉首《燭影搖紅》，開頭果下一拉就「撻Q」兩晚都係咁呀！ 又或者劉天華親手拉既版本吖，不過講明先，拉到好得人驚架，你唔怕至好呀。或者仲有無邊果二胡家既你想聽呀？ 或者我返屋企睇下仲有乜野版本再話過你知啦！

撞鬼o羅！D人去哂邊呀！我呢處有肺炎呀？ 採菊，小弟睇過o勒，《病中吟》呢類舊曲呢，就唔係咁多人願錄音既！錄都錄D新曲啦！ 係王國潼就出左好多隻(緊係啦！D新曲佢仲邊處拉到吖！你都係呢瓣既，應該明啦！)，仲有宋飛既版本，我未返聽，應該對佢有信心吖！想唔想要呀？

有人~就講兩句啦~ 文兄，請問「羅密歐與茱麗葉」系列總共有幾多篇呢？ 係咪全部可以o向「智者與遊俠」果度搵到？ P.S.好離題

鬼上身，交足功課． 文兄，當天採菊只是隨口一問，想不到便勞駕您做了這許多功夫，採菊實在是愧不敢當，感激不盡． 劉天華玩＜病中吟＞的唱片應是他出生百周年時龍音的出品吧？那個採菊有辦法找到．龍音的老闆鄚偉淊自己擁有大量文獻資料，我在他公司就見識過一櫃一櫃發黃的＜游戲雜誌＞等等，他對文獻資料似乎很著重，為劉天華，阿炳和孫文明做的專輯，全都附有厚厚百多頁的小冊子．劉天華在專輯中的演奏，應是六，七十年前的鋼線錄音，那個鋼線我曾在北京中央音樂學院見過，不過我見的是阿炳的錄音鋼線，嘻嘻，好像牙線一餅也！ 雨果一向最著重錄音，因為老闆易有伍讀過音樂，玩過無線電，做過很多地方的指揮，對錄音質素，音色等要求極高，話說每一次錄音，他都必定親自在錄音場地曉場數周，並請演奏者一邊演奏，以便他找出最佳收音之處，他們對於用咪也非常講究，另外，在製作隨碟介紹小冊子方面，肯定是首間編寫得最認真的的本地製作公司．有時連錄音咪的平面圖也刊出！那些精緻的製作全繫於易有伍一個人對"美"的嚴謹追求，我常想，這個"浪漫"的人一旦死掉，雨果的錄音便很有可能轉成另一種風格了．文兄上次曾提及雨果的演奏家不是每位也一定玩得好，那也是由於他們很著重"人"的因素，並不完全商業化地只看市場．是間很有點人情味的公司．不是賣廣告，我感覺雨果的每一張碟，都體現了一個人對一個夢和一個理想的追求，拿在手上也頗為感動． 至於為甚麼我一定想再聽蕭白鏞的錄音，都是一種情意結使然啦，話說那張色調"紅噹噹"的唱片，不知為何有一段時間我特別喜歡，日聽夜聽，晚黑聽著入睡，早上聽著吃早餐，當時幾近訓練至有absolute pitch，因為一起床，＜病中吟＞第一個音就在腦中響起也，很多時還頗為準確的．再話說當年我的同房是文換生，一次她帶來了兩位意大利朋友，臨別抽波之際，我"懶"慷慨地把自己覺得最好聽的CD送給其中一位，算做文化交流，當時想大不了再買一張，結果後來就再找不到了，因此現時有勞文兄翻版一張，以解多年之情意結是也． 其實那碟只是以<病中吟>為題，裡面所收的音樂都很好聽，我並非獨喜＜病＞一曲也，好像＜光明行＞和＜空山鳥語＞我也十分喜歡的． －－－－－－－－－－－－－－－－－－－－－－－－－ 有關食Ｔ時所答的問題，不想刊出是由於當時未經嚴謹思考，若不加詳細補充，便以文字記下，則恐怕錯漏百出，為有識之士所笑事小，誤導群眾則罪大矣！......不過咁，現時採菊正修鍊轉換心念之功夫，學習破我執是也．如當天講話有任何錯誤則閣下憑賦能進路自理......多謝文兄提攜之恩，採菊再頓首文兄足下！

《茱羅記》 10:49，你講得無錯，在「古典音樂」的所有留言中，你居然夾正採菊那篇少有的音樂佳作之中，仲係問《羅密歐與茱麗葉》的問題，的確係好離題，希望我答完你之後，你都俾下面，講下音樂啦！ 《羅密歐與茱麗葉》有幾多篇？我都唔係好記得，有豪情篇、完結篇、外篇、分身篇、復仇篇……。原先係同人在留言區談教徒的問題，一時興起寫的，大部份都要有留意當時的留言才會睇得明。 「智者與遊俠」果邊仲搵唔搵到我都唔知，可能已經同「分身造謠怪」「同歸於盡」都未定。你咁捧場，我再搵下貼上黎啦！依家打算寫篇「音樂鉅著--------採菊開講」，內容同之前一樣咁劇力萬鈞，樂韻繽紛。要媲美《莫扎特傳》，唔可以俾外國人叻哂，我地香港都有猛人既。不過寫唔寫得成，就要睇下採菊批唔批准；其他網友支唔支持o勒！

專家出手，不同凡響 採菊，見你今日咁精神，仲寫左篇咁高質素既音樂文章，真係開心。你琴日先至似鬼上身呀！好得人驚，一改你平日留言既風格，睇到我手足無措呀。 睇了你篇大作，真係令我汗顏，居然能夠將閒話家常的音樂題寫得如此優美，佩服佩服！希望你繼續寫多D，真正幫到愛樂之人提升賞樂質素啦！ ________________________________________________ 原來老蕭首曲對你有咁大意義，咁我更加要諗下計，幫你搵下先得。 十多年前，蕭白鏞來港同宏光合演，曾經上歡樂今宵表演左一首「山東小曲」，我有錄低，你想唔想睇下，不過盒帶借左俾人，我都要問人要返先。 既然你話鍾意佢其他既曲，咁就得o勒！俾住佢其他既曲你聽住先，吊住癮先啦！ _______________________________________________ 話時話，上次有易有伍既講座，你做乜唔係度通知聲呀？等我去學下野吖！ 上次我話雨果CD的演奏者多數都是唔出名，話雖如此，但其中都不乏猛人，CD出版後，內地唱片公司都跟住搵佢地錄，(寫寫下，開始有壓力，話哂小弟始終係二打六，玩下就得，一認真對住大師級既專家，真係有D緊張。)無耐仲黎埋香港添。聽聞「拿索斯」都係用呢招，在東歐搵人演奏，一次過買斷版權，免煩。講起易有伍，我學《步步高》呢首曲時，都係用佢八一年既譜，仲有佢既簽名添。 _______________________________________________ 阿炳同劉天華既鋼線錄音應該好易搵，而且咁有學術價值既錄音，你應該仲易搵添。 _______________________________________________ 至於你篇小說呢，我會一改過往風格，丑角由小弟做返，對你的戲份，一定正面都無咁正。其實我都唔係好能完全記得你當日的講話內容，又無錄到音。不過經你一提，我會用我既賦能進路去補足，你放心啦。 我節錄少少未經潤飾既俾你睇下滿唔滿意先啦。 …………… 變心問道：「請問聽古典音樂要俱備甚麼的條件呢？」 文一邊食着他的麵包，一邊大聲夾無準的道：「聽音樂既野，計我話呢，除左你唔係聾既之外，緊係要買返部高級音響啦！至緊要貴，三十萬樓下既你都唔使諗呀！」 變心道：「嘩，咁貴架，有無D平D架？」 文曰：「哦！咁我就幫你唔到o勒！你咪聽下F四呀，穿屎呀果D先o羅！」 此時，座中一把優美的聲音響起：「聽音樂呢，係唔關音響平貴事既！」此言一出，全個飯堂鴉雀無聲，所有人都被這句說話吸引住，紛紛向這邊望過來，連飯堂的工作人員都忍不住行過來想聽下。 眾人立即向聲音處望去，原來說話之人是採菊。 只見採菊悠雅地伸出她那晶瑩雪白的玉手，輕輕地拿起面前的汽水，飲了一口。玻璃樽發出「嗚嗚」的聲音，原來汽水剛好飲完。她慢慢放下汽水樽，微微一笑，左頰上現出一個淺淺的梨渦，臉上就似開了一朵花，然後用她那嬌美清脆的聲音溫文有禮微微低頭的說道：「請問有邊位可以幫我去買支汽水？」 「我去！」 「我去先！」 立即就有幾個可愛的網友舉手答應，然後一陣風般搶着向放汽水的雪櫃直奔過去，面上流露出榮譽與幸福的神色。搞到收錢阿嬸又要撲返過去收錢。 餘下的安地、浩然等幾十人，再加上附近食飯既學生、廚房阿叔等人以十分專注的眼神望着採菊，等她說出賞樂之道，………

//「聽音樂呢，係唔關音響平貴事既！」// 我好似無講過呢D喎！ 不如是但啦，我就照樣飾演你小說入面的人物，做正印花旦或者係丑生甚至梅香咸魚我都無所謂，總之所有對白由文兄設計，當我果日咩都無講過！任你點寫啦！ 見你咁寫，我都睇到哈哈大笑呀！ 大家玩得開心Ｄ！之餘仲要記得多謝艾兄！

係文兄 嘻嘻唔好意思名都打錯添．

阿採菊 我睇左你篇文之後，我又唔係好敢寫喎，而且就算我點寫都好啦，都唔會夠你親手所寫既咁精彩架喇，咁你唔想我寫，你就寫多D啦！ 不過，如果你真係想做丑角、梅香咸魚的話，我都可以幫你度身訂造，盡量俾位你啦！ 仲有，尺電郵啦！

《採菊開講》上接《專家出手，不同凡響》 採菊說道：「聽音樂的條件，其實好簡單……」 天越忽然說道：「講完音樂呢，最好講埋詩啦！教下我點樣可以打破枷鎖？」 天才說道：「好呀！好呀！我最鍾意寫詩呀，紅藥年年為誰生……」 跟住廚房阿叔接着念道：「亂世惜花自有人，白藥何需三度折？劍埋始敢現紅塵。」 天越問道：「咦？點解你會識念既？」 廚房阿叔話：「我個孫教我念既，我搭車返工成日都聽到人念架啦！呢度D校巴司機都成日念架，乜你地唔知既咩？不過首詩係邊個作既我就唔知，好似話唔知係李白定係莎士比亞作個喎！」 天才道：「乜李白呀！係你面前呢位嬌豔欲滴既小姐作架！」 廚房阿叔看了採菊一眼，說道：「係佢？」 採菊微微欠一欠身，回了一禮。 廚房阿叔打躬作揖的說道：「失敬哂，失敬哂，咁你一陣俾個簽名過我得嘛？我想送俾我個孫架！」 採菊微微一笑，算是應承了。 阿叔又道：「唉，最衰無帶相機啦，想影張相都唔得，唔緊要，一陣講完，食飯我請。」 眾人立即拍手叫好：「好野！多謝阿叔！」 文迪話：「喂！你地唔好嘈住先啦！等採菊講埋落去先啦！」 眾人立即肅靜，等待採菊講下去。 採菊說道：「不好意思，我想去一去洗手間，有邊位可以陪我去嘛？」 剛才去買汽水的幾個可愛網友又爭着應道：「我去，我又去！」 阿文說道：「又係你地去，次次都係你地呀？今次輪都輪到我啦！」 收錢的大嬸說道：「你就開胃呀！我陪！」對採菊笑道：「採菊小姐，我地行o羅！」 採菊說道：「有勞大嬸！」 只見採菊用正粵劇花旦正宗既碎步，但又很高頻度的跟着阿嬸行了開去。 「嘩！」變心說道「做乜事呀？行到咁既？對鞋唔o岩着呀？」 安地說道：「我話係波斯密碼。」 阿文說道：「呢D係凌波微步黎架，咁都唔識，你地有無睇《天龍八部》架？」又道：「去廁所又同開胃有乜關係呢？黐線！」 大約一頓飯時間，採菊同阿嬸返來，採菊坐下，拿起汽水飲了一啖，說道：「唔好意思，剛才講到邊到呀？」 家樂說道：「講到聽音樂既條件呀！」 採菊對家樂笑了一笑，說了聲：「唔該！」正要講埋落去，忽然響起一陣急速的跑樓梯聲，採菊輕輕皺了皺眉，大家望去，見有十幾人跑進來飯堂。「呢度呀！o係港台個網度講音樂果個採菊呀！」原來採菊開講的消息不斷散播開去，大家爭相來聽講。 阿翔：「殊——!」示意他們細聲點，不要騷擾採菊。 他們立即收聲，縮起雙手，提就對腳慢慢行，彷似電影中的速龍。 採菊說道：「其實，聽音樂……」 阿茵突然說道：「咦！李博士？」 眾人一望，果然是李博士，採菊問道：「李博士，點解你又會返轉頭既？」 李博士說道：「哦！我揸車落到下面，聽人話呢度有人講音樂喎，我咪上黎聽下o羅！係呢，邊個講呀？」 眾人指着採菊道：「採菊講呀，講得好好架！」 採菊嫣然一笑，有如鮮花綻開，說道：「哎吔！你地唔好咁啦！」 李博士說道：「係牙，好喎，你係網上果篇山上吹風既文寫得好好呀！寫到好似真既一樣呀！」 阿文道：「係呀，好似親歷其境咁呀。」 採菊說道：「哎吔！你地唔好咁啦！」 阿文說道：「我睇親都要着住風褸睇，怕傷風呀！」 阿嬸說道：「使唔使咁誇張呀你！講野都無句真既！」 阿叔說道：「係o羅！收聲啦你，信唔信我打你吖拿？」 眾人齊聲道：「打佢！打佢！打佢！打佢………」 採菊又說道：「哎吔！你地唔好咁啦！唔好離題啦，講返音樂好不好？」 眾人立即又收聲。 採菊又飲了啖汽水，說道：「我以前係學音樂……」 長老忽然大聲叫道：「校長？！」 眾人一望，果然是李國章黎左，阿嬸說道：「校長，你黎食飯呀？」 校長搖了搖頭。 福哥說道：「我知，黎聽採菊講音樂。」 李國章再搖了搖頭，然後用力抽了一口氣，仰天大叫：「呢度有非典型肺炎呀~~~~~~！你地仲唔走~~~！」 眾人一聽大驚，立即作鳥獸散，奪門而出。 「救命呀！」 「俾我行先啦！」 「李博士車埋我啦！」 「邊個有口罩呀！」 「黐線！」 「你踩住我隻鞋呀！」 「咁仲聽唔聽音樂呀？」 「仲聽乜鬼吖！上網叫採菊寫啦！」 「哎吔！你地唔好咁啦！」 ——完——　　採菊續

問o下 文兄 你生計好掂呀？何以咁得閒咁爽手寫咁多o野o既？

閣下有D面善o番！莫非係顧人？ 鬼咩，D人呢兩日當我呢處係高危地，肯上黎既都要戴口罩，所以咪咁得閒o羅！我都諗緊係咪要休返幾日。 寫得多係無用既，要寫得好似採菊咁有質素至有用。

@v@ 我有眼福o刺 ^^ 文兄，你個甥仔都好cute下喎。屙唔出，um.... 老師係咪係到講:" 薯..薯...." 呀? 哈哈哈

你終於返黎拿 呀心，唔係薯薯，就算講，都係講：唔唔…。你仲睇唔睇吖？ 答案係：o係咁既時勢，屙唔出屎都要叫家長帶返屋企。可能個老師讀過中醫，知道「肺與大腸相表裏」都唔定，好野！

文兄！ 哈哈哈哈•••！ (睇完你D大作，忍唔到笑！) ^_^

大佬文 阿大佬文，嘩哈哈∼∼∼∼麻煩你等等∼∼∼∼哈哈哈∼∼∼∼∼等我笑完再回一回氣先慢慢回你的電郵∼∼∼哈哈哈∼∼∼∼∼∼！（笑到一扑一碌地走開）

文 哎吔！你唔好咁啦~

嘩哈哈哈 :D 文兄，佢好...cute 呀! //小息// 小朋友: miss 我...我屙唔出呀... 老師: 咩話? 等等啦 小朋友想哭咁話:我咁大個仔都未試過既，點好呀miss? //教員室// 老師: 喂，你個仔屙唔出喎，係咪你平時冇俾生果佢食呀? 家長: -_-|||咩話? 老師: o拿, 我唔知咁多呀，你快o的o黎接佢返屋企啦. 等陣全班都俾佢傳染話屙唔出我就大獲野架o刺。 雖然冇文兄果o的咁好笑，但我真係靈感湧現。哈哈....

