New Asia 老餅

bye bye

音樂雜食人 除左U2之外，我都幾喜歡Solti指揮既芝加哥樂團既貝多芬作品。

(-__-)y--~ 你個吸煙look好掂呀！ 有無辦法整埋佢頭髮執陰出黎呀？

小孩 老餅想寄幾本二手麥嘜給你，可否send個伊貓比我呢？我個臨時伊貓係africantogo@yahoo.com 我另有常用的伊貓address的 只係二手野來，小小心意，所以你千祈唔好客氣推辭。

祝李生長命百歲，身體健康，事關... 文：//買了新書/ 勢必要睇/ 而今問題竟是：/ 「下一本書要幾時出呀？」——等啦老友！// 李生，你要燕窩人參既話就儘管出聲啦，最緊要你快d寫好d書來渡嬕我地，我大吉利是講句，我驚我無你咁長命呀...

不知不覺做左600 我打完波，食完飯一返黎就上呢到，哈，無心插柳柳成蔭，我要去買六合彩！ 文哥，第一眼見到你d啦啦隊公仔仲以為你用粗口符號閙我搶左你個600添，嚇得我丫...

網編妹妹 老餅個名唔好認呀，我年紀不小，再加上「折舊率」高先自稱老餅咋。 祝你青春常駐，身體健康！

呀心、文、採菊 剛剛打完兩個鐘羽毛球，又再筋骨盡碎。 canon既譜我要呀！可否伊比我，我個臨時伊貓既貓樣係 africantogo@yahoo.com 你send個貓比我我再send個常用貓樣比你丫。（網編唔駛delete我個伊貓address呀，係臨時用架咋） 呀文哥介唔介意比我知你個伊貓樣呢？如不嫌棄，請同樣send隻貓比我啦。 採菊，我有你隻伊貓樣 (o^.^o)

呀心，點解你地唔駛訓？ A major？哈哈！無咁快，學左唔够兩個月咋！都仲係熟習緊C major d 位。不過老餅以前唱過choir，有少少樂理底，所以scale既理論都能勉強應付。同埋以前彈過四chord走天涯，所以左手手指唔怕痛。但係音準就真係慘不忍聽，加上右手常壓弓，搞到鬼哭神號咁。 用既書係-你唔好笑-係《少年「條」崎教本》（個「條」字個竹花頭打唔到）因為搵唔到一本「老餅教本」，雖有頂住檔先啦。我好中意Canon架，所以你地話學兩年就可以試拉卡農曲令我非常鼓舞。我希望三年內可達到呢個目標。

乎慘烈也者... ...係聽起來令人覺得好慘烈咁解，並唔係要模倣英語發音。 尤其練條E線時，真係「殺死人」，左鄰右里無投訴，巳經好比面。講到呢度，怕且你都巳經估到十之八九啦。

木 請問你是佛教徒嗎？

呀心 插咀：呀心你學小提琴學左幾耐呀？同埋有無玩其他樂器呢？ 我現在學緊「慘烈」樂器覺得自己d手指好唔靈活，認真事倍工半。我覺得女孩子手指纖幼一點好似比較易上手d，對嗎？

我又留 有勞網編了！

小孩 李生常說：「心比腦貴。」老餅年少時在教會學校長大，對基督教有基本認識，但談不上有什么獨特見解，所以無緣參與你們的辨論。但老餅由衷覺得小孩沒一般基督徒那么「迷信」，心態也比較開放和願意真心聽聽非信徒的看法。 李生不此一次勸大家做人處世要多注重禮貌。小孩的一些辨論對手容或有意無意地咄咄逼人，但我估計小孩不會放在心上的。

Ronald 你好！請問你知唔知呢套古典音樂家的專輯幾時有得買呢？

尊者 and 明月 老餅係一塊過左期既餅，記錯野就真係一d都唔出奇（所以我話係「印象中」）。若果大家咁肯定，之前的貼文可減去「工人」二字，可得出「印象中李生入來時係著住一條類似褲既物體」。（開個玩笑咋，唔好鬧我呀。）^^

牛石謠係乜傢伙？ //我都知你實引倒佢出來， 仲唔多謝我？ // 嬕？我引左邊個出黎呀？小花生乎？psb又係乜傢伙？死火勒，點解我聽唔明既....