好過董伯伯 果個老師的危機感高過董伯伯好多喎~~ 我地學校o的人的危機感都好高, 有唔少人帶口罩, 話要停課。睇下星期一停唔停啦, 停的話, 我日日都上o黎玩同睇野^^ 文兄, 寫多o的o刺.

哈... 呀心，你都寫得好好笑呀！好野！你要寫多D呀！^^ 亞力士，忍唔到笑唔緊要，千祈唔好睇完好似我個外甥咁就得o勒！

文、採菊、呀心 其實我follow你地d貼文好耐架啦，但老餅嚮音樂方面（除左少少史前時期既pop野之外）就mud都唔識，所以一直無機會過來阿文哥呢邊捧下場。 其實想問下你地如果想選一d古典音樂比小朋友聽、刺激下佢地學音樂既興趣，可以比d mud野佢地聽呢？小朋友大概係四至六歲咁上下啦。

New Asia 老餅 唔好意思加口問句, 咁你個小朋友屙唔屙得出先？

屙？ 屙...唔屙得出，同介紹d mud音樂有關係架？唔係咁神奇咩嘛？

聽住先 目炯兄，本來你既問題應由採菊或呀心答比較好，但係佢地又唔見人，可能係琴晚玩ICQ玩得耐既關係，依家都仲瞓緊。 以小弟唔專業的推介，你可以買隻《古典情緣》，係白色封面既，大概五十蚊一隻。裏面有麥兜既「最靚豬腩肉」、「麥兜與雞」的原曲，仲有「藍色多腦河」、「給愛麗絲」、「天鵝湖」、「小步舞曲」等等易「上腦」既曲，應該o岩你個小朋友聽卦，不過你都係向採菊求證一下最好，唔係有乜事，我真係擔當唔起。

舊作再呈：《羅密歐與茱麗葉首部曲——後現代「豪」情篇》 二○○二年三月尾的一個星期五的晚上，這天的天氣很差，到了約九時半終於下了一場大雨。由於雨來得突然，很多人都忙着避雨，當中還有一位十多歲的少女——城中一家豪門望族的千金——茱麗葉。 茱麗葉這晚到同學的家中食飯，剛離開同學家時，想不到遇上這場大雨。她這晚穿了一套白色的裙，手挽着的手袋也是白色的，長長的秀髮，一身高貴的打扮，雖然在這下雨的晚上，仍是顯得光彩奪目，美豔動人。這時途人雖然都忙於避雨，但她仍是吸引了不少過路人的目光。 茱麗葉走到一間銀行的門口，借着那小小的空間來避雨，她正想整理一下亂了的頭髮時，看到銀行門口的角落躺着一個身形甚似電影〈鐵達尼號〉裏的排骨精——李安納度的少年。那少年面向銀行內，側身躺着。茱麗葉看了這情景，心中起了憐憫之心，把手中拿着的，剛才經過一間聖堂的門口時接過來的傳單，很小心的放在那少年的身上。那知，那少年忽然醒過來，看見身邊有人伸手過來，立即一手撥開，大聲道：「喂！做咩呀？想死呀？」 茱麗葉嚇了一跳，連忙道歉：「先生…對不起…」 那排骨精少年伸出右手的食指，望着右前方的地上，咬牙切齒的說道：「唔好叫我先生，要叫我截—拳—道—人！」 茱麗葉好奇的說道：「截拳道？」 那少年道：「無錯！就係李小龍嘅截拳道，我係佢嘅傳道人。」 茱麗葉道：「先生，你是說死了的那個李小龍？」 那少年道：「你做乜係都要叫人做先生嘅啫，你做賓妹o架？成日叫人先生。你先至死呀！我話畀你聽，李小龍係神嚟嘅！係唔會死嘅！」 茱麗葉這時看到那少年身穿米白色的衫褲，衫袋上寫着「羅密歐」三個字，便說道：「啊！是羅先生嗎？不好意思。不過，李小龍不是明明死了的嗎？而且他是人，又怎會是神呢？」 羅密歐大聲道：「你先至死呀！耶穌夠死咗咯，點解耶穌就可以做神？李小龍就唔做得呀？我成日都睇李小龍啲戲，如果佢唔係神！死咗！我又點會見到佢呀？我最近仲見佢係電視度賣廣告添呀！」 茱麗葉道：「李小龍又怎可以和耶穌相提並論呢？耶穌是神，聖經是有記載的…」 羅密歐怒道：「+ % $ # * 我話係就係啦！李小龍咁好打，如果佢唔係神，咁點解佢咁好打呀？你夠唔夠佢打吖？你仲係度駁嘴？你打得贏佢就你係神啦！白痴！信唔信我整嘢「吋勁」你歎下吖嗱？」說罷握起拳頭，作勢要打。 茱麗葉急道：「喂！你不要動不動就打人，不要說粗話好不好？我當然不夠他打。但你也要說說道理啊，怎能說好打就是神呢？」 羅密歐道：「咁依家個個都話自己係神，如果唔好打，又點樣去爭到個神位返嚟呀？少林寺啲和尚都去學功夫啦！武當山啲道士，峨嵋山啲道姑都要學功夫啦！連阿拉登班人都要學揸飛機、買軍火啦，係啲耶穌佬先至咁蠢，話人地啲功夫係道教嘅，唔學，唔學功夫仲可以學乜呀？所以都話你霎戇嘅！」 茱麗葉道：「西洋拳不是和宗教無關的嗎？」 羅密歐道：「天下武功出少林呀！少林寺啲和尚信乜嘢教o架？同埋西洋拳係左一拳，右一拳咁樣出o架，佢地已經用咗道教陰陽嘅理論，你幾時見阿泰臣兩隻手同時出拳假？不過就算佢同時出拳都唔夠李小龍打o架嘞，因為李小龍係神嚟嘅！西洋拳！難為你講得出o架，所以話你都黐綫嘅！」 茱麗葉被他一語提醒，心想這人可能有精神病，可惜雨又未停，不能離開，見那羅密歐又着實有幾分可憐，便說道：「那麼你可以說一下李小龍的教嗎？」 羅密歐喜道：「好！見你都有幾分慧根，就益下你，講啲祕訣你知啦！嗱！李小龍創嘅係截拳道，佢嘅教義就係：真誠咁去表達自己。修行方法就係要做到：腰馬合一。」說罷扎起四平大馬，舞手弄足，口中念念有詞，不時大喝幾聲，以壯聲勢。茱麗葉見此人瘋瘋癲癲，街上路人又不時露出驚訝的神情，令得她好不尷尬。 羅密歐舞了一大輪，感到有點累了，也應該休息一下，便走向茱麗葉，氣呼呼的道：「喂！婆娘！犀利啩！無嚇親你吖嘛？我平時都好少表演，今晚你有眼福嘞！好啦！再醒多啲料畀你。嗱李小龍唔只係神咁簡單，佢仲係一個完美嘅神，但係佢都有一個缺憾，就係佢係有近視嘅！但係佢有近視都好啦，都係好完美嘅，即係話，佢即使有缺憾，但係都係完美嘅，嗱你知唔知佢係近視吖？」 茱麗葉答道：「不知道。」 羅密歐道：「咁咪係囉，畀得你知，佢就唔係神啦！佢唔係神就唔會有近視啦，無近視就即有缺憾啦！有缺憾先至係真正嘅完美，明未？」 茱麗葉搖頭道：「唔明」 羅密歐道：「你信咗就會明格嘞！就算你唔信我所講嘅都唔緊要，你明咗就會信格嘞！最緊要你就係要講邏輯，要開放，點解中國依家咁發啫？咪就係開放囉！我唔開放又點會係度同你講嘢，我唔講邏輯又點會咁開放呢？仲有呀！李小龍係神，所以係無人打得贏佢嘅！比你打得贏就唔係神啦，如果你真係打得贏佢，咁就表代你有問題，因為你諗下，你有乜理由會打得贏個神啫，係咪？所以佢比你打低咗都無損佢係最好打嘅。只證明你搞錯，你嘅打法有問題。所以李小龍就係覺得無人可以打得死佢，覺得無癮，佢至自殺。」 茱麗葉奇道：「自殺？」 羅密歐道：「係呀！唔係仲有邊個整得死佢啫，就算佢比人打死都是故意的，你唔記得我講過好多次，佢係最好打嘅咩？同埋佢係唔會死嘅！佢只係暫時離開人世，因為佢係神，佢係神係因為佢最好打。係咪覺得我地嘅教義毫無破綻呢？真理吖嘛！所以咪無破綻囉！好嘞！我都睇得出你係個武學奇才，你就不如入教啦！」說着就捉住茱麗葉的手。 茱麗葉急道：「唔好意思意，我要返屋企了，我阿爸阿媽等緊我。」推開了他的手，可是雨仍未停，她一時不知如何是好。 羅密歐喃喃的道：「屋企？」一眼看到茱麗葉之前給他傳單，上面寫着「套房出租，有孩莫問」，大聲道：「咩話？租房？你叫我有咁大間銀行唔住，去租房？你緊係想打頂嘞？試下我嘅李三腳啦，我搓、曱甴…」 茱麗葉一聽見曱甴，即時嚇得花容失色，不理仍落緊雨，轉身就走，顧不得危險衝了出馬路，一邊走，一邊大叫：「救命呀！曱甴呀！…」羅密歐在她背後追着大叫：「唔好走呀！看招！」… 「砰!!!」 那砰的一聲究竟發生甚麼事？是茱麗葉中招？還是茱麗葉還擊，羅密歐中招？還是交通意外？ 各位看官睇完唔知點解唔緊要。唔使幫我解釋，亦唔使諗要用感性去睇，還是用理性去睇。只不過昨晚睇完「羅密歐與茱麗葉」，又想起李天命先生那篇《新羅密歐與茱麗葉》，一時手痕而已！ (二零零二年三月三十日)

文 講音樂？等到下次「10:49」睇我o向唔o各2度先啦~~ 說來慚愧，我比較少聽，好多話題都講唔上。不過將來情況(金錢､時間)容許的話係會聽下o既~ 既然我咁離題，都係暫時唔好回應咯^^"

New Asia 老餅 你好呀. 俾小朋友聽歌，可以試下<< 彼得與狼>> , 因為佢可以當成故仔咁講. 都好得意下架. 仲可以介紹埋o的樂器tim.

文兄 點解唔再講返你地之前同採菊的談話內容呀? 你篇野真係好得呀. ^^

漏左件大事無講^口^ 星期六去買左套許冠傑既碟，一隻DVD加兩隻CD都係賣七十四蚊，真係超值。 CD有陳小寶、陳秋霞、泰迪羅賓等人大談許冠傑。非一般精選碟可比。 DVD最正，全部都係我夢縈神牽既片段，收錄左當年金唱片全年最高銷路大獎既情況，當宣報一刻，鏡頭不斷影住羅文同許冠傑，最後許冠傑得獎，仲大唱勁歌，大跳勁舞。 仲有當年勁過四大天王既譚詠麟都有上台攞張六幾年o係大會堂睇許冠傑表演既戲飛出黎……… 許冠傑既歌詞好有意思，不似得現在果D咁既「越親越熱，然後短兵相接」咁核突。 總之，唔買你地就老襯喇！ 呀心，介紹得好。你仲想睇呀？我已經叫左採菊續架喇！ 阿採菊，你篇《採菊傳奇》寫唔寫埋落去呀？你唔寫我繼續寫架喇！ 琴日一個人去南丫島行左九個鐘，真係次次都有新野，今次仲捉到隻蟹，蟹蓋約杯口大，我用布袋入住，點知隻野不斷咋死，搞到我鬼死咁唔好意思，所以放生左，唔係就帶埋上山。 琴日又行段未行過的路，鬼影都無隻，要半行半爬咁上，因為無乜人，所以特別乾淨，快到山頂時，在一塊大石上一站，真有「一覽眾山小」的氣勢，怎知上得山頂，方知山外有山，越行越遠，山上很多奇石，抬頭一望，加上煙霧迷茫，真似仙景一樣，從最高處向下望，以前行開既山，全部變成小丘，遠離俗世，雜念都帶唔到上黎，霧景加怪石，拍得住大陸既名山。加上雀叫、鴉聲……咁壯麗既景色，真係難以形容。不過千祈唔好帶女性上來，保証行到喊苦喊忽，咁就大煞風景o羅！ 由於第一次行，未知何去何從，所以不敢久留，搵路落山要緊，有些路，你要當自己是穿山甲才行得舒服。最後想行下夜山，走去對住個海等到太陽落山才行返去榕樹灣，行到山邊的涼亭，想話欣賞下景色，點知有兩隻野嗡嗡聲咁飛埋我處，立即走為上着，見路旁的矮樹(大約新年的桃花般大)嗡聲大作，忍不住攞支電筒出來，睇下係乜？見有幾隻甲蟲飛來飛去，想話走啦！諗下又唔係；幾隻甲蟲唔會咁大聲既，再照，原來樹上有好多對甲蟲正在交配，原來如此，咁你地咪造你既野o羅，飛埋我處把鬼咩！大吉利是。 跟住行到差不多到沙灘，聽見路旁沙沙聲，搵電筒一照，有條蛇響處「力爭上游」，真係勵志，為此去到榕樹灣買了樣蛇既記念品走人。 採菊，雖然一個人行山都幾寫意，但係你一個妙齡少女咁樣行法又確實牙煙，要知日光日白並非你最好打之時也，不如你叫令兄o係中大捉D蝴蝶返屋企俾你撲下好過啦！

淘大花園為何成為重災區 剛從友人處得知，警方相信是由於淘大花園某條污水道有滲漏情況，而居民踏過那些污水回家，便將帶有病毒的污水也帶回家。而現階段未有證據指空氣是傳播媒介之一。 （本是一大堆英文，大意如此。但怎麼會集中兩個座向？Anyway...） 這段消息未經證實，但我相信會快被證實。

文哥開講 此時李博士道：「咁啦拿，文迪，採菊，阿茵，愛瑪，你地幾個女仔就跟我車啦，男仔就自己行路落火車站，Ｄ菌咁勁，快Ｄ返屋企唔好四圍去呀！」 「唔係呀？李生？你年齡歧視定係職業歧視呀？淨係車佢地唔車我？我唔係女仔呀而家？」收錢阿嬸忽然發難道。 李博士彷彿很驚奇地發現阿嬸，立刻解說：「咦！......呀係喎，唔好意思，漏左你添。不過咁，我唔會無端端漏左你既，我係會比出理由既.......」此時他伸出食指向天一指，準備解釋。 「喂李生，咪講咁多住，你部車去左邊呀？」阿文道。 「係喎，成個車場連轎都無一頂，老師你部車呢？」長老道。此時車場內空空如也，路面只剩三兩灘汔油污蹟，而原本正在淋花的EMO阿叔也不知所蹤，未關的水喉發出水聲，水流正在花槽中混成泥水越浸越高。 李博士騷首道：「哎呀！係喎，部車唔見左既？唔通我又唔記得關窗？」 天越輕聲道：「我諗都係啦！李博士上次唔記得關車窗，已經搞到整唔見左佢朋友借佢果部MD機啦......今次搞到連部車都唔見埋喎！」 「咁而家點算？」變心問道。 採菊道：「行路落啦仲講！」 阿文道：「呀係喎，唔記得左採菊你最中意行山既添，拿今次咁人齊，準你行一次啦，你日頭又唔係好打過人，少左我地幾個猛男，你都唔好諗住行落火車站呀！」 「我諗我地都係行啦！」安迪以異常冷靜的聲線說道。 於是一眾師徒好友阿叔阿嬸，便整裝待發準備向山腳火車站走去。此時阿文突然大叫：「咪字！咪字！」 採菊道：「又點呀大佬文你？」 只見阿文在衫袋掏出耳筒一對，塞在耳中，向權木隱密處走去，邊走邊道：「唔好意思下各位，等我駁返部機聽下音樂先。」 阿叔道：「唔係掛！避瘟疫咁大件事佢都要聽往音樂行呀？」 採菊道：「車你之前無留心聽佢講咩？佢咪話左囉，當年佢決心學聽古典音樂，選左貝多芬Ｄ交響曲日聽夜聽，聽左好多次都無感覺，直到呀......」 家樂道：「我知我知！直到佢有一次聽聽下突然間覺得『接通左』呀！從此之後佢就日聽夜聽，行街又聽，食飯又聽，沖涼又聽．訓覺又聽，上網又聽，行山又聽，我見佢頭先聽書果陣都照聽添呀！佢所有朋友既屋企同埋私家車呀，都要放Ｄ貝多芬音樂碟，以備佢不時之需架！」 愛瑪接道：「點止呀！佢話果次回鄉探親，返到大陸無得聽呀，都要去買住Ｄ低質素錄音帶黎頂住癮先呀！」 阿叔道：「唔係掛咁得人驚？咁咪仲恐怖過吸白粉。」邊說邊用手邊紙巾比劃出追龍姿勢。 採菊掩鼻道：「嘩阿叔，你張紙巾有無肺炎菌架？唔好四圍揩喎！」 阿嬸不屑道：「阿採菊小姐，我地呢Ｄ粗人就係咁架啦！你驚咪唔好行埋黎囉，廢事失禮親你啦。你估你讀音樂就好高貴呀，懶幹淨咁，我話你知呀，中國近代民間偉大音樂家瞎子阿炳呀，都係乞兒一個咋，當時人民偉大既黨母親就係睇中左佢呢個咁高尚既職業呀，都不知拍幾多電影，出書，出漫畫捧到佢幾高級呀！」頓時全場肅靜，鴉雀無聲，聽得張口結舌，眾人心想大學即係大學，連canteen收錢個阿嬸講既野都唔同過人！ 阿叔一和道：「咪係！你好幹淨呀而家？分分鐘你Ｄ病菌仲多過阿炳身上Ｄ跳蚤呀！」 採菊此時乍傻扮懞，向住文哥方向邊看邊道：「咦點解文哥咁耐既？」 李博士道：「係囉會唔會有咩事呢？」 天才道：「文哥咁醒，實無事既！」 阿浩此時一邊指住灌木後的人影，一邊話：「你地睇啦，佢返黎啦！返黎啦！」 長老道：「係喎！咦但係佢推住Ｄ咩呀？」 阿嬸道：「嘩好似係百佳Ｄ車仔呀！入面裝住Ｄ咩呀？」 只見阿文推著一部百佳車仔，入面放了一個DVD 放映機，一個CD機，一個錄音帶機，一些不知名以納米科技研製成的音響器材。在該車仔用來給小朋友坐的位置，則放置了甚多唱片，從巴哈到譚盾到蕭白鏞到小明星到拉赫漫尼洛夫到任姐到夏金城到思考與人生到從人生觀到應世哲學到紛亂中的寧定到存在與思考，琳瑯滿目包羅萬有。 「嘩文哥到底o係度搞咩呀？」變心非常出奇道。 眾人此時連細菌戰爭也置諸不理，洗耳準備細聽文哥開始音樂演講......

收筆 文哥我收筆架啦 唔好再叫我寫 頂唔住啦! 你中意點寫就點寫啦, 你寫得咁好, 我都係收檔啦!

jit ，詞不達意 發生滲漏情況的淘大其中一個單位，而那個單位住了一位威爾斯親王醫院的護士。因為所以如此這般……

??? 更詞不達意 ???

綜合各方猜想 １．爆過屎渠 ２．有人向著７號８號的信箱噴飛沫 ３．有人從７號８號高層不斷向下吐啖 ４．有人從７號８號晾衣服滴水 ５．有人靠害 仲有無？

我都知我一路睇其他嘢一路寫留言一定出事 威爾斯護士，有病毒 將病毒帶回家 護士家中有一條污水道有滲漏 污水隨外牆向下流 在大堂附近形成積水 積水有病毒 其他住戶踐踏過積水 便將病毒也帶回家 因為所以如此這般

蘇大師如是說 蘇民峰師傅話, E 座坐向唔好喎~~~~ 如是我聞。

文仔開講之《採菊篇》上集 李博士忽道：「你地慢慢傾下先，我要叉叉電。」 採菊說道：「不如我地一路行，一路講啦。」 眾人經過飯堂，回頭一望，見校長仍在裏面振臂大呼：「走呀~~~~~~~!!!」 安地說道：「弊！我漏左盒龜靈膏o係入面，唔得，我要入去攞返先！」 天才說道：「唔好入返去喇！你睇下校長，佢可能已經「領」左野喇！」 安地說道：「果盒龜靈膏係我女朋友叫我買架！我買唔到俾佢，佢打死我都有份呀！」 採菊說道：「既然係咁，你不如就搵個地方避幾日啦！」 安地說道：「咁我就去海洋公園避下先啦！」 採菊說道：「咁你保重喇！」 安地拱手說道：「各位後會有期。」說着便向海洋公園方向走去。 眾人揮手別過安地，只見烽煙四起，哀鴻遍野，不斷有學生帶着包袱，愴惶離開中大，向山下走去，有人承機搶人口罩。忽見一個英姿颯爽，氣度不凡，面如冠玉，目如朗星，面上帶有幾分誠懇，人又有少少踏實既中國籍男子在人群中向他們走過來，原來是阿梯。採菊說道：「咦？你又話唔黎既？」 阿梯說道：「我特登拎返對鞋黎俾你呀！」從袋中取出一雙紅色的繡花鞋，鞋頭繡有一對蝴蝶，甚是別緻。「仲有D口罩俾你地添呀，係我造既，加左活性碳，一定安全。」 採菊說道：「阿妹呢？」 阿梯說道：「仲好講，你着左佢對鞋，佢無鞋出街呀！」 忽然一輛私家車以高速在他們身邊經過。 阿梯一望，說道：「咦？係李生喎！」 眾人驚嘆：「嘩！好快呀！」 天越說道：「咦！佢搵返架車o番！」 阿梯說道：「等我同佢「練」返轉先！」 採菊說道：「喂！你小心D呀！」 阿梯說道：「得喇！你都唔好玩咁夜呀！記得早D瞓呀！」 眾人目送阿梯走後，浩然說道：「咁我地依家點呀？」 文迪說道：「去燒野食吖！」 阿文說道：「都好喎，不過留返四月搞吖，去淺水灣，遲D電郵俾你地。」 長老說道：「不如黎我宿舍度繼續傾吖！」 天越說道：「怕唔怕架，呢度係高危區黎個喎！」 阿文說道：「乜你地無聽過『最危險既地方，就係最安全既地方咩』？」 變心對長老說道：「咁就要打擾你o羅！」 長老說道：「能得採菊姑娘同各位大駕光臨，係我既光榮至o岩！」 採菊說道：「咁就麻煩長老你引路啦！」 長老說道：「好！不過大家戴上口罩先。」 忽然有幾個人上前想搶口罩，被變心一掌擊退，叫道：「大家退開，保護採菊姑娘。」但係阿文同阿叔阿嬸就走唔切，中招倒地，面色發青，全身發冷，口流白沫，仿似一隻青蟹。 長老一看，說道：「嘩！係咪中左非典型肺炎呀？唔好行埋去呀！」 浩然說道：「邊會咁快發作架！」 天才說道：「唔通中左玄冥神掌？呢家野好麻煩個喎！要練九陽神功個喎！依家去邊度搵俾佢練呀！」 採菊說道：「你地搵人抬佢走，慢慢再想辦法啦！」 天才說道：「咁阿叔同阿嬸點呀？」 天越說道：「頭先佢地出口頂撞採菊姑娘，抵佢地死啦！」 天才和天越上前抬起阿文，天才說道：「嘩！咁鬼重既！不如一腳踢佢落山算把啦！」 採菊說道：「唔好咁啦！你地抬佢走先啦，或者仲有得救呢！」 文迪說道：「嘩！乜D口罩咁臭既？用過架？」 浩然說道：「同對鞋擺埋一齊，緊係臭啦！」 當下採菊、變心、浩然、文迪、天才、天越抬住阿文，跟隨長老返宿舍。 ……………………… 眾人去到長老間宿舍，除下口罩，安坐妥當，長老斟了杯茶對採菊說道：「採菊姑娘，我呢度無汽水，你飲住杯茶先啦！好嘛？」說着躬身呈上。 採菊接過杯茶，說道：「多煩了。」 天才指着阿文說道：「咁呢件野點算呀？」 採菊說道：「你試下幫佢戴上耳筒，俾首《貝九》佢聽，睇下救唔救得返？」 文迪說道：「咁我地依家傾乜野好呀？」 天越說道：「不如請採菊姑娘講詩吖！」 長老說道：「好呀，自從我早晚都念三遍採菊的《紅藥詩》之後。依家記性好左、人又勇敢左、自信心又高左，連個人都大隻左添呀！你地睇下。」說着演起胸膛；露出兩隻「老鼠仔」。 眾人一看齊聲說道：「係好大隻喎！」 文迪也道：「係呀！我念左唔夠一個星期揸嘛，面色好左、皮膚又滑左、個人反應都快左呀！」 浩然說道：「俾我睇下………係喎！」 採菊甜甜的笑了一笑，說道：「既然大家想聽詩，咁我就講少少啦！」 大家立即肅靜坐好，聽採菊開講。 採菊用她那嬌美的聲音說道：「其實寫詩呢，話難唔難，話易唔易，全要看你想達到甚麼水平。今日先講「近體詩」。首先第一步，當然是要先知道「近體詩」既格式、搞清楚平仄韻律。平仄不合，則不足以成詩。第二、就是要多讀，意即多讀好的詩篇，將他人的詩句變成自己的「墨水」，而且讀的時候，最好一邊思考一下；要是由你來作，你又會如何寫呢？第三、則要多寫了。」 天越問道：「咁如果識左格式平仄，仲有乜野方法可以令首詩寫得更好呀？」 採菊說道：「寫詩既技巧有好多，同埋寫詩不同寫說理文章，要有詩意，所謂『無理而妙』，因為『正言直述，易於窮盡，而難以感發人意』，就如『白髮三千丈』這句詩，大家都知道現實中是不可能的，但以『無理而妙』來表現，就能『傳難言之意，省不急之文，摹難傳之狀，得意外之情』。又如李煜的《清平樂》中的『路遙歸夢難成』一句。要知道，能否成夢，與路的遠近全然無關，但詩人就在這無理中表達了極深摰的感情，雖寫得無理，讀起來卻『不覺其虛，彌覺其妙』，而無理也不是不着邊際的天馬行空，還要合情，要做到『看似胡說亂說，骨裏卻盡有分寸』。 「又例如『背面敷粉』意即『正面不寫寫反面，本面不寫寫對面、旁面』。如古樂府《陌上桑》：『行者見羅敷，下擔捋髭鬚，少年見羅敷，脫帽著帩頭。耕者忘其犁，鋤者忘其鋤』。不正面寫羅敷五官形貌如何漂亮，卻從旁觀者的行動來寫她的美貌，這就給讀者留下了無限想象的餘地了。」 天才說道：「再講多D吖！」 採菊輕輕撥了撥耳鬢邊的秀髮，說道：「仲有既，例如『劈空而起』、『用常得奇』。『劈空而起』意思係指詩的開首有一種從天而降的突兀之感，達到驚人耳目的效果，曾國潘所講的『空中起步，其來無端』也是這類意思，但用的時候要小心，用得好，可令人一看便有驚喜之感，否則就會給人沒頭沒腦的感覺了。而『用常得奇』，即不用難字僻語或從尋常的生活中發掘出不尋常的藝術，創造出「人人心中所有，人人口中所無」的藝術境界。 「就好似我首《紅藥詩》咁，第一句『紅藥年年為誰生』，氣魄宏大，立即便把讀者吸引過來，又用了兩個問句，做到感情濃郁，令人回味無窮。開首『紅藥』同結尾『紅塵』互相呼應，令含意更深，韻味更足。而且唔識作詩既，念多幾次就識，呢個我唔係得個講字，你地上網睇下就知。再加上情韻動人，令人一讀再讀，愛不釋口，所以能夠念到家傳戶曉，網上流傳，就係咁解o勒！」 變心說道：「係呀！我每次念到『劍埋始敢現紅塵』果句，我就會想起宮本武藏o係一乘寺同吉岡清十郎大戰果幕同巖流島與佐佐木小次郎決鬥o架o勒！」 文迪說道：「係呀！我睇親你首詩都會諗起阿通呀！」 浩然笑道：「嘻嘻，我就會諗起朱實。」 採菊說道：「寫詩的技巧還有很多很多，我也只是抽了幾種來講。」 天越說道：「嘩！咁多技巧，咁咪有排先學得哂？」 採菊笑道：「咁又未必，所謂：『有腔口易描。』單單學了格式和一些古人用過的技巧，未必就能寫得出好詩。要寫得有感情，真誠都好重要既，元好問曾云：『由心而誠，由誠而言，由言而詩』。心誠之作必有感而發，杜甫如果無安史之亂的親身體驗，又如何寫得出『感時花濺淚，恨別鳥驚心』這些名句呢？有些詩整首都無用到任何華麗既辭釆，亦無用甚麼特別的技巧，只用極其質樸簡單既說話黎表達，但抒寫時，如從肺腑中流出來，便能深深打動到讀者的心，令人一讀為之動容，再讀為之下淚，三讀為之斷腸。否則無感情但又『為賦新詩強說愁』，只是無病呻吟。砌詞造情之作，即使能夠感動人於一時，始終不會有藝術生命力的。」 採菊續道：「其實天才同天越的詩都寫得好好啊！我建議你兩個大可向「藝術發展局」伸請一筆錢，出番本詩集，在此經濟低迷之時，能夠殺出一條財路都有之。」 天才說道：「我就話不如搵筆錢，入返D口罩返黎賣仲實際o勒！」 長老說道：「我話最好印埋採菊姑娘首《紅藥詩》o係個口罩度，就保証D人搶住買o勒！」 天越拍手和應：「無錯無錯！」 阿文聽了一輪貝多芬既第九交響曲，已見好轉，見各人談得咁開心，忍不住要講埋一份，說道：「採菊，我最近去南丫島行山，遇上霧浪滔天，寫左首五絕詩，你幫我睇下得唔得呀？」 採菊揚一揚頭，把秀髮拋了一拋，說道：「乜你都寫詩既咩？重學人寫五絕添牙？五絕字數少，好難寫個喎！你念黎聽下。」 (^口^戲肉又黎o勒！) 究竟阿文寫左首乜野詩呢？佢既傷好唔好得返呢？博學多才既採菊會點答佢呢？ 劇力萬鈞，萬勿錯過。敬請留意，下集放映日期。

採菊出手，高下立判，阿文莫及，唯有食塵。 哈哈哈… 阿採菊，你寫得咁好笑，真係佩服，小弟無你寫得咁有趣，你將就下，睇住先啦！

插曲 話說當阿文寫詩之際眾人忽然聽到一把充滿絕望的聲音以千里傳音的方式傳來:點點..解解...我到左左...海洋公園之之...後一一...DD...合法法...誘惑都都....冇冇...架架...?比番番...D龜龜...靈膏膏...我番番...去交交...差阿阿...!