兵磅！！ （跌倒聲）

雜聽性動物 採菊，咁你鍾唔鍾意聽U2呀？我覺得佢地pop得黎好有感染力，尤其是live，真係無與倫比。Rattle and Hum隻dvd將U2的舞台魅力表現無遺呀（Sunday Bloody Sunday無得頂）。N年前��影藝上映我馬上仆去睇，而家亦間唔中播返隻dvd回味下。

十七年前的李生 老餅仲係一塊新鮮出爐既New Asia嫩餅的時候第一次見李生，係上思方第一堂。我仲記得當時班房有一支光管壞左閃閃下，印象中李生入來時係著住一條類似工人褲既物體。我心諗，呢個人梗係黎換光管既，佢一入到黎就蹲在講壇後在找什么，我以為佢梗係搵緊光管啦。點知佢從講壇後一彈起身，手上多左支咪，講：「各位同學....」 老餅經過往後十七年既風吹雨打，早已青春不再，而頭上青絲從uncountable變成countable，但係我可以做證，李生十七年來一d都無老到，而頭上既髮型，仲係十七年如一日....

明月 好啦，話你知啦。佢地痾得出，重好暢順添！

臨睡前報料 港大停課，臨床、教育心理系趁機徵召碩士學生義工，針對有關非典型肺炎引起的情緒問題，用電話提供基本心理輔導。此項服務據說從4月5日開始。

連「浩劫灣」都宖返出黎講 睇怕佢真係𤨓乾𤨓淨，無乜新料矣。

在世界終結時最想做既係 如果今日就係末日，我會同老婆仔女一齊，等佢地唔駛驚.

有同感 //今次棟篤笑覺得無之前咁好睇// 1997年秋前算帳好笑好多。

我的課堂音樂教育 老餅中學時跟同學仔學彈today四個chord都係得到老師鼓勵咋。 話說當年有個同學仔擺左支殘殘地既吉他係班房，間唔中小息彈黎追女仔用既。我見咁「有用」，當然要拜佢為師啦。學左少少就梗係要練習下。我就專揀上數學堂既時候練坐係最後排練，好好人既阿sir就會話：「何同學，你唔好上堂-尤其唔係上音樂堂-彈吉他啦！」經佢咁樣「鼓勵」，喜歡搞鬼既我就更加肉緊練習，終於習成四chord走天涯大法...好在會考數學科亦都合格

文：無呀！ 上次大tutorial走人既時候無留低聯絡方法，淨係上堂時留左個伊貓比盧子，可能手文（民？）之誤...阿文哥幫幫忙可唔可以叫負責聯絡o個位（亞力時？）加我個伊貓落去呢？ 貓樣如下： daryl_hk_ho@hotmail.com 感激不盡！

小花生、採菊 星期六無左既節目，說的是「綜合組」嗎？

學樂器 嚮N年前我識彈today四個chord走天涯。實不相瞞，老餅最近不惜對低殘既樓價再踩一腳，開始學一種相當慘烈既樂器，諗住「刺激」下d細路咁話。以目前進度來看，至少佢地會學識mug叫做唔怕瘀...

老餅今日小休，賦閒在家。 有勞麥姬了。

「內庫」比「垂庫」強 「只能稱為『准內褲』，即『內庫』， 或稱為『准准睡褲』，即『垂庫』。^^ 」 「內庫」令人聯想起「內裡有一強大軍火庫」，勁！「垂庫」似暗喻「倉庫內的垂垂老矣」....

不靈不銳一答法 「// 頸巾當了睡褲用 // 誠意請教： How? ^^ 」 相樸手穿法，如果李太唔介意既話...

睡褲當頸巾用 是因為頸巾當了睡褲用？

謝謝呀心、文 掛住「反戰」個thread，幾乎唔記得要回來這裡多謝你倆。老餅人到中年，望返轉頭，才發覺讀書讀埋d「唔啦更」既野係最好玩。另一個遺憾，就係無學一樣半樣樂器，所以好羨慕你地識玩二胡、小提琴。

謝謝採菊 昨晚打左兩個鐘羽毛球，筋骨盡碎，返屋企無開電腦就沖涼訓覺。今朝起身，見到你寫既音樂成長經驗，開心都黎唔切，又點會唔收貨袐！ 又，老餅如我，由零開始，想pick up一樣樂器，比如話小提琴，你話好唔好呢？同小朋友一齊學一樣野係好大既挑戰，因為分分鐘佢學得快過你、好過你，咁老豆既尊嚴好快蕩然無存...