佇候文兄大作！ 文兄大作讓人拍案叫絕，採菊自愧連欣賞水平也未及．待肺炎危機一過，真是要出城買一本<<幼讀唐詩>>惡補．採菊於此留言區之言全屬BB班練習之作，東施效顰，厚顏之極，日後還請文兄多加批評指正．並多留大作以饗網友．

講起我個外甥… 呀心，我個外甥仲好靚仔添架，如果佢一路保持咁樣發展落去，大個實聽追死女呀！ 我細個個樣都好得意架，不過唔知點解大大下，變到依家成個賊咁既樣，唉……！(嗚……) ________________________________________________________________ (~_~)採菊姐，你唔好咁啦！你咁樣即係要我敬你十丈既o者！你咁客氣我好難寫個喎！ 以小弟既才學，就緊係唔能夠完全寫出你既才華架啦！放假在即，玩埋呢幾日啦！

文仔開講之《採菊篇》下集 阿文說道：「首詩係咁既：『霧掩登山路，雲遮落日圓………』」 採菊說道：「拿！剩係聽你一開首呢兩句就已經有問題o勒！你第一句用了個『掩』字，第二句又用『遮』字，此兩字意思相同，稱之為『合掌』，寫詩時可免則免。你可以將其中一個字改過，你地試下幫阿文諗下，用邊一個字好？」 阿文說道：「咁呀……好難諗個喎！」 天才說道：「我諗到，用個『湧』字！『霧湧登山路』咁得唔得呀？」 採菊說道：「天才果然無改錯名，好叻仔，咁快就想到。」 大家齊聲鼓掌，天才拱手回禮。 採菊說道：「唔錯，可以用『湧』字代替『掩』字。」 阿文說道：「點解唔可以用『湧』字代替『遮』字呀？」 採菊說道：「『湧』字是仄聲，如此你第二句豈不是犯了「孤平」？」 阿文立即恍然：「係喎！」 採菊繼續說道：「第二、你這兩句顯然是一聯，可惜最後『路』和『圓』字又不對，人家看起來，見頭四個字都對，單單是最後一字沒有對，有點怪，不夠完整，人家讀起來也不舒服，唔………你最好將第二句最後一個字改為名詞。」 阿文說道：「咁點改好呀？」 採菊微一沉吟，說道：「你可以將第二句改為『雲浮落日天』，咁咪得o羅！」 眾人拍手讚好：「好句，好句，採菊姑娘好野！」 阿文說道：「唔得唔得，個圓字我一定要返既，因為當時大霧，霧煙隔住陽光，唔再刺眼，所以我好容易咁睇到個太陽係好圓既，好深印象，『落日圓』呢三個字，我一定要返既！」 變心說道：「是但啦！你都就黎死咯，乜你咁麻煩架！」 採菊微微一笑，說道：「要保留也可以，那你最好就將個『路』字改為形容詞了。你地幫阿文想下，改個乜野字好？」 眾人想了一會，天越說道：「用個「遠」字得唔得呀？」 採菊說道：「非常好！如此可以表現出，山路在雲霧之間若隱若現，有一種深遠既感覺。咁頭兩句就改為：『霧湧登山遠，雲遮落日圓』啦！咁跟住果兩句呢？」 阿文搖頭擺腦的念道：「『坐觀雲浪捲，都蟲聲兩邊傳呀~~』。」 採菊說道：「第四句應為仄仄仄平平，一三不論，但係個『聲』字係平聲，又唔合平仄o勒！應該用仄聲吖嘛！」 天才一手拍落阿文個頭處，說道：「妖！你咁無用架！寫乜鬼野詩吖！」 眾人又大叫：「打佢！打佢！打佢！打佢……」 採菊嬌嗔道：「你地又離題o勒！我唔講喇！」 文迪說道：「你地唔好嘈住採菊姑娘啦！可以聽完再打吖，你地睇佢半條人命，你荒佢走得甩咩！」 眾人想想也是道理，便不再出聲。 採菊見他們不再喊打喊殺，便繼續說道：「仲有，乜野叫做『兩邊傳』呀？」 阿文答道：「我意思係，兩邊都有蟲叫咁解o羅！」 採菊說道：「你不如將個『聲』字改為『語』字，除左解決平仄既問題，仲用埋「拟人法」，成句改為『蟲語耳邊傳』，豈不更好。」 眾人齊聲叫好：「採菊好野！」 採菊說道：「但係你第三句既然用『坐觀』，咁第四句最好應該是「言情」的較為理想。你想下應該點樣寫？」 阿文面有難色，說道：「要言情呀……」想了一大輪，說道：「咁啦！『坐觀雲浪捲，臥讀肉蒲團』咁得唔得呀？」 眾人哈哈大笑，採菊問道：「乜你帶住本《肉蒲團》行山既咩？」 阿文說道：「咁……又唔係，講下o者！………咁呀！咁就改為『不落俗塵牽』，咁得嘛？」 浩然笑道：「嘻嘻，我都係中意之前果句多D。」 採菊說道：「又用『落』字呀……」 阿文說道：「咁用「為」字啦！『不為俗塵牽』。得唔得呀？」 採菊說道：「咁都算過得去啦！」 眾人又叫：「採菊好野！好強呀！」 天越說道：「咦？咪住先，佢首詩第二句用左個『雲』字，第三句又有個『雲』字，咁又得唔得架？會唔會唔係幾好呀？」 採菊說道：「問得好，能避免固然最好，但若果非如此則不能達意，亦無需拘泥於俗定之規。此處再用『雲』字也是可以的。」 眾人又再明白一層：「哦！原來係咁。」 阿文又問道：「我仲想問多句；咁請問如果我想提升寫詩能力，有乜好方法呀？」 採菊說道：「你只需要多念我那首《紅藥詩》，朝夕諷誦，三五七年後，以你咁既資質，都應該可以搞得清乜野叫做詩既。」 阿文說道：「多謝採菊前輩指導，阿文頓足採菊首下。」 採菊聽見阿文又亂拋書包，不禁哈哈大笑：「嘩哈哈∼∼∼∼∼∼∼∼哈哈∼∼∼∼哈哈∼∼∼∼∼∼∼∼哈哈∼∼∼∼」 眾人大吃一驚，見採菊笑得如此怪異，實在是一反常態，盡皆駭然。 採菊知道自己嚇親其他人，立即收聲，不敢再笑，說道：「不好意思，小女子失儀了。」 一時無人敢再出聲，過一會變心開口說道：「哦！咁……都…都無乜野吖！」 那知採菊想下想下，忍不住又再大笑起來：「嘩哈哈∼∼∼∼∼∼∼∼∼∼∼∼哈哈∼∼∼∼∼∼∼∼哈哈∼∼∼∼嘩哈哈∼∼∼∼∼∼∼∼哈哈∼∼∼∼∼∼∼∼∼∼」仲要笑到一仆一碌地走開。 各人今次更驚，嚇得站起身來退開，採菊見狀行前說道：「唔好咁啦你地！」 眾人見她行埋黎，立即四散奔逃，採菊不斷勸停，但大夥兒見她行過來，更加爭相走避，呼天搶地，大家在屋內追逐。 文迪站在牆角不斷搖手大叫：「你唔好得埋黎呀！」採菊說道：「你唔好咁啦！」忽聽見地下傳來人聲：「文迪快D走呀！」 採菊一看，原來浩然捐了落床下低，伸個頭出來文迪快D走。採菊立即嗚低身說道：「你出返黎先啦！」 浩然見她過黎，立即嚇得縮返入去，連同天才、天越在另一邊以極速爬返出來，矯若游龍，煞是好看。 長老最慘，無路可走，迫了埋牆，由於他太用力的關係，因此可以雙腳離地，象條「鹽寫」一樣，貼住堵牆。 採菊見到，立即說道：「小心D呀！」伸手想扶他下來。 長老更加驚，用力一逼，「碰!!!」的一聲巨響，把牆頂穿，露了一個大洞出來。 各人見狀，立即靜了下來。忽然聽到一些把仿似充滿絕望既聲音：「點點..解解...我到左左...海洋公園之之...後一一...DD...合法法...誘惑都都....冇冇...架架...?比番番...D龜龜...靈膏膏...我番番...去交交...差阿阿...!」 眾人面面相覷，天越忽然說道：「鬼呀~~~~！」 大夥兒立即走去開門走人，那知門一打開，門口站着一個人，大家一看，原來又是校長來了，只見他戴住口罩，滿頭大汗，頭髮散亂，雙眼滿布紅筋。 (^口^高潮黎o勒！) 故事發展到呢度，已經到左白熱化既階段o勒！究竟校長黎做乜呢？ 耐人尋味，扣人心弦。請看《結局篇》啦！

NA師兄 想刺激小朋友學音樂？因為我現時教的全是大朋友，因此對這方面無甚心得，不過我可以告訴你我小時候對音樂產生興趣的經過以供參考．犯一點不相干的謬誤，轉移話題當為作答．你收貨嗎？若收貨的話我今晚便上來寫．

阿文代答 想呀想呀！期待已久，洗耳恭聽呀，快D啦，好心急呀！好心急呀！

採菊 佢唔收貨 我呢個小朋友代佢收貨 洗耳恭聽採菊姐姐的偉論

採菊真係唔講得笑，萬眾期待呀！ 今次真係採菊開講呀！拋磚果然可以引玉，夢想係可以成真既。 仲未有得睇架！快D啦！ (>o<)心急死我喇~~~~~~！

歌唱童年 我想寫這篇東西很久，現在終於有合適機會，迫我把這些記憶整理一下並且寫出來．謝謝各位給我這個機會． 記得幼時住在山中，玩伴很少，加上家貧，沒有精美玩具，我閒來喜歡唱歌，幼稚園的歌是老師一句一句教，通常都是背了回家唱的。小學時最開心，因為學校有歌書和詩集，沒有忘卻歌詞的煩惱，便可以不停唱不停唱。我甚至經常把歌書也帶著出街，在父親的客貨車內大唱不停。到小學要學牧童笛時，便帶著牧笛四處吹，當時採菊讀的小學有一種非常奇異的現象，就是因為音樂老師要我們"背笛"，考試又要考，所以每天上課前和小息時，都會出現笛聲處處，很多同學三五成群，一邊吹一邊走路。如果在行樓梯時吹笛，是會被風紀勸籲不可的，因為怕發生危險。因為弟弟在同校讀書，故有時可和他合吹二部音樂。

我的第一具木琴 採菊曾經得過一個別人棄掉的玩具木琴，黑鍵是繪上去的那一種，相信現時經已絕跡，我是靠那琴上寫著的123數目字，配合歌書上的 123簡譜，自己學懂簡譜讀法的。雖然不是全部歌都能玩，但當時來說已很足夠。我記得自己創作的第一首"歌"，就是用這木琴的實驗成品，其實那只是數句旋律。不過先學簡譜對我來說產生了一個問題，就是以後我就很不習慣讀五線譜，使我後來在音樂上的發展受到很大限制。

父親的竹笛 仍是小學時代，當時家父在家中不時吹奏中國笛子，當採菊有一天發現，原來我也可以把橫笛吹響時，便取父親一些較短的竹笛吹奏一些耳熟能詳的旋律，記得當時最喜歡玩"龍的傳人"，想必是該曲五聲音階與樂器配合之故。然而，家父是沒有主動教授過我如何持笛如何吹奏的。我有時會自己請教他。

詼諧的＜＜鄉愁＞＞ 採菊在大約十歲時才搬離深山，在我多番不懂事的要求下，母親終於讓我到琴行學彈鋼琴，初時只能租琴房，每天定時到琴行練習半小時。後來得到了第一具鋼琴，採菊便在家習琴。不過那具琴是父母在垃圾站用五十元工錢請人把它搬回來的，琴鍵如"煙屎牙"般發黃，我試過用多種清潔劑都不能"省"成白色。而最有趣的是，有不少琴鍵都壞了，在彈下去以後不能回彈上來，結果我在彈琴時便要一邊彈奏，一邊忙於把琴鍵拉回原位，這樣一邊彈一邊拉回，竟可彈畢一首我最喜歡的理查克萊德曼的＜＜鄉愁＞＞，現在想來畫面非常有趣。

最喜歡＜＜故鄉的雨＞＞ 在聽音樂方面，採菊小時候很少機會聽，因為只有父親的客貨車中有放錄音帶的設備，當時父母喜歡聽鄧麗君，除小鳳和薰妮，薰妮很多好歌如　＜＜故鄉的雨>>，＜＜小貓的故事＞＞等，採菊都能跟著一起唱。至現時想起仍覺得薰妮有不少歌曲十分動聽。父親和我都十分喜歡＜＜故鄉的雨＞＞這首歌。

勁有創意的音樂同學 也談談別人的童年音樂往事． 採菊也有一些同學說過小時以音樂自娛的情況，例如有一位彈琴很好的同學就說，在她要到琴房練琴的日子，由於周末不能去練琴，所以她會用當時流行的木衣夾，一排地夾在膠衣架下面，假裝琴鍵自己很陶醉地彈奏起來。另外有一位同學，因為家中沒有玩伴，除了以手指和腳指玩挑繩花之外（！），更會以錄音機錄下吹奏牧童笛的旋律，然後一邊播放，自己又再創作第二部的旋律齊奏！採菊覺得他們真是勁有創意！

說到這裡 我會就以上的經驗，小結一些對引導小童學習音樂的意見，不過在這之前，我要想想有沒有補充．

羡慕 有個充滿美好回憶的童年,真令人羡慕

謝謝採菊 昨晚打左兩個鐘羽毛球，筋骨盡碎，返屋企無開電腦就沖涼訓覺。今朝起身，見到你寫既音樂成長經驗，開心都黎唔切，又點會唔收貨袐！ 又，老餅如我，由零開始，想pick up一樣樂器，比如話小提琴，你話好唔好呢？同小朋友一齊學一樣野係好大既挑戰，因為分分鐘佢學得快過你、好過你，咁老豆既尊嚴好快蕩然無存...

變心說道：「是但啦！你都就黎死咯，乜你咁麻煩架！」 文兄的文采令人遺笑九泉!

謝謝呀心、文 掛住「反戰」個thread，幾乎唔記得要回來這裡多謝你倆。老餅人到中年，望返轉頭，才發覺讀書讀埋d「唔啦更」既野係最好玩。另一個遺憾，就係無學一樣半樣樂器，所以好羨慕你地識玩二胡、小提琴。

汗顏-_-|||(借呀心個樣一用) 新亞老兄，原來採菊姑娘當年讀音樂時係專攻二胡架，小弟之前一直o係度班門弄斧，仲懵然不知，唉………

^++++++^~ 大華兄 小弟都盼你能：獅笑永留人間啦！

彼此彼此 難忘記你的血笑　像巨盆像刀光照

客氣客氣 大華兄 永記你詩藝才華，黃昏在「邀月」共茶

仲有仲有 大華兄 難忘你的姿態動靜，略帶憂鬱的一雙眼睛。

文兄你..... 難忘大華兄的姿態動靜？ 你果然是......藍宇？

唔爭在 天才，你好日都唔過黎坐下，見我思念大華你就咁快開口，莫非你係…… 等我都贈你兩句先：難忘你的淺笑，象春天象陽光照，和那離別幽幽的背影。

無幾多日咋！(我指個留言區) 採菊，不如講埋你寫詩既歷程吖！

NA師兄,見你在線 交埋尋日的功課先

老餅今日小休，賦閒在家。 有勞麥姬了。

隨手功課 其實都寫好了，很想整理一下，但沒甚心情，因此請你收混亂一點的貨，不好意思． 我對師兄培養令公子/令千金的意見如下： 1) 收晒佢地D玩具，等佢地得閒無事要唱下歌解悶 2) 參加學校的音樂活動，鼓勵學習簡單樂器。（但有時學校學音樂是有壓力的，這樣雖可推動他們學習，但卻不一定使他們熱愛，真麻煩！） 3) 閣下自己學習樂器，我覺得這一點很有用，試想採菊小時候也是因為見到父親吹竹笛，繼而產生興趣，他並沒要求我們學吹，但我最後還是自己把玩著吹奏，這是切切實實的身教 4) 都係收精美玩具，收電子遊戲機，收電腦......（說笑而已，那些日子不再了） 5) 即使不習樂器，也可和小朋友一起唱唱歌，採菊在學時主修聲樂，深感歌聲就是最好，最簡便，最便宜，最動人的樂器，一家大小一起唱歌，絕對是勁開心的親子活動！（雖然我未試過）你們試過聖誕節一起唱聖誕歌沒有？ 我相信自小多唱歌，能訓練良好的音準，節奏和聽音能力 6) 你自己也多聽音樂，使小朋友也受感染 7) 收晒佢地Ｄ電子遊戲機，電腦，卡通產品玩具......（總之我就是想到這點，真麻煩） 8) 扮晒無能力比佢地學音樂咁，等佢地知道得來不易 採菊親眼親耳見證現時很多家長愛子女心切，要低聲下氣求Ｄ仔女學習各種課外活動。據我訪問過多位鋼琴教師發現，為數不少的學生，是為了父母學樂器的，他們會說：係媽咪迫我來學既。又或：學校規定要考試。 有一個情況很奇怪，我發現當我問一些小朋友對(例如學業，課外活動等)的感覺時，他們的語氣和表情，十分真實地反映了他們是為了圓父母的心願而被迫努力。十分不願意講多謝。這是真實情況，他們「岸居居」木無表情的樣子，看了也替他們辛苦。 我見過師兄的小朋友，活潑可人，精靈趣緻，希望你們一家大小一起享受音樂，樂也融融．

轉貼之前的留言 採菊至今只參與過兩個留言區，以下轉貼上次給朋友的留言，求其當係補充練習，怕沉悶的大可拿去墊煲低，覺得無料到的可以拿去火化，顯示思路不清之處的也歡迎各位當作思方習作，隨意斬隨意插． Note Nr.: 35 from 2000-01-23 15:01:49 by 採菊 email: chengyinhung@hongkong.com url: no homepage 西方思潮和殖民主義把西洋音樂捧成了一種「高級玩意」，而香港的家長則把鋼琴和小提琴看成了這種高級玩意的代表，紛紛樂於把子女送去學鋼琴和小提琴（思考一：同樣是樂器，為何很少家長會叫子女去學古箏和二胡？）。∼∼然後，香港文化和教育制度則把音樂教育邊緣化至可有可無的狀態：有些中學根本早已不設音樂科了，就算有，也絕少讓學生上音樂課上到高中（思考二：你認識的中學中，有幾間是設有音樂會考課程的？）；至於音樂上有出色表現的學校，看來很重視這科，但事實上，它們的音樂老師很多時都只是校長手下的一只棋子，（保良局的某學校什至以現金獎勵在學校音樂節中帶學生取得高分的老師，以純金校章獎勵參與音樂活動的學生）。∼∼好！現在問題來了：到底人為何要學音樂？是為了高貴的身份抑或是純金校章？當父母和學校都不真正了解和正視這個問題時，我們的小朋友應當如何惜從？真正的藝術教育，除了是技巧的習得和對美的追求外，似乎也應讓人在藝術中得到陶造（思考三：為何常聽人說音樂可陶冶性情？），我們教育下一代，並不是希望他們每一位都成為出色的演奏家，或是全都能在不同的樂器考試制度中取得嬌人成綪,而是希望透過音樂去豐富他們的人生，陶冶他們的品格。這種對一個人的生命影響至大的科目，一般都被學校視作（或侮辱作）「閑科」。∼∼當我們的社會、學校和家長都未認清學習音樂的重要目的時，就很容易會造就出像0000一般未能顧及他人感受，也不珍惜學習機會的學生（我真的不知他／她是誰）；而極難生產出像家禎和宇榮那般對音樂有熱誠、有創意，而最重要的，是找著人生方向和理想的音樂人（家禎說：可以沒妻子，不可以沒有音樂；而榮則為音樂放棄了一分高薪的專業工作）。榮，你說鋼琴教師「不成氣候」，而我則覺得這不只是個別教師的氣候問題，而是整個香港的文化氣候，根本就不利於音樂教育。∼∼說到這裡，我寄語香港的所有樂器教師：你們的責任可真不少啊！因為有不少幼苖掌握在你們手中，這些「小小音符」，真的未能透過其他途徑（例如學校和父母）去好好了解音樂，認識音樂，讓音樂成為他們生命的一部分，他們有時犯錯，真的需要你們的諒解，因為他們也不知學音樂的真正目的是什麼，而這個問題的答案，則有待你們告訴他們，不只是用愛心和耐性，還要加上相當時日，去矯正他們過往錯誤的價值觀。其他科目的老師我不敢說，但音樂科的老師，是絕對可以「以生命影響生命」的，既然香港的學校沒有好好把握這個機會，那一群又一群由家長手中送到你們門下的學生，就真的要靠你們了！

請高人出山 NA師兄，之前的功課，真是十分隨手寫的，希望你不要介意．（或許大部份你都想到了！） 採菊讀音樂只取了個虛名，在文哥及各隱形的班門前弄斧實在是冷汗直流．故在此籲請各位真正認識古典音樂的專家朋友，不要再匿埋，快點出來寫多點東西吧！

學樂器 嚮N年前我識彈today四個chord走天涯。實不相瞞，老餅最近不惜對低殘既樓價再踩一腳，開始學一種相當慘烈既樂器，諗住「刺激」下d細路咁話。以目前進度來看，至少佢地會學識mug叫做唔怕瘀...

閒聊 如果你有結他低，練下邊彈邊唱會很好耶！因為你可以替全家人伴奏，齊齊唱歌！

你之前曾說怕和小朋友一起學樂器，未必及他們學得好學得快．我有另一種看法． 我覺得成年人對於理解樂理和讀譜，應該是比小朋友更易掌握的．因為你的理解能力照理一定比他們高． 另外，成年人對於自己肌肉的控制，或許也比小朋友容易和準確一點． 小朋友比大人優勝的地方，我估計（所以說我是虛名，凡事不敢肯定）是經過訓練後，他們的動作會比成人靈活，先天的不足（例如手形，身高等）仍有很多機會改善． 另外就是他們有條件專心練習樂器，不用搵錢供樓，不用搵錢開飯，不用為子女學習樂器的事而弄得半夜三更仍然在線......

是故...... 假如你想成為演奏家，現在才開始苦練，成星的機會極微，但普通玩玩是絕無問題的，我認為只要有聽覺的人都可以學習樂器，能否成功關鍵不在年齡，而在恒心和時間． 要成為演奏級，就真是要由少兒時代開始培訓了．

《結局篇》 變心問道：「校長，做乜搞成咁呀？俾人「片」完黎呀？」 李國章搖了搖頭。 浩然說道：「係咪想叫我地帶返個口罩呀？」 李國章又搖了搖頭。 文迪說道：「你想問我地邊個係冰狸子，係咪？」 李國章亦搖頭。 長老從洞中捐出來說道：「我知，你想話俾我地知，放假唔使返學。」 李國章又再搖頭。 天越說道：「你…你唔係想話俾我地知，香港變左…變左…疫阜下嘛？」 李國章再搖一搖頭，然後伸手解開口罩。 天才掩鼻驚道：「唔通……，唔通你中左招？」 只見李國章合起雙眼，然後深呼吸，再一次振臂大叫：「港台李天命個網就黎放大假喇！！！！你地仲唔快D上去睇下~~~~~~」 眾人一聽立即奪門而出。 「嘩！快D返屋企上網喇！」 「等埋我呀！」 「阿文呢？」 「死左喇！」 「嘩哈哈∼∼∼∼∼∼∼∼哈哈∼∼∼∼哈哈∼∼∼∼∼∼∼∼哈哈∼∼∼∼」 ───完───

採菊姑娘發神經? 文哥,二胡我只學完第一把位咋,手指硬到老師都絕望,而且唔夠長做保留指......唔好話人知我學過就真! 哈哈哈~~~~嘩哈哈哈~~~~~~~~

唉! 小花生小時候也學了六年的鋼琴, 心不甘情不願, 為的償還父母的心願. 現在想起來, 也真覺得是大浪費. 那些金錢, 如果父母捐出去給吃不飽的人, 該能為他們積多一點福, 也可以造福社會.

乜忽然笑得咁斯文？ 採菊，你好聰明，所謂一里通，百里明，你專攻一個把位，練到爐火純青之時，自然威力無窮，俾起我地「走上走落」實在有智慧得多。 小花生，你學左六年鋼琴呀？即係高手啦！真係唔聲唔聲，嚇你一驚。失覺哂！-_-|||

採菊 我真的很同意, 香港根本沒有音樂教育的環境. 音樂需要投資的時間心血太多, 跟香港急功近利的大氣候相沖, 你話點搞? 很奇怪, 我姐姐跟兩位堂細佬還有我, 小時候跟同一位老師習琴. 我們的性格興趣才能各異, 但結果都是全面的放棄, 是環境沒有sustain到我們的心志不堅. 因為路途真的艱苦而寂寞.

文 //:小花生，你學左六年鋼琴呀？即係高手啦！真係唔聲唔聲，嚇你一驚。:// 你唔見我話比錢我學琴係side米飯咩, 我唔係謙虛, 係萬分感慨! T_T

六年喎！ 小花生，六年時間都唔算短個喎！點都會有小成卦！ 我o係度歎緊茶呀，正！

我的課堂音樂教育 老餅中學時跟同學仔學彈today四個chord都係得到老師鼓勵咋。 話說當年有個同學仔擺左支殘殘地既吉他係班房，間唔中小息彈黎追女仔用既。我見咁「有用」，當然要拜佢為師啦。學左少少就梗係要練習下。我就專揀上數學堂既時候練坐係最後排練，好好人既阿sir就會話：「何同學，你唔好上堂-尤其唔係上音樂堂-彈吉他啦！」經佢咁樣「鼓勵」，喜歡搞鬼既我就更加肉緊練習，終於習成四chord走天涯大法...好在會考數學科亦都合格

文 我都歎緊百合糖水呀! ^^ 我諗唯一既小成係令我覺悟, 勉強係冇幸福架! 不過我隻耳都仲得, 可以欣賞人地艱苦既成果!

百合糖水？好口福！ 小花生，我D茶好正架！飲左就好似行左一次山咁正架！ 我一陣去睇棟篤笑呀！^^

文 咁正既荼, 係咪要用山水泡架? 你睇完棟篤笑, 可唔可以請你寫番篇睇後感, 或又作個故呀, 請請!

錯左 係"茶"唔係"荼"

唉… 剛剛睇完棟篤笑返黎，隔黎坐左兩條麻甩仔，兩個人食一袋雞蛋仔，又乸支汽水出黎飲，我最忌呢家野加嘛！搞到我要縮埋一邊坐，唔係幾集中睇。不過咁，為左記念張國榮，我會不計後果，幾大就幾大，我打算睇一次春光乍洩去哀悼佢。死就死啦！ 今次棟篤笑覺得無之前咁好睇，等出碟時再睇下先。

有同感 //今次棟篤笑覺得無之前咁好睇// 1997年秋前算帳好笑好多。

我睇第一場，都覺得大笑位少過以前。

連「浩劫灣」都宖返出黎講 睇怕佢真係𤨓乾𤨓淨，無乜新料矣。

阿文哥 哈哈哈哈哈哈哈哈哈哈哈! 一定係天意既安排................阿尼路亞! 你就投向藍...............

我睇佢份稿應該上年中開始寫，所以呢兩三個月嘅料都欠奉，有啲 out。 但係佢有啲睇法都係刁鑽。

哥哥 睇<< 烈火青春 >>呀ma!

文哥~ 搭訕的.... >飲左就好似行左一次山咁正< 乜野茶咁神奇? o_0

到500條了 相信文哥一定很歡喜

501^^ 採菊，雖然你幫我將個價位推到五百，我都好感動，但係明明十二點都以做到既野，你唔使搞到三點幾至做假！ ________________________________________________________________ 新亞老兄，我都覺得早幾年既棟篤笑好睇D，我現場睇都覺得唔夠D舊碟好睇。個坐又有野咬，咁既環境都仲唔清潔好D，都唔知係咪響隔離果兩隻野處走過黎？ ________________________________________________________________ 吳小姐，我琴晚果場有講梁錦松，話佢唔會偷步，因為佢無咁醒。又話佢返屋企見到個新老婆、新女、新車，無一樣係好腳頭。都有講下張國榮。 ________________________________________________________________ 小花生，《烈火青春》呢套戲呢，如果而家公影我想會好睇D，一來變成張國榮既遺作，二來，你記唔記得當年個導演響臨上畫搞左場試影，點知D人睇完大鬧意識不良，搞到要剪片，個導演真係慶過辣雞。 ________________________________________________________________ 祖鐘，因為D茶有好濃既原始風味，滲著青草香味，好有山川氣息，令我想起行山，我今日一返黎都急不及待沖返黎飲。 D阿伯行完山就去飲茶，我飲茶就已經等於行埋山o勒，我覺得應該拎出市面賣就o岩，如果行到上山，再可以品嚐一下呢種茶……或者響文華酒店廿四樓個露台度呷番一口，張國榮都唔捨得咁快死呀！ 至於係乜野茶？作者無講，你問採菊啦！

>至於係乜野茶？作者無講，你問採菊啦！ < 採菊採的嗎? 唔通係菊花荼....

非也非也 祖鐘，正過菊花茶好多！

//:D阿伯行完山就去飲茶，我飲茶就已經等於行埋山o勒:// 我讀呢個thread D 貼文就如飲埋茶行埋山睇埋棟篤笑....不過文哥篇野重好笑!

《鄉村騎士》 明月姑娘，聽見你咁講我先至舒服D，因為我發覺呢一版成日都得我一個人係度自言自語，留十隻字都無人覆一隻字，搞到我覺得自己好似黐線咁，係間中有呀心同採菊得閒出黎指教一下。好彩呢兩日都多返D人，可能係臨別秋波啦！ ________________________________________________________________ 講返音樂先，頭先走去HMV聽左卡拉揚指揮馬斯卡尼既《鄉村騎士》間奏曲，果種美妙既感覺真係……如果熄哂燈有套靚音響咁聽就正o勒！ 果種感覺，就好似電視上果D女性用品廣告所形容果種境界，真係人都唔想做……我意思唔係話聽左要去自殺，而係想話呢種係好高既人生享受。當然，唔係叫你去用果D女性用品至有呢種享受，因為廣告係呃人既，如果唔係俾人呃左，點解D女人要將D野掟哂落街吖？就係： 用完， 發覺唔得， 掟落街！ 唔好話我講得核突，我相信呢個係佢地要掟「野」落街既兩個理由中既其中一個，我依家響度講我就話：「相信」係，如果o係私底下同你地講，我就會話：我「知道」係。我絕對可以以一個受害人既身份提出呢個控訴！ 總之：卡拉揚指揮既馬斯卡尼《鄉村騎士》間奏曲，好野！

文哥 唔係架,我一直都有睇架. 不過正如我之前所講,對音樂冇乜認識, 唔敢亂咁插咀,驚一插咀講錯野就比人插死就無謂啦!