A good website on the ethics of war The ethics of war

The ethics of war Introduction Human beings have been fighting each other since prehistoric times, and people have been discussing the rights and wrongs of it for almost as long. War is Bad The Ethics of War starts by assuming that war is a bad thing, and should be avoided if possible, but it recogn...閱讀更多

The game will be too easy There are only a few ways to run a city well, but almost infinite number of ways to make a mess.

Powerlessness Benson: //It’s human nature to destroy themselves. // This is precisely the cause of the feeling of powerlessness. There's not much people can do but watch the killing and suffering. Isn't it pathetic?

採菊 不是很不開心，只覺得很憤怒和無能為力。我是個很實際的人，對於助養孩子的問題，曾做過粗略的計算，得出以下結論：如果以微軟的市值（即係Market Capitalisation）或香港的外㻛儲備全用來資助全中國的窮孩子念書，亦只能資助數年而已。如果只靠微軟的盈利，便連一年也資助不了。我們不過是滄海裡的一栗，說到底還是要靠他們自己。

再見熒火虫？看過了。 但是在作為人父之前，感覺很不一樣。最近在報紙、電視看到經受著不可想像的苦楚的孩子，我想我是有一點明白他們的惶恐。

無力感 採菊：「如果甚麼實質事情也幫不上忙的話，我知道我只能與他們一起痛，他們痛多我痛少．"與哀哭的人同哭"（羅12:15），他們哭多我哭少． 我們同樣是人． 不是草木更不是神．」 痛完哭完，憤怒過後，𠈹什實事么也不能做到，只感到無能為力。

It's her, a girl with no name... Click: A Desperate Girl

It's her, a girl with no name... Click: A Desperate Girl 蘋 果 日 報 2003/03/31 稚 女 何 辜 這 是 一 宗 戰 爭 血 案 。 在 伊 拉 克 中 部 一 個 無 人 地 帶 的 戰 線 上 ， 美 國 海 軍 陸 戰 隊 看 伊 軍 躲 在 一 輛 汽 車 後 面 ， 向 他 們 的 陣 地 進 發 ， 於 是 炮 火 子 彈 狂 發 ， 穿 透 汽 車 。 可 是 ， 車 原 來 只 是 一 個 伊 拉 克 平 民 家 庭 的 一 家 大 小 ─ ─ 拉 里 、 他 的 妻 子 和 兩 個 女 兒 。 母 死...閱讀更多

原來大多數人都理所當然地活在不必要的苦難中 只是我們不常察覺而已。 Click： 她看到的會是一個怎樣的世界？

屙？ 屙...唔屙得出，同介紹d mud音樂有關係架？唔係咁神奇咩嘛？

受傷的又何只是軀殼… 只不過是個小女孩 在今世的牌局裡，為什么有些人拿的竟是這種牌？ 李生教我們用神祕樂觀面對自身的死亡、與至親的死別。但如何面對發生在別人身上、令人覺得慘不忍睹的苦難呢？

twisted twins 絕無對女士不敬之意，講下笑而已。事實上男士戴左口罩都唔會有任何令人覺得現仔左既錯覺。 講開男人戴口罩，今日嚮office部電梯見到一面高大威猛既哥哥，帶著一個好似女士內衣咁款既口罩（連側面既帶都似埋），睇真d原來係軍隊迷彩look，好搞笑。

鐵軌上的孩子 馬家輝 – 明報 – 2003年3 月25日 美軍空襲巴格達。如所預料，平民遭殃，一張新聞照片上出現一名嬰兒的近攝臉龐，血肉模糊，無聲無息地躺在母親懷裡。 戰火下的孩子。總是無能為力裡的無能為力，逃不了、跑不動，就只等著、等著，暗暗祈求成為死神網下的漏網之魚。或許所有中國人都記得一張攝於一九三七年八月廿八日的照片，那年那天那個下午，大概是一點左右吧，日機飛臨上海上空，投下如雨炸彈，儘管數量和威力皆遠遜於美軍今天所向巴格達的任何投放，卻足以把螞蟻般在地面走動的中國人炸得肢斷腸離，當時有一位姓黃的替美國傳媒服務的華裔攝影師在火車南站舉起鏡頭，鏡頭前的鐵軌上孤仱仱地坐著一個大約一歲的孩...閱讀更多