講埋呢句要鬆人 而飲採菊既茶，就好似聽緊卡拉揚指揮馬斯卡尼既《鄉村騎士》間奏曲咁。 如果一邊飲採菊既茶、一邊聽卡拉揚指揮馬斯卡尼既《鄉村騎士》間奏曲、一邊睇採菊的詩、一邊聽阿心拉小提琴、一邊聽小花生誦經、同時又望住明月姑娘個樣……咁既享受，張國榮都唔捨得死啦！ ______________________________________________ 明月姑娘，咁我都唔係下下都講音樂既o者！

所以你唔講音樂既時候我咪加下口咁囉! 好啦,明天見!

明月姑娘早晨！ 吳小姐，你話我「最專」既意思，如果係指我「專」縮埋o係呢一版既話，咁你都講得o岩既！ 我都搞個選舉先： 最豪：吳蘭露 奇怪你個樣都唔係咁豪o者！仲幾嬌俏吖！ 最小：小花生 最大：大華 最老(自認)：新亞老兄 最勁：安地 最勇：採菊 一個大姑娘去行山仲唔算勇？山賊見到佢都要匿埋呀！ 最叻：天才 最醒：天越 最圓：明月 最狗：九十幾個網名分身扮鬼扮狗果D人。 最可愛：呀心 最好人緣：採菊 最德高望重：顧曲 最唔使瞓覺：採菊 最鐘意燒野食：文迪 最………唉！ 呀心失左蹤幾日，都唔知係咪入左營。 採菊響隔籬俾我話兩句又抗議唔出黎。又可能學香香公主食樹葉食出事。(我睇其實係佢唔瞓覺俾阿媽罰佢無得上網就真) 無左兩位台柱，呢台戲都幾難唱埋落去，小弟不如提早放假可也。有好野介紹請電郵聯絡，或到全球最大、最好玩既李博士網站：《智者與遊俠》搵我啦！請呀！ 遺言： 採菊，明月，各位鄉親，小弟有一事相求，請勿托手踭，由於肺炎同戰火開始漫延到網上，呢個留言區停牌在即，請你地響九號晚將呢一板既價位盡量推高，保持o係杜雷斯指數既成份股，將跌幅收窄，唔好俾佢拋離大市。同埋可以入多幾手「這裏說甚麼都可以」。呀心又失左蹤，所以靠哂你地喇！

停牌在即••• 祝李老師、各網友身體健康，遠離肺炎！ Alex Chu ^@^ (戴了口罩)

出o黎 哈哈...估唔到冇上幾日, o的留言多到睇唔晒. 你地唔好走住先o刺. 我未睇晒o的留言又回應唔到..嗚嗚.... 我呢幾日係真真正正咁摺埋. 係屋企練琴, 睇書. 出左一次街去hmv, 見到karajan 的新碟. 想買但又覺得貴喎 文兄你有冇留意到呀? 文兄, 呢條line 全靠你ja. 你走左, 實冇人上o黎o架. 講多陣先啦... ________________ ________________ asia老兄, 太客氣o刺. 我好好好好讚成你同仔仔女女學小提琴. 一齊拉係好好玩架/ 我都係好大個先去學. 係難o的. 但我實在太喜歡, 所以冇放棄到.

文兄 係8號晚

雜聽性動物 正在聽流行曲, 即使某些被認為質素不高的本地流行曲, 我也會喜歡聽, 可以聽得十分陶醉, 也曾向文兄提及, 我家裡的流行曲唱片非常多. 因為聽得很開心,所以特上來留一言, 請支持本地流行樂壇, 只要用心聽, 你也可以聽出很多樂趣.

文哥:你好! (o岩o岩先開機，o岩o岩先睇到) //：最圓：明月 ：// 明月也有半彎時 - 當我決定口臭既時候！

咦? 用老千手嗎? 有元千你來相會 --- 我很有錢, 快來會我~ 無元見面不相逢 --- 原來你係窮鬼, 我唔識你 :P

雜聽性動物 採菊，咁你鍾唔鍾意聽U2呀？我覺得佢地pop得黎好有感染力，尤其是live，真係無與倫比。Rattle and Hum隻dvd將U2的舞台魅力表現無遺呀（Sunday Bloody Sunday無得頂）。N年前��影藝上映我馬上仆去睇，而家亦間唔中播返隻dvd回味下。

......其實呢 我最中意聽蘇永康囉......

兵磅！！ （跌倒聲）

哈哈哈哈哈∼∼∼∼∼∼

哈哈哈哈∼∼∼∼ 係咪想唱首牛石謠比我聽呢？ 哈哈哈哈∼∼∼∼∼∼

psb萬歲! psb萬歲!

師兄 我都知你實引倒佢出來， 仲唔多謝我？

牛石謠係乜傢伙？ //我都知你實引倒佢出來， 仲唔多謝我？ // 嬕？我引左邊個出黎呀？小花生乎？psb又係乜傢伙？死火勒，點解我聽唔明既....

師兄 你聽唔明係因為我唔夠專心，哈哈． 呢度無左文哥唔惦 連李生都一次過覆四野幫佢造市 文哥唔該你快Ｄ番出來！

採菊 晚上真係冇幾可見過阿文哥!

小花生 乜你唔知我同佢係廿四小時輪班制既咩？

採菊 即你係輪通宵果位?

小花生 我地"猜情尋"講好話邊個贏左，就邊個輪夜晚，結果大佬文三鋪都輸，好唔忿氣，比我輪左夜晚，佢勁唔抵得，咪日日都晌度嘈生晒話叫我去訓，仲連李生都搬埋上抬！想我捱唔住一下失職，就要讓個夜更比佢做囉！

採菊 你千祈唔好比佢既奸計得逞呀!

古典音樂家的專輯 近日經過書店,知道大陸三聯書店將會出一套古典音樂家的專輯,每個音樂家一本書加三隻CD(德國留聲機出品)...正!

Ronald 多謝你上次回覆．告訴你－－ 歡樂的童年是天賜的， 歡樂的成/中/老年可以自求！

採菊 不用多謝~ 我真的真羨慕能彈奏樂器的人,更佩服技藝超群的人.記得採菊提過之前曾彈奏Horowitz的琴,技藝之超群可想而之.有時自己會想,如果可以彈奏貝多芬和李斯特等大師的名曲,不是要表演給人看,而是去享受自己彈奏出那些觸動人類心靈的音樂,感受人琴合一的境界(開始癲癲地,sorry),真的可以無憾了,好,發夢完畢,繼續羨慕好了....

Ronald 當天技藝超群的是我的同學，不是我． 你可以學琴呀！！

Ronald 當天我只係上去玩下沾少少光． 若你想學琴，我可試幫你找老師．

Ronald 你好！請問你知唔知呢套古典音樂家的專輯幾時有得買呢？

採菊, 新亞兄 採菊:很感謝你的美意,但一切都要等出來工作之後才可以決定. 另外我已決定在未來十年與荷馬,莎士比亞和托爾斯泰等人大戰一百個回合,不知還有沒有太多時間學琴. 現在能欣賞音樂大師的作品,遺憾可以減少一些.另外一些就讓文學大師和人生中美好的事物去填補好了...他日有幸見到採菊的話,可否"露兩手"呢? 新亞兄:我亦不知道那套書會於何時推出,目前只知道每本的售價是$86.如果我見到有得賣,到時再通知你.或者你可以到一些大陸書店(如文星和博學軒)問一問.

低能 低能

低能 低能 下面以低能留言，並非原來的低能。 本低能人只針對那些比本低能人更低能的人，如大聖王，本低能人相信下面自稱低能的人是大聖王，請各位明察。 低能人上

喜歡 挪威的森林 詞、曲：吳俊霖 讓我將你心兒摘下 試著將它慢慢溶化 看我在你心中是否仍完美無瑕 是否依然為我絲絲牽掛 依然愛我無法自拔 心中是否有我未曾到過的地方啊 那裡湖面總是澄清 那裡空氣充滿寧靜 雲白明月照在大地 藏著你不願提起的回憶 (藏著你最深處的秘密) 你說真心總是可以從頭 真愛總是可以長久 為何你的眼神還有孤獨時的落寞 是否我只是你一種寄託 填滿你感情的缺口 心中那片森林何時能讓我停留 或許我 不該問 讓你平靜的心再起漣漪 只是愛你的心超出了界線 我想擁有你的一切 應該是 我不該問 不該讓你再將往事重提 只是心中枷鎖 該如何才能解脫

踩場？D睇場去哂邊呀？ 網編呀！，我呢版話哂都係繼採菊果版最有品味既，做乜會俾D「低能人」上黎掃場架？唔該你斬哂佢啦！一係你就將佢既IP、地址、電話、身份証號碼俾哂我，我自己搞掂，我會話俾衛生局知，話果個人有肺炎。

提早取消休假 李博士真你客氣，響度連轟四炮，連呀心都有份，真係暢快。 阿採菊仲好野，一接手呢一版，就大把人過黎，真係魅力沒法擋(李博士無形容錯)，佢果版仲厲害，衝破一千大關不但止，仲俾李博士地氈式轟炸，真係痛快。 原來係聽晚停牌，咁就o岩o勒！小弟聽晚同人食飯，食完一於上黎同大家一齊掃貨。

請留下你們的電郵地址 各位網友︰ 留言區即將暫停，在餘下的一天多一點的時間，如果你有興趣，就請你在這個題目下，加入討論時，在電子郵件一欄中，加入你的電郵地址。等到留言區重開時，我們會寄電郵通知你們。 所有在這裏留下的電郵地址，只會用作上述用途。請各位放心。 趁此機會，謹代表香港電台網上廣播站、以及我的同事，再次謝謝各位的光臨和參與。祝各位 一帆風順！ 萬事如意！

網編 你快D幫我產走D「低能怪」好過啦！

仍然係茶都冇杯，水都冇滴。大抽獎又冇！ 唔多客氣喎！ :-}

我應該給哪一個好呢？

這個 我給這個

Done.

如此這般。

到

網編，你橫掂都係回覆o者！點解唔黎我果版捧下場呀？

@_@ 等！

*^

謝謝網編 :)

多謝網編刪去我的「testing」 這裡是否每人只可發言一次呢？

回時間人第二個舖 咁你咪答咗你自己囉？

學琴 睇返之前採菊的留言，真係獲益良多。 諗返自己點解要學琴呢? 係因為父親話我聽學小提琴係好難，佢學左一陣都冇學。我o的堂阿哥學左一陣都冇學。個琴就係屋企到發mold. 個個都係貪得意。 我就係唔信，結果自己on 居居去買琴話學! 而家, 爸爸都話我叻! ^^ ----------- ----------- 我有個同學佢話細細個時無端端係夢到聽到一首歌( romance de amour) , 原來係佢爸爸係到彈緊結他。佢之後就喜歡了結他，仲叫爸爸教佢。

:-) 到.

哦 就係咁

E-mail 留了.

Bye !

唔止你阿爸吖！我都成話你叻架啦！ 呀心，你有無睇我話響HMV聽卡拉揚指揮既《鄉村騎士》架，你仲問我有無留意？ 我個外甥就犀利o勒！電視賣情歌CD既廣告，佢可以記得有D乜野歌。 佢老豆仲犀利，原來佢有份參與上個星期既超級市場搶灘戰，據報導，D師奶不斷掃米，掃到：「呢D係乜野米黎架？」唔理咁多，買左至算。有個阿婆買左成箱麻辣公仔麵，我覺得個阿婆食左箱麵，仲慘過肺炎。 而佢就不斷掃罐頭，公仔麵，燒賣、雞翼、廁紙……話自己從來未試過咁豪，成車滿哂，點知佢打電話話俾老婆知，我個妹話：「陷阱，快D撤退！」佢即時走人，架車既貨當然成為其他人既獵物矣！

我都留/溜 :)

... ...

辛苦啦...謝謝 ^^

有緣再會 有緣再會!

我都要準備出發。

驀然回首 ......

Re: 文 [2003-04-07 17:03] 那不太好吧。低能怪也嘗出現在我的「後面」（但無法斷定牠是否衝着我而來），但又何必介懷牠的動靜呢？再者，除了低能怪外，難保將來不會有白痴怪、智障怪、無聊怪等怪獸襲擊，焉能盡剷？不要留把柄給低能怪把你笑個正着好嗎？

網頁編輯 有道是重賞之下必有勇夫，嗱，你幫李天命影番一輯貌似辛勤工作的照片send給有留低email的人，分分鐘回應的人數可於一日之內直逼採菊所開的題目哩！^^

向網編請安!

ok, done webmaster, thx.

留！

謝網編 ^^ You are wonderful ^^

真係睇唔到^^ 真係醜死鬼...

我個貓樣係 --

冇問題 ^^

總要有人留吧! 我到了兩日就放假,唉,煩請網編通知!

外甥 你個外甥真係cute. 佢已經識咁多英文? 講開，我個堂細妹俾佢媽咪訓練, 兩三歲識得背唐詩。仲要係知個意思，唔係死背。

呀心 唔係英文，係中文情歌。 聽晚呢度「啦屎」你黎唔黎趁熱鬧呀？

後會有期! 賓尼@你個頭.com

wo di dain you 網編好似唔多會覆電郵 (上次0個個可能睇都冇睇過) 不過都係留一留 話時話 玲間吉屋都仲陰雲不散 比網編收左0的野係咪都會係咁的 好似唔係幾好@@"

oic 多謝網編

經驗之談 萬一各位對數日一封的港台推介有點...那個這個.... 可以依貓 rthknmu@rthk.org.hk, 打句: 吾不欲收到有關RTHK ON INTERNET之電郵 :-目

can't wait i'm in

我留 我再流~

sorry make mistake

我又留 有勞網編了！

後會有期 Thanks & Bye~!

呀心 插咀：呀心你學小提琴學左幾耐呀？同埋有無玩其他樂器呢？ 我現在學緊「慘烈」樂器覺得自己d手指好唔靈活，認真事倍工半。我覺得女孩子手指纖幼一點好似比較易上手d，對嗎？

我又來！ \(^o^)/

TO : 網頁編輯 對不起！ 多謝東壁提及那吉屋，否則忘了跟 網編說對不起。那不牽涉利益，(推 銷這地方純粹是因為那是一個美麗 的地方，否則我不會在那裡住了六 年。)不過好像做了宣傳，所以網編 刪掉了是對的。

我都留了!

Πx(Ix→Mix) 說明： Π：全稱量詞； Ix：x是網友； Mxy：x想念y。

網頁編輯 不用客氣！^^

網編 咁我個樣靚唔靚呀？

明月 看不到，天上多雲．

再會 謹祝李博士、網編及各位網友生活愉快!

張海澎 咁你守下先啦！

明月 我怕守到雲開時月已缺．

守月 <守月> 花未謝 雲未開 日未去 夜未臨 我把缺憾收起 待一次圓

睬! 個個月都有十五架嘛! 嘩,差D寫左個個都有八月十五架嘛! 嘩哈哈哈........

謝網頁編輯大人! ^^

回吳蘭露第二個鋪 刪左咪乜都無囉~ (親愛的)網編： 你(們)又可否留下一個電郵給別人在這半年提供意見用呢？

盡地一煲狂留字 看來連網編也來個盡地一煲狂留字 (o^.^o)

當然要o黎啦!! 文兄，以為你講緊日賣夜賣個隻英文情歌碟tim ^^ --------- --------- new asia 老兄，我中四先開始學，真係好遲呀! 有一排又要考會考高考，都停左。我唔識其他樂器，唔... piano 識用雙手彈下o的歌仔，我諗唔算識啦...hehe...牧童笛識吹下龍的傳人咁... ^^ 拉violin好講手腕柔唔柔。隻尾指有冇力。我因為長期冇用尾指，學果時真係好慘，望住隻尾指，但feel唔到佢。就好似唔係自己的一樣! 手細都唔係咁好。所以我話呢男仔學好好多( 文兄，是嗎??) 。我隻手都好大架，不過我隻手好硬...大得o黎冇用. get 唔到你學緊o的咩樂器呀可唔可以講英文名呀...

文哥開講 文哥，我係果邊開定個壇等你續繼開講 hehe

呀心 你都算好啦！ 我雙手細得來又硬呀！ 咪仲死！

乎慘烈也者... ...係聽起來令人覺得好慘烈咁解，並唔係要模倣英語發音。 尤其練條E線時，真係「殺死人」，左鄰右里無投訴，巳經好比面。講到呢度，怕且你都巳經估到十之八九啦。

紅藥年年為誰生 牟取暴利為牟利 牟取福利為眾生 牟取哲道為萬里

康慈！ 我知文哥又會鏟......！ 康慈！採菊深感榮幸！你竟然記得我首最佳笑柄詩！哈哈！ 文哥，鏟少次啦，唔該呀，淨係呢次遮，下次我唔干涉你地呀！

謝謝網編

明白~ new asia 老兄, 皆因文兄成日以中代英，我一唔明就以為係"英文中文化" ^^ hehe. 係呀. e string 係擋雞聲. 你學緊乜major 呀? A Maj? 用乜書呀? 一講起violin, 我可以好多野講o架~ -------------- -------------- 採菊，我呀sir教我要係每隻手指與手指之間放到一個5蚊銀，耐左，隻手就可以撐得好大。^^ 有時上堂冇野做, 坐車冇野做, 就玩手指, 整大o的左手的手指間的位.

風再起時..... 網編姐姐,十月再會.希望你一雙美麗的眼睛沒有看得太多留言而近視深了,好好休息~

親愛的網編 採菊心裡一直有網編，不過好像沒在甚麼題目和你傾談過．（又或許是你已化名和我們傾談過？） 採菊覺得你（們？）真是十分專業和十分負責任，做事很有效率，而且要把留言全部檢視也不是好玩的事．再說我們每次留言也是要求多多，甚至在搗亂檔攤時您還是好言相向！真多謝你的包容和諒解！ 網編給我神秘莫測的感覺，真要點唱一首<<網中人>>給您（們？）！

少年4月10月時 網編姐姐 小弟e mail是 --- 希望你美麗的眼睛，美麗的耳朵，美麗的鼻哥，美麗的嘴巴繼續美麗．

補漏 海澎: Πx(Ix→Mix) domain : {吳蘭露}

呀心 我都係座車，聽書聽到無聊，就係度猛咁撐手指，擘大個虎口貼住檯邊大力壓，又或者用左手的手指撐開右手的其中兩隻手指等． 我老師教我，每次要擘八度前，就先擘九度，咁就會易Ｄ擘八度，後來發現< >真係好駛好用，練到酸痛死之後，八度果然易彈左．然後先可以學習放鬆......噢！我講既係鋼琴．

是＜＜Hanon＞＞，練手指的琴譜．

see you @ here . october 親愛的編輯，無以為報，僅此致謝！ ^___^

網編早安^.^

再補漏 Πx(Ix→Mix) domain : {吳蘭露} 個體常項 i=翔.

謝謝線上所見最出色的網篇! :)

就放假啦~ 網編大人~ 再見啦~

我會記著 可愛的網編 我們一起走過的日子！:P

休息在即 本留言區行將休歇，吾謹祝編輯及各方網友在此"非典型時期"依然身心康寧，頭腦清醒，待本區重開之日能再次"百家爭鳴"！

死別生離 才剛剛進來，就要別離 ... >_< 幸好趕緊在最後一天補上電郵地址！ ^_^

呀心，點解你地唔駛訓？ A major？哈哈！無咁快，學左唔够兩個月咋！都仲係熟習緊C major d 位。不過老餅以前唱過choir，有少少樂理底，所以scale既理論都能勉強應付。同埋以前彈過四chord走天涯，所以左手手指唔怕痛。但係音準就真係慘不忍聽，加上右手常壓弓，搞到鬼哭神號咁。 用既書係-你唔好笑-係《少年「條」崎教本》（個「條」字個竹花頭打唔到）因為搵唔到一本「老餅教本」，雖有頂住檔先啦。我好中意Canon架，所以你地話學兩年就可以試拉卡農曲令我非常鼓舞。我希望三年內可達到呢個目標。

請留下你們的電郵地址 編輯,李先生,各網友: 你們好! 千里之路,成於起行;所以小弟要趕緊跳上(已經開出)首航的思考郵輪-船尾。 ^↑^

網編大人 深深一拜!

問得好 新亞老兄，你問得好，呢度D大姐真係個個都唔使瞓既！ 我原先重以為你學結他添！以老兄既年紀先去學小提琴，小弟聽見都好感動，你D家人聽見你既琴聲，除左感動之外應該仲好自豪添，老兄有此壯舉，對一眾音樂教師來講，無疑是打了一支強心針。 希望老兄學成正果之日，以老兄既第一小提琴、呀心既第二小提琴、採菊既第一二胡、小弟既南國二胡，再加上小花生既鋼琴領奏，響崇光門口，拉奏一曲《卡農曲》，必定令樂壇掀起一陣波瀾，亦為香港既音樂史寫下可歌可泣既一頁。 勞力呀老兄！我地靠哂你呀！ ________________________________________________ 康慈，你好野，搵到採菊出面，今次就俾面採菊，算你好彩，下次鏟你過商台。

文哥 多謝晒！

到

採菊 你多謝網編仲好啦！

Let the cat out of the bag! By 'asd' I mean: Assure all of you the Service here in this platform is absolutely Decent. This is no secret as all participants can see how the service is and feel how you are entertained. However, my regret is : There are indeed a lot of meaningless messages here, either deliberately or unintentionally left over. Those messages remain will foreover remain because they have become the everlasting History. Bye, our 'Webmistress' !

謝謝!

Thanks for all you have done for the past few months!

致網編 自貴站看張以來，我便一直有留意與閱讀一些網友的留言，因我也曾聽過李先生的課，並感到他在思考邏輯上實在令在下佩服；而這些留言也確曾帶給我一些見識與更多的娛樂。此外，我也覺得閣下的工作效率很高，而且回應也很得體有禮，使這留言能保持一定的格調，謝謝。 也順道跟各位網友打招呼並道謝。

麻煩妳了 不覺又到最後一天……十月再見！

感謝網編前輩 感謝網編︰ 因為我不太清楚網編的性別，所以不敢稱網編為哥哥或姐姐。但網編一定是在下的前輩，因此， 感謝網編前輩

唉，難道小越不可以寫成...... "感謝網編︰ 因為我不太清楚網編的芳齡，所以不敢稱網編為前輩。但網編一定是在下的哥哥或姐姐，因此， 感謝網編哥哥或姐姐" 再一次，唉．．．．．．．．

給大佬文－最後一份功課 最後的功課 1) 小五時假想自己有一個住在遠方的哥哥，寫了封“給哥哥的信”，老師把它投至＜＜公教報＞＞，結果第一次在華比銀行領了十元稿費。當時十分”恨”錢，財迷心竅，所以在小六時試寫一首頌揚母親的類近新詩豬肉芝麻物體，再得十元。第一首類詩物體是為錢而寫的。 2) 以後保持平均每年大約出產類新詩物體1/2至1首。通常是在懶惰和拖宕得沒時間寫交隨筆時，在課堂上極速起貨。（嘻嘻！我發現有些老師很易騙過去的，她們可能都不知用何標準來評分，大多給我一個平時的印象分。） 3) 三個月前發現李天命網上思考網站的人不務思考正業，卻跑去寫詩，於是就有樣學樣，東施效顰，糊亂豬肉芝麻一番。 本人至今所作的類新詩豬肉芝麻物體只有十多首，其中約一半是今年一月後作。 ─────────────────────── 類古詩物體 1) 第一次試寫是在大學畢業後兩年，在圖書館寫，內容大約說一個少年郎營役半生，到他發現還沒做最想做的事時，經已白髮蒼蒼，垂垂老矣，老套之至。該首類古詩物體七言四句，不顧平仄，但有押韻。可惜連自己都不收貨，不停修改仍沒滿意，即棄，不算是第一首。 2) 第二次試寫是在李天命網上思考站，為應節寫芍藥詩一首，結果一炮而紅不說，還得了個我自己頒發給自己的最佳笑柄大獎。我根本不知道詩完來也要講平仄的。謝謝文兄塞錢入我袋！ 本人認為要堆砌一首類詩物體，比寫一篇流麗而有意思的散文，容易何止千倍；而要寫出一首感人而美的詩，又比寫一篇平平無奇的散文困難何止千倍！ 現在的採菊，對於寫字，最苦惱的是太多錯別字（中學有老師不肯扣我錯別字的分！累死人！）還有就是太多沙石，不突破的話再寫下去也沒有意思。 我也學李生說一句"功德圓滿".再見！

With best wishes Thanks for your kind help la!! With best wishes^__^

ronald 唔好意思, 走左過尼lee邊. 你果兩本書都真係令小花生都望而生畏呀! critique of pure reason 就直頭係小花生望塵莫及既! 我已經有兩大本佛性與般若, 都諗住向佢地燒香算啦! war and peace 我就好似有d責任要睇, 但係又真係見到都心慌慌喎. 唔知點算. 俄國文學我係chekhov既fan屎. chomsky有個site架, 我一陣比你! 同埋你係邊個台見到佢呀? 你就好啦!

乜最後一份功課呀！ 採菊，我響遊俠區幫你開左個專題，花牌都送埋，你唔使多謝我，多D過去玩下啦，果邊保安好好架！有管理員(打手)三班輪更制，各位採菊既擁躉，過去果邊簽個名啦！

唔係好夜je new asia 老兄, 我最初用係用紅色果本"條崎", 但o的歌仔都唔好聽o既。兩個月之後轉左呀sir, 佢話用suzuki，o的歌仔好聽好多呀! "條崎"注重基本功，小朋友可以慢慢學。 suzuki 唔係好講基本功 ( 可能佢assume 呀sir 都會教)但o的歌仔真係好好聽，拉到果時真係好開心架。 我記得我平均兩堂學一首歌仔，唔使一陣，就可以"表演"下咁。hehe ^^ 我見你話拉e string，估你學緊a maj o麻。真係個個都唔同，你學c maj 先, 我就係學 g maj 同a maj 先。因為a maj 個do 音其實係空弦。好易架! 你都喜歡 canon? 我有譜呀。你喜歡的話我可以scan 完email 俾你~

文 我特登過尼幫襯你架. 睇怕今日你尼到可以過600卦!

開始掃貨 小花生，有你呢個超級買手響度，我就穩陣好多喇！ 在呢個網既營業其間，可惜李博士無新書出，否則一定可以刺激一下話題，下文發表於《從思考到思考之上》出書之日，內容同當時的留言話題好有關，所以未必人人睇得明。希望十月呢度復活之時，有李博士的新書消息啦！ 《等書之旅的起點》 彷彿在學海無涯的書海中摸索，忽然出了本封面黑蚊蚊的書，那種黑法或像睇睇下書突然無電，或如詭辯者忽爾被人踢爆之後的嘴面。黑蚊蚊的結果，就是封面越黑，白色的書名越亮，跟住睇完又睇，睇到黑、睇到爛、睇到甩皮甩骨、睇到本書一陣味，然後等新書出。 但係一年一年咁過去，等到我們穿過山、潛過水、食完飯、洗完碗、掃埋地，等到病，等到好返，又等到復發。等到中國收返香港，日本又收返釣魚台，等到董建華連任，日本換了十幾個首相，然後繼續等呀等，數住歲月的年輪，睇住電訊盈科由廿八蚊跌到得返個六，等到九九年世界末日，點知又無事，等到下一個世紀，由白韻琴放監等到謝霆峰被人拉咗，馬騮變人，人又就嚟變返做馬騮。 等到中國申辦奧運失敗，到申辦成功，世界杯入唔到圍到入到圍，入唔到波到入到世貿，等到無無聊聊上網講書波變成講愛國，無得賭波就賭本書幾時出，等到書店個老闆都認得我，等到等無可等，拎返本封面黑蚊蚊嘅書出嚟睇，睇到連裏面都黑埋，等到本書由直排變橫排，平裝變精裝，精裝變古裝，由第一版等到四十版，四十蚊一本變八十幾蚊一本，等到被人話：「點解成日都睇呢本書嘅？」等到無野好睇，唯有睇金庸，睇雍正，睇康熙，睇黑洞，睇住陳道明由做皇帝到做賊，等到羅密歐黐咗線、拉登唔等得要郁手，等到世貿冧樓，等到將軍澳地鐵通車。 等到話下年出，到下年又話要下年，跟住又話等書展，等到下一屆書展都結束，新一屆又嚟緊，話三月尾出，到三月尾又話要四月尾，四月尾又話要五月，等到廣告都出埋嘞，點知又話加嘢要六月出，六月又話七月，七月又話「應該」書展會出…。 但係，當我們懷着不熄的希望，藏住甘澀的記憶，抱着深層的無奈(>c<)，被人話係精武門入面個「胡譒譯」，等到份工朝不保夕，無啖好食，D銀紙又貶值，銀行猛減息。等到成日問人考試未？問完又問，考完又考，等到就嚟畢業，畢咗業又返去旁聽，讀完又再讀，錄完又再錄。 等到無哂心機，痴痴呆呆，傻傻更更，懞懞閉閉、癲癲喪喪（@o@），等到幾廿歲人有正經野唔做，上網搞冒名、玩分身、扮學生、無果樣、Up果樣。等到精神分裂、自問自答、自吹自擂、自己做咗嘅嘢就話見到人地做、語無倫次、成日改名、搞到見到自己個名都唔認得。等到ip都「黃」哂，有好人唔做，有書唔教、有數唔計，搞到被人「捉」、被人鬧、被人「斬」、被人起底，被人叫睇精神料醫生…。 最後終於等到本書出版時，我們會驀然驚覺，我們等了成十年才出的書，原來大部份內容已經0係十年八年前睇過哂，而這些我們又係一早就知道嘅，咁都仍然照等，係因為：如果呢本書唔出，咁下一本書又點會出呢？正所謂： 買了新書/ 勢必要睇/ 而今問題竟是：/ 「下一本書要幾時出呀？」——等啦老友！

卡農曲 呀心！有無簡譜呀？

大佬文 其實只要你一言, 我一語, d貨就好掃清架啦! 仲有, kung喜你飲左採菊仙子既茶, 據聞此茶飲後會令人文思日進架!

文兄 睇到你再貼這篇文章，不禁想起那句： 三年又三年，三年又三年，十年都唻緊喇！ （年份可隨意改動）

好野！ 小花生，我正在飲緊採菊既茶呀！勁嘆！你飲左未呀？^^ 我要早走呀！呢度靠哂你喇！

二五仔女 老宗你都黎左呀！其他人都黎啦！

文 我.........寒.........底! 同埋 你.........點.........可..........以.........就.........咁..........走.........架!