朦朧產生美 海澎兄： 老餅個朋友「遊民」話，女士們戴上口罩後，總覺得街上多左靚女。看不清可能更能引起人的遐想，像一千零一夜戴著面紗的美女一般。

文、採菊、呀心 其實我follow你地d貼文好耐架啦，但老餅嚮音樂方面（除左少少史前時期既pop野之外）就mud都唔識，所以一直無機會過來阿文哥呢邊捧下場。 其實想問下你地如果想選一d古典音樂比小朋友聽、刺激下佢地學音樂既興趣，可以比d mud野佢地聽呢？小朋友大概係四至六歲咁上下啦。

夫貝多芬者.... 「背多分」也，即從背後望就值很多分，但正面的話就尚待考證。

距離與美之第一定律 - 貝多芬 如題

Chinese baby Click: Chinese baby There's a story about this picture of a poor little boy, sitting on the rubbles in Shanghai South Station, which was destroyed by the Japanese bombing in 1938. This particular picture, after being published on a US paper, changed the path of history by prompting the ...閱讀更多

反 戰 Let's begin from the past. Chinese Baby - This terrified baby was the only human being left alive in Shanghai's South Station after days of Japanese bombing. Shanghai, August 28, 1937. http://home.uchicago.edu/~yin/orphan . jpg

柳兒 //商務d效率冇得頂呀！我今年2月初嚮佢哋個網訂咗本書而家都未有得拿！// 你住�龰u山卡啦」地方乎？希望無老點到阿小孩啦。唔...會唔會博學堂好d呢？

小孩：洗腸對身體有益嗎？ 回答這問題，可訴諸科學，先從生理學入手。但亦可基於常識，先觀察一下成日洗腸o既人，究竟佢同常人比係健康d、無咁健康丫、定係無分別。假設見到一d有洗腸習慣o既人有失禁傾向（仲係大個種），咁就有理由相信洗腸係有問題既。 同理，了解基督教信仰可從聖經、主流教義、教會教條著手，亦可從教徒言論之中了解。我唔知按小孩理解，這算不算將「基督信仰『依附』在教會教條或教徒言論之中」，但常人要認識一個宗教，好實際地自然會咁做。 又，你提過��加拿大好難買麥嘜，你有無試過��商務o既網頁訂購啊？

不可理解 我認為大部份耶穌所講的道理，如「登山寶訓」，都是很容易理解的。（能否做到當然是另一回事）但daso的留言橫看豎看都是難以明白。 例如：//李天命係量子物理學入面已經完全講唔通啦.. 呀...可以選擇性否定量子物理學入面既野.. 咁佢就可以成立喎// 把諸如此類的話亂說一通之後，就話「請回應」，卻對諸位（如楚鳳歌君）有力的批判挸而不見。如此教徒，認真趕客。 其實好一部份的所謂「基督教教義」，都不過是教會、「神學家」加在聖經上的僭建物而已（例：三位一體、自由意志）。daso君如今企圖在僭建物上再僭建，比人插到「忽然開花」，何其壯觀也！ 之但係daso佢咁樣隨便廢up幾句，就搞到楚鳳歌、K...閱讀更多

To: Editor When this forum is suspended, it might be useful to re-organise these postings by categorising the discussion topics. (For example, there have been many interesting discussions about Christianity and other religions, mathematics, etc). By doing so, it would be easier for visitors to fin...閱讀更多

Dr. Lee Thanks. See you in October.

你不正是儲錢結婚嗎？ 麥兜說這種火雞滋味最高峯的感覺，在他的人生中再出現了兩次。一次是結婚，另一次是媽媽火化的時候。 楚鳳歌提起麥兜火雞論，是否對結婚開始有點猶疑了？

係以為自己望住自己 但其實未見到真正o既自己

To: Man Thank you.

愧為新亞人 錢穆，農圃道新亞創辦人，有座圖書館嚮新亞，同埋精研中國歷史-只係知咁多。 但說來慚愧，小弟真個係唔知佢呢本書係講什么，可否指點指點。

內容 關於中國宗教哲學乎？

變心 李生介紹，必屬佳品 （似賣廣告） 正經：請問係關於那方面的書呢？我對李生所講的「哲道」很有興趣。

自度不成，等人度 謝謝木。 請問這些書都適合初學佛法的門外漢嗎？

請問小花生-關於佛教 可否講講李生介紹了那些關於佛教的書呢？謝謝！ 又，早幾星期，李生在哲學分析課上講佛教、宗教哲學，你有旁聽嗎？

太陽下無新事 阿〔女麻〕已經將近90歲，有D懵懵地。有日佢同我講點解無線新聞會播返D陳年舊片o既？我話唔係丫嘛，你估午夜殘片咩？我以為佢老懵懂，就無再理佢。前晚上佢屋企探佢，見佢睇緊新聞，佢又話：「o拿，又播D陳年舊片o勒。」我睇睇，原來所謂o既「陳年舊片」，就係阿布殊話要打候賽因o既新聞。 果真太陽下無新事。

請問小花生 可否講講李生介紹了那些關於佛教的書呢？謝謝！ 又，早幾星期，李生在哲學分析課上講佛教、宗教哲學，你有旁聽嗎？

Sorry, this is not original A man and his wife were getting a divorce at a local court. But the custody of their children posed a problem. The mother jumped to her feet and protested to the judge that since she had brought the children into this world, she should retain custody of them. The man also...閱讀更多

Rayman 你好掂 尤其講科學 期待更多你的大作!

奉送指南針（或塞錢入你袋） 回Rayman時閣下說：//賭大小這個比喻跟本是兩回事. [行良善和行罪惡]可以<<對比>>[買大小]嗎? 你要愚頑到何時呢? 你怎麼會想到[賭]那一便?? 如果你是良善的就不會想行惡, 想行惡的就不會行善. 你聽得懂嗎? // Rayman的「買大小」比喻明顯是指信與不信，而不是如閣下所指的「行良善和行罪惡」，故此我才點出跟據基督教義，「得救在於信，而不在於行良善和行罪惡」。你聽得懂嗎? 「能量源」這種講法並非出自聖經。恕我孤陋寡聞，未聽過有神學家如是說。你聽得懂嗎? 我之前的貼文，舉了一個例子：「比如有人在一個基督徒的網頁上跟你說…」舉這例子的目的明顯並非真的想...閱讀更多

可憐的「生命之光」啊, 你要愚頑到何時呢? 得救在於信，而不在於行良善和行罪惡 虔誠如使徒保羅，也還有「一根刺」。「立志行善由得我，可是行出來由不得我」你聽得懂嗎? //三位一體的神 本就是一種能量源 // 是那門子的神學？是聖經的教訓嗎？你再說下去，便快要成為異端了。你聽得懂嗎? 又，比如有人在一個基督徒的網頁上跟你說：「我讀聖經, 對先賢在某方面的事件上思考歸納出來的東西很佩服. 他們確是聰明的智者. 但是, 當中遇到聖經上的一些教訓, 卻使人不敢認同. 未知您們當中有人可以給之作詳細解釋嗎? 從<聖經>一書中, 本人對宇宙起源有所研究, 故當聖經談到上帝創造宇宙時, 一些論証使人難以認同...閱讀更多

是什麼問題？ 剛路過，聽說你試過「在宿舍天台大哭著問人生遊戲的問題」。 是什麼問題呢？

遲到無緊要 李生好體貼的，我們在NA飯堂等到五點才上去「神秘地方」，所以小小遲到唔緊要。不過我同我個friend四點來到唔見其他人，仲以為散左band，於是我負責��新亞四圍搵，我個friend則在Canteen等，終於等到...