寒底？花生都寒底？ 嘩！小花生，你無電呀？我原本約左人食飯，諗住食完飯就上黎掃貨，但係飯局取消，咁我咪諗住撤退先o羅！

我都食飯啦 一陣見!

頁輯 網編，睇住個市呀！有人又出黎搞事呀！呢個網咁旺，你肯定有職升加人工啦！睇緊D呀！唔好手軟呀！

哈囉！ 大家好！

補飛 昨日忘了多謝網編，睇場辛苦哂！

What a sad day! See you in October!!!

失誤了 網編哥哥or姐姐， 無論網編是哥哥or姐姐，是大我一年或細我十年，都是我的前輩。

亞力士好！ 橫掂都係最後一日，都係留耐D啦！走落街買左一碗叉雞飯、魚蛋、生腸、鹵水鴨翼、生果盤、薯片、蛋卷，加埋採菊神茶，一於增強戰鬥力，玩埋呢晚。如果大家見我忽然無聲無氣，好能釘左，請幫我報警，呢度好多人都知我地址。 百佳D雙拼燒味飯賣到九個九一碗，都唔知係咪想推「臨」果市？大家小心。

推「臨」市…… 點只推「臨」市，直頭頂爛市添！ 睇到而家既物價水平，大家都明白我地以前係食貴飯用貴野…… 文兄，過幾日得閒點去探你！

食完飯同魚蛋生腸 而家食生果。老宗，如果你想要油就好過來入貨喇！遲下無架喇！

網編, 你好有心呀, 遂個回覆 ^^ 不如第時加個網上賭沙蟹, 等我地同李生賭翻鋪啦! 不過是否很難做到的 ^^! 雖然平時冇咩留言, 都跟不上留言, 因為忙/難上網/冇材料/冇研究思方, 但希望在假期能抽時間看, 吸收日月精華後, 能同大家討論下, 或有時間玩下啦 臨別我想我要說聲謝謝. 謝謝謝謝各位! 祝大家健康愉快! 將畢業/劈了炮的能找到工作/喜歡的工作, See you later :):):):):):):)

講返音樂先 呀心，如果我有D舊既小提琴書，係一D小提琴家寫既關於小提琴演奏既書，係中文譒譯既，你要唔要呀？ 最後一日，顧曲前輩出黎同大家打個招呼啦！好嘛！

趁熱鬧 小花生,我尋日o係星期一檔案見到Chomsky呀...有d似"閃亮的風采"個男主角.

冇你點得？ 文哥： 呢個thread最有資格謝幕o既係阿文哥，你坐定係度，唔好走開呀！我已經舉定手，一於拍爛佢o架la。 重有要多謝採菊，小花生，明月等等等....為我地提供好多開心同有用o既網站料。 180日後再見，珍重珍重！

將來有心情就放Ｄ相在上面！與眾同樂！ 康慈的相簿網址是： http://hk.photos.yahoo.com/aaaahong1977

食完生果 依家食鹵水鴨翼。 ^o^嘩！小人隨口一句，想不到前輩真的露面，乜前輩咁叫法呀！真係折煞小人了。 D碟o岩唔o岩睇呀？嘻嘻…唔o岩小人可以再提供D精彩D既，保證前輩滿意為止。

因為康慈只有二十五歲！ 感謝網編︰ 因為康慈不太清楚網編的芳齡，所以不敢稱網編為前輩。但網編的芳齡一定是在下的哥哥或姐姐，因此感謝網編哥哥或姐姐及其身邊的技術指導多時的照顧！

chomsky http://www.zmag.org/chomsky/index.cfm

文兄 西樂好難有簡譜o架喎... 估你都識轉o架啦，咁你又要唔要呀? 你不如睇完果o的小提琴書再用你的"re-phase 功" 寫出o黎俾大家睇啦^^ 係呢條line 玩左咁耐, 真係唔想停呀...

顧曲 小花生都好仰慕你架!

食飯去也！ 小弟要食飯啦！ 出面風大雨大，一於留耐o的打多o的o野啦！

阿文大佬 我今晚食杯麵! 你尼度唔駛小花生d貨都會比人掃清. 咁我就樂得清閒, 睇電視去也! ronald 估唔到竟然係星期一檔案!

小花生食完飯喇！ 呀心，攞命咩？我寧願你睇完，用個琴拉返D內容出黎o羅！係o勒！介紹你識，呢位係「顧曲」，猛人黎既，你今日遇到真係有福o勒！ 你可以過去《遊俠區》繼續架！

記錯左..... sorry呀,小花生,好似應該係"鏗鏘集"

詩詞欣賞 賦別 鄭愁予 這次我離開你，是風，是雨，是夜晚 你笑了笑，我擺一擺手 一條寂寞的路便展向兩頭了 念此際你已回到濱河的家居 想你在梳理長髮或是整理濕了的外衣 而我風雨的歸程還正長 山退得很遠，平蕪拓得更大 哎，這世界，怕黑暗已真的成形了…… 你說，你真傻，多像那放風爭的孩子 本不該縛它又放它 風爭去了，留一線斷了的錯誤 書太厚了，本不該掀開扉頁的 沙灘太長，本不開該走出足印的 雲出自山谷，泉水滴自石隙 一切都開始了，而海洋在何處 「獨木橋」的初遇已成往事了 如今又已是廣闊的草原了 我已失去扶持你專寵的權利 紅與白揉藍與晚天，錯得多美麗 而我不錯入金果的園林 卻惡入維特的墓地…… 這次我離開你，便不再想見你了 念此際你已靜靜入睡 留我們未完的一切，留給這世界 這世界，我仍體切的踏著 而已是你底夢境了……

有緣再見 小花生 你仰慕我乜o野呀？我除左年紀可以比你仰慕之外，就乜都冇o架喇。:p 我再次多謝你提供o既「料」，令我可以四處逛，好開心。謝謝。有緣一定再見！

食完鴨翼，而家食薯片。 真係感動，如果連李博士都黎埋咁就好o羅！ 前輩有命，咁就盡量留耐D啦！橫掂出面橫風橫雨，就留響度先啦！ 亞力士成十點食飯呀？ 小花生，你同顧前輩既留言居然同時，真係有緣，恭喜恭喜！ 又講返音樂先，採菊講起流行曲，我都推薦大家聽許冠傑、關正傑、鄭少秋、葉麗儀等等既歌，黃家駒未死果陣既「便安」都好好聽。另外，可以聽五六七十年代既英文歌，八九十年代既都好聽，不過就唔同味道o勒。

masters..... 講開音樂,今日買左三隻cd, 分別係"masters of the violin","masters of the opera" 同埋"masters of conducting"....你地有冇見過呀? 之前已經買左隻"masters of the piano",雙cd黎架,第一隻碟d音樂好正...第二隻就唔識欣賞啦,因為大部分係現代一do既鋼琴曲(如Rachmaninoff果d)....講真其實唔覺得好聽,有冇人鐘意聽呢?

A very late reply See you all in October, or whenever this forum reopens. Bye! ^_^

朗勞 有呀！我買左《媽士打巴洛克》，《媽士打小提琴》。剩係聽第一首柏格尼尼就已經值回碟價啦！

文哥 帕格尼尼全部都正... 第四首"流浪者之歌"都好正...重有第二隻碟第二首Elgar o既"愛情"都好好.

食完署片食蛋卷 朗勞，咁卡拉揚果套孖碟你有無聽過呀？我之所以聽古典音樂都係因為佢咋！

卡拉揚.....想買但冇買 一口氣買左三隻碟,加埋果隻有"男乳"歌的"愛情蒲X英",已經大出血左四舊水,卡拉揚隻精選碟成百二蚊,又唔夠"masters of conducting"咁多大師(請原諒我的膚淺),我又唔知佢係邊個....所以最後都捨棄卡拉揚取masters啦. 卡拉揚真係好正?

文哥 我都食完飯啦. 係呢度關門前再同你打多次招呼:-) 你放心、咁多人捧場,呢度今晚一定排頭位!塲 重有多謝顧曲前輩竟然提及明月個名,好開心、榮幸！ (我其實成日係度發口痕,一向都冇乜好介紹)

呀心、文、採菊 剛剛打完兩個鐘羽毛球，又再筋骨盡碎。 canon既譜我要呀！可否伊比我，我個臨時伊貓既貓樣係 africantogo@yahoo.com 你send個貓比我我再send個常用貓樣比你丫。（網編唔駛delete我個伊貓address呀，係臨時用架咋） 呀文哥介唔介意比我知你個伊貓樣呢？如不嫌棄，請同樣send隻貓比我啦。 採菊，我有你隻伊貓樣 (o^.^o)

好野！ NA老兄過左600大關！

開不到新題目？ 是不是討論區已經封了？ Testing ...

恭喜明月做咗第 600 個。

600*\(^v^)/**\(^v^)/**\(^v^)/**\(^v^)/*好野好野…… 新亞老兄恭喜哂！

網編妹妹 老餅個名唔好認呀，我年紀不小，再加上「折舊率」高先自稱老餅咋。 祝你青春常駐，身體健康！

明月 我收返剛才嘅恭喜。 恭喜 NA 老餅做咗第 600 個。 亦另外重新恭喜明月，做咗第 601 個，基於九一妙心呢個真理，老餅佢永遠做唔到你嘅 601 ，你亦做唔到佢嘅 600，恭喜恭喜……

吳蘭露 多謝多謝.

小花生，我都整返首詩先 最是那一低頭的溫柔， 象一朵水蓮花不勝涼風的嬌羞， 道一聲珍重，道一聲珍重， 那一聲珍重裏有蜜甜的憂愁—— 沙揚娜拉！ 呢首詩響另一邊無人估到係邊個作，我睇顧前輩睇第一句就已經估到。 新亞老兄，小弟電郵：nghingman@雅虎香港 網編，拿！等我謝完幕你至好拉閘呀！吓！

開到了！ 對不起！終於趕及開到新題目了！ 剛才試了 3 次才成功，加上只剩最後 1 小時 ... ... 幾乎流汗了！ ^^"

不知不覺做左600 我打完波，食完飯一返黎就上呢到，哈，無心插柳柳成蔭，我要去買六合彩！ 文哥，第一眼見到你d啦啦隊公仔仲以為你用粗口符號閙我搶左你個600添，嚇得我丫...

psyche 你咁趕，但係你想賜教定係「討教」呢吓？

哈哈哈 文哥, 隨處摸, 小心肺炎呀!

你好,再見~* 輕輕的我走了 正如我輕輕的來 新來的,剛相遇,又要暫別了... 有緣再會=P (勞煩編輯大人好心機~*)

吳大小姐602*\(^v^)/*好野！ 明月同吳大小姐一到，搞到呢處好有節日氣氛。 呢處休息，希望可以網下見。 新亞老兄，D啦啦隊原來用來謝幕架！

小花生 你係咪驚我一邊食野，一邊周圍摸呀？唔使驚，我分開用唔同既手，做唔同既野，同埋我不斷去洗手既！依家食完o羅！

文 首詩隨處摸寫架!

//:我分開用唔同既手，做唔同既野:// 我知文哥用隻右手囉野食既、咁隻左手呢？亞文哥隻左手用黎做乜架？攞

徐志摩 明月，我係右手食野，左手摸老鼠。 小花生好勁呀！！*\(^v^)/**\(^v^)/**\(^v^)/**\(^v^)/*好野…

祝李生長命百歲，身體健康，事關... 文：//買了新書/ 勢必要睇/ 而今問題竟是：/ 「下一本書要幾時出呀？」——等啦老友！// 李生，你要燕窩人參既話就儘管出聲啦，最緊要你快d寫好d書來渡嬕我地，我大吉利是講句，我驚我無你咁長命呀...

採菊 呀文哥...佢..佢....佢...... (冇野,等呢個thread排頭位jek!)

死火 我估應該要用「討教」二字 ... 嘻嘻！ 希望李博士大人有大量，唔好介意！ ^^

送比大佬文既簡筆字大禮 http://shui.www.50megs.com/book/poem.htm

人參？我又要！ 新亞老兄，李博士最緊要既係：新鮮空氣呀！ (-__-)y--~

好玩，多謝！ 多謝網編，呢半年好好玩，又學到好多野，希望你工作愉快，升職加薪！

辛苦了 多謝網編！

多謝哂！ 小花生，我會慢慢睇！

網編好！及時報到！ 謝謝謝謝 謝謝謝謝 謝謝謝謝 謝謝謝謝 十月見:)

顧曲 我就梗係仰慕你既才華啦! 有緣見! ^^

(-__-)y--~ 你個吸煙look好掂呀！ 有無辦法整埋佢頭髮執陰出黎呀？

新亞老兄，咁得唔得呀？ ( --’’_’’--)y--~

似有留海多喎!

唔通…… 明月，採菊好似失左蹤喎！係咪一個人去左行山呀？ 嘩~~~~~~~~~~！！！

可能係送哥哥呀!

Fine though I am not interested....

秋後算帳吧!

我也一留~

//:可能係送哥哥呀:// 咁夜？乜都送完啦下話. 可能採菊而家唔聲唔聲,一到十二點就彈出黎,一野將佢個市托上頂都唔定架.嘢

多謝網編!!!! 猜不到網編這麼晚都"開工". 謝謝網編這半年的辛勞!! See you in October!!!

做乜呀？ 明月，你唔使咁托市下嘛！

保持水準先 繼續講音樂：卡拉揚 朗勞，卡拉揚係上世紀三大指揮之一，另兩位係伯恩斯坦同蘇堤爵士，佢可能係最有米既指揮家(有待採菊証明)，任何大師都緊係有讚有彈架喇！不過聽卡拉揚既演譯起碼「穩穩陣陣」啦！

音樂雜食人 除左U2之外，我都幾喜歡Solti指揮既芝加哥樂團既貝多芬作品。

多謝晒網編 保重^^

冇問題 new asia 老兄, 下星期即送到(^^) 包你即刻拎個琴上o黎拉! 仲可以同人夾duet ! ___________ ___________ 文兄, 我第一次上o黎就"撞"到你，我真係學到唔少野，尤其係你介紹果套amadeus, 我自己睇左兩次，叫埋同學仔一齊睇多一次。^^ 多謝! __________ __________ 在此呀心同大家講聲: 再見! 後會有期! \(^v^)/

還有十分鐘 "放假"了 ! 臨別依依 ~~~ 原來在掛念李博士和網友的同時, 也會掛念網編! 網編, 一直辛苦了 ! 多謝你 !!!

嘩，文兄要堅持到最後一秒呀？

訴諸權威 文哥,我信你架啦,等我"經濟復甦"我就會去入貨,thanks~ 睇黎都差唔多要話別啦,遲d去你地盤行下啦~ 各位得閒都上一上去"智者與遊俠度睇下啦,後會有期~

bye bye

謝謝各位和李老師.

謝幕！ *\(^v^)/**\(^v^)/**\(^v^)/**\(^v^)/**\(^v^)/**\(^v^)/*好野好野…… V (^。^) 大功告成＼ (^▽^)(^▽^) ／多謝各位(^__^)y (∩_∩)幸苦大家o羅！＼ (^ ^＼ )( ／^ ^) ／好高興呀！ (☆_☆)呀心，全靠你咋！ *\(^v^)/*好野！　仲有採菊呀！顧曲呀前輩呀！ *\(^v^)/*好野！　明月、小花生、朗勞、珊珊 *\(^v^)/*好野！　新亞老兄、羅拔臣、洪子、亞力士 *\(^v^)/*好野！　安地、祖鐘、吳蘭露、大華、變心 *\(^v^)/*好野！　仲有開呢一版既plenti 再見.！ 康慈~~~~~~~~~!！臨走都整返你一拳先： 0(‵′) OOOOOOOO(>﹏<)”←康慈