生離死別 最傷痛：與至親至愛之人生離死別-尤其是年幼的兒女-最令人心痛。以前未有孩子時，對人間慘劇式的新聞沒有太大感覺。生兒育女之後，開始有一點明白箇中悲痛。不知大家是否記得金庸寫【倚天】後記時，說過在寫張翠山自刎後張三丰悲痛欲絕的一段，寫得未夠深刻，要到很多年後自己親歷喪子之痛時，才真正明白死別之苦。 又，讀過李生【夜語三章】的網友，會記得念亡母的一段，讀之令人鼻酸。人世間有此等不可避免之傷痛，才激發人類對生死的苦思。相信好一部份的宗教、哲學思想都是由此而來的。不知大家同意否？

神秘樂觀 達致萬劫不移，即可無懼生死。 與九一妙心無關。

神秘樂觀 符合理性的一個推想 解決生死之道 非常嚮往 想從「福信門」入，但性情不合 「神秘門」（打坐、冥想、內觀？）不知這是否普遍經驗，想進一步探討。 故需要「攝智門」，找李生問道，希望可達致萬劫不移的境界。

Suggested reading George Stigliz (2002) "Globalization and its discontents" A good summary of the problems of today's globalisation trends,

Not free trade, but unilateralism is the problem /小弟非完全抹殺自由貿易的好處/ Pls be specific. /在資本主義與共產主義之間還有其他選擇/ Would like to hear more on this from you. /未必盡然, 設想前蘇聯沒有美國為敵，她大可以強大武力進行掠奪,為其困頓經濟融資/ Would you pls raise real-life examples to dispute "A superpower has to be built on super economic power"? /情形有點像...閱讀更多

Disclaimer I'm not a 崇拜張族者

美國的強大要歸功於...(part 2) It’s true that the US uses its political and military power to protect the country’s interests (through its influence on the IMF, OPEC, WTO, etc). But it is important to note that the US has built a strong economic foundation first before it could exercise its influence on the o...閱讀更多

美國的強大要歸功於... /美國的強大要歸功於其貿易的自由還是其有強大武力為後盾的霸道呢?/ A superpower has to be built on super economic power. In order to understand the rise of the US, it's useful to look at the institutional factors behind. In general, economic development is driven by 3 key factors: (1) increase in labour force and impro...閱讀更多

To: Eros /張五常一族常常吹捧自由貿易的好處/ Economists agree on the advantage of free trade with well-supported reasons. When you use the term "吹捧", you probably implied that free trade is not good. Would you pls explain the reasons behind your view?

真的不敢當 Post之前的留言，原只想跟小心眼兄分享一些個人經驗，沒想到李生會回應。給我起名「目炯」，我是真心覺得不敢當的（但坦白說有小小虛榮。比李生讚𧏿，唔開心是變態的），在網上還是叫返我做NA老餅吧。（上次旁聽問問題時無自我介紹真名係乜，下次見面時補番）

小心眼兄，請保重 若只有自己一人，自然可瀟灑一點。但若有妻子兒女父母要供養，則談何容易。 我亦曾在經濟上作過最壞打算，計劃如失業的話，就申請破產（因負資產），帶著妻兒投靠老媽子（如果她家裡尚可多容一張「碌架床」的話）、讓孩子讀津校、取消所有課外興趣班、不計人工找任何一份肯請我的工作等等。（托賴到今天仍保住了原來的飯碗，但唔知聽日會點...） 總之要放下ego，盡量降低自己的expectations，同埋作「具體」的最壞打算-最緊要係「具體」-這有助你visualize你的困境，亦可幫你減少denial的負面情緒（如有的話）。 只是想和你分享一些個人經驗，唔好見怪。

post 多次，係為玌... ...make sure 李生有機會睇到個message咁讃。唔好見怪。

李天命博士，謝謝你！ 李博士你好！我是新亞經濟系90年畢業生。星期二（1月21日）哲學分析下課後上前問問題、頭髮很少的那個「老鬼」便是我。本想send email比你講句多謝，但後來發現你從來唔睇email（你個account其實爆玌），只好到這裡來。 從前讀你的書、上你的課，都只著重學習思考方法，卻想不到原來在思考之上，有更多薗等待我們去發現。現在人到中年，忽然驚覺宗教信仰在解決生死問題上的重要性（事業上衝刺「一輪」之後唔明白人生最終為了什麼；父母日漸年邁，又有了兒女，開始害怕至親、以致自己會遭逢不幸。）（好老土，但又好真實的煩腦） 很期待有一天能通過你-作為我的「攝智門」-我也可有一天達至...閱讀更